ཕྱི་ལོ་༢༠༢༡་ཟླ་༡༢་ཚེས་༢༧་ཉིན་སྤེལ། ཉེ་ཆར་རྒྱ་ནག་གཞུང་གིས་བོད་ཁམས་བྲག་མགོ་རྫོང་གི་སྟོན་པའི་སྐུ་བརྙན་དང་། མཎི་འཁོར་ལོ་༤༥་གཏོར་བཤིག་བཏང་ཡོད་འདུག སྟོན་པའི་སྐུ་བརྙན་འདི་ནི་མུ་གེ་གོ་ཆགས་དང་འབྱུང་གཞིའི་གནོན་པ་མི་ཡོང་བའི་ཆེད་དུ་བྲག་མགོ་མི་མང་གིས་འགྲོ་གྲོན་བཏང་ནས་བཞེངས་པ་ཞིག་ཡིན་འདུག

ཕྱི་ལོ་༢༠༢༡་ཟླ་༡༢་ཚེས་༡༠་ཉིན་སྤེལ། རྒྱ་གཞུང་གིས་ལྷ་སའི་ཁྲིམས་ཁང་ཞིག་ནས་རྩོམ་པ་པོ་སྒོ་ཤེས་རབ་རྒྱ་མཚོ་ལགས་ལ་ལོ་བཅུའི་ཁྲིམས་ཐག་བཅད་པའི་གནས་ཚུལ་ཐོན་འདུག འོན་ཀྱང་། ཁོང་ལ་ཉེས་མིང་གང་བཙུགས་ཡོད་མེད་དང་། ག་དུས་ཁྲིམས་ཐག་བཅད་པའི་དུས་ཚོད་སོགས་ད་དུང་གསལ་ཁ་མི་འདུག

ཕྱི་ལོ་༢༠༢༡་ཟླ་༩་ཚེས་༣༠ཉིན་སྤེལ། ཉེ་ཆར་ཟླ་བརྒྱད་པ་དང་དགུ་པའི་ནང་དུ། རྒྱ་གཞུང་གིས་བོད་ཁམས་སེར་ཤུལ་རྫ་སྨད་དབོན་པོ་སྡེ་བ་དང་དགོན་པར་༸གོང་ས་མཆོག་གི་སྐུ་པར་བཤམས་ཡོད་མེད་དང་། ཕྱི་ཕྱོགས་ལ་འབྲེལ་བ་བྱས་ཡོད་མེད་ཀྱི་རྟོག་ཞིབ་ཀྱིས་དམ་དྲག་བྱས་ནས་ཁྱོན་བོད་མི་༡༢༡་འཛིན་བཟུང་བྱས་ཡོད་པའི་ཁྲོད་ནས་དགེ་འདུན་པ་གསུམ་ལས་གཞན་རྣམས་ད་ལྟར་གློད་གྲོལ་བཏང་ཡོད་འདུག

ཕྱི་ལོ་༢༠༢༡ཟླ་༡༢་ཚེས་༡༡ཉིན་སྤེལ། བོད་མདོ་སྨད་རྔ་བ་རྨེའུ་རུ་མ་ནས་ཡིན་པའི་དགེ་འདུན་པ་འཕྲིན་ལས་ལགས་ལ་རྒྱ་གཞུང་གིས་༧གོང་ས་མཆོག་གི་བཀའ་སློབ་དང་། གསུང་རྩོམ་ཕྱག་དེབ་སོགས་འགྲེམས་སྤེལ་བྱས་པའི་ཉེས་མིང་འོག་ལོ་ལྔའི་ཁྲིམས་ཐག་བཅད་འདུག

ཕྱི་ལོ་༢༠༢༡་ཟླ་༡༠་ཚེས་༢༢་ཉིན་སྤེལ། བོད་མདོ་སྨད་རྔ་བ་ཀིརྟི་དགོན་པའི་དགེ་འདུན་པ་བློ་བཟང་ཆོས་འཕེལ་ལགས་ཉེ་ཆར་རྒྱ་གཞུང་གིས་འཛིན་བཟུང་བཀག་ཉར་བྱས་ཡོད་པ་མ་ཟད། རྔ་བ་ཀིརྟི་དགོན་པའི་གྲྭ་པ་གཞན་ཁག་ཅིག་ཀྱང་འཛིན་བཟུང་བྱས་ཡོད་པའི་གནས་ཚུལ་ཐོན་འདུག

ཕྱི་ལོ་༢༠༢༡ ཟླ་༩ ཚེས་༡༧ཉིན་སྤེལ། ཕྱི་ལོ་༢༠༠༨ ལོའི་ཞི་རྒོལ་ཆེན་མོ་དང་འབྲེལ་བའི་བོད་ནང་གི་དངོས་ཡོད་གནས་སྟངས་སྐོར་གྱི་དཔེ་དེབ་གསོན་མིག་རྩོམ་སྒྲིག་དང་པར་བསྐྲུན་གནང་མཁན་བོད་ཀྱི་ཆབ་སྲིད་བཙོན་ཟུར་རྭ་ཚེ་རིང་དོན་གྲུབ་ལགས་འདས་གྲོངས་ཕྱིན་འདུག