༢༠༡༩ལོའི་ཟླ་༨་ཚེས་༡༤་ཉིན་སྤེལ། བོད་མདོ་སྨད་རྔ་བ་ཀིརྟི་དགོན་པའི་གྲྭ་བློ་བཟང་ཐམས་མཁས་ལགས་ལ་ཁྲིམས་ཐག་བཅད་ཡོད་པ་དང་། གྲྭ་ཐུབ་པ་དང་གྲྭ་བློ་བཟང་རྡོ་རྗེ་གཉིས་འཛིན་བཟུང་བྱས་ཡོད་པའི་གནས་ཚུལ་འབྱོར་བ་ཞིག བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་བཏང་སོང་།
གནམ་གཤིས་ཚ་དྲོད་ཀྱི་རྐྱེན་པས་དབྱར་རྩྭ་དགུན་འབུ་དཀོན་དུ་ཕྱིན་པར་བརྗོད་འདུག
༢༠༡༩ལོའི་ཟླ་༧་ཚེས་༣་ཉིན། འཛམ་གླིང་སྤྱི་ཡོངས་ནས་གནས་གཤིས་ཀྱི་ཚ་དྲོད་འཕེལ་བཞིན་ཡོད་ཅིང་། ཁྱད་པར་དུ་མཐོ་སྒང་གི་བོད་ལའང་ཚ་དྲོད་འཕེལ་བའི་རྣམ་པ་ཤུགས་ཆེན་འབྱུང་གི་ཡོད། དེ་ཡང་བོད་མཐོ་སྒང་དུ་ཆགས་པའི་འཁྱགས་རོམ་བཞུར་བཞིན་ཡོད་པར་ཚན་རིག་པས་བརྟག་དཔྱད་བྱས་ནས་ར་སྤྲོད་བྱས་ཡོད་འདུག
ས་ག་ཟླ་བའི་སྐབས་རྒྱ་གཞུང་གིས་བོད་དུ་དམ་དྲག་ཤུགས་ཆེན་བྱས་འདུག
༢༠༡༩ལོའི་ཟླ་༦་ཚེས་༢༠་ཉིན་སྤེལ། རྒྱ་གཞུང་གིས་བོད་ནང་དུ་ས་ག་ཟླ་བའི་དུས་དང་བསྟུན་ནས་ནག་སེལ་གཤེད་འཇོམས་ཟེར་བའི་ལས་འགུལ་ཞིག་སྤེལ་བཞིན་ཡོད་པ་དང་། རྒྱལ་ས་ལྷ་ས་གཙོ་བོར་གྱུར་པའི་བོད་ཀྱི་ས་ཁུལ་ཁག་གི་ནང་དམ་དྲག་ཤུགས་ཆེན་བྱས་ཡོད་པར་མ་ཟད། སྐད་འཕྲིན་སོགས་སྤྱི་ཚོགས་དྲྭ་རྒྱ་ལའང་སྔར་ལས་ལྷག་པས་དམ་དྲག་གིས་ལྟ་སྲུང་ནན་པོར་བྱེད་བཞིན་ཡོད་འདུག
༸རྒྱལ་བ་པཎ་ཆེན་ལྷན་འཛོམས་ཀྱི་སྨོན་ལམ་བརྒྱབ་རྐྱེན་བོད་མི་གསུམ་འཛིན་བཟུང་བྱས་འདུག
༢༠༡༩ལོའི་ཟླ་༤་ཚེས་༢༩ཉིན། བོད་སེར་ཤུལ་གྲོང་སྡེ་ཡི་ས་གནས་བོད་རིགས་མང་ཚོགས་ཀྱིས་བོད་སེར་ཤུལ་དགོན་པའི་རྒྱབ་རིར་བསང་གསོལ་དང་རླུང་རྟ་དར་ལྕོག་བཙུགས་ནས་ཆོས་ཕྱོགས་ཀྱི་བྱེད་སྒོ་སྤེལ་སྐབས་རང་ལོ་༢༠་ཡིན་པའི་བོད་མི་དབང་ཆེན་ལགས་ཀྱིས་ཀུན་ཟིགས་པཎ་ཆེ་རིན་པོ་ཆེ་གློད་གྲོལ་ཡོང་བ་ཤོག ༸རྒྱལ་བ་པཎ་ཆེ་རྣམ་གཉིས་བོད་དུ་ལྷན་དུ་འཛོམས་པ་ཤོག་ཅེས་སྨོན་ལམ་བརྒྱབ་རྗེས་རྒྱ་མིའི་ཉེན་རྟོག་པས་འཛིན་བཟུང་བཀག་ཉར་བྱས་ཡོད་འདུག
ཆབ་སྲིད་བཙོན་ཟུར་ངག་དབང་རྒྱལ་མཚན་ལགས་གློད་གྲོལ་བཏང་འདུག
༢༠༡༩ལོའི་ཟླ་༦་ཚེས་༢༧་ཉིན་སྤེལ། ནག་ཆུ་ནས་ཡིན་པའི་ཆབ་སྲིད་བཙོན་ཟུར་ངག་དབང་རྒྱལ་མཚན་ལགས་ལོ་གསུམ་གྱི་བཙོན་འཇུག་དུས་ཡུན་རྫོགས་ནས་། འདི་ལོའི་ཟླ་༣་པའི་ཚེས་༧་ཉིན་ལ་བཙོན་ནས་གློད་གྲོལ་བཏང་ཡོད་འདུག་པ་དང་། ཁོང་གི་གཟུགས་གཞིའི་གནས་སྟངས་སོགས་ཀྱི་སྐོར་གང་ཡང་ཤེས་རྟོགས་བྱུང་མི་འདུག
བོད་མི་གཉིས་ལ་ལོ་༤བར་བཙོན་འཇུག་ཁྲིམས་ཐག་བཅད་ཡོད་པ།
འདི་ག་གསར་ཁང་དུ་གནས་ཚུལ་འབྱོར་བར་གཞིགས་ན། ཀུན་ཟིགས་པཎ་ཆེ་རིན་པོ་ཆེ་གློད་གྲོལ་ཡོང་བ་ཤོག་དང་རྒྱལ་བ་པཎ་ཆེ་གཉིས་བོད་དུ་ལྷན་དུ་འཛོམས་པ་ཤོག་ཅེས་སྨོན་ལམ་བརྒྱབ་རྗེས་༢༠༡༩ལོའི་ཟླ་༥ཚེས་༨ཉིན་བོད་སེར་ཤུལ་ནས་ཡིན་པའི་བོད་མི་དབང་ཆེན་དང་ཁོང་གི་ཨ་ནེ་གཉིས་ལ་ལོ་༡ནས་ལོ་༤ལྷག་བར་བཙོན་འཇུག་ཁྲིམས་ཐག་བཅད་ཡོད་པའི་གནས་ཚུལ་ཐོན་འདུག
ཆབ་སྲིད་བཙོན་ཟུར་པདྨ་དབང་ཆེན་ལགས་འདས་གྲོངས་སུ་གྱུར་འདུག
༢༠༡༩ལོའི་ཟླ་༤་ཚེས་༢༦་ཉིན། བོད་ནས་འབྱོར་བའི་ཡིད་སྐྱོ་བའི་གནས་ཚུལ་ནང་བོད་ཁམས་དཀར་མཛེས་ནས་ཡིན་པའི་ཆབ་སྲིད་བཙོན་ཟུར་པདྨ་དབང་ཆེན་ལགས་དེ་རིང་བོད་ནང་ཉིན་གུང་ཆུ་ཚོད་༡༢:༣༠་ཐོག་རྒྱ་ནག་སྨན་ཁང་ཞིག་ཏུ་འདས་གྲོངས་སུ་གྱུར་འདུག