༢༠༡༩་ལོའི་ཟླ་༡༡་ཚེས་༢༢་ཉིན་སྤེལ། ཉེ་ཆར་བོད་སེར་ཤུལ་རྫོང་རྫ་དབོན་པོ་ཡུལ་ཚོ་ནང་དུ་ཡོད་པའི་རྒྱ་གཞུང་གི་ལས་ཁུངས་ཀྱི་ར་སྐོར་ནང་དུ། བོད་རང་བཙན་འཐོབ་དགོས་པའི་ཡིག་ཆ་བརྒྱ་ཕྲག་གཏོར་ཡོད་པ་དང་། ལས་འགུལ་དེ་དང་འབྲེལ་བའི་གྲྭ་ཀུན་གསལ་དང་། གྲྭ་རྟ་མེ། གྲྭ་བསོད་བཀྲ གྲྭ་ཚུལ་ཁྲིམས་དང་ཁོ་ཚོའི་དགེ་རྒན་ཤེར་རྒྱམ་བཅས་འཛིན་བཟུང་བྱས་འདུག དེའི་རྗེས། གྲྭ་ཉི་མེ་ཡིས་དྲ་ཐོག་ཏུ་ཁོ་ཚོར་བསྔགས་བརྗོད་ཀྱི་ཡིག་གེ་བྲིས་པར་བརྟེན་ནས་ཉེན་རྟོག་པས་འཛིན་བཟུང་བྱས་ཡོད་འདུག
བོད་མི་ལྷ་དར་ལགས་རྒྱ་གཞུང་གིས་འཛིན་བཟུང་བཀག་ཉར་བྱས་འདུག
༢༠༡༩་ལོའི་ཟླ་༡༡་ཚེས་༦་ཉིན་སྤེལ། བོད་ནག་ཆུ་རྟར་ཆེན་གེ་སོ་ཚ་ལྷིས་གྲོང་ཚོ་ནས་ཡིན་པའི་ལྷ་དར་ལགས། འདི་ལོའི་ཟླ་༡༠་ནང་དུ་རྒྱ་གཞུང་གི་ཉེན་རྟོག་པས་འཛིན་བཟུང་བྱས་ནས་ད་ལྟའི་ཆར་གར་སོང་ཆ་མེད་དུ་གྱུར་ཡོད་འདུག ལྷ་དར་ལགས་ནི་རྒྱ་གཞུང་གི་གསང་བ་ཕྱིར་བསྒྲགས་བྱས་པའི་ཉེས་འཛུགས་འོག་འཛིན་བཟུང་བྱས་ཡོད་པའི་ཚོད་དཔག་བྱེད་བཞིན་འདུག
རྒྱ་གཞུང་གིས་གྲྭ་བསོད་ནམས་དཔལ་ལྡན་འཛིན་བཟུང་བྱས་འདུག
༢༠༡༩་ལོའི་ཟླ་༩་ཚེས་༡༩་ཉིན། བོད་མདོ་སྨད་རྔ་བ་ཀིརྟི་དགོན་གྱི་གྲྭ་བསོད་ནམས་དཔལ་ལྡན་ལགས། རྒྱ་གཞུང་གི་ཉེན་རྟོག་པས་འཛིན་བཟུང་བཙན་ཁྲིད་བྱས་ཡོད་འདུག ཁོང་འཛིན་བཟུང་བྱས་དགོས་པའི་རྒྱུ་མཚན་གསལ་པོ་བརྗོད་མེད་པ་དང་། གང་དུ་བཀག་ཉར་བྱས་ཡོད་མེད་ཀྱང་ཤེས་རྟོགས་བྱུང་མི་འདུག
གྲྭ་བློ་བཟང་རྡོ་རྗེ་ལགས་ལོ་གསུམ་གྱི་བཙོན་འཇུག་ཁྲིམས་ཐག་བཅད་འདུག
༢༠༡༩ལོའི་ཟླ་༩་ཚེས་༣་ཉིན། བོད་རྔ་པ་ཀིརྟི་དགོན་པའི་གྲྭ་བློ་བཟང་རྡོ་རྗེ་ལགས་ལ་རྒྱ་གཞུང་གིས་རྔ་པ་ནས་ལོ་༣་གྱི་བཙོན་འཇུག་ཁྲིམས་ཐག་བཅད་ཡོད་པ་དང་། ཁོང་ནི་ལོ་སྔོན་མའི་ཕྱི་ཟླ་ ༧ པའི་ཟླ་དཀྱིལ་ཞིག་གི་མཚན་མོ་རང་ཤག་ནས་ཉེན་རྟོག་པས་བཙན་ཁྲིད་བྱས་ཡོད་ཅིང་། དེ་ནས་བཟུང་ད་བར་ཐག་གཅོད་གང་ཡང་མ་བྱས་པར་བཀག་ཉར་བྱས་ཡོད་འདུག
བོད་མི་ཞིག་རྒྱ་གཞུང་གིས་འཛིན་བཟུང་བྱས་རྗེས་གར་སོང་ཆ་མེད་དུ་གྱུར་འདུག
༢༠༡༩་ལོའི་ཟླ་༩་ཚེས་༢༧་ཉིན། ཉེ་སྔོན་རྒྱ་གཞུང་གིས་འཛིན་བཟུང་བྱས་པའི་བོད་ནག་ཆུ་རྟར་ཆེན་ཡུལ་ཚོ་ཁྱབ་ཁོངས་སུ་ཡོད་པའི་ཤག་རོང་པོ་དགོན་གྱི་ཡུལ་སྡེ་གེ་སོའི་ཚ་ལྷིས་དང་སྲ་བྷ་གྲོང་ནས་ཡིན་པའི་སྨན་པ་ཚེ་རྒྱལ་དང་། དབྱངས་འཕེལ། བདུད་འདུལ་ལྷ་རྒྱས། ཤེས་དབང་རྣམ་རྒྱལ། སྲིད་ཐར་དབང་རྒྱལ་བཅས་གློད་གྲོས་བཏང་ཡོད་ཀྱང་། དེའི་ཁྲོད་ཀྱི་ནོར་བཟང་ལགས་གར་སོང་ཆ་མེད་དུ་གྱུར་ཡོད་འདུག
རྒྱ་གཞུང་གིས་རྒྱལ་སྟོན་ཉེ་བར་བོད་མི་དྲུག་བཙན་ཁྲིད་བྱས་འདུག
༢༠༡༩་ལོའི་ཟླ་༩་ཚེས་༢༠་ཉིན། ཉེ་ཆར་རྒྱ་གཞུང་གི་རྒྱལ་སྟོན་མཛད་སྒོ་ཚོགས་ལ་ཉེ་བའི་སྐབས། རྒྱ་གཞུང་གིས་བཙན་དབང་གིས་རྒྱལ་དར་འཁྱེར་དགོས་པ་དང་སྟོད་གླུ་ལེན་བཅུག་པར་རྣམ་འགྱུར་ཡག་པོ་མ་བསྟན་པའི་དབང་གིས། བོད་ཁམས་ནག་ཆུ་རྟར་ཆེན་གྲོང་སྡེ་ཁུལ་དུ་བོད་མི་དྲུག་བཙན་ཁྲིད་བྱས་ཡོད་པ་དང་། ད་བར་ནང་མི་དང་འབྲེལ་བ་བྱུང་མེད་པ་རེད།
རྒྱ་གཞུང་གིས་སྐད་འཕྲིན་དམ་དྲག་བྱས་ཏེ་སྨྲ་བརྗོད་རང་དབང་བཀག་འདུག
༢༠༡༩ལོའི་ཟླ་༨་ཚེས་༢༧་སྤེལ། ཉེ་ཆར་བོད་ནང་དུ་རྒྱ་གཞུང་གིས་སྐད་འཕྲིན་དང་འབྲེལ་བའི་དོན་ཚན་བཅུ་ཅན་གྱི་སྒྲིག་ཁྲིམས་ཤིག་བཟོས་ཏེ། མི་བཅུ་ཡན་གྱི་སྐད་འཕྲིན་ཚོགས་པ་ཡོངས་ལ་དྲ་བའི་ཉེན་རྟོག་པས་སྔར་ལས་ལྷག་པའི་སྒོ་ནས་ཚད་མཐོའི་རང་འགུལ་འཕྲུལ་ཆས་ཀྱིས་ལྟ་ཞིབ་ནན་པོ་བྱེད་རྒྱུ་དང་། རྒྱལ་ཁབ་ཀྱི་གསང་བ་ཕྱིར་བསྒྲགས་པ་དང་། ཧོང་ཀོང་དང་ཐེ་ཝན་སོགས་ཀྱི་གནས་ཚུལ་སྤེལ་བ་སོགས་སྒྲིག་ཁྲིམས་དེ་དག་དང་འགལ་ན་ལོ་གཅིག་ནས་ལོ་བརྒྱད་བར་བཙོན་འཇུག་ཁྲིམས་ཐག་གཅོད་རྒྱུ་ཡིན་པར་བསྒྲགས་འདུག