ཕྱི་ལོ་༢༠༢༤ ཟླ ༧ ཚེས་༡༤ ཉིན། རྒྱ་གཞུང་གིས་མགོ་ལོག་རྭ་རྒྱ་དུ་ཡོད་པའི་གངས་ལྗོངས་ཤེས་རིག་ནོར་བུའི་སློབ་གླིང་ངམ་རྭ་རྒྱ་སློབ་གྲྭ་བཙན་གྱིས་སྒོ་རྒྱག་བཅུག་འདུག སློབ་གྲྭ་འདི་ནི་ཕྱི་ལོ་༡༩༩༤་ལོར་རྭ་རྒྱ་འཇིགས་མེད་རྒྱལ་མཚན་ལགས་ཀྱིས་བཙུགས་གནང་བ་ཅིག་ཡིན་ཞིང་། སློབ་གླིང་དེའི་ནང་དུ་བོད་མདོ་དབུས་ཁམས་ནས་ཕེབས་པའི་སློབ་མ་མང་པོ་ཞིག་རང་མི་རིགས་ཀྱི་སྐད་དང་ཡིག་གེ ཆོས་དང་རིག་གཞུང་། གསོ་རིག་དང་ལག་རྩལ་སོགས་བསླབས་ནས་གསོ་སྐྱོང་གནང་བཞིན་ཡོད་འདུག སློབ་གླིང་འདི་སྒོ་བརྒྱབ་པ་ནི་བོད་མི་རིགས་ཀྱི་སྐད་ཡིག་དང་རིག་གཞུང་སྒོ་བརྒྱབ་པ་རེད་ཅེས་བརྗོད་བཞིན་འདུག

ཕྱི་ལོ་༢༠༢༡་ཟླ་༩་ཚེས་༡༦་ཉིན་སྤེལ། འདི་ལོའི་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གི་འཁྲུངས་སྐར་ཡས་མས་སུ། ལི་ཐང་མགོན་གྱི་དགེ་འདུན་པ་དང་མི་སྐྱ་ཁག་ཅིག་གིས་༸གོང་ས་མཆོག་གི་སྐུ་པར་སྐད་འཕྲིན་སོགས་སུ་སྐུར་བ་དང་སྤེལ་བའི་རྐྱེན་གྱིས། རྒྱ་གཞུང་གི་ཉེན་རྟོག་པས་ཁོ་ཚོ་འཛིན་བཟུང་བཀག་ཉར་བྱས་ནས་ཉེས་རྡུང་བཏང་ཡོད་འདུག

བོད་ནང་ཡར་ཀླུང་གཙང་པོ་རྒྱུག་ཡུལ་ཀོང་པོ་ཉིང་ཁྲི་མངའ་ཁོངས་སྨན་གླིང་རྫོང་གི་གྲོང་གསེབ་ཀྱི་ས་ཁུལ་ཞིག་དུ་རི་ཉིལ་གནོད་འཚེ་བྱུང་སྟེ། ཆུ་བོའི་རྒྱུག་ཡུལ་འགག་སྟེ་རྫིང་ཆུ་ཆགས་བཞིན་ཡོད་པ་དང་། དེའི་ཆུ་ཁ་ཤོར་བའི་ཉེན་ཁ་ཆེ་སྟབས། ཉེ་ཁུལ་མང་ཚོགས་རྣམས་ཉེན་གཡོལ་དུ་གནས་སྤོ་བྱེད་བཞིན་ཡོད་འདུག

"ནག་ཚོགས་སྟོབས་ཤུགས་ཀྱི་ཉེས་གསོག་གྱོད་གཞིའི་ཁུངས་སྣེ་ཐེར་འདོན་བྱེད་དགོས་རྒྱུའི་སྐོར་གྱི་ལྗོངས་སྤྱི་བདེ་ཐིང་གི་བརྡ་ཁྱབ་"ཅེས་པ་བཙན་རྒྱལ་རྒྱ་ནག་གཞུང་གིས་བོད་རང་སྐྱོང་ལྗོངས་ཟེར་བའི་ཁྱབ་ཁོངས་ཡོངས་རྫོགས་ལ་འགྲེམས་སྤེལ་བྱས་ཏེ་བོད་ནང་གི་བོད་མི་ཚོ་ལ་སྲིད་བྱུས་དང་ཉེས་མིང་འདྲ་མིན་འོག་བསམ་ཡུལ་ལས་འདས་པའི་དམ་དྲག་དག་འཇིགས་སྐུལ་བྱས་དང་བྱེད་བྱེད་བཞིན་ཡོད་པའི་གནས་ཚུལ་ཐོན་འདུག

ཕྱི་ལོ་༢༠༢༥ ཟླ་༡༢ ཚེས་༥ ཉིན། བཞུགས་སྒར་དྷ་ས་ས་གནས་འགོ་འཛིན་ཚོགས་ཁང་དུ། དབུས་བོད་ཀྱི་བུད་མེད་ལྷན་ཚོགས་ནས་བོད་ཀྱི་བུད་མེད་ལྷན་ཚོགས་ནས་ཕྱི་ལོ་༡༩༩༥ ལོར་རྒྱ་ནག་རྒྱལ་ས་པེ་ཅིང་དུ་འཛམ་གླིང་མཉམ་འབྲེལ་རྒྱལ་ཚོགས་ཀྱི་བུད་མེད་ཀྱི་ཚོགས་ཆེན་ཐེངས་བཞི་པའི་སྐབས་བོད་ཀྱི་བུད་མེད་སྐུ་ཚབ་རྣམ་པས་རང་ཡུལ་དུ་སྨྲ་བརྗོད་རང་དབང་མེད་པའི་ངོ་རྒོལ་བྱས་ནས་ལོ་ངོ་༣༠ འཁོར་བའི་དུས་དྲན་སྲུང་བརྩི་ཞུས་སོང་། དེ་ནི་བོད་ཀྱི་བུད་མེད་རྣམས་ཀྱིས་དཀའ་ངལ་གདོང་ལེན་ལོ་ཁ་ཤས་བྱས་ནས་ཐོབ་པའི་གོ་སྐབས་ཤིག་དང་རྒྱལ་སྤྱིའི་ཐོག་བོད་དོན་དྲིལ་བསྒྲགས་ཆེ་ཤོས་ཕྱིན་པའི་དུས་ཤིག་ཡིན་འདུག

ཕྱི་ལོ་༢༠༢༥ ཟླ་བ་༡༢ ཚེས་༣ ཉིན། བཞུགས་སྒར་དྷ་ས་ས་གནས་འགོ་འཛིན་གྱི་ཚོགས་ཁང་དུ། དབུང་གཙང་ཆོལ་ཁའི་སྤྱི་འཐུས་འོས་མི་ཚེ་རིང་མཐར་ཕྱིན་དང་། འབུམ་རམས་པ་བསོད་ནམས་སྟོབས་རྒྱལ། དེ་བཞིན་མདོ་སྟོད་ཆོལ་ཁའི་སྤྱི་འཐུས་འོས་མི་ག་རྒྱ་ཆོས་སྐྱིད་བཅས་ནས། སྐབས་༡༨ པའི་བོད་མི་མང་སྤྱི་འཐུས་འོས་མིར་ལང་རྒྱུའི་གསར་འགོད་གསལ་བསྒྲགས་སྤེལ་སོང་། གལ་སྲིད་ཁོ་ཚོ་སྤྱི་འཐུས་ཆགས་ན་ཆོལ་ཁ་དང་ལུང་ཚན་ལས་བོད་སྤྱི་པ་རྩ་བ་བཟུང་ནས་ལས་ཀ་བྱ་རྒྱུ་དང་། གཞོན་སྐྱེས་ཚོར་མིག་དཔེ་བཟང་པོ་སྟོན་རྒྱུ། དེ་བཞིན་བོད་དོན་འཐབ་རྩོད་ནང་ཆ་ཤས་མང་ཙམ་ལེན་རྒྱུའི་ཁས་ལེན་བྱས་སོང་།