ཕྱི་ལོ་༢༠༢༤ ཟླ་༨ ཚེས་༢༢ ཉིན་སྤེལ། ཁ་སང་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་ཨ་ཛི་རཱ་ཛེ་ཡ་ (Uzra Zeya ) དང་ཨ་རི་སྲིད་འཛིན་གྱི་དམིགས་བསལ་ལས་རོགས་དང་རྒྱལ་ཡོངས་བདེ་འཇགས་ལྷན་ཚོགས་ཀྱི་དམངས་གཙོ་དང་འགྲོ་བ་མིའི་ཐོབ་ཐང་གི་འགན་འཛིན་ཁེ་ལེ་ར་ཛོ(Kelly Razzouk) བཅས་ནིའུ་ཡོག་གྲོང་ཁྱེར་དུ་ཆེད་བཅར་གྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་མཇལ་འཕྲད་དུ་ཕེབས་འདུག

ཕྱི་ལོ་༢༠༢༤ ཟླ་༨ ཚེས་༢༡ ཉིན་སྤེལ། སང་ཉིན་ནིའུ་ཡོག་ཏུ་བྱང་ཨ་རིའི་བོད་རིགས་ཡོངས་དང་སོག་རིགས། ཧི་མ་ལ་ཡའི་རི་རྒྱུད་མི་མང་ཡོངས་ནས་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་རྒྱུ་དང་། དེ་རྗེས་སུད་སིའི་གྲོང་ཁྱེར་ཛུ་རིག་ལ་ཆིབས་སྒྱུར་བསྐྱང་རྒྱུ་དང་། ཕྱི་ལོ་ ༢༠༢༤ ཟླ་ ༨ ཚེས་ ༢༨ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བཞུགས་སྒར་རྡ་རམ་ས་ལར་ཞབས་སོར་འཁོད་རྒྱུ་ཡིན་པ་གསལ་འདུག

ཕྱི་ལོ་༢༠༢༤ ཟླ་༧ ཚེས་༦ ཉིན། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དགུང་གྲངས་༨༩ ལ་ཕེབས་པའི་སྐུའི་འཁྲུངས་སྐར་ནི་ཨ་རི་དང་ཁེ་ན་ཌ། ཡུ་རོབ་རྒྱལ་ཁབ་ཁག་གི་ནང་། ཨོ་སི་ཊི་ལི་ཡ། ཐེ་ཝན། ཉི་ཧོང་། རྒྱ་གར་དང་བོད་ནང་སོགས་སུ་དངོས་ཤུགས་བརྒྱུད་གསུམ་ནས་སྲུང་བརྩི་ཞུས་སོང་། དེ་བཞིན་འཛམ་གླིང་གང་སའི་དབུ་ཁྲིད་གཙོས་པའི་གནད་ཡོད་མི་སྣ་ཚོས་༧གོང་ས་༧རྒྱལ་བ་རིན་པོ་ཆེ་མཆོག་གི་སྐུའི་འཁྲུངས་སྐར་ལ་འཚམས་འདྲི་དང་སྦྲགས་སྐུ་གཟུགས་མྱུར་དུ་བདེ་ཐང་ཡོང་བའི་སྨོན་འདུན་ཞུས་སོང་།

ཕྱི་ལོ་༢༠༢༤ཟླ་༡ཚེས་༢༢ཉིན། སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་འབྲས་ལྗོངས་དང་ནུབ་བྷང་གྷལ། དེ་བཞིན་གནས་མཆོག་རྡོ་རྗེ་གདན་བཅས་ནས་ཟླ་གཉིས་ཙམ་གྱི་མཛད་འཕྲིན་ལེགས་པར་གྲུབ་ནས། དེ་རིང་ལྡི་ལི་མཁའ་དབྱིངས་བརྒྱུད་བཞུགས་སྒར་རྡ་སར་ཞབས་སོར་བདེ་བར་འཁོད་སོང་། བཞུགས་སྒར་རྡ་ས་གཡས་གཡོན་གྱི་བོད་མི་གཙོས་པའི་སེར་སྐྱ་མི་མང་རྒན་གཞོན་ཀུན་གྱིས་ལག་ཏུ་ཁ་བཏགས་དང་། བདུག་སྤོས། མེ་ཏོག་བཅས་བཟུང་ནས། དགའ་དད་སྤྲོ་གསུམ་གྱིས་དགའ་བའི་འཛུམ་དང་བཅས་ལམ་འགྲམ་ནས་ཕྲེང་བསྒྲིགས་ཏེ་བསུ་མ་བྱས་སོང་།

ཕྱི་ལོ་ ༢༠༢༥ ཟླ་ ༦ ཚེས་ ༡༨ ཉིན། བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༩༠ བཞེས་པའི་གཞུང་འབྲེལ་གོ་སྟོན་སྲུང་བརྩིའི་བོད་ཡིག་དྲ་ཚིགས(www.ghoton.net) དང་དབྱིན་ཇིའི་དྲ་ཚིགས་(www.hhthedalailama90.net) བཅས་དྲ་ཚིགས་གཉིས་དབུ་འབྱེད་གནང་རྗེས། ༸གོང་ས་མཆོག་གི་གོ་སྟོན་དང་འབྲེལ་བའི་གཞུང་འབྲེལ་གསར་འགོད་གསལ་བསྒྲགས་ཤིག་སྤེལ་གནང་སོང་།

བོད་ནང་གི་བོད་མི་ཤེས་ལྡན་པ་ཞིག་གིས་ཤེས་ཡོན་སྐོར་ལ་སྤེལ་བའི་དཔྱད་རྩོམ་ཞིག་གཤམ་དུ་བཀོད་ཡོད་པས་གཟིགས་ཞིབ་འཚལ།