རྒྱལ་སྤྱིའི་བོད་ཀྱི་ཆ་འཕྲིན།
རང་དབང་གི་འབོད་སྒྲ
ཕྱི་ལོ་༢༠༡༩ཟླ་༢ཚེས་༢༨ཉིན། ༸སྤྱི་ནོར་༸གོང་ས་༸རྒྱལ་བ་རིན་པོ་ཆེ་མཆོག་གིས་རྡ་ས་བཞུགས་སྒར་ནས་སོག་པོའི་ཆོས་ཞུ་བ་རྣམས་ལ་གསུང་ཆོས་དབུགས་འཛུགས་གནང་འདུག་ཅིང་། སྐབས་དེར། ༸མགོན་པོ་གང་ཉིད་ཀྱིས་སྤྱིར་ལོ་རྒྱུས་ཀྱི་ཐོག་ནས་བོད་དང་སོག་པའི་བར་གྱི་འབྲེལ་བ་དང་། སྒོས་སུ་༸རྒྱལ་བ་སྐུ་ཕྲེང་དང་སོག་པའི་བར་གྱི་ཐུན་མོང་མ་ཡིན་པའི་འབྲེལ་བའི་སྐོར། ད་དུང་སོག་པོར་བསྟན་པ་དར་ཚུལ་སོགས་ཀྱི་སྐོར་ནས་བཀའ་སློབ་ཟབ་མོ་གནང་འདུག
༢༠༡༩ལོའི་ཟླ་༣་ཚེས་༡ཉིན། བཞུགས་སྒར་རྡ་ས་སྨན་རྩིས་ཁང་གི་ཚོགས་ཁང་དུ་སྨན་རྩིས་ཁང་གི་མཐོ་སློབ་གསར་རྒྱག་ལ་རྒྱ་གར་གཞུང་གིས་མ་དངུལ་འབུམ་དགུ བརྒྱ་་གནང་ཡོད་པ་དང་། སྨན་རྩིས་ཁང་གི་སྨན་པ་ཞིང་གཤེགས་དམ་པ་ལྷ་རྗེ་བསྟན་འཛིན་བྱང་ཆུབ་ལགས་ཀྱིས་ནུབ་ཕྱོགས་སུ་ཁྲིམས་མཐུན་གྱི་སྨན་ཁང་ཞིག་བརྒྱབས་ཡོད་པ་དེ་སྨན་རྩིས་ཁང་ལ་ཕུལ་བའི་སྐོར། དེ་བཞིན་སྔ་ལོའི་ཨ་རིའི་ཚན་རིག་དང་འཁོར་ཡུག་གི་དུས་དེབ་ཐོག་བོད་སྨན་ནང་དངུལ་ཆུ་བེད་སྤྱོད་གནང་བ་དེས་བོད་ཀྱི་འཁོར་ཡུག་ལ་ཉེན་ཚབས་ཡོད་པའི་གྲུབ་དོན་ཞེས་འདོན་སྤེལ་གནང་བ་དེར་བསྐྱར་ཞིབ་བྱས་ཡོད་པའི་གསར་འགོད་གསལ་བསྒྲགས་གནང་སོང་།
༸གོང་ས་མཆོག་གིས། སྤྱིར། ལས་མ་བྱས་པ་དང་མི་འཕྲད། ལས་བྱས་པ་ཆུད་མི་ཟ་ཞེས་གསུངས་པ་ལྟར། སློབ་མས་དགེ་བ་བསགས་པ་དེས་བླ་མར་ཕན་པ་ཡོད་། དེ་ནི་ཆོས་ཕྱོགས་ཐོག་ནས་འབྲེལ་བ་ཡོད། ཁྱིམ་ཚང་གཅིག་ཡིན་ཡང་། ནང་མི་གཅིག་གིས་དགེ་བ་བསྒྲུབས་བཞག་པ་དེས་ནང་མི་ཚོར་ཕན་ཐོགས་ཡོད་པ་རེད། ཕྲུ་གུས་དགེ་རྩ་བསྒྲུབས་པ་དེས་ཕ་མ་ལ་ཕན་གྱི་རེད། ཅེས་གསུངས་སོང་།
༢༠༡༩ལོའི་ཟླ་༢་ཚེས་༢༢་ཉིན། འཛམ་གླིང་རྒྱལ་སྤྱིའི་དགེ་ལྡན་ལྷན་ཚོགས་ཀྱིས་གསར་འགོད་གསལ་བསྒྲགས་ཞིག་སྤེལ་ཏེ། ཡབ་རྗེ་ཁམས་གསུལ་ཆོས་ཀྱི་རྒྱལ་པོ་ཤར་རྒྱལ་བ་རྗེ་བཙུན་ཙོང་ཁ་པ་ཆེན་པོ་མཆོག་གཞན་དོན་དུ་སྐུ་གཤེགས་ཏེ། དེང་བོད་རབ་གནས་ས་ཕག་ལོ་སྟེ། ཕྱི་ལོ་༢༠༡༩་ལོར་ལོ་ངོ་༦༠༠་ཧྲིལ་པོ་འཁོར་བའི་སྐབས་འདིར། ཡབ་རྗེ་རྒྱལ་བ་གཉིས་བ་ཁོང་ལ་བཀའ་དྲིན་རྗེས་དྲན་དང་། སླད་མར་ཡང་ཁོང་གི་རླབས་ཆེན་ཐུགས་དགོངས་ཟབ་མོ་ཡོངས་སུ་རྫོགས་ཕྱིར་དང་། ཁོང་ལ་རང་ཅག་ཀུན་གྱིས་སྒྲུབ་པའི་མཆོད་སྤྲིན་ཕུལ་བྱུང་རྒྱ་ཆེན་འབུལ་སླད་དུ། ཕྱི་ལོ་༢༠༡༩་ལོ་སྟེ། བོད་རབ་གནས་ས་མོ་ཕག་གི་ལོ་ཧྲིལ་པོ་ ༼རྒྱལ་སྤྱིའི་རྗེ་ཙོང་ཁ་པའི་ལོ༽་ ཞེས་སྲུང་བརྩི་ཞུ་རྒྱུར་ཡིན་པར་གསུངས་སོང་།
༢༠༡༩ལོའི་ཟླ༢་ཚེས་༢༨་ཉིན། བཞུགས་སྒར་རྡ་ས་གངས་སྐྱིད་བོད་ཀྱི་དཔེ་མཛོད་ཚོགས་ཁང་དུ་སྨོན་ལམ་ཚིག་མཛོད་ཆེན་མོའི་ཆོས་ལུགས་དང་འབྲེལ་བའི་ཐ་སྙད་རྩོམ་སྒྲིག་བྱེད་ཕྱོགས་ཐད་ཀྱི་ཆོས་བརྒྱུད་གྲུབ་མཐའ་ཁག་གི་རྩོམ་སྒྲིག་མི་སྣའི་ཚོགས་འདུ་ཐེངས་བདུན་པ་དེ་ཚོགས་སོང་།
༢༠༡༩ལོའི་ཟླ་༢་ཚེས་༢༥་ཉིན་སྤེལ། ཤེས་རིག་ཚོགས་ཆེན་ཐེངས་བདུན་པ་ཟླ་འདིའི་ཚེས་༢༣་ནས་༢༥ཉིན་བར་ཉིན་གསུམ་རིང་ཚོགས་ཡོད་པ་དང་། དེའི་ཐོག་དཔལ་ལྡན་སྲིད་སྐྱོང་བློ་བཟང་སེང་གེ་དང་བཀའ་ཟུར་ཟམ་གདོང་རིན་པོ་ཆེ། ཤེས་རིག་བཀའ་བློན་པདྨ་དབྱངས་ཅན་དང་། དེ་གཞན་མཁས་དབང་དང་རྒྱ་གར་ནང་གི་བོད་པའི་སློབ་གྲྭ་ཁག་གི་སློབ་སྤྱི་དང་དགེ་རྒན། ད་དུང་ཕྱི་རྒྱལ་ཁག་ནས་ཕེབས་པའི་དགེ་རྒན་སོགས་ཚོགས་བཅར་དུ་ཕེབས་གནང་འདུག
༢༠༡༩ལོའི་ཟླ་ ༢ ཚེས་ ༢༢ ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་སློབ་དཔོན་ལེགས་ལྡན་འབྱེད་ཀྱིས་མཛད་པའི་དབུ་མའི་སྙིང་པོའི་གསུང་ཆོས་མཇུག་ལེགས་པར་གྲུབ་སོང་།
བོད་ཀྱི་ཆབ་སྲིད་བཙོན་ཟུར་གྲགས་ཅན་སོག་མཁར་བློ་གྲོས་སམ་བློ་གྲོས་རྒྱ་མཚོ་ལགས་ཀྱི་པར།
པར་དབུས་བོད་མིའི་སྒྲིག་འཛུགས་དྲ་བར་བླངས།
ཁེ་ན་ཌའི་གྲོས་ཚོགས་གོང་མའི་ནང་བོད་མི་ཆབ་སྲིད་བཙོན་པའི་གནས་སྟངས་རྟོག་ཞིབ་གནང་བ།
དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་ཁེ་ན་ཌའི་གྲོང་ཁྱེར་ཊོ་རོན་ཊོར་བོད་མི་རྣམས་ལ་གསུང་བཤད་གནང་བཞིན་པ། པར་དབང་དབུས་བོད་མིའི་སྒྲིག་འཛུགས་ལ་ཡོད།
