༢༠༡༩ལོའི་ཟླ་༥་ཚེས་༣་ཉིན། འཛམ་གླིང་གསར་འགོད་རང་དབང་ཉིན་མོ་བསྟུན། རྒྱལ་སྤྱིའི་ཚོགས་སྡེ་ཁག་ལ་བོད་ནང་གི་འགྲུལ་སྐྱོད་རང་དབང་གི་ཐོབ་ཐང་ཁག་རྩིས་མེད་རྡོག་རོལ་གཏོང་ཐབས་ཀྱི་ལག་བསྟར་སྒྲིག་ཁྲིམས་ཁག་མྱུར་དུ་མཚམས་འཇོག་པའི་གནོན་ཤུགས་སྤྲོད་དགོས་པའི་འབོད་སྐུལ་དང་། རྒྱ་གཞུང་གིས་ངེས་པར་དུ་ཕྱིའི་གསར་འགོད་པ་དང་འགྲོ་བ་མིའི་ཐོབ་ཐང་དོན་གཉེར་བ་ཚོ་སྲིད་གཞུང་གི་ལྟ་རྟོག་མེད་པར་རང་དབང་གི་ཐོག་ནས་བོད་ནང་ལ་འགྲུལ་སྐྱོད་བྱེད་དུ་འཇུག་དགོས་པའི་དགོས་འདུན་བཏོན་སོང་།

༢༠༡༩ལོའི་ཟླ་༤་ཚེས་༢༥ཉིན། བཞུགས་སྒར་རྡ་སའི་གཙུག་ལག་གི་ཉེ་འགྲམ་གྱི་དཔའ་བོའི་རྡོ་རིང་གི་མདུན་དུ་བོད་ཀྱི་བུད་མེད་ལྷན་ཚོགས་ཀྱིས་༸པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་དགུང་གྲངས་༣༠ལ་ཕེབས་པའི་སྐུའི་འཁྲུངས་སྐར་ཉིན་ལ་ཞི་བའི་གོམ་བགྲོད་ཀྱི་ལས་འགུལ་འགོ་འཛུགས་གནང་སོང་།

༢༠༡༩ལོའི་ཟླ ༤ ཚེས་༢༥ཉིན། རྒྱ་གར་ལྷོ་ཕྱོགས་གདན་ས་ཆེན་པོ་བཀྲ་ཤིས་ལྷུན་པོ་རུ་༧ཀུན་གཟིགས་པཎ་ཆེན་སྐུ་ཕྲེང་ ༡༡ པ་༧རྗེ་བཙུན་དགེ་འདུན་ཡེ་ཤེས་འཕྲིན་ལས་ཕུན་ཚོགས་དཔལ་བཟང་པོ་མཆོག་དགུང་གྲངས་༣༠ ལ་ཕེབས་པའི་འཁྲུངས་སྐར་གྱི་རྟེན་འབྲེལ་ཧ་ཅང་ཟབ་རྒྱས་ཞིག་ཚོགས་སོང་།

༢༠༡༩ལོའི་ཟླ་༤་ཚེས་༢༦ཉིན། རྒྱ་གར་རྒྱལ་ས་ལྡི་ལིའི་བོད་ཁྱིམ་སྡོད་ཁང་གི་ཚོགས་ཁང་ནང་དུ་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་ལྡི་ལིའི་ཁུལ་གྱི་བོད་ཀྱི་མཐོ་སློབ་སློབ་མ་དང་སློབ་ཕྲུག་རྣམས་ལ་ནང་པའི་སེམས་ཁམས་རིག་པ་དང་ལྟ་གྲུབ་དེ་ཚོར་འགྲེལ་བཤད་རྒྱག་སྐབས། བོད་ཡིག་དེ་ཡག་ཤོས་རེད། དེར་བརྟེན་བོད་པའི་གཞོན་སྐྱེས་ཚོས་བོད་ཡིག་ལ་དོ་སྣང་ཡག་པོ་བྱེད་དགོས་རེད་ཅེས་བཀའ་སྩལ་འདུག

༢༠༡༩ལོའི་ཟླ་ ༤ ཚེས་ ༢༥ ཉིན། བཞུགས་སྒར་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་བོད་མིའི་སྒྲིག་འཛུགས་ཀྱིས་ཀུན་གཟིགས་༸པཎ་ཆེན་རིན་པོ་ཆེ་སྐུ་ཕྲེང་བཅུ་གཅིག་པ་༸རྗེ་བཙུན་བསྟན་འཛིན་དགེ་འདུན་ཡེ་ཤེས་འཕྲིན་ལས་ཕུན་ཚོགས་དཔལ་བཟང་པོ་མཆོག་དགུང་གྲངས་༣༠ ལ་ཕེབས་པའི་སྐུའི་འཁྲུངས་སྐར་དུས་ཆེན་དང་། ༸པཎ་ཆེན་སྐུ་ཕྲེང་བཅུ་པའི་མཛད་འཕྲིན་ལ་བཀའ་དྲིན་རྗེས་དྲན་གྱི་གཞུང་འབྲེལ་མཛད་སྒོ་སྲུང་བརྩི་གཟབ་རྒྱས་ཞུས་སོང་།

༢༠༡༩ལོའི་ཟླ་༤་ཚེས་༢༤་ཉིན། རྡ་སའི་བོད་མིའི་སྒྲིག་འཛུགས་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ་དཔལ་ལྡན་སྲིད་སྐྱོང་བློ་བཟང་སེང་གེ་མཆོག་གིས་ལྔ་དང་ལྔ་བཅུའི་ཚོགས་ཆེན་གྱི་འགྲེལ་བརྗོད་མདོར་བསྡུས་དང་དེ་དང་འབྲེལ་བའི་ཐོག་གསར་འགོད་གསལ་བསྒྲགས་ཤིག་སྤེལ་གནང་སོང་།