རྒྱལ་སྤྱིའི་བོད་ཀྱི་ཆ་འཕྲིན།
རང་དབང་གི་འབོད་སྒྲ
༢༠༡༩ལོའི་ཟླ་༣་ཚེས་༢༡ཉིན། བཞུགས་སྒར་རྡ་སར་༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་ནེའུ་ཛི་ལན་ཊི(New Zealand)་ཡི་སྲིད་བློན་ཇ་སེན་ཌ་ཨར་ཌན་(Jacinda Ardern) མཆོག་ལ་ཉེ་ཆར་རྒྱལ་ཁབ་དེའི་ནང་དྲག་སྤྱོད་པ་ཞིག་གིས་མེ་མདའ་བརྒྱབས་ནས་མི་མང་པོ་ཤིས་རྨས་བྱུང་ཡོད་པའི་གནས་ཚུལ་ཐོན་པར་ཐུགས་ཕམ་པ་བྱུང་ཡོད་སྐོར་དང། འདས་གྲོངས་སུ་ཕྱིན་པའི་མི་རྣམས་ལ་བསྔོ་སྨོན་གསོལ་འདེབས་དང་། མི་དེ་ཚོའི་ནང་མི་དང་གྲོགས་པོ། དེ་བཞིན་རྒྱལ་ཁབ་དེའི་མི་མང་ལ་སྲིད་བློན་བརྒྱུད་ནས་ཐུགས་གསོའི་གསུང་འཕྲིན་གནང་འདུག
༢༠༡༩ལོའི་ཟླ་༣་ཚེས་༡༩ཉིན། བཞུགས་སྒར་རྡ་ས་གངས་སྐྱིད་གྲོས་ཚཽགས་ཚོགས་ཁང་དུ་སྐབས་༡༦་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་ཐེངས་བདུན་པ་དབུ་འཛུགས་གནང་སོང་བ་དང་། ཚོགས་ཆེན་འདི་ནི་ཉིན་༡༠་རིང་འཚོགས་རྒྱུ་ཡིན་ཞིང་། འདི་ནི་སྔོན་རྩིས་གྲོས་ཚོགས་ཡིན་འདུག གྲོས་གཞི་གཙོ་ནི་མྱ་ངན་རྗེས་དྲན་གྱི་གྲོས་ཆོད་གྲོས་འཆར་ཁག་ཅིག་དང་གདུང་སེམས་མཉམ་བསྐྱེད་ཀྱི་གྲོས་ཆོད་གྲོས་འཆར། དེ་བཞིན་དཔལ་ལྡན་དཔལ་འབྱོར་བཀའ་བློན་མཆོག་གིས་སྔོན་རྩིས་ཀྱི་གསུང་བཤད། ཚོད་དཔག་འཆར་རྩིས་ཚོགས་ཆུང་གིས་ཐུགས་ཞིབ་གནང་བའི་སྙན་ཐོ། ཁྲིམས་བཟོ་ལས་རིམ་ཁག མང་གཙོ་རྩིས་ཁྲའི་ཚོགས་ཆུང་གི་སྐབས་དགུ་པའི་སྙན་ཐོ་བཅས་ཡིན་འདུག
༢༠༡༩་ལོའི་ཟླ་ ༣ ཚེས་ ༡༥ ཉིན། བཞུགས་སྒར་རྡ་སར་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་དང་བོད་མི་མང་སྤྱི་འཐུས་ཚོགས་གཙོ་པདྨ་འབྱུང་གནས་རྣམ་གཉིས་ནས་ཕྱི་ནང་གི་གསར་འགོད་པ་ ༦༠ ལྷག་ལ་དམིགས་བསལ་ཚོགས་ཆེན་ལྔ་དང་ལྔ་བཅུ་དང་། ༸རྒྱལ་བ་སྐུ་ཕྲེང་རིམ་འབྱོན་དང་བོད་མི་མང་དབར་གྱི་འབྲེལ་བ་ཞེས་པའི་ཚོགས་འདུ་བསྡུ་བསྐོང་གནང་རྒྱུའི་སྐོར་གསར་འགོད་གསལ་བསྒྲགས་གནང་སོང་།
༢༠༡༩ལོའི་ཟླ་༣་ཚེས་༡༢ཉིན།བོད་ཀྱི་རྒྱལ་ས་ལྷ་སར་ཆོལ་གསུམ་བུད་མེད་སྒེར་ལངས་བྱས་ཏེ་ལོ་ངོ་༦༠འཁོར་བའི་དུས་དྲན་སྲུང་བརྩི་གནང་སླད། བུད་མེད་ལྷན་ཚོགས་ཀྱི་གོ་སྒྲིག་འོག རྡ་ས་གཙུག་ལག་ཁང་གི་དཔའ་བོའི་རྡོ་རིང་གི་མདུན་ནས་ཉིན་མོ་འདི་དང་འབྲེལ་བའི་མཛད་སྒོ་ཞིག་ཚོགས་ཤིང་། དེའི་སྐུ་མགྲོན་གཙོ་བོ་ནི་སྤྱི་འཐུས་སྒྲོལ་མ་ཚེ་རིང་དང་དམིགས་བསལ་སྐུ་མགྲོན་བུད་མེད་ལྷན་ཚོགས་ཀྱི་སློབ་སྟོན་ལྷ་ལྕམ་རིན་ཆེན་མཁའ་འགྲོ་མཆོག དེ་བཞིན་རྡ་སའི་གྲོང་སྡེའི་སྤྱི་ཁྱབ་ཟུར་པ་ལྕམ་སྐུ་ར་ཅི་ནི་ཝས(Rajni Vyas)བཅས་ཡིན་འདུག
༢༠༡༩ལོའི་ཟླ་ ༣ ཚེས་ ༡༨ ཉིན། བཞུགས་སྒར་རྡ་ས་བཀའ་ཤག་མཇལ་འཕྲད་ཁང་དུ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་དང་བཀའ་དྲུང་རྫོང་ཁ་སྟོབས་རྒྱལ་ཚེ་རིང་ལགས་རྣམ་གཉིས་ནས་གསར་འགོད་ལྷན་ཚོགས་ཤིག་བསྐོང་ཚོགས་གནང་སོང་དང་། སྤྱི་ནོར་༸གོང་ས་༸སྐྱབས་མགོན་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་ལ་འདི་ལོ་དགུང་ཀེག་དངོས་གཞིའི་ཚུལ་བསྟན་སྐུ་གེགས་ཀྱི་མཚན་མ་ཅི་མཆིས་རྨེག་མེད་དུ་ཞི་ནས་སྐུ་ཚེ་༸རྒྱལ་བ་ཚེ་མཐའ་ཡས་པའི་ངོ་བོར་བརྟན་པ་དང་། ཐུགས་ཀྱི་བཞེད་དོན་མཐའ་དག་གེགས་མེད་ལྷུན་གྱིས་འགྲུབ་པའི་ཆེད་དུ།
༢༠༡༩ལོའི་ཟླ་ ༣ ཚེས་ ༡༢ ཉིན། བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་གོ་སྒྲིག་འོག རྡ་ས་གངས་སྐྱིད་ཚོགས་ཁང་གསར་པའི་ནང་དུ་བུད་མེད་ཀྱི་ནུས་སྟོབས་གོང་སྤེལ་དང་འབྲེལ་བའི་ཚོགས་འདུ་ཞིག་བསྐངས་ཤིང་། སྐབས་དེར། བུད་མེད་ཀྱི་ནུས་སྟོབས་དང་འབྲེལ་བའི་ཚོགས་འདུ་དེ་ཇི་ལྟར་འགོ་འཛུགས་གནང་ཡོད་མེད་སྐོར་དང་། ཕོ་མོ་འདྲ་མཉམ་གྱི་སྐོར། བུད་མེད་ཀྱི་བྱམས་བརྩེ་དང་ནུས་པའི་སྐོར། དེ་བཞིན་བོད་ཀྱི་བུད་མེད་ཀྱི་ཉིན་མོ་སོགས་ཀྱི་སྐོར་ནས་གཏམ་བཤད་ཟབ་མོ་གནང་སོང་།
ཕྱི་ལོ་༢༠༡༩ ཟླ་ ༣ པའི་ཚེས་༩ཉིན། འཕགས་ཡུལ་སེར་བྱེས་མཁས་སྙན་གྲྭ་ཚང་གི་མཁན་བླ་འདུས་མང་ཡོངས་ཀྱིས་ལྷག་པའི་ལྷ་མཆོག་དཔལ་རྟ་མགྲིན་ཡང་གསང་གི་བསྙེན་པ་ཡར་འཚོགས་གནང་སོང་།
བོད་ཀྱི་ཆབ་སྲིད་བཙོན་ཟུར་གྲགས་ཅན་སོག་མཁར་བློ་གྲོས་སམ་བློ་གྲོས་རྒྱ་མཚོ་ལགས་ཀྱི་པར།
པར་དབུས་བོད་མིའི་སྒྲིག་འཛུགས་དྲ་བར་བླངས།
ཁེ་ན་ཌའི་གྲོས་ཚོགས་གོང་མའི་ནང་བོད་མི་ཆབ་སྲིད་བཙོན་པའི་གནས་སྟངས་རྟོག་ཞིབ་གནང་བ།
དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་ཁེ་ན་ཌའི་གྲོང་ཁྱེར་ཊོ་རོན་ཊོར་བོད་མི་རྣམས་ལ་གསུང་བཤད་གནང་བཞིན་པ། པར་དབང་དབུས་བོད་མིའི་སྒྲིག་འཛུགས་ལ་ཡོད།
