༢༠༡༩ལོའི་ཟླ་༤་ཚེས་༡༨་ཉིན་སྤེལ། ཉེ་ཆར་རྒྱ་གར་གྱི་མངའ་སྡེ་མ་ཌི་ར(Madras) ནང་དུ་རྒྱ་ནག་གི་བརྙན་ཐུང་བཟོ་ས་དང་སྐུར་ས་ལྟ་སའི་མཉེན་ཆས་ཐྲིག་ཊོག་(TikTok)་དེ་བཀག་སྡོམ་བྱས་ཡོད་པ་དང་། དེ་ནས་ཟླ་འདིའི་ཚེས་༡༦་ཉིན་རྒྱ་གར་ནང་གི་གྷོ་གྷུ(Google)་དང་ཀུ་ཤུ་རྟགས་ཅན་གྱི་ཁ་པར་གྱི་ནང་ཕབས་ལེན་བྱེད་ས(app stores)་ནས་བཏོན་ཚར་ཡོད་འདུག

༢༠༡༩ལོའི་ཟླ་༤་ཚེས་༡༥ཉིན། ཧྥ་རན་སིའི་རྒྱལ་ས་ཕད་རི་སུར་ཡོད་པའི་ལོ་རྒྱུས་དང་ལྡན་པའི་ཡིད་དུ་འོང་བའི་ཡི་ཤུའི་ལྷ་ཁང་ཎ་ཁྲི་རེ་ཌ་མེ་(Notre-Dame Cathedral)་གཟའ་ཟླ་བའི་ཕྱི་དྲོར་མེ་སྐྱོན་ཚབས་ཆེན་འོག་རྡིབ་སྐྱོན་ཆེན་པོ་བྱུང་བ་དང་། ཡི་ཤུའི་ལྷ་ཁང་དེའི་ཁྱབ་ཁོངས་ཡོངས་སུ་དུ་བས་ཁེངས་སྟབས། དེ་གའི་ཡུལ་མི་རྣམས་བློ་ཕམ་ཤུགས་ཆེན་བྱུང་ཡོད་འདུག

༢༠༡༩ལོའི་ཟླ་༤་ཚེས་༡༢ཉིན་སྤེལ། ཉེ་ཆར་ཐེ་ཝན་ནང་སྨྲ་བརྗོད་རང་དབང་ཉིན་མོར་རྒྱ་ནག་གི་རྒྱལ་ཁབ་གཅིག་ལ་ལམ་ལུགས་གཉིས་ཞེས་པའི་སྲིད་ཇུ་ལ་ངོས་ལེན་མེད་པའི་ངོ་རྒོལ་དང་ཐེ་ཝན་རྒྱལ་ཁབ་གསར་པ་ཞིག་འཛུགས་བསྐྲུན་བྱེད་དགོས་ཞེས་འབོད་སྒྲ་སྒྲགས་ནས་ཐེ་ཝན་མི་མང་གིས་ངོ་རྒོལ་བྱས་འདུག

༢༠༡༩ ཟླ་ ༤ ཚེས་ ༡༥ཉིན། ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་ཟུར་པ་དང་རྒྱ་གར་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ཤན་ཏཱ་ཀུ་མཱར་(Shanta Kumar)མཆོག་གིས་གསར་འགོད་གསལ་བསྒྲགས་ཤིག་སྤེལ་ཏེ། ༸སྤྱི་ནོར་༸གོང་ས་མཆོག་སྐྱབས་མགོན་རིན་པོ་ཆེ་མཆོག་ལ་རྒྱ་གར་གྱི་གཟེངས་རྟགས་མཐོ་ཤོས་རྒྱ་གར་གྱི་ནོར་བུ(Bharat Ratna)ཞེས་པ་འབུལ་ལམ་ཞུ་དགོས་པའི་རེ་འདུན་ཞིག་རྒྱ་གར་དབུས་གཞུང་ལ་ཕུལ་གནང་འདུག རྒྱ་གར་གྱི་ནོར་བུ་ཞེས་པའི་གཟེངས་རྟགས་འདི་ནི། ཕྱི་ལོ་༡༩༥༤ལོ་ནས་བཟུང་གནང་མགོ་བརྩམས་ཤིང་། དེ་ཡང་མི་སྣ་སུ་ཞིག་གིས་མི་མང་ལ་ཕུལ་དུ་བྱུང་བའི་སྲི་ཞུ་བསྒྲུབས་པར་ཡི་རང་དང་བསྔགས་བརྗོད་མཚོན་ཆེད་དུ། ཕོ་མོ་དང་རིགས་རུས། གོ་གནས་སོགས་ཀྱི་ཁྱད་པར་ཅི་ཡང་མེད་པའི་སྒོ་ནས་གནང་གི་ཡོད་པའི་རྒྱ་གར་རྒྱལ་ཡོངས་ཀྱི་ཆེས་མཐོའི་གཟེངས་རྟགས་ཤིག་ཡིན་འདུག

༢༠༡༩ལོའི་ཟླ་༤་ཚེས་༡༦ཉིན་སྤེལ། ཉེ་ཆར་རྒྱ་ནག་ནང་ལས་མི་ཚོས་གཟའ་འཁོར་གཅིག་གི་ནང་དུ་ཉིན་དྲུག་ལ་ལས་ཀ་བྱེད་དགོས་པ་དང་། ཉིན་རེར་ཆུ་ཚོད་༡༢་ལ་ལས་ཀ་བྱེད་དགོས་པའི་དགུ་དགུ་དྲུག་ཅེས་པའི་ལས་གཞི་ཞིག་ཡོད་པར་རྒྱ་ནག་གི་ཕྱུག་བདག་ཚོང་པ་ཇེ་ཁི་མ་(Jack Ma)་ཡིས་རྒྱབ་སྐྱོར་གྱི་རྣམ་འགྱུར་བསྟན་ཡོད་པར་མི་ཚོས་སྤྱི་ཚོགས་དྲ་རྒྱའི་ཐོག་ནས་སྐྱོན་བརྗོད་བྱས་འདུག

༢༠༡༩ལོའི་ཟླ་༤་ཚེས་༩ཉིན། རྒྱ་གཞུང་གིས་ཉེ་ཆར་སྔོན་འགྲོ་དང་འབྲིང་རིམ་སློབ་གྲྭའི་སློབ་ཕྲུག་ཚོར་སྤྱི་ཚོགས་རིང་ལུགས་ལ་དགའ་ཞེན་དང་དམར་ཕྱོགས་ཚོགས་པར་ཡིད་ཆེས་སླེབས་ཆེད་མཉེན་ཆས་དང་དྲ་རྒྱ་སྒོ་འབྱེད་བྱས་ཡོད་པར་རྒྱལ་སྤྱིའི་བརྒྱུད་ལམ་ཁག་ནས་གནས་ཚུལ་ཐོན་བཞིན་འདུག དེ་བཞིན་ཨ་རི་བྱིས་པ་ཚོ་རྩེད་མོར་མགོ་འཁོར་ནས་ཡོད་སྐབས། རྒྱ་མིའི་བྱིས་པ་ཚོས་སྤྱི་ཚོགས་རིང་ལུགས་ཀྱི་ལྟ་གྲུབ་སྦྱོང་བཞིན་ཡོད་པར་ཕྱི་རྒྱལ་བ་ཚོས་སེམས་འཚབ་ཀྱི་རྣམ་འགྱུར་སྟོན་གྱི་འདུག