༢༠༡༩ལོའི་ཟླ་༢་ཚེས་༢༦་ཉིན་སྤེལ། བོད་ཀྱི་བླ་ན་མེད་པའི་དབུ་ཁྲིད་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འཛམ་གླིང་ནང་གི་ཆོས་ཕྱོགས་ཀྱི་དབུ་ཁྲིད་ཨང་གསུམ་པ་དེ་བདམས་ཡོད་པ་དང་། ཨང་དང་པོ་ཡི་ཤུའི་ཆོས་དཔོན་ཧྤ་རན་སེ་སུ(Pope Francis) མཆོག་དང་། གཉིས་པ་ཨ་རིའི་བུད་མེད་གྲགས་ཅན་ཨོ་པི་ར་ཝིན་ཧྥེ་རེ་(Oprah Winfrey)་བཅས་ཡིན་འདུག

༢༠༡༩ལོའི་ཟླ་༢ཚེས་༡༨ཉིན་སྤེལ། མཁའ་དབྱིངས་ཞིབ་འཇུག་ཚོགས་པ་ནཱ་སཱ(NASA)ཡིས་སྙན་ཐོ་བཏོན་པའི་ནང་། ས་གོ་ལའི་སྟེང་དུ་ལོ་ངོ་༢༠སྔོན་ལས་ད་ལྟར་ལྗང་མདོག་དང་རྩི་ཤིང་མང་དུ་སོང་ཡོད་པ་དང་། དེ་ནི་རྒྱ་གར་དང་རྒྱ་ནག་གིས་ཤིང་སྡོང་ས་ཡ་མང་པོ་བཏབས་པ་ལ་བརྟེན་ནས་བྱུང་ཡོད་པ་བརྗོད་འདུག

༢༠༡༩ལོའི་ཟླ་༢ཚེས་༡༣ཉིན་སྤེལ། རྒྱ་ནག་གི་རྒྱུད་གཅིག་ལམ་གཅིག་ལ་ཨེ་ཤེ་ཡའི་རྒྱལ་ཁབ་ཁ་ཤས་ནང་ངོ་རྒོལ་དང་སྐྱོན་བརྗོད་བྱས་ཡོད་པ་དང་། སིང་གྷ་ལ་དང་མལ་ཌི་ཧྥོ་སུ་(Maldives)བཅས་ལ་རྒྱ་ནག་དང་འབྲེལ་བའི་བུ་ལོན་གྱི་ཐད་ནས་དཀའ་ངལ་འཕྲད་ཀྱིན་ཡོད་པ་དང་། བྷན་ལ་ཌེ་ཞི་ཡིས་རྒྱ་ནག་གི་བུ་ལོན་གཡོར་བར་དོགས་ཟོན་བྱེད་ནས་བསྡད་ཡོད་འདུག

༢༠༡༩ལོའི་ཟླ་༢ཚེས་༢༡ཉིན་སྤེལ། ཨ་རིའི་གྲོས་ཚོགས་ནས་བོད་གཞིས་བྱེས་གཉིས་ཀྱི་བོད་མིར་རོགས་དངུལ་གནང་བའི་གྲོས་ཆོད་གཏན་འབེབས་གནང་རྗེས། ཨ་རིའི་སྲིད་འཛིན་ཌོ་ནལ་ཊམ་ཕུ་མཆོག་གིས་གྲོས་ཆོད་དེར་མཚན་རྟགས་བཀོད་ཡོད་འདུག རོགས་དངུལ་དེ་ནི་བོད་ཀྱི་ཁོར་ཡུག་དང་ཤེས་ཡོན་ཡར་རྒྱས། ཆོས་རིག་འཛིན་སྐྱོང་སོགས་ཀྱི་ལས་གཞིར་དམིགས་ནས་གནང་བ་ཞིག་ཡིན་འདུག

༢༠༡༩ལོའི་ཟླ་༢ཚེས་༡༤ཉིན་སྤེལ། བོད་ཀྱི་བླ་ན་མེད་པའི་དབུ་ཁྲིད་༸གོང་ས་མཆོག་གིས་གཟུགས་མཐོང་བརྙན་འཕྲིན་རྒྱུད་ནས་ཨ་རིར་བོད་དང་བོད་མིར་རྒྱབ་སྐྱོར་གནང་བར་ཐུགས་རྗེ་ཆེ་ཞུས་ཡོད་པ་དང་། སྲིད་སྐྱོང་མཆོག་མཛད་སྒོ་ཐོག་དངོས་སུ་ཕེབས་ནས་ཨ་རིར་གཞུང་མང་གཉིས་ལ་ཐུགས་རྗེ་ཆེ་ཞུས་ཡོད་པ་དང་། ཨ་རིའི་བོད་དོན་དམིགས་བསལ་འབྲེལ་མཐུད་པ་གང་མགྱོགས་བསྐོ་གཞག་གནང་དགོས་པའི་འབོད་སྐུལ་ཤུགས་ཆེན་གནང་འདུག

༢༠༡༩ལོའི་ཟླ་༢ཚེས་༡༡་ཉིན་སྤེལ། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་ལྷོ་ཨ་ཧྥི་རི་ཁའི་ནང་གཞུང་འབྲེལ་མཚམས་གཟིགས་ཕེབས་ཡོད་པ་དང་། སྐབས་དེར། སྲིད་སྐྱོང་མཆོག་གིས་བོད་ཀྱི་ཛ་དྲག་གི་གནས་སྟངས་སྐོར་དང་། བོད་མི་རང་ལུས་མེར་བསྲེག་གནང་མཁན་ཚོས་བོད་ལ་རང་དབང་དགོས་པ་དང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བོད་དུ་གདན་འདྲེན་ཞུ་དགོས་པའི་དགོས་འདུན་བཏོན་ཡོད་སྐོར་བཅས་གསུངས་འདུག