བོད་པ་ཚོ་སྐྱབས་བཅོས་ལ་ཡོང་ནས་ང་ཚོའི་ཆོས་དང་རིག་གཞུང་ལ་ཧ་ཅང་ཕན་ཐོགས་བྱུང་ཡོད་པ་དང༌། དེའི་ནང་ནས་༧གོང་ས་མཆོག་ང་ཚོའི་རྩ་བའི་བླ་མ་ཡིན་དུས་ཁོང་གིས་ཐུགས་ཕམ་བྱུང་བ་ཡིན་ན་ང་ཚོའི་མི་ཚེ་ནང་དེ་ལས་བློ་ཕམ་པ་ཞིག་མེད་པས། དེའི་སྐོར་ང་ཚོས་ནན་ཏན་གྱིས་ལས་ཀ་བྱ་འཆར་ཡོད་ཅེས་ཨ་རུ་ནཱ་ཅལ་མངའ་སྡེའི་ཆོས་རིག་བློན་ཆེན་འཇམ་དཔལ་དབང་འདུས་མཆོག་གིས་འགྲེལ་བརྗོད་གནང་སོང༌།

རྒྱ་གར་རྒྱལ་ཡོངས་བོད་པའི་མཐོ་རིམ་སློབ་མའི་ཚོགས་པས་བོད་པའི་གཞོན་སྐྱེས་མཛའ་འབྲེལ་རིག་རྩལ་འདུ་འཛོམས་ཆེན་མོའི་ལས་གཞི་བརྒྱུད་ལས་འགུལ་འདྲི་མིན་ཞིག་རིང་མིན་རྒྱ་གར་རྒྱལ་ཡོངས་བོད་རིགས་མཐོ་རིམ་སློབ་མའི་ལྷན་ཚོགས་ཀྱི་ངོས་ནས་གོ་སྒྲིག་ཞུ་འཆར་ཡོད་འདུག

ལྷོ་སྤྱི་ཆོས་འཕེལ་ཐུབ་བསྟན་ལགས་ཀྱིས་འཚམས་འདྲི་ཞུས་ཏེ། ལྷོ་ཕྱོགས་བོད་མི་གཞིས་ཆགས་ཁག་ལྔའི་སྐོར་ངོ་སྤྲོད་དང་སྦྲགས་མ་འོངས་བོད་མི་ཡོངས་ནས་ཀཱར་ན་ཀྲ་ཀ་གཞུང་མང་གཉིས་ལ་ཐུགས་རྗེ་ཆེ་ཞུའི་མཛད་སྒོ་སྲུང་བརྩི་སྐབས་སྐུ་མགྲོན་དུ་ཕེབས་གནང་ཡོང་བའི་མགྲོན་ཤོག་ཕུལ་ཡོད་འདུག

དབུས་བོད་མིའི་སྒྲིག་འཛུགས་ནས༼བུད་མེད་ཀྱི་ནུས་སྟོབས་སྤེལ་བའི་སྲིད་བྱུས༽་འདི་ལག་བསྟར་བྱེད་དགོས་པའི་རེ་འདུན་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་བཏོནགན་སོང་།

ཚད་མ་རིག་པ་དང་སེམས་ཁམས་རིག་པ་དེ་ཚོའི་གྲས་འགྲོ་བ་མི་ཡོངས་རྫོགས་ལ་འབྲེལ་བ་དང་ཕན་ཐོགས་ཡོད་པ་ཆགས་ཡོད། འདི་ཆོས་ཀྱི་སྐད་ཆ་མ་རེད། ད་ལྟ་གནའ་རབས་རྒྱ་གར་འཕགས་པའི་ཡུལ་གྱི་ཚད་མ་རིག་པ་དང་སེམས་ཁམས་རིག་པ་དེ་ཚོའི་གྲས་དེང་སྐབས་དངོས་ཡོད་གནས་ཚུལ་ལ་ནང་པའི་གཞུང་ནང་ཡོད་པ་དེ་དག་མུ་མཐུད་ནས་སློབ་སྦྱོང་བྱེད་མཁན་ཡོད་ཅེས་༧གོང་ས་མཆོག་གིས་ལ་དྭགས་ལྡུམ་ར་བསམ་གཏན་གླིང་དགོན་དུ་དབྱར་ཆོས་ཆེན་པོ་མཛད་སྒོའི་སྐབས་བཀའ་སློབ་བསྩལ་ཡོད་འདུག

བོད་མིའི་སྒྲིག་འཛུགས་ཀྱི་དབུ་ཁྲིད་ལམ་སྟོན་འོག་རྒྱ་གར་རྒྱལ་ཡོངས་སུ་བོད་མི་རྣམས་ནས་ཕྱི་ལོ་ ༢༠༡༨ ཧྲིལ་པོར་རྒྱ་གར་གཞུང་མང་གཉིས་ལ་ཐུགས་རྗེ་ཆེ་ཞུའི་ལས་འགུལ་གྱི་ཆ་ཤས་སུ་ཉིན་ཀུ་ལུ་མ་ན་ལི་ས་གནས་འགོ་འཛིན་ལས་ཁུངས་དང་དྭགས་པོ་ཤེས་སྒྲུབ་གླིང་དགོན་པ་གཉིས་ཐུན་མོང་གི་གོ་སྒྲིག་འོག་ས་གནས་སྨན་ཁང་ནང་གི་སྨན་པ་དང་ནད་པ་སོགས་ལ་ཉིན་གུང་ཞལ་ལག་གཏོང་ཕུལ་གྱི་ལས་འགུལ་སྤེལ།