སྲིད་སྐྱོང་བློ་བཟང་སེངྒེ་མཆོག་གིས་བོད་ནས་རྒྱ་གར་ལ་ཕེབས་མཁན་ཉུང་དུ་ཕྱིན་པར་བརྟེན་སྣེ་ལེན་ཁང་དེ་བཞིན་འཛིན་སྐྱོང་སྦྱོང་བརྡར་དང་བདེ་དོན་ཚོགས་པར་བསྒྱུར་པ་རེད། བོད་ནང་གི་གནས་སྟངས་དེ་ཡག་ཏུ་ཕྱིན་ནས་རྒྱ་གར་ལ་ཕེབས་མཁན་ཉུང་དུ་ཕྱིན་པ་མ་རེད། ༢༠༠༨ ལོའི་རྗེས་ལ་རྒྱ་ནག་གཞུང་གིས་བལ་ཡུལ་གཞུང་ལ་གནོན་ཤུགས་སྤྲད་པར་བརྟེན། བལ་ཡུལ་གྱི་ས་མཚམས་ཁག་ལ་དམ་བསྒྲགས་ཤུགས་ཆེ་རུ་སོང་བའི་རྐྱེན་གྱིས་བོད་ནས་རྒྱ་གར་ལ་ཕེབས་མཁན་ཉུང་དུ་ཕྱིན་པ་རེད། བོད་ནང་གི་གནས་སྟངས་ད་ལྟའང་ཛ་དྲག་གི་ངང་མུ་མཐུད་གནས་ཡོད།

༢༠༡༨ལོའི་ཟླ་༩་ཚེས་༧་ཉིན། སངས་རྒྱས་བསྐྱངས་ཀྱི་རྩ་ཤེས་འགྲེལ་བའི་བཀའ་ཁྲིད་ཀྱི་ཉིན་མཐའ་མར་དེའི་སྔ་དྲོར། དད་ལྡན་མང་ཚོགས་ཀྱིས་ཐད་ཀར་༸གོང་ས་མཆོག་ལ་བཀའ་འདྲི་ཞུ་བའི་ལས་རིམ་དུ། ཨེ་ཤེ་ཡའི་རྒྱལ་ཁབ་ཁག་ནས་ཕེབས་པའི་ཆོས་ཞུ་བ་འགས་༸གོང་ས་མཆོག་ལ་ཆོས་ཉམས་ལེན་གྱི་ཐད་ནས་བཀའ་འདྲི་ཞུས།

ལོ་ངོ་༦༠བརྒལ་བའི་དུས་ཡུན་ནང་གཞིས་བཞུགས་བོད་མི་རྣམས་ནི་རྒྱ་ནག་གཞུང་གི་དྲག་གནོན་གྱི་སྲིད་བྱུས་འོག་གཞི་རྩའི་འགྲོ་བ་མིའི་ཐོབ་ཐང་ཙམ་ཡང་མེད་པར་དུས་དང་རྣམ་པ་ཀུན་ཏུ་དངངས་སྐྲག་འོག་གནས་བཞིན་ཡོད། ཅེས་བོད་མིའི་མང་གཙོ་དབུ་བརྙེས་ནས་མི་ལོ་ ༥༨འཁོར་བའི་དུས་ཆེན་གྱི་ཉིན་མོ་འདིར་བཀའ་ཤག་གིས་གཏམ་བཤད་དུ་བཀོད་གནང་འདུག།

བོད་ཀྱི་བུད་མེད་ལྷན་ཚོགས་སླར་གསོ་བྱུང་སྟེ་ལོ་༣༤ འཁོར་བའི་དུས་ཆེན་སྲུང་བརྩི་གནང་སྐབས། སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་གྱིས་བུད་མེད་ནི་ཆུང་ས་ནས་མི་རང་ཉིད་དང་ཁྱིམ་ཚང་། ཆེ་ས་ནས་མི་རིགས་ཀུན་ལ་ཧ་ཅང་གལ་ཆེ་ཞིང་། ཨ་མའི་བྱམས་དང་སྙིང་རྗེ་ནི་རང་ཉིད་དང་ཧ་ཅང་ཐག་ཉེ་ཞིང་རྩ་ཆེ་བ་ཞིག་ཡིན་པས། བོད་ཀྱི་བུད་མེད་རྣམས་ལ་ཆ་མཚོན་ནའང་། རང་གི་ཁྱིམ་ཚང་དང་རྒྱལ་ཁབ། བོད་ཀྱི་རྩ་དོན། སྐད་ཡིག་དང་ཡ་རབས་བཟང་སྤྱོད་བཅས་ལ་གལ་ཆེ་བར་མ་ཟད། དེའི་ཐད་ལ་སྔར་ལས་ཤུགས་རྒྱག་དགོས་པ་དང་། ཕན་ཡང་འདོགས་ཐུབ་ངེས་ཡིན་པའི་སྐོར་གསུངས་སོང་།

ཁྱོད་རང་ཚོ་ཚང་མས་དམ་ཚིག་གོང་བུ་གཅིག་གྱུར་གྱི་ཐོག་ནས་བརྟན་བཞུགས་ཕུལ་ཏེ། རེ་བ་བརྒྱབ་པ་ནང་བཞིན་ངོས་ཀྱི་ངོས་ནས་ཡིན་ནའང་ལོ་བརྒྱ་སྐོར་ལ་སྡོད་ཐུབ་རྒྱུ་ཕལ་ཆེར་ཡོང་ཐུབ་པ་ཞིག་རེད། དེ་ངོས་ཀྱིས་སྨོན་ལམ་རྒྱག་གི་ཡིན། ཞེས་༸གོང་ས་མཆོག་གིས་བརྟན་བཞུགས་སྐབས་གསུང་གནང་སོང་།

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐོག་མའི་དགོངས་གཞི་ལྟར་བཙན་བྱོལ་བོད་མིའི་སྒྲིག་འཛུགས་སྲ་བརྟན་དང་། བོད་ཀྱི་སྐད་ཡིག རིག་གཞུང་སོགས་མི་ཉམས་རྒྱུན་འཛིན། འཚེ་མེད་ཞི་བའི་ལྟ་གྲུབ་གཞིར་བཞག་གིས་མང་གཙོའི་ཁེ་དབང་ལོངས་སྤྱད་དེ། བོད་དོན་བདེན་མཐའ་གསལ་ཐབས་དགོས་རྒྱུ་ནི་བོད་མི་ཡོངས་ཀྱི་འཕྲལ་ཕུགས་ཀྱི་དམིགས་ཡུལ་གལ་ཆེ་ཞིག་ཆགས་ཡོད་ན། དེའི་ཆ་རྐྱེན་ལྟ་བུ་མེད་དུ་མི་རུང་བ་ནི་ཆོལ་གསུམ་བོད་མི་ཡོངས་རྫོགས་མཐུན་སྒྲིལ་དམ་ཚིག་འོ་ཆུ་གཅིག་འདྲེས་གནང་དགོས་རྒྱུ་གལ་ཆེའི་ནང་གི་དོན་ཆེན་ལྟ་བུ་གྱུར་བས། བོད་མི་ནང་ཁུལ་འགལ་ཟླ་རིགས་མི་བྱེད་རྒྱུའི་དམ་བཅའ་བརྟན་བཟུང་ཐོག་མགོན་པོ་གང་གི་བཀའ་དྲིན་དང་ཐུགས་རེ་སྙིང་དབུས་སུ་བཅངས་ཏེ། བོད་བསྟན་སྲིད་མི་རིགས་ཀྱི་ཕུགས་འདུན་མངོན་འགྱུར་ཡོང་ཆེད་བོད་མི་རྣམས་སེམས་ཤུགས་ནམ་ཡང་མི་ཆགས་པར་ངལ་བ་ཁྱད་བསད་ཀྱིས་གཞིས་བྱེས་མཉམ་འཛོམས་ཡོང་རྒྱུ་སོགས་ལ་ཚང་མས་ཞུ་སྒོ་ཅི་མཆིས་སྒོ་ཀུན་ནས་ལྷོད་གཡེང་མེད་པར་འབད་འབུངས་གནང་རོགས་ཞེས་རེ་སྐུལ་ཤུགས་ཆེ་ཞུ་རྒྱུ་ཡིན། ཞེས་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་གསུངས་སོང་།