ཕྱི་ལོ་༢༠༢༥ ཟླ་༤ ཚེས་༢ ཉིན། བཞུགས་སྒར་རྡ་རམ་སའི་ཐེག་ཆེན་ཆོས་གླིང་གཙུག་ལག་ཁང་དུ། འབྲུག་གསང་སྔགས་ཆོས་གླིང་དང་འབྲུག་ཨ་མི་ཊ་པ་བཙུན་དགོན་གདན་ས་གཉིས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུས་སོང་།

ཕྱི་ལོ་ ༢༠༢༥ ཟླ་ ༣ ཚེས་ ༡༧ ཉིན། བཞུགས་སྒར་རྡ་རམ་སའི་གངས་ཅན་སྐྱིད་ཀྱི་སྤྱི་འཐུས་ཚོགས་ཁང་དུ། སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་དུས་དགུ་པ་དབུ་འཛུགས་གནང་སོང་། ཉིན་དང་པོར་གཞུང་འབྲེལ་མྱ་ངན་གུས་འདུད་ཀྱི་རྗེས་དྲན་གྲོས་ཆོད་གྲོས་འཆར་དང་། དཔལ་འབྱོར་བཀའ་བློན་མཆོག་གིས་བོད་མིའི་སྒྲིག་འཛུགས་ཀྱི་རྩིས་ལོ་༢༠༢༥་་༢༦ ལོའི་སྔོན་རྩིས་འགོད་འབུལ་གྱི་གསུང་བཤད་དང་། སྔོན་རྩིས་ཚོད་དཔག་འཆར་རྩིས་ཚོགས་ཆུང་གིས་རྩིས་ལོ་༢༠༢༥་་་༢༦ ལོའི་སྔོན་རྩིས་ཚོད་དཔག་འཆར་རྩིས་ཚོགས་ཆུང་གི་སྙན་ཐོ་སྙན་སྒྲོན་གནང་རྗེས་དེའི་ཐོག་བགྲོ་གླེང་གནང་སོང་།

ཕྱི་ལོ་༢༠༢༥ ཟླ་༣ ཚེས་༡༠་ཉིན། བཞུགས་སྒར་རྡ་རམ་སའི་ཐེག་ཆེན་ཆོས་གླིང་གཙུག་ལག་ཁང་དུ། བོད་མིའི་སྒྲིག་འཛུགས་ཀྱིས་ཕྱི་ལོ་༡༩༥༩ ལོའི་ཟླ་༣ ཚེས་༡༠ ཉིན་བོད་ཀྱི་རྒྱལ་ས་ལྷ་སར་ཆོལ་གསུམ་བོད་མི་སེར་སྐྱ་ཡོངས་ནས་རྒྱ་དམར་བཙན་འཛུལ་ལ་ངོ་རྒོལ་བྱེད་ཆེད་རང་དབང་སྒེར་ལངས་བྱས་པའི་དུས་དྲན་ཐེངས་ ༦༦ པ་དང་། རྒྱལ་གཅེས་དཔའ་བོ་དཔའ་མོའི་ཉིན་མོ་སྲུང་བརྩི་ཞུས་སོང་།

ཕྱི་ལོ་༢༠༢༥ ཟླ་༣ ཚེས་༡༠ ཉིན། བོད་ཀྱི་གཞུང་འབྲེལ་མིན་པའི་ཚོགས་པ་བཞི་ཡི་གོ་སྒྲིག་འོག བོད་ཀྱི་དགེ་འདུན་པ་དང་བཙུན་མ་གཙོས་པའི་བོད་མི་བརྒྱ་ཕྲག་འགའ་ཡིས་རྡ་ས་ཐེག་ཆེན་ཆོས་གླིང་གཙུག་ལག་ཁང་ནས་རྡ་ཤོད་ཀ་ཅ་རི་བར་དུ། བོད་ལ་རང་དབང་དགོས། བོད་ལ་འགྲོ་བ་མིའི་ཐོབ་ཐང་དགོས། བོད་མི་དམར་གསོད་གཏོང་བར་མཚམས་འཇོག་དགོས།

ཕྱི་ལོ་༢༠༢༥ ཟླ་༣ ཚེས་༨ ཉིན། བཞུགས་སྒར་རྡ་རམ་སའི་མོག་གྷན་སྤྱི་ཐང་དུ། དབུས་དང་ས་གནས་བོད་ཀྱི་བུད་མེད་ལྷན་ཚོགས་ཀྱིས་རྒྱལ་སྤྱིའི་བུད་མེད་ཉིན་མོ་སྲུང་བརྩི་ཞུས་སོང་། སྐབས་དེར། བོད་ནང་བུད་མེད་ཚོས་རྒྱ་ནག་གཞུང་གི་བཙན་གནོན་སྲིད་བྱུས་འོག་དཀའ་ངལ་སྣ་ཚོགས་འཕྲད་བཞིན་ཡོད། བུད་མེད་དེ་དག་མི་རིགས་དང་ཕོ་མོའི་དབྱེ་བ་ལ་བརྟེན་ནས་སྤྱི་ཚོགས་དང་དཔལ་འབྱོར། ཆབ་སྲིད་ཀྱི་ཁྱབ་ཁོངས་སུ་རྒྱུན་དུ་ཕྱོགས་ལྷུང་དང་དབྱེ་འབྱེད་བྱེད་ཀྱི་ཡོད། བོད་ཀྱི་བུད་མེད་ཚོས་འདྲ་མཉམ་དང་དྲང་བདེན་གྱི་འཐབ་རྩོད་ནང་ཡིད་ཆེས་བྱེད་ཐུབ་པའི་བརྟན་ལྷིང་དང་བློ་ཐག་ཆོད་པོ་བསྟན་ཡོད། ཅེས་བོད་ཀྱི་བུད་མེད་ལྷན་ཚོགས་ཀྱིས་བརྗོད་སོང་།

ཕྱི་ལོ་༢༠༢༥ལོའི་ཟླ་༢་ཚེས༡༣་ཉིན། བཞུགས་སྒར་རྡ་རམ་སའི་ས་གནས་འགོ་འཛིན་ཚོགས་ཁང་དུ། བོད་རང་བཙན་སློབ་ཕྲུག་ཚོགས་པའི་གོ་སྒྲིག་འོག བོད་མི་ཚོས་༧རྒྱལ་དབང་སྐུ་ཕྲེང་བཅུ་གསུམ་པ་ཐུབ་བསྟན་རྒྱ་མཚོ་མཆོག་གིས་བོད་རང་བཙན་ཡོངས་ཁྱབ་གསལ་བསྒྲགས་གནང་ནས་ལོ་ངོ་༡༡༢ འཁོར་བའི་ཉིན་མོ་སྲུང་བརྩི་ཞུས་སོང་། སྐབས་དེར། གཏམ་བཤད་པ་རྣམ་པས་བོད་དེ་རྒྱ་གཞུང་གིས་མིང་བསྒྱུར་ཐབས་གཏོང་བཞིན་པ་འདི་ནི་བོད་ཀྱི་ལོ་རྒྱུས་ནག་བསུབ་གཏོང་ཐབས་ཀྱི་བྱ་སྤྱོད་རེད་ཟེར་ནས་རྒྱ་གཞུང་ལ་ངོ་རྒོལ་དང་སྐྱོན་བརྗོད་གནང་སོང་།