ཕྱི་ལོ་༢༠༢༥ཟླ་བ་༥ཚེས་༧ཉིན་གྱི་སྔ་དྲོ་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་ལ་བལ་ཡུལ་ཤངས་དགའ་ལྡན་ཆོས་འཁོར་གླིང་དང༌། ཆ་ཕྲེང་མི་མང་ཚོགས་ཁག་ཅིག ཕག་རི་མི་མང་བཅས་ནས་བརྟན་བཞུགས་བསྟར་འབུལ་ཞུས་ཡོད་པ་རེད། པར་རིས་འདི་དག་ནི་རྒྱལ་སྤྱིའི་བོད་ཀྱི་ཆ་འཕྲིན་གྱི་གསར་འགོད་པ་དབྱངས་ཅན་སྒྲོལ་མ་ལགས་ཀྱིས་པར་བླངས་པ་ཞིག་རེད།།

༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་སློབ་སྩལ་དོན།  "དེ་རིང་འདིར་ཤངས་དགའ་ལྡན་ཆོས་འཁོར་གླིང་དང་། ཕག་རི་བ་གཞིས་བྱེས་མི་མང་། ཆ་ཕྲེང་བ་ཁག་གཅིག་བཅས་ནས་བརྟན་བཞུགས་ཕུལ་བ་རེད། ཚང་མ་དངོས་གནས་སེམས་ཤུགས་རྩེ་གཅིག་ཡིན་པ་ཧ་ཅང་གསལ་བོ་རེད། ཚང་མར་ཐུགས་རྗེ་ཆེ་ཞུ་རྒྱུ་ཡིན། ངོས་ལ་ཆ་བཞག་ན་སྐུ་འབུམ་ལ་སྐྱེས་ནས་ཡར་ལྷ་སར་སླེབས་པ་དང་། ༸རྒྱལ་དབང་གི་མཚན་འཁྱེར་བའི་ཐོག་ནས་བསྟན་པ་དང་འགྲོ་བའི་དོན་རྒྱ་ཆེ་ཐག་ཆོད་བྱས་ཡོད་པ་རེད། རྒྱ་མིས་དོགས་ཟོན་བྱེད་དགོས་པ་ཆགས་ནས་བསྡད་པ་རེད། དེ་ནས་མཐའ་མའི་འདུས་ལྟ་བུ་ནི་བཙན་བྱོལ་བ་ཆགས་ནས་རྒྱ་གར་དུ་གནས་ཡོད། རྒྱ་གར་ལ་སླེབས་ནས་རྒྱ་གར་གྱི་ཤར་ནུབ་དབུས་སོགས་ས་ཁུལ་ཁག་ནས་དད་འདུས་ཀྱི་སྐྱེ་བོ་ཁྲི་ཕྲག་མང་པོས་རྩེ་གཅིག་གི་དད་པ་དང་དགའ་ཞེན་བྱས་ཏེ་ངོས་ལ་ཐུག་འཕྲད་དུ་ཡོང་གི་ཡོད་པ་རེད།"