13
Tue, Apr

སྤྱི་ལོ་༢༠༢༡་ཟླ་༣་ཚེས་༡༨ཉིན། ཨ་རི་ཕྱི་སྲིད་དྲུང་ཆེ་མཆོག་དང་རྒྱ་གཞུང་གི་ཕྱི་སྲིད་འགོ་ཁྲིད་ཁག་ཐོག་མར་ཐུག་འཕྲད་བྱས་སྐབས། རྒྱལ་ཁབ་ཕན་ཚུན་བར་གྱི་སྲིད་ཇུས་དང་བྱ་སྤྱོད་ཁག་ལ་སྐྱོན་བརྗོད་བྱས་ཡོད་པ་མ་ཟད། གདོང་ཐུག་ཀྱང་ཤོར་ནས་ཚོགས་འདུ་ལེགས་པོ་མཇུག་སྒྲིལ་ཐུབ་མེད་པ་རེད་འདུག

སྤྱི་ལོ་༢༠༢༡་ལོའི་ཟླ་༣་ཚེས་༡༦ཉིན། ཨ་རིའི་ཕྱི་སྲིད་དྲུང་ཆེ་ཨན་ཊོན་ཎི-བྷི་ལིན་ཁེན(Antony Blinken)ཉི་ཧོང་གཟིགས་སྐོར་དུ་ཕེབས་སྐབས། རྒྱ་གཞུང་གིས་ཁྱིམ་མཚེས་རྒྱལ་ཁབ་ཁག་ལ་བཙན་སྐུལ་དང་དྲག་རྒོལ་བྱེད་བཞིན་པར་ཉེན་བརྡ་བཏང་ཡོད་མ་ཟད། གལ་སྲིད་རྒྱ་གཞུང་གིས་བཙན་སྐུལ་དང་དྲག་རྒོལ་བརྒྱུད་ནས་རང་དོན་སྒྲུབ་ཐབས་བྱས་ན་ཨ་རི་ནས་ཁ་གཏད་གཅོད་རྒྱུ་ཡིན། ཞེས་བརྗོད་འདུག

སྤྱི་ལོ་༢༠༢༡་ལོའི་ཟླ་༣་ཚེས་༥ཉིན། ༸གོང་ས་མཆོག་གིས་རྒྱལ་སྤྱིའི་ནང་པའི་ལྷན་ཚོགས་ཀྱི་ཚོགས་ཆེན་ཐོག་བཀའ་སློབ་བསྩལ་དོན། འཛམ་གླིང་འདིའི་སྟེང་གི་ཆོས་ལུགས་ཚང་མར་ལྟ་གྲུབ་མི་འདྲ་བ་ཡོད་ཀྱང་མིའི་སེམས་པ་བཟང་པོ་བྱེད་དགོས་པ་དང་། བྱམས་བརྩེ་ལྡན་པ་ཞིག་བྱེད་དགོས་པ་ཆོས་ལུགས་ཚང་མས་གསུངས་བཞིན་ཡོད། ཅེས་བཀའ་སློབ་བསྩལ་སོང་།

༢༠༢༡ལོའི་ཟླ་༡་ཚེས་༢༡ཉིན། བཞུགས་སྒར་རྡ་ས་རྒྱལ་བའི་ཕོ་བྲང་ནས། ༸གོང་ས་མཆོག་གིས་ཇོར་བྷ་ཌན་ཨ་རིའི་སྲིད་འཛིན་ཆགས་པར་འཚམས་འདྲིའི་གསུང་འཕྲིན་སྩལ་ཏེ། ཨ་རིའི་གཞུང་གིས་ཁོར་ཡུག་སྲུང་སྐྱོབ་གནང་རྒྱུ་འདི་གནད་དོན་གལ་ཆེ་ཤོས་ཤིག་ཏུ་བརྩིས་པ་དང་། པེ་རཱི་སེ་ཁོར་ཡུག་གྲོས་མཐུན་ནང་དུ་བསྐྱར་ཞུགས་གནང་བར་ངོས་རང་ཧ་ཅང་དགའ་པོ་བྱུང་། ཞེས་༸གོང་ས་མཆོག་གིས་གསུངས་འདུག

སྤྱི་ལོ་༢༠༢༡་ལོའི་ཟླ་༣་ཙེས་༨ཉིན། རྒྱལ་སྤྱིའི་བུད་མེད་ཉིན་མོར་ཨ་རི་ཕྱི་སྲིད་ལས་ཁུངས་ཀྱིས་འཛམ་གླིང་ནང་གི་བུད་མེད་བཅུ་བཞིར་རྒྱལ་སྤྱིའི་བུད་མེད་སྙིང་སྟོབས་ཅན་ཞེས་གཟེངས་རྟགས་ཕུལ་ཡོད་པ་དང་། གཞན་ཨ་ཧྥི་གྷ་ནི་སིའི་བུད་མེད་བདུན་ལ་ཆེད་བསྟོད་གཟེངས་རྟགས་ཤིག་ཀྱང་ཕུལ་འདུག

སྤྱི་ལོ་༢༠༢༡་ལོའི་ཟླ་༣་ཚེས་༣ཉིན། ཨ་རིར་རྟེན་གཞི་བྱས་པའི་རང་དབང་ཁང་པ་ཡིས་རྒྱལ་ཁབ་དང་ས་ཁུལ་ཉིས་བརྒྱ་ཙམ་གྱི་ནང་དུ་འཛམ་གླིང་ནང་གི་རང་དབང་ཅེས་པའི་ལོ་འཁོར་སྙན་ཐོ་ཞིག་བཏོན་འདུག དེའི་ནང་དུ་བོད་དང་སི་རེ་ཡ་ནི་རང་དབང་ཆེས་མེད་ཤོས་ཀྱི་རྒྱལ་ཁབ་ཡིན་པ་བཏོན་འདུག

༢༠༢༡་ལོའི་ཟླ་༡་ཚེས་༢༡ཉིན། བཞུགས་སྒར་རྡ་ས་ནས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒ་མཆོག་ནས། ཨ་རིའི་སྲིད་འཛིན་གསར་པ་ཇོར་བྷ་ཌན་(Joe Biden)དང་སྲིད་འཛིན་གཞོན་པ་ཀཱ་མཱ་ལཱ-ཧཱ་རིས་(Kamala Harris)གཉིས་ཀྱིས་ལས་ཁུར་དམ་འབུལ་གནང་བར་འཚམས་འདྲི་གནང་རྗེས། ཨ་རི་དང་བོད་གཉིས་ཀྱི་འབྲེལ་བ་སྔར་ལྷག་ཡར་རྒྱས་གོང་འཕེལ་ཡོང་བར་རྒྱབ་སྐྱོར་གནང་བའི་རེ་བ་ཡོད། ཅེས་སྲིད་སྐྱོང་མཆོག་གིས་གསུངས་འདུག

More Articles ...

བོད་ཀྱི་ལོ་རྒྱུས་ཡིག་ཆ།