17
Mon, May

ཕྱི་ལོ་༢༠༢༡་ཟླ་༤་ཚེས་༥ཉིན་སྤེལ། བོད་མདོ་སྨད་རྔ་བ་ནས་ཡིན་པའི་རྩོམ་པ་པོ་སྒོ་ཤེས་རབ་རྒྱ་མཚོ་ལགས། རྒྱ་གཞུང་གིས་ལོ་སྔོན་ཟླ་༡༠་ཚེས་༢༦ཉིན་སི་ཁྲོན་ཞིང་ཆེན་ཁྲིན་ཏུའུ་གྲོང་ཁྱེར་ནས་འཛིན་བཟུང་བྱས་ཡོད་འདུག བོད་ཕྱི་ནང་གཉིས་ནས་ཁོང་ལ་སེམས་ཁྲལ་དང་མྱུར་དུ་གློད་གྲོལ་ཡོང་བའི་འབོད་སྐུལ་ཞུ་བཞིན་འདུག

སྤྱི་ལོ་༢༠༢༡་ཟླ་༣་ཚེས་༢༣ཉིན་སྤེལ། བོད་མདོ་སྨད་མཚོ་སྔོན་རྨ་ཆེན་རྫོང་ནས་ཡིན་པའི་བཀྲ་ཤིས་རྒྱལ་ལགས་ཀྱིས་སྐད་འཕྲིན་ནང་༸གོང་ས་མཆོག་གི་སྐུ་པར་དང་སྲིད་སྐྱོང་བློ་བཟང་སེངྒ་མཆོག་གི་འདྲ་པར་བརྒྱུད་སྐུལ་བྱས་པར་བརྟེན། རྒྱ་གཞུང་གིས་རྒྱལ་ཁབ་ཁ་བྲལ་དང་བདེ་འཇགས་ལ་གནོད་པའི་བྱ་སྤྱོད་སྤེལ་བའི་ཉེས་མིང་འོག་ལོ་གཅིག་ལ་བཙོན་འཇུག་ཁྲིམས་ཐག་བཅད་ཡོད་འདུག 

༢༠༢༠་ལོའི་ཟླ་༡༢་ཚེས་༢༦་ཉིན་སྤེལ། བོད་མདོ་སྨད་རྨ་ཆེན་རྫོང་ནས་ཡིན་པའི་བོད་མི་ཞིག་གིས་དྲ་ལམ་ནས་༸གོང་ས་མཆོག་གི་བཀའ་སློབ་དང་། བོད་རང་བཙན་གྱི་པར་རིས་རྒྱུད་སྤེལ། བོད་མིའི་སྒྲིག་འཛུགས་ཀྱི་ལས་བྱེད་མི་སྣར་ལོ་གསར་འཚམས་འདྲི་བྱས་པ་བཅས་ལ་བརྟེན་ནས། རྒྱ་གཞུང་གིས་ཁོང་རྒྱལ་ཁབ་ཁ་བྲལ་གྱི་ཉེས་མིང་འོག་ལོ་གཅིག་གི་ཁྲིམས་ཐག་བཅད་འདུག

༢༠༢༠་ལོའི་ཟླ་༡༠་ཚེས་༢༩ཉིན་སྤེལ། ཉེ་ཆར་བོད་ཁམས༌འབྲི་རུ་རྫོང་ཆགས་རྩེ་ནས་སྐྱེས་པ་བསྟན་འཛིན་ཐར་པ་དང་བུད་མེད་ལྷ་མོ་གཉིས་རྒྱ་གཞུང་གིས་ཕྱི་ཕྱོགས་སུ་དངུལ་བཏང་བའི་ཉེས་མིང་འོག་ཏུ་འཛིན་བཟུང་བྱས་ཡོད་འདུག ལྷ་མོ་ལགས་རྒྱ་དམར་ཉེན་རྟོག་པས་མནར་གཅོད་ཚད་མེད་བཏང་བས་འདས་གྲོངས་སུ་ཕྱིན་འདུག

༢༠༢༡ལོའི་ཟླ་༢་ཚེས་༡༧ཉིན་སྤེལ། བོད་ཁམས་འབྲི་རུ་རྫོང་གི་དཀོན་མཆོག་སྦྱིན་པ་ལགས་རྒྱ་གཞུང་གིས་ཉེས་མེད་ཉེས་འཛུགས་བྱས་ནས་ལོ་མང་རིང་བཙོན་འཇུག་དང་མནར་གཅོད་བཏང་ནས་ཉེ་སྔོན་ལྷ་སའི་སྨན་ཁང་ཞིག་ཏུ་འདས་གྲོངས་སུ་ཕྱིན་འདུག

༢༠༢༠་ལོའི་ཟླ་༡༡་ཚེས་༢༧ཉིན་སྤེལ། བོད་མདོ་སྨད་རྔ་བ་ནས་ཡིན་པའི་གྲྭ་རིན་ཆེན་ཚུལ་ཁྲིམས་ལགས་རྒྱ་གཞུང་གིས་ཕྱི་རྒྱལ་དུ་ཡོད་པའི་བོད་མི་དང་མཉམ་དུ་བོད་དོན་གླེང་སློང་བྱས་པ་དང་། ཕྱི་ལོག་ནས་དཔེ་ཆ་གལ་ཆེན་མངགས་ཉོ་བྱས་ནས་བོད་ནང་གི་ས་ཆ་མང་པོར་འགྲེམས་སྤེལ་བྱས་ཡོད་པ་སོགས་ཀྱིས་ཉེས་མིང་འོག་འཛིན་བཟུང་བྱས་ཡོད་འདུག

༢༠༢༠་ལོའི་ཟླ་༡༠་ཚེས་༡༧ཉིན། རྒྱལ་གཅེས་དཔའ་བོ་ཆབ་སྲིད་བཙོན་ཟུར་སྟག་སྣ་འཇིགས་མེད་བཟང་པོ་ལགས་སུད་སིའི་ས་གནས་ཊུར་བྷེན་ཐལ་ཞེས་པའི་རྒས་གསོ་ཁང་ཞིག་ཏུ་དགོངས་པ་རྫོགས་པའི་ཡིད་སྐྱོ་བའི་གནས་ཚུལ་ཐོན་ཡོད་པ་དང་། བོད་མི་ཚོས་ཁོང་ལ་མྱ་ངན་གུས་འདུད་དང་མཆོད་འབུལ་སྨོན་ལམ་གནང་སོང་།

More Articles ...

བོད་ཀྱི་ལོ་རྒྱུས་ཡིག་ཆ།