ཡུ་རོབ་རྒྱལ་ཁབ་ལི་ཐའོ་ནེ་ཡའི་(Lithuania)དང་། ལྰ་ཊི་ཝེ་ཡའི(Latvia)ནང་གི་ཆོས་འབྲེལ་མཛད་འཕྲིན་རྣམས་ལེགས་པར་གྲུབ་སྟེ་ཕྱིར་བཞུགས་སྒར་དུ་ཆིབས་བསྒྱུར་བསྐྱངས་གནང་སོང་།
དེ་ཡང་ཟླ་འདིའི་ཕྱི་ཚེས་༢༠་ཉིན་གྱི་ཉིན་གུང་ཙམ་ལ་༧གོང་ས་མཆོག་གི་ཡུ་རོབ་ཁུལ་གྱི་བདུན་ཕྲག་གཅིག་ཙམ་རིང་གི་མཛད་འཕྲིན་རྣམས་ལེགས་པར་གྲུབ་སྟེ་དེ་རིང་ཉིན་གུང་བཞུགས་སྒར་དུ་ཞབས་སོར་བདེ་བར་བཀོད་སོང་། ཕྱི་ཚེས་༡༢ནས་བཟུང་ཡུ་རོབ་རྒྱལ་ཁབ་ལི་ཐའོ་ནེ་ཡའི་(Lithuania)དང་། ལྰ་ཊི་ཝེ་ཡའི(Latvia)ནང་གི་ཆོས་འབྲེལ་མཛད་འཕྲིན་རྣམས་ལེགས་པར་གྲུབ་སྟེ། དེ་རིང་ཉིན་གུང་ཆུ་ཚོད་ ༡མ་ཟིན་ཙམ་ལ་བོད་མིའི་སྒྲིག་འཛུགས་ཀྱི་གནད་ཡོད་མི་སྣ་དང་དྷ་ས་ཁུལ་གྱི་སེར་སྐྱ་མི་མང་གི་ཕེབས་བསུའི་ཁྲོད། བཞུགས་སྒར་དྷ་རམ་ས་ལའི་ཕོ་བྲང་དུ་ཞབས་སོར་བདེ་བར་བཀོད་སོང་།
