རྒྱལ་སྤྱིའི་བོད་ཀྱི་ཆ་འཕྲིན།
རང་དབང་གི་འབོད་སྒྲ
༢༠༢༠་ལོའི་ཟླ་༨་ཚེས་༧་ཉིན། ཨ་རིའི་སྲིད་འཛིན་ཊོམ་གྱིས་རྒྱ་ནག་གི་མཉེན་ཆས་ཊི་ཊོ(TikTok)དང་སྐད་འཕྲིན(Wechat) གཉིས་ཀྱིས་ཨ་རིའི་རྒྱལ་ཁབ་བདེ་འཇགས་དང་འབྲེལ་བའི་གནས་ཚུལ་རྒྱ་དམར་གཞུང་ལ་མཁོ་སྤྲོད་བྱེད་ཀྱི་ཡོད་སྐོར་དང་། ཉིན་༤༥་ནང་དུ་སྒོ་རྒྱག་རྒྱུ་ཡིན་པར་གསལ་བསྒྲགས་སྤེལ་འདུག
༢༠༢༠་ལོའི་ཟླ་༧་ཚེས་༢༤་ཉིན་སྤེལ། ཉེ་ཆར་ཨ་རིའི་ཕྱི་སྲིད་དྲུང་ཆེ་མར་ཁི-པོམ་གྱིས་མང་གཙོ་རྒྱལ་ཁབ་རྣམས་མཉམ་འབྲེལ་བྱས་ནས་རྒྱ་ནག་དམར་ཤོག་ཚོགས་པ་འགྱུར་བ་གཏོང་དགོས། དེ་མ་གཏོགས་རྒྱ་དམར་གྱིས་ང་ཚོ་འགྱུར་བ་གཏོང་རྒྱུར་ངེས་གཏན་རེད། དེར་བརྟེན། རྒྱ་དམར་འགྱུར་བ་གཏོང་རྒྱུ་ནི་ང་ཚོའི་དམིགས་ཡུལ་ཡིན། ཞེས་བརྗོད་འདུག
༢༠༢༠་ལོའི་ཟླ་༧་ཚེས་༢༡ཉིན་སྤེལ། ཨ་རི་སྲིད་གཞུང་གིས་སླར་ཡང་རྒྱ་ནག་གི་བཟོ་གྲྭ་དང་ཚོང་གཉེར་ཁང་༡༡་ཚོང་འབྲེལ་གྱི་ནག་ཐོའི་ནང་དུ་བླུགས་འདུག ཚོང་གཉེར་ཁང་དེ་དག་ནི་རྒྱ་གཞུང་གིས་ཡུ་གུར་གཙོས་པའི་གྲངས་ཉུང་མི་རིགས་ཀྱི་འགྲོ་བ་མིའི་ཐོབ་ཐང་ལ་རྡོག་རོལ་གཏོང་བཞིན་པ་དང་འབྲེལ་བ་ཡོད་པར་འགྲེལ་བརྗོད་བྱས་འདུག
༢༠༢༠་ལོའི་ཟླ་༧་ཚེས་༧ཉིན། ཨ་རིའི་ཕྱི་སྲིད་དྲུང་ཆེ་མི་ཁི-པོམ་པེ(Mike Pompeo)མཆོག་གིས་བོད་དུ་འགྲོ་བ་མིའི་ཐོབ་ཐང་ལ་རྡོག་རོལ་གཏོང་མཁན་གྱི་རྒྱ་གཞུང་གི་འགོ་ཁྲིད་ཁག་ཅིག་ཨ་རི་ནང་དུ་ཡོང་བའི་མཐོང་མཆན་བཀག་སྡོམ་བྱ་རྒྱུ་ཡིན་པའི་གསལ་བསྒྲགས་སྤེལ་འདུག
༢༠༢༠་ལོའི་ཟླ་༧་ཚེས་༢༣་ཉིན་སྤེལ། ཨ་རི་སྲིད་གཞུང་གིས་རྒྱ་ནག་གཞུང་ཚབ་ཁང་སྒོ་བརྒྱབ་པ་དང་། དྲ་ཇག་འཛིན་བཟུང་། ཚོང་གཉེར་ཁང་དང་བཟོ་གྲྭ་བཀག་སྡོམ། ཨེ་ཤ་ཡའི་ནང་དུ་དམག་སྒར་བཙུགས་པ་དང་དམག་སྦྱོང་བྱས་པ་བཅས་རྒྱ་ནག་ལ་རིམ་བཞིན་འཐབ་རྒོལ་བྱེད་འགོ་བརྩམས་ཡོད་པ་རེད།
༢༠༢༠་ལོའི་ཟླ་༧་ཚེས་༡༧་ཉིན་སྤེལ། ཨ་རི་སྲིད་གཞུང་གིས་རྒྱ་ནག་དམར་ཤོག་ཚོགས་པའི་ཚོགས་མི་དང་ནང་མི། དེ་བཞིན་ཚོང་གཉེར་ཁང་གཙོ་འཛིན་སོགས་ཨ་རིར་ཡོང་བའི་མཐོང་མཆན་འགོག་པའི་གྲོས་འཆར་ཞིག་འགྲོ་བཞིན་ཡོད་པའི་གསར་འགྱུར་ཐོན་འདུག
༢༠༢༠་ལོའི་ཟླ་༧་ཚེས་༤་ཉིན། སངས་རྒྱས་བཅོམ་ལྡན་འདས་ཀྱིས་ཆོས་འཁོར་དང་པོ་བསྐོར་བའི་དུས་ཆེན་ཉིན། ༸གོང་ས་མཆོག་གིས་སྡུག་བསྔལ་མེད་པར་བཟོ་ཐབས་ནི་སྡུག་བསྔལ་གྱི་རྒྱུ་མེད་པར་བཟོ་ཐུབ་མིན་ལ་རག་ལས་ཡོད། ཀུན་འབྱུང་ལ་དཔྱད་དུས་མ་རིག་པ་ཐུག་ཡོད། གཞུང་ཆེན་པོའི་ཁག་ཏུ་མ་རིག་པ་སོགས་ཀྱི་སྐོར་ཟབ་ཅིང་རྒྱས་པ་ཡོད། དེར་བརྟེན། གཞུང་འདི་ཚོ་ལྟ་ཐུབ་པ་བྱེད་དགོས་པར་གལ་ཆེན་པོ་རེད། ཅེས་བཀའ་བསྩལ།
བོད་ཀྱི་ཆབ་སྲིད་བཙོན་ཟུར་གྲགས་ཅན་སོག་མཁར་བློ་གྲོས་སམ་བློ་གྲོས་རྒྱ་མཚོ་ལགས་ཀྱི་པར།
པར་དབུས་བོད་མིའི་སྒྲིག་འཛུགས་དྲ་བར་བླངས།
ཁེ་ན་ཌའི་གྲོས་ཚོགས་གོང་མའི་ནང་བོད་མི་ཆབ་སྲིད་བཙོན་པའི་གནས་སྟངས་རྟོག་ཞིབ་གནང་བ།
དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་ཁེ་ན་ཌའི་གྲོང་ཁྱེར་ཊོ་རོན་ཊོར་བོད་མི་རྣམས་ལ་གསུང་བཤད་གནང་བཞིན་པ། པར་དབང་དབུས་བོད་མིའི་སྒྲིག་འཛུགས་ལ་ཡོད།
