༢༠༡༨།༠༢།༢༢ཉིན་སྤེལ།
བོད་ཀྱི་གསོ་རིག་ཆེད་མཁས་པ་དང་བོད་སྨན་གསར་གཏོད་པ་དགེ་བའི་གཤེས་གཉེན་ཆེན་མོ་ཨ་ཁུ་བསྟན་ཁོའམ་བསྟན་འཛིན་དོན་འགྲུབ་མཆོག་མཛོད་དགེ་རྫོང་བཞག་ལྡོམ་ཡུལ་ཚོའི་བཤད་སྒྲུབ་ནོར་བུའི་གླིང་དགོན་པའི་ནང་སྐུ་གྲོངས་ཡོད་འདུག

༢༠༡༨།༠༢།༢༠ཉིན་སྤེལ། ལོ་ངོ་གཅིག་ལྷག་གི་སྔོན་ལ་ཁྲིམས་འགལ་གྱིས་འཛིན་བཟུང་བཀག་ཉར་བྱས་པའི་བོད་ཀྱི་ཆབ་སྲིད་བཙོན་ཟུར་ཚེ་མགོན་རྒྱལ་ལགས་སུ་ཁ་བྲལ་ལ་ངན་སྐུལ་བྱས་པའི་ནག་ཉེས་བཙུགས་ཏེ། ཟླ་སྔོན་མའི་ཟླ་འགོར་མདོ་སྨད་མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་འབྲིང་རིམ་མི་དམངས་ཁྲིམས་ཁང་ཟེར་བས་ཁོང་ལ་ལོ་གསུམ་གྱི་ཁྲིམས་ཐག་བཅད་ཡོད་པའི་གནས་ཚུལ་འབྱོར་སོང་།

༢༠༡༨།༠༢།༠༩ཉིན་སྤེལ། རྒྱལ་གར་རྒྱ་མིའི་གཞུང་ཚབ་ཁང་ནས་ཁྲིམས་མཐུན་གྱི་གཉེན་འཕད་ཡིག་ཆ་མཆོག་མཆན་ཡོད་པའི་སྒོ་ནས་བླངས་ཏེ་ཕ་ཡུལ་བོད་ལ་གཉེན་འཕྲད་འབྱོར་ནས་ཉིན་འགའི་རྗེ་སུ་རྒྱ་ནག་ཉེན་རྟོགས་པས་ཉེས་མེད་ཁྲིམས་ཐག་གཅད་ཡོད་པའི་དགེ་འདུན་པ་བཀྲ་ཤིས་ཆོས་དབྱིངས་ལགས་ཀྱི་གནས་ཚུལ་འབྱོར་སོང་།

བོད་མདོ་སྨད་རྨ་ལྷོ་ཁུལ་རེབ་གོང་མདོ་བ་ཤང་གི་གླུ་བ་ཤ་བོ་བཀྲ་ཤིས་ལགས།

རང་ལུས་མེར་སྲེག་དང་འབྲེལ་བ་ཡོད་པའི་ཉེས་མིང་འོག་༢༠༡༢ཟླ་༡༡ནང་འཛིན་བཟུང་བྱས་ཏེ མཚོ་སྔོན་ཞིང་ཆེན་ཟི་ལིང་གྲོང་ཁྱེར་གྱི་བཙོན་ཁང་ཞིག་ཏུ་བཀག་ཉར་བྱས་པ་དང་༢༠༡༣ལོར་གསང་བའི་ཐོག་ནས་ལོ་ལྔ་ཡི་དུས་བཀག་ཁྲིམས་ཐག་བཅད་པའི་བོད་མདོ་སྨད་རེབ་གོང་(རྨ་ལྷོ་ཁུལ་)མདོ་བ་ཁུལ་ནས་ཡིན་པའི་གླུ་བ་ཤ་བོ་བཀྲ་ཤིས་ལགས་ཟླ་༡ཚེས་༣ཉིན་གློད་གྲོལ་བཏང་འདུག

༢༠༡༨།༠༢།༡༩ཉིན་སྤེལ། ཟླ་འདིའི་ཕྱི་ཚེས་༡༧ ཉིན་བོད་ཀྱི་རྒྱལ་ས་ལྷ་སའི་ཇོ་ཁང་ལ་མེ་ཤོར་ཡོད་པའི་གནས་ཚུལ་སྤྱི་ཚོགས་དྲ་ལམ་ཁག་ཏུ་ཐོན་ཡོད་པ་དང་། མེ་སྐྱོར་ཤོར་ས་དེ་ཇོ་ཁང་ཡིན་མིན་དང་ཇོ་བོ་རིན་པོ་ཆེའི་སྐུ་ལ་གནོད་པ་ཐེབས་ཡོད་མེད་ཀྱི་གནས་ཚུལ་མང་པོ་བྱུང་གི་ཡོད་པ་རེད།

༢༠༡༨།༠༢།༠༦ཉིན་སྤེལ། རྒྱལ་གཅེས་དཔའ་བོ་ཆབ་སྲིད་བཙོན་ཟུར་སོག་གར་བློ་གྲོས་ལགས་སོག་རྫོང་ཉེན་རྟོགས་པར་རྩིས་སྤྲོད་བྱས་ཡོད་པའི་གནས་ཚུལ་ཐོན་སོང་།