15
Sun, Sep

༢༠༡༩་ལོའི་ཟླ་༨་ཚེས་༢༨་ཉིན། རིག་པ་ཆོས་ཚོགས་ཀྱི་དབུ་འཛིན་བསོད་རྒྱལ་རིན་པོ་ཆེ་མཆོག་སྐུའི་སྙུང་གཞིའི་རྐྱེན་པས་ཐའེ་ཝན་ཌའི་ནང་སྐུ་གྲོངས་པའི་ཡིད་ཕམ་གནས་ཚུལ་བྱུང་འདུག

༢༠༡༩ལོའི་ཟླ་༨་ཚེས་༨་ཚེས་སྤེལ། རྒྱ་གར་གྱི་གྲོས་ཚོགས་གོང་འོག་གཉིས་ཀྱིས་རྩ་ཁྲིམས་དོན་ཚན་༣༧༠་དེ་རྩིས་མེད་བཏང་ནས། ཇ་མུ་ཀ་ཤི་མེར་དང་ལ་དྭགས་ལ་དབུས་འཛིན་མངའ་ཁུལ་གྱི་གནས་བབས་སྤྲད་ཡོད་ཅིང་། དེར་རྒྱལ་སྤྱིའི་ཐོག་ནས་དོ་སྣང་ཆེན་པོ་བྱེད་བཞིན་ཡོད་པ་དང་། ཁྱད་པར་དུ་རྒྱ་ནག་དང་པ་ཀི་སི་ཐན་གཉིས་ཀྱིས་དེའི་ཐད་་ལ་སྐྱོན་བརྗོད་དྲག་པོ་བྱས་འདུག

༢༠༡༩ལོའི་ཟླ་༢ཚེས་༡༡ཉིན་སྤེལ། རྒྱ་གར་གཞུང་གིས་རྒྱ་གར་མངའ་སྡེ་ཇསྨུ་ཀ་ཤྨིར་ནང་གི་ལ་དྭགས་ལ་ཞིང་ཆེན་གྱི་ཚད་སྩལ་ཡོད་པ་དང་། ལ་དྭགས་གཞུང་མང་གཉིས་ནས་རྒྱ་གར་ད་ལྟའི་སྲིད་དབང་འཛིན་བཞིན་པའི་ཨེན་ཌི་ཨེ(NDA)གཞུང་ལ་ཐུགས་རྗེ་ཆེ་ཞུས་ཡོད་པ་དང། ལ་དྭགས་ལ་ཞིང་ཆེན་གྱི་ཚད་སྩལ་གནང་བ་དེས་ལ་དྭགས་གཞུང་མང་ལ་ཆབ་སྲིད་དང་ཡར་རྒྱས་གཏོང་ཕྱོགས་སོགས་ལ་ཕན་ཐོགས་ཡོད་སྐོར་བཀོད་འདུག

༢༠༡༨ལོའི་ཟླ་༡༡ཚེས་༢༠ཉིན། ཨ་རི་ལ་སྐྱབས་བཅོལ་དུ་སོང་ཡོད་པའི་རྒྱ་ནག་གི་ཕྱུག་བདག་ཀོ་ཝུན་ཀོའུ་(郭文贵)ཡིས་ནེའུ་ཡོག་ནས་གསར་འགོད་གསར་བསྒྲགས་ཤིག་སྤེལ་ཞིང་། དེའི་ཐོག་ཏུ་ཨ་རིའི་ཕོ་བྲང་དཀར་པོའི་སྲིད་འཛིན་སློབ་སྟོན་པ་བྷན་ནོན་ཡང་གདན་འདྲེན་ཞུས་འདུག་ཅིང་། བྷན་ནོན་གྱིས་སྐབས་དེར། རྒྱ་ནག་ནང་དུ་མི་མང་སྟོང་ཕྲག་མང་པོ་ཤི་རྐྱེན་ཐེབས་ཀྱི་ཡོད་ཀྱང་། དེ་དག་ཚང་མ་ལྕེབས་པ་དང་། ཡང་ན་ཁྲིམས་ཆད་ཡིན་པར་བཤད་ཀྱིན་འདུག དེར་བརྟེན། མི་དེ་འདྲ་མང་པོ་ཞིག་གི་ཤི་རྐྱེན་གྱི་དོན་དངོས་རང་བཞིན་དེ་འཛམ་གླིང་ཡོངས་ལ་ཤེས་སུ་འཇུག་དགོས་ཀྱི་འདུག ཅེས་བརྗོད་འདུག

༢༠༡༩ལོའི་ཟླ་༥པའི་ཚེས་༡༥ཉིན་སྤེལ། དེ་རིང་རྒྱལ་སྤྱིའི་གསར་ལམ་དུ་གནས་ཚུལ་སྤེལ་བ་ལྟར་ན། རྒྱ་ནག་ཧོ་པེ་ཞིང་ཆེན་ནས་ན་ནིང་སྤྱི་ཟླ་བཅུ་གཉིས་ནས་བཟུང་སྟེ་ཡ་མཚར་བའི་ནད་དུག་ཅིག་གི་རྐྱེན་པས། ཕག་པ་མང་པོ་ཞིག་ཤི་མགོ་བརྩམས་ཡོད་ཅིང་། ད་ལྟའི་བར་དུ་ཕག་གསོ་ཁང་གཅིག་ནས་ཕག་པ་ཁྲི་གཉིས་ཤི་ཡོད་འདུག ཕག་ནད་ཀྱི་ནད་དུག་དེ་ནི་ཕག་ཤ་ནས་ཀྱང་ཟླ་ཤས་སུ་གནས་ཐུབ་ཀྱི་ཡོད་ཅིང་། དེར་བརྟེན་ནས་ནད་ཡམས་དེ་སྔར་ལས་ཀྱང་ལས་སླ་བོར་འགོས་ཁྱབ་ཏུ་འགྲོ་བཞིན་ཡོད་འདུག རྒྱ་ནག་ནི་ཕག་ཤ་ཟ་མཁན་མང་ཤོས་ཀྱི་རྒྱལ་ཁབ་ཅིག་ཡིན་པ་དང་། ཕག་ནད་དེའི་དབང་གིས་རྒྱ་ནག་གི་ཕག་གསོ་ཁང་མང་པོ་ཞིག་སྒོ་རྒྱག་དགོས་ཁེལ་གྱི་ཡོད་སྟབས། དཔལ་འབྱོར་གྱི་ཐད་ནས་ཀྱང་གྱོང་གུད་ཐེབས་ཀྱི་ཡོད་འདུག

༢༠༡༨ལོའི་ཟླ་༡༢ཚེས་༢༧ཉིན། རྒྱ་གར་སྲིད་བློན་མོ་ཏེ་མཆོག་བྷེ་ཇི་པེ་སྲིད་གཞུང་ཧི་མ་ཅལ་མངའ་སྡེའི་ནང་སྲིད་དབང་བཟུང་ནས་ལོ་ངོ་གཅིག་འཁོར་བའི་དུས་དྲན་མཛད་སྒོ་སྲུང་བརྩི་བྱེད་པའི་ཆེད་དུ་རྡ་རམ་ས་ལར་ཕེབས་ཡོད་འདུག ཡིན་ནའང་།བྷེ་ཇི་པེ་ཡི་ཁ་གཏད་ཚོགས་པ་ཀོང་གྷི་རེ་སུ་ཡིས་དུས་དྲན་མཛད་སྒོ་དེ་ནི་འཇོན་མེད་ཀྱི་ཉིན་མོ་ཞེས་སྲུང་བརྩི་བྱས་ནས། བྷེ་ཇི་པེ་སྲིད་གཞུང་གིས་ཧི་མ་ཅལ་ནང་ཉམས་རྒུད་དང་ཕན་ཐོགས་བྱུང་མེད་པའི་ཡིག་ཆ་ཁག་ཅིག་སྤེལ་ཡོད་འདུག

རྒྱ་ནག་གི་ཚན་རིག་པས་༢༠༢༠ལོའི་ནང་དུ་ནམ་མཁའ་ལ་མིས་བཟོས་ཟླ་བ་ཞིག་གཏོང་འཆར་ཡོད་པའི་སྐོར་ལ་གསར་འགྱུར་ཐོན་ཡོད་པ་དང་། དེ་ཡང་ཉེ་ཆར་རྒྱ་ནག་གི་ཚན་རིག་པས་བརྗོད་གསལ་ལྟར་ན། རྒྱ་ནག་སི་ཁྲོན་ཁྲིན་ཏུའི་ནམ་མཁའ་ལ་མཚན་མོར་འོད་ལྷང་ལྷང་ཤར་བའི་མིས་བཟོས་ཟླ་བ་ཞིག་༢༠༢༠་ལོ་ལ་གཏོང་ཐུབ་པའི་འཆར་གཞི་ཡོད་སྐོར་བཀོད་འདུག

More Articles ...

Page 1 of 3
བོད་ཀྱི་ལོ་རྒྱུས་ཡིག་ཆ།