31
Tue, Mar

༢༠༢༠་ལོའི་ཟླ་༣་ཚེས་༤་ཉིན། ཨ་རིའི་རྒྱལ་ས་ཝ་ཤིན་ཏུན་ནས་ཏོག་དབྱིབས་རིམས་ནད་རྐྱེན་གྱིས་མི་དགུ་འདས་གྲོངས་སུ་ཕྱིན་པའི་གནས་ཚུལ་ཐོན་ཡོད་པ་དང་། ད་སྔར་མི་༡༢༥་ལ་རིམས་ནད་དེ་ཕོགས་འདུག རྒྱལ་སྤྱིའི་ཐོག་ད་སྔར་ཏོག་དབྱིབས་རིམས་ནད་ཕོགས་མཁན་༩༢༠༠་བྱུང་ཡོད་པ་དང་། མི་གྲངས་༣༢༠༠་འདས་གྲོངས་ཕྱིན་ཞིང་། རྒྱ་ནག་ནང་དུ་མི་༤༩༨༥༦་དྲག་བསྐྱེད་བྱུང་ཡོད་པར་བརྗོད་འདུག

༢༠༢༠་ལོའི་ཟླ་༢་ཚེས་༢༧་ཉིན། དབྱིན་ཡུལ་དུ་ཡོད་པའི་ཝེ་ཊི་ཀེའི་ཚོགས་པའི་སེམས་དང་། ལུས། ཆོས་ཞེས་པའི་དུས་དེབ་ཐོག ༢༠༢༠་ལོའི་འཛམ་གླིང་དུ་ཤུགས་རྐྱེན་ཆེས་ཆེ་བའི་དབུ་ཁྲིད་བརྒྱ་བདམས་ཡོད་ཅིང་། དེ་དག་གི་ཁྲོད་ནས་བོད་ཀྱི་དབུ་ཁྲིད་༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ཨང་དང་པོར་བདམས་འདུག

༢༠༢༠་ལོའི་ཟླ་༡་ཚེས་༢༨་ཉིན་སྤེལ། རྒྱ་ནག་ཝུ་ཧན་ནས་བྱུང་བའི་ཏོག་དབྱིབས་ཅན་གྱི་གློ་ནད་དེའི་རྐྱེན་གྱིས་རྒྱ་མི་གྲངས་༡༠༦་གི་ཚེ་སྲོག་ཤོར་ཡོད་པ་དང་ནད་དེ་ཕོག་མཁན་༤༥༠༠་བྱུང་འདུག ད་ལྟར་འཛམ་གླིང་གི་རྒྱལ་ཁབ་བཅུ་དྲུག་ནང་དུ་ནད་ཡམས་དེ་ཁྱབ་ཚར་ཡོད་པ་ར་སྤྲོད་བྱུང་འདུག རྒྱ་གར་ནང་དུ་གློ་ནད་དེ་དང་འདྲ་བའི་ནད་རྟགས་ཐོན་པའི་མི་དྲུག་ད་ལྟར་སྨན་ཁང་དུ་བརྟག་དཔྱད་བྱེད་བཞིན་ཡོད་འདུག

༢༠༢༠་ལོའི་ཟླ་༡་ཚེས་༡༩་ཉིན། ཧོང་ཀོང་ནང་དུ་སླར་ཡང་གཞུང་ལ་ངོ་རྒོལ་གྱི་ལས་འགུལ་སྤེལ་ཡོད་པ་དང་། ཉེན་རྟོག་པས་ངོ་རྒོལ་བ་ཚོར་མིག་ཆུ་དུག་རླུང་གཏོར་ནས་ཁ་ཐོར་ཐབས་བྱས་འདུག ངོ་རྒོལ་བ་ཚོས་ཧོང་ཀོང་གི་སྙིང་སྟོབས་ཞུམ་རྒྱུ་མ་རེད། མ་འོངས་པའི་ཧོང་ཀོང་ནི་གཞོན་སྐྱེས་ལ་དབང་ཡོད། ཅེས་བརྗོད་འདུག

༢༠༢༠་ལོའི་ཟླ་༢་ཚེས་༣་ཉིན་སྤེལ། ཉེ་ཆར་དབྱིན་ཡུལ་ཡུ་ཪོབ་མཐུན་ཚོགས་ནས་གཞུང་འབྲེལ་གྱི་ཐོག་ནས་དངོས་སུ་ཕྱིར་ཐོན་བྱས་ཡོད་པ་དང་། དེ་ནི་དབྱིན་ཡུལ་གྱི་བདག་དབང་སྲུང་ཆེད་དང་། དཔལ་འབྱོར་ལ་གྱོང་གུད་མི་རེག་པའི་ཆེད་དུ་ཡིན་པར་འགྲེལ་བརྗོད་བྱས་འདུག

༢༠༢༠་ལོའི་ཟླ་༡་ཚེས་༢༣ཉིན། རྒྱ་ནག་དུ་ནད་ཡམས་ཤིག་བྱུང་ནས་ད་ལྟར་མི་གྲངས་༡༧་གྱི་ཚེ་སྲོག་ཤོར་ཡོད་པ་དང་། མི་གྲངས་བརྒྱ་ཕྲག་འགའ་ལ་ནད་རྟགས་དེ་ཐོན་ཡོད་འདུག དེར་བརྟེན། འཛམ་གླིང་རྒྱལ་ཁབ་མང་པོ་ཞིག་གིས་གནམ་ཐང་ལ་ཁག་ལ་ན་ཚ་དེ་ཡོད་མེད་བརྟག་དཔྱད་བྱེད་པ་འགོ་བརྩམས་ཡོད་འདུག ཝུ་ཧན་གྲོང་འཁྱེར་གྱིས་ལོ་གསར་གཏོང་རྒྱུ་མིན་པ་དང་འགྲིམ་འགྲུལ་ཚང་མ་སྒོ་བརྒྱབ་ཡོད་འདུག

༢༠༢༠་ལོའི་ཟླ་༡་ཚེས་༡༧་ཉིན། རྒྱ་ནག་གི་རྒྱལ་ནང་ཐོན་སྐྱེད་ཕྱོགས་བསྡོམས་ཀྱི་ལོ་འཁོར་སྙན་ཐོའི་ནང་དུ། ༢༠༡༩་ལོ་ནི་ལོ་ངོ་༢༩་ཡི་ནང་དུ་རྒྱ་ནག་གི་དཔལ་འབྱོར་ཡར་རྒྱས་ཀྱི་ཚད་དམའ་ཤོས་སླེབས་ཡོད་ཅིང་། དེ་ནི་ཨ་རི་དང་རྒྱ་ནག་གཉིས་བར་ཚོང་དམག་བརྒྱབ་པའི་རྐྱེན་ཡིན་པར་འགྲེལ་བརྗོད་བྱས་འདུག

More Articles ...

བོད་ཀྱི་ལོ་རྒྱུས་ཡིག་ཆ།