22
Wed, Jan

༢༠༡༩ལོའི་ཟླ་༦་ཚེས་༢༤་ཉིན་སྤེལ། རྒྱ་གར་རྒྱལ་ཡོངས་སུ་ཚ་གདུག་གི་རྐྱེན་པས་འཐུང་ཆུའི་དཀའ་ངལ་འཕྲད་བཞིན་ཡོད་པ་དང་། སྒོས་སུ་རྒྱ་གར་མངའ་སྡེ་ཅེན་ནེལ(Chennai)་ལ་འཐུང་ཆུ་རྫོགས་པའི་དཀའ་ངལ་ཤུགས་ཆེན་འབྱུང་བཞིན་ཡོད་འདུག དེའི་རྐྱེན་གྱིས་མི་མང་པོ་ཞིག་གིས་ཆུའི་ཆེད་དུ་འཁྲུག་འཛིང་དང་། གཞུང་ལ་ངོ་རྒོལ་བྱས་སྟབས་མ་མཐའ་ཡང་མི་༥༠༠་འཛིན་བཟུང་བྱས་ཡོད་འདུག

༢༠༡༩ལོའི་ཟླ་༦་ཚེས་༢༡་ཉིན། ཉེ་ཆར་བརྒྱུད་ལམ་ཁག་ནས་གནས་ཚུལ་ཐོན་པ་ལྟར་ན། གངས་རི་ཇོ་མོ་གླང་མའི་འཁྱགས་རོམ་ལོ་༤༠་ཡར་སྔོན་ལས་ལྡབ་གཅིག་གིས་གཞུར་བཞིན་ཡོད་པ་དང་། དེ་ནི་གནམ་གཤིས་འགྱུར་ལྡོག་ལ་བརྟེན་ནས་བྱུང་བ་ཞིག་ཡིན་འདུག གནམ་གཤིས་འགྱུར་ལྡོག་དེའི་དབང་གིས་མ་འོངས་པར་ཨ་ཤེ་ཡའི་མི་རྣམས་ལ་ཆུའི་དཀའ་ངལ་ཆེན་པོ་ཞིག་འཕྲད་ངེས་པར་བརྗོད་འདུག

༢༠༡༩ལོའི་ཟླ་༦་ཚེས་༡༨ཉིན་སྤེལ། ཧོང་ཀོང་དུ་མི་མང་ས་ཡ་གཅིག་ལྷག་གིས་རྒྱ་གཞུང་ནས་བསྐོས་པའི་ཧོང་ཀོང་གི་འགོ་ཁྲིད་ཁེར་རེ་ལམ་སྲིད་དབང་ནས་རྩ་དགོངས་ཞུ་དགོས་པའི་ངོ་རྒོལ་བྱས་འདུག་ཅིང་། ན་གཞོན་མང་གཙོ་དོན་གཉེར་བ་སྐད་གྲགས་ཅན་ཇོ་སུ་ཧ་ཨོང་བཙོན་ནས་གློད་གྲོལ་བཏང་ཡོད་འདུག དེ་ནས་ཁོས་གལ་སྲིད་ཉེས་ཅན་རྩིས་སྤྲོད་ཀྱི་ཁྲིམས་འཆར་དེ་ཆ་ཚང་ཕྱིར་འཐེན་དང་། འགོ་ཁྲིད་ཁེར་རེ་ལམ་སྲིད་དབང་ནས་རྩ་དགོངས་མ་ཞུས་ན། ངོ་རྒོལ་དེ་མུ་མཐུད་ནས་བྱ་རྒྱུ་ཡིན་པར་བསྒྲགས་འདུག

དབྱིན་ཡུལ་རྒྱ་མོའི་འཁྲུངས་སྐར་སྐབས་མི་སྣ་ཁྱད་པར་ཅན་འགའ་ཞིག་ལ་དབྱིན་ཇི་གོང་མའི་གཟེངས་རྟགས་གནང་སྲོལ་ཡོད་པ་ལྟར། འདི་ལོའི་སྙན་གྲགས་ཅན་གྱི་དབྱིན་ཇི་གོང་མའི་གཟེངས་རྟགས་ཆེན་མོ་ནི་རྒྱ་གར་ལྷོ་ཕྱོགས་སུ་རྟེན་གཞི་བྱས་པའི་སེ་ར་སྨད་གྲྭ་ཚང་གི་༸སྐྱབས་རྗེ་མཁན་རིན་པོ་ཆེ་དགེ་བཤེས་བཀྲ་ཤིས་ཚེ་རིང་མཆོག་ལ་འབུལ་བཞེས་གནང་རྒྱུ་ཡིན་པར་གསུངས་འདུག

༢༠༡༩ལོའི་ཟླ་༦་ཚེས་༡༩་ཉིན། བརྒྱུད་ལམ་ཁག་ནས་གནས་ཚུལ་ཐོན་པ་ལྟར་ན། རྒྱ་ནག་གིས་བོད་བརྒྱུད་ནས་ཚད་མཐོའི་འཕྲུལ་རིག་ཅན་གྱི་སྒང་ཕུག་བེད་སྤྱོད་བཏང་ནས་རྒྱ་གར་ལ་སོ་ལྟ་བྱེད་བཞིན་ཡོད་པ་དང་། དེ་ནི་རྒྱ་གར་ལ་ཉེན་ཁ་ཞིག་ཆགས་ཡོད་པར་བརྗོད་འདུག

ཁ་ཆེའི་ཆོས་ལུགས་མཐུན་སྒྲིལ་ཚོགས་ཆེན་ཐོག་༸གོང་ས་མཆོག་གིས། ང་ཚོ་ཚང་མ་འགྲོ་བ་མི་ཞིག་ཡིན་པའི་ངོས་ནས་ཨ་མའི་བྱམས་བརྩེ་ལ་བརྟེན་ནས་འཚོ་བ་དང་། ཇི་ཙམ་མའི་བྱམས་བརྩེ་མང་བ་ཐོབ་པ་དེ་ཚོད་ཀྱིས་མི་དེ་སེམས་བག་ཕེབས་པ་དང་། སེམས་ནང་སྤྲོ་སྣང་ཆེ་བ་ཡོད་སྐོར་བཀའ་སློབ་སྩལ་འདུག

༢༠༡༩ལོའི་ཟླ་༦་ཚེས་༡༢་ཉིན། ཉེ་ཆར་རྒྱ་གཞུང་གིས་ཉེས་ཅན་རྩིས་སྤྲོད་བྱེད་དགོས་པའི་གྲོས་འཆར་ཤིག་བཟོ་བཞིན་ཡོད་པ་དེར་ཧོང་ཀོང་མི་མང་གིས་ངོ་རྒོལ་ཤུགས་ཆེན་བྱས་པའི་དབང་གིས། གྲོས་འཆར་དེའི་ཚོགས་འདུ་ཕྱིར་འགྱངས་བྱས་ཡོད་པ་དང་། དེ་ནི་མུ་མཐུད་ནས་ངོ་རྒོལ་དང་འཚེ་བ་མི་ཡོང་བའི་ཆེད་དུ་ཡིན་པར་བརྗོད་འདུག

More Articles ...

བོད་ཀྱི་ལོ་རྒྱུས་ཡིག་ཆ།