17
Sun, Nov

༢༠༡༩ལོའི་ཟླ་༦་ཚེས་༧་ཉིན་སྤེལ། ཉེ་ཆར་ཐེ་ཝན་གྱིས་ཨ་རིའི་ལག་ནས་ཐང་ག་རི་བརྒྱ་ལྷག་དང་། མཁའ་དམག་གནམ་གྲུ དེ་བཞིན་ཐང་ག་རིར་འགོག་མདའ་བཅས་ཀྱི་གོ་མཚོན་ཉོ་རྒྱུར་གཏན་འཁེལ་ཡོད་ཅིང་། དེའི་ཐོག་རྒྱ་ནག་གི་ཕྱོགས་ནས་སེམས་ཁྲལ་ཤུགས་ཆེན་ལངས་ཡོད་འདུག

༢༠༡༩ལོའི་ཟླ་༦་ཚེས་༦་ཉིན་སྤེལ། ཉེ་ཆར་དཔྱད་ཞིབ་པ་ཁག་ཅིག་གིས་གནམ་གཤིས་འགྱུར་ལྡོག་འགོག་པའི་ཐབས་ལམ་ནུས་པ་ལྡན་ཤོས་དང་ལས་སླ་ཤོས་ཁག་ཅིག་བསྟན་ཡོད་པ་དང་། དེ་དག་ནི་ང་ཚོའི་ཉིན་རེའི་འཚོ་བའི་ཁྲོད་ནས་ལག་ལེན་བསྟར་ཐུབ་པ་ཞིག་ཡིན་འདུག

༢༠༡༩ལོའི་ཟླ་༥པའི་ཚེས་༩ཉིན་སྤེལ། ཉེ་ཆར། ཨ་རིའི་རྒྱལ་སྤྱིའི་ཆོས་ལུགས་རང་དབང་ཚོགས་པས་༢༠༡༩ལོའི་རྒྱལ་སྤྱིའི་ཆོས་ལུགས་རང་དབང་གི་སྙན་ཐོ་ཞིག་བཏོན་པ་ལྟར་ན། རྒྱ་གཞུང་གིས་ཆོས་ལུགས་དད་མོས་ཀྱི་རང་དབང་ལ་འཆར་གཞི་དང་ལྡན་པའི་སྒོ་ནས་རྡོག་རོལ་དང་དམ་དྲག་ཚབས་ཆེན་བཏང་དང་གཏོང་གི་ཡོད་སྟབས། རྒྱ་ནག་ནང་གི་ཆོས་ལུགས་དད་མོས་རང་དབང་གི་གནས་སྟངས་ཧ་ཅང་ཛ་དྲག་ཏུ་གྱུར་ཡོད་སྐོར་བརྗོད་འདུག

༢༠༡༩ལོའི་ཟླ་༥པའི་ཚེས་༢ཉིན་སྤེལ། དབྱིན་ཇིའི་དུས་དེབ་རང་བྱུང་ཞེས་པའི་ཐོག་གནས་ཚུལ་བཀོད་པ་ལྟར་ན། ཚན་རིག་པས་བོད་མདོ་སྨད་བླ་བྲང་ནས་ཐོན་པའི་གནའ་མིའི་འགྲམ་རུས་ཤིག་ལ་ལོ་མང་རིང་བརྟག་དཔྱད་བྱས་མཐར། བོད་ནས་ལོ་ཆིག་འབུམ་དྲུག་ཁྲིའི་གོང་དུ་འགྲོ་བ་མིའི་རིགས་བྱུང་བ་ཡོད་པར་བསྒྲུབས་འདུག་ཅིང་། ཞིབ་འཇུག་གི་གྲུབ་དོན་དེས་སྤྱིར་མིའི་རིགས་ཀྱི་བྱུང་བ་དང་། སྒོས་སུ་ཨེ་ཤེ་ཡ་དང་བོད་རིགས་བཅས་ཀྱི་བྱུང་བའི་ཐད་ལ་གོ་རྟོགས་གསར་པ་ཞིག་སྦྱིན་ཡོད་འདུག

༢༠༡༩ལོའི་ཟླ་༦་ཚེས་༤་ཉིན། རྒྱ་ནག་གི་རྒྱལ་ས་པེ་ཅིན་གྱི་གནམ་བདེ་སྒོ་མོ་ཆེའི་ཐང་ཆེན་དུ་མང་གཙོ་དང་རང་དབང་གི་ཆེད་དུ། སློབ་མ་དང་ཤེས་ཡོན་ཅན་སྟོང་ཕྲག་མང་པོས་རྒྱ་གཞུང་ལ་ངོ་རྒོལ་བྱས་ཏེ་ལོ་ངོ་ཧྲིལ་བོ་༣༠་འཁོར་བའི་དུས་དྲན་ཉིན་ལ། ཧོང་ཀོང་དང་ཐེ་ཝན་སོགས་ཀྱིས་དུས་དྲན་སྲུང་བརྩི་ཤུགས་ཆེན་བྱས་ཡོད་པ་དང་། རྒྱ་ནག་ནང་ལ་དུས་དྲན་དེ་དང་འབྲེལ་བའི་ལས་འགུལ་དང་གནས་ཚུལ་ཆ་ཚང་བཀག་ཡོད་འདུག

༢༠༡༩་ལོའི་ཟླ་༥བའི་༧ཉིན་སྤེལ། ཨ་རི་དང་རྒྱ་ནག་གཉིས་ཀྱི་ཆེས་མཐོ་བའི་ཚོང་ལས་གྲོས་མོལ་དེ་མགྱོགས་མྱུར་ངང་འཚོགས་གྲབས་ཡོད་ཀྱང་། ཟླ་འདིའི་ཚེས་༥ཉིན་ཨ་རིའི་སྲིད་འཛིན་ཊོམ་པུ་ཡིས་གློ་བུར་དུ་རྒྱ་ནག་གི་ཚོང་རྫས་ཀྱི་དཔྱ་ཁྲལ་སྤར་རྒྱུ་ཡིན་སྐོར་གྱི་གསལ་བསྒྲགས་ཤིག་སྤེལ་ཡོད་ཅིང་། དེར་བརྟེན་ནས་རྒྱལ་ཁབ་གཉིས་ཀྱི་ཚོང་འབྲེལ་གྱི་གནས་སྟངས་ཛ་དྲག་ཏུ་གྱུར་ཡོད་འདུག

༢༠༡༩ལོའི་ཟླ་༥་ཚེས་༡ཉིན་སྤེལ། ཉེ་ཆར་རྒྱ་གར་མངའ་སྡེ་ཏེ་ལན་གྷ་ཎ་ནང་དུ་གཞུང་ནས་འཛིན་གྲྭ་བཅུ་གཉིས་ཀྱི་ཡིག་རྒྱུགས་གྲུབ་འབྲས་ཟླ་༤་ཚེས་༡༨ ཉིན་གསལ་བསྒྲགས་བྱས་པ་ནས་བཟུང་། ཉིན་རེར་སློབ་ཕྲུག་གཉིས་དང་གསུམ་གྱིས་རང་སྲོག་གཅོད་ཀྱི་ཡོད་པའི་གནས་ཚུལ་ཐོན་འདུག

More Articles ...

བོད་ཀྱི་ལོ་རྒྱུས་ཡིག་ཆ།