05
Sun, Jul

༢༠༢༠་ལོའི་ཟླ་༡༤་ཉིན། སྲིད་བློན་མོ་ཌི་མཆོག་གིས་རྒྱ་གར་རྒྱལ་ཡོངས་སུ་སླར་ཡང་ཉིན་ཉི་ཤུ་རིང་གི་ཐེམ་སྤང་བཀའ་རྒྱ་ཕེབས། དེ་ནི་དེ་རིང་ཚེས་༡༤་ནས་ཟླ་ལྔ་པའི་ཚེས་༣་བར་དུ་ཡིན་འདུག ཁོང་གིས་མི་མང་ཚོར་ཐེམ་སྤང་བཀའ་རྒྱ་དང་སྤྱི་ཚོགས་རྒྱང་བཀྱེད་ཀྱི་སྒྲིག་གཞི་སྲུང་དགོས་པའི་གསལ་བསྒྲགས་སྤེལ་སོང་།

༢༠༢༠་ལོའི་ཟླ་༤་ཚེས་༡༣་ཉིན་སྤེལ། རྒྱ་ནག་གི་ཏོག་དབྱིབས་གཉན་སྲིན་དང་འབྲེལ་བའི་གནས་ཚུལ་གསར་བ་ཞིག་ཨ་རིའི་གསང་བའི་ལས་ཁུངས་ལ་རེག་ཡོད་པ་དང་། དེའི་ནང་ཟླ་བ་གསུམ་གྱི་རིང་རྒྱ་ནག་ཏུ་ཏོག་ནད་རྐྱེན་གྱིས་རྒྱ་མི་ས་ཡ་ཉི་ཤུ་རྩ་གཅིག་འདས་གྲོངས་སུ་ཕྱིན་པར་གསལ་ཡོད།

༢༠༢༠་ལོའི་ཟླ་༤་ཚེས་༩་ཉིན་སྤེལ། ཝུ་ཧན་ཏོག་དབྱིབས་གཉན་སྲིན་འབྱུང་སྐབས། རྒྱ་གཞུང་གིས་དེའི་དངོས་ཡོད་གནས་ཚུལ་སྦས་གསང་བྱས་ཏེ་ནད་དུག་དེ་གང་སར་ཁྱབ་ནས་མིའི་ཚེ་སྲོག་དང་རྒྱུ་ནོར་སོགས་ལ་གོད་ཆག་ཤུགས་ཆེན་བྱུང་བར་བརྟེན། དམར་ཕྱོགས་ཚོགས་པའི་ཚོགས་མི་རེན་ཀྲི་ཆང་གིས་སྐྱོན་བརྗོད་ཀྱི་རྩོམ་ཡིག་ཅིག་སྤེལ་ཏེ། རྒྱ་ནག་མི་མང་ཐེངས་འདིའི་དཀའ་ངལ་ལ་འཕྲད་པའི་ཉམས་མྱོང་བརྒྱུད། རྒྱ་གཞུང་གིས་མི་མང་ལ་སླར་ཡང་མགོ་སྐོར་གཏོང་ཐུབ་རྒྱུ་མ་རེད། ཅེས་བརྗོད་འདུག

༢༠༢༠་ལོའི་ཟླ་༤་ཚེས་༢་ཉིན་སྤེལ། ཡུ་རོབ་རྒྱལ་ཁབ་མང་པོ་ཞིག་གིས་རྒྱ་ནག་ནས་བཟོས་པའི་ཏོག་དབྱིབས་ནད་དུག་སྔོན་འགོག་གི་ཡོ་ཆས་ཁྲི་ཕྲག་མང་པོ་སྤུས་ཚད་ལེགས་པོ་མེད་པའི་རྒྱུ་མཚན་གྱིས་དང་ལེན་མ་བྱས་པར་བཀག་སྡོམ་བྱས་འདུག

༢༠༢༠་ལོའི་ཟླ་༤་ཚེས་༡༠་ཉིན་སྤེལ། ཉི་ཧོང་གཞུང་གིས་རྒྱ་ནག་ཏུ་ཡོད་པའི་ཚོང་ལས་ཁང་མང་པོ་ཞིག་ཕྱིར་ཐོན་ཆེད། རོགས་དངུལ་ཨ་སྒོར་ཐེར་འབུམ་གཉིས་ལྷག་སྤྲོད་རྒྱུ་ཡིན་པ་དང་། ཚོང་ལས་ཁང་དེ་ཚོ་ཉི་ཧོང་དང་ཨེ་ཤ་ཡའི་རྒྱལ་ཁབ་ཁག་གི་ནང་དུ་སྤོ་རྒྱུ་ཡིན་འདུག དེ་ནི་མ་འོངས་པར་ཉི་ཧོང་གི་ཚོང་ལས་རྒྱ་ནག་ལ་བརྟེན་མི་དགོས་པའི་འཆར་གཞི་ཞིག་ཡིན་པར་བརྗོད་འདུག

༢༠༢༠་ལོའི་ཟླ་༤་ཚེས་༦་ཉིན་སྤེལ། བོད་ཀྱི་གཞོན་ནུ་ལྷན་ཚོགས་ཀྱིས་མཉམ་འབྲེལ་རྒྱལ་ཚོགས་ལ་རྒྱ་གཞུང་གིས་ཝུ་ཧན་ནད་དུག་གི་གནས་ཚུལ་སྦས་གསང་བྱས་ནས་འཛམ་གླིང་མི་མང་གི་ཚེ་སྲོག་ལ་ཉེན་ཁ་བཟོས་ཡོད་པའི་ཐོག་འགན་ཁུར་དགོས་དང་། རྒྱལ་སྤྱིའི་འཕྲོད་བསྟེན་ལས་ཁུངས་ཀྱི་འགན་འཛིན་རྩ་དགོངས་ཞུ་དགོས་པའི་སྙན་ཞུ་འབུལ་རྒྱུ་ཡིན་འདུག

༢༠༢༠་ལོའི་ཟླ་༣་ཚེས་༣༡་ཉིན་སྤེལ། འཛམ་གླིང་གང་སར་ཏོག་དབྱིབས་ནད་དུག་རྐྱེན་གྱིས་མི་རྣམས་རང་ཁྱིམ་དུ་བསྡད། ལས་གྲྭ་དང་ཚོང་གཉེར་ཁང་སོགས་སྒོ་བརྒྱབ་པ་དང་། དེ་བཞིན་འགྲུལ་སྐྱོད་བཀག་སྡོམ་བྱས་པའི་དབང་གིས་གནམ་གཤིས་བཟང་དུ་ཕྱིན་ཡོད་པར་ཚན་རིག་པས་འགྲེལ་བརྗོད་བྱས་འདུག

More Articles ...

བོད་ཀྱི་ལོ་རྒྱུས་ཡིག་ཆ།