05
Sun, Apr

༢༠༡༩་ལོའི་ཟླ་༡༢་ཚེས་༡༧་ཉིན། པ་ཀི་སི་ཐན་གྱི་དམག་སྤྱི་དང་སྲིད་འཛིན་ཟུར་པ་མུ་ཤཱ་རཱ་ཧྥི(Pervez Musharraf)་ལ་རྒྱལ་ཁབ་དེའི་རྩ་ཁྲིམས་ལ་འགྱུར་བ་བཏང་བ་དང་། རྩ་ཁྲིམས་ནུས་མེད་བཏང་ནས་ཛ་དྲག་གི་གནས་བབ་ལ་གསལ་བསྒྲགས་བྱས་པ། ཁྲིམས་དཔོན་ཆེན་མོ་ཕྱིར་འབུད་བཏང་བ་བཅས་ཀྱི་ནག་ཉེས་འོག་ཏུ་སྲོག་ཁྲིམས་བཅད་འདུག

༢༠༡༩་ལོའི་ཟླ་༡༢་ཚེས་༡༧་ཉིན་སྤེལ། རྒྱ་གར་གྱི་མི་སེར་ཁྲིམས་འཆར་གསར་པ(citizenship bill)་ནི་རྒྱ་གར་ནང་དུ་གྲངས་ཉུང་མི་རིགས་ཁག་ལ་མི་སེར་གྱི་ཐོབ་ཐང་སྤྲད་པའི་ཁྲིམས་འཆར་ཞིག་ཡིན་པ་དང་། ཁྲིམས་དེའི་ནང་དུ་ཁ་ཆེ་གྲངས་ཉུང་མི་རིགས་ཀྱི་ཁུངས་སུ་བཞག་མེད་པའི་རྐྱེན་གྱིས། རྒྱ་གར་མངའ་སྡེ་མང་པོའི་ནང་དུ་སློབ་ཕྲུག་གཙོས་པའི་མི་མང་སྟོང་ཕྲག་མང་པོས་ངོ་རྒོལ་བྱས་ཡོད་པ་དང་། རྒྱ་གར་མངའ་སྡེ་ཨ་སམ(Assam)་ནང་དུ་ངོ་རྒོལ་ཁྲོད་མི་ལྔ་ཤི་ཡོད་པར་གསལ་འདུག

༢༠༡༩་ལོའི་ཟླ་༡༢་ཚེས་༩་ཉིན། བཞུགས་སྒར་རྡ་ས་བོད་ཀྱི་འགྲོ་བ་མིའི་ཐོབ་ཐང་མང་གཙོ་འཕེལ་རྒྱས་ལྟེ་གནས་ཁང་གི་ལས་ཁང་དུ། རྒྱལ་སྤྱིའི་འགྲོ་བ་མིའི་ཐོང་ཐང་ཉིན་མོ་དང་བསྟུན། སྤྱི་དམངས་ཚོགས་སྡེ་ཁག་གི་མངོན་འདོད་ལ་སྲུང་སྐྱོབ་བྱེད་དགོས་པ་དང་། བོད་པ་དང་ཡུ་གུར་བ་ཚོའི་འགྲོ་བ་མིའི་ཐོབ་ཐང་ལ་སྲུང་སྐྱོབ་བྱེད་མཁན་དང་ཁྲིམས་རྩོད་པ་ཁག་རྒྱ་གཞུང་གིས་བཙོན་འཇུག་བྱས་པའི་སྐོར། གཞན་འཛམ་གླིང་རྒྱལ་ཁབ་ཁག་གིས་གསར་འགོད་མི་སྣ་སོགས་རྒྱ་ནག་གི་འགྲོ་བ་མིའི་ཐོབ་ཐང་གི་གནས་བབ་ལ་ལྟ་ཞིབ་ཆེད། རྒྱ་ནག་ཏུ་གཏོང་དགོས་པའི་ཞུ་གཏུགས་ལས་འགུལ་ཞིག་ལྡི་ལིར་སྤེལ་བའི་སྐོར་གསར་འགོད་གསལ་བསྒྲགས་བྱས་སོང་།

༢༠༡༩་ལོའི་ཟླ་༡༡་ཚེས་༢༧་ཉིན། ཨ་རིའི་སྲིད་འཛིན་ཌོ་ཎལ་ཊུམ་ཕུ་(Donald Trump)་ཡིས་ཧོང་ཀོང་གི་འགྲོ་བ་མིའི་ཐོབ་ཐང་དང་མང་གཙོའི་ཁྲིམས་འཆར་(Hong Kong Human Rights and Democratic Act) ཞེས་པར་མཚན་རྟགས་བརྒྱབ་འདུག ཁྲིམས་དེས་ཧོང་ཀོང་མི་མང་གི་རང་དབང་ལ་སྲུང་སྐྱོབ་དང་དེར་རྡོག་རོལ་གཏོང་མཁན་ལ་ཉེས་ཆད་གཏོང་ཆོག་པའི་ཁྲིམས་ཤིག་ཡིན་འདུག

༢༠༡༩་ལོའི་ཟླ་༡༢་ཚེས་༡༦་ཉིན་སྤེལ། ཉེ་ཆར་ཡུ་རོབ་རྒྱལ་ཁབ་ཧྥི་ལེན་དུ་རང་ལོ་༣༤་ཡིན་པའི་བུད་མེད་སྲིད་བློན་ཞིག་བདམས་ཡོད་ཅིང་། ཁོང་མོ་ནི་འཛམ་གླིང་སྟེང་གི་ལོ་ན་གཞོན་ཤོས་ཀྱི་བུད་མེད་སྲིད་བློན་ཆགས་ཡོད་འདུག ཧྥི་ལེན་དུ་ཆབ་སྲིད་ཚོགས་པ་གཙོ་བོ་ལྔ་ཡོད་པ་ནང་ནས་ཚོགས་པ་བཞི་བུད་མེད་ཀྱིས་སྣེ་ཁྲིད་བྱེད་ཀྱི་ཡོད་འདུག

༢༠༡༩་ལོའི་ཟླ་༡༢་ཚེས་༦་ཉིན་སྤེལ། ༢༠༡༩་ལོའི་ནང་དུ་རྒྱལ་སྤྱིའི་ཐོག་བྱུང་བའི་གནས་ཚུལ་གལ་ཆེན་ཁག་ཕྱོགས་བསྡུས། ཨ་རི་དང་རྒྱ་ནག བྱང་ཀོ་རི་ཡ། ཧོང་ཀོང་། ཨུ་རུ་སུ་སོགས་ཀྱི་རྒྱལ་ཁབ་ནང་དུ་བྱུང་བའི་གསར་འགྱུར་ཁག

༢༠༡༩་ལོའི་ཟླ་༡༡་ཚེས་༢༦་ཉིན་སྤེལ། རྒྱ་ནག་གི་གསང་མྱུལ་བ་ཞིག་གིས་ཨོ་གླིང་གི་སྐར་མ་དྲུག་ཅུ་ཞེས་པའི་བརྙན་འཕྲིན་བརྒྱུད་ནས། རྒྱ་གཞུང་གིས་ཧོང་ཀོང་དང་། ཐེ་ཝན། ཨོ་གླིང་། ཨ་རི་སོགས་ཀྱི་ནང་དུ་གསང་བའི་ཐོག་ནས་ཤུགས་རྐྱེན་ངན་པ་སྤྲད་དང་སྤྲོད་ཐབས་བྱེད་བཞིན་པ་སོགས་ཀྱི་སྐོར་ནས་གསང་བ་ཕྱིར་བསྒྲགས་བྱས་འདུག

More Articles ...

བོད་ཀྱི་ལོ་རྒྱུས་ཡིག་ཆ།