23
Sun, Feb

ཉེ་ཆར་རྒྱ་ནག་ནང་དུ་སྨན་རྫུན་མ་བཟོས་ཡོད་པའི་དཀའ་ངལ་ཆེན་པོ་འཕྲད་ཡོད་པ་དང་ལྷག་པ་དུ་ཕྲུག་གུ་ཆུང་ཆུང་ལ་རྒྱག་པའི་སྨན་ཁབ་རྫུན་མ་བཟོས་ནས་བྱིས་པ་མང་པོ་ཚེ་སྲོག་ལ་གཉེན་ཁ་ནང་དུ་ལྷུང་ཡོད་པ་རེད་འདུག

ངོས་ཀྱིས་དུས་རྟག་ཏུ་འཛམ་གླིང་གི་ཆོས་དད་ཡོད་མཁན་དང་མེད་མཁན་ཚོར་སེམས་ཞི་བདེ་ཞིག་སྐྲུན་རྒྱུར་ཞབས་འདེགས་ཇི་ལྟར་སྒྲུབ་དགོས་པའི་སྐོར་བསམ་བློ་གཏོང་གི་ཡོད་ལ། འཛམ་གླིང་གི་ཆོས་བརྒྱུད་གཞན་པ་ཚོས་ཀྱང་དེ་བཞིན་འགྲོ་བ་མི་རྣམས་ཞི་བདེ་ལྡན་པ་ཞིག་སྐྲུན་རྒྱུའི་ཆེད་བསམ་བློ་མང་ཙམ་གཏོང་བའི་རེ་བ་རྒྱག་གི་ཡོད་སྐོར་ྋགོང་ས་མཆོག་གིས་རྒྱལ་སྤྱིའི་ཆོས་དད་རང་དབང་གི་ཚོགས་ཆེན་ལ་བཀའ་སློབ་སྩལ་གནང་ཡོད་འདུག

འདུ་འཛོམས་སྟེང་དུ་བོད་ནང་གི་ད་ལྟའི་འགྲོ་བ་མིའི་ཐོབ་ཐང་གི་གནས་སྟངས་ཤིན་ཏུ་ཞན་པའི་སྐོར་གསུང་པ་དང་འབྲེལ་རྒྱ་ནག་གི་འགྲོ་བ་མིའི་ཐོབ་ཐང་གི་ཁྲིམས་རྩོད་པ་རྣམས་ལ་དཀའ་ངལ་འཕྲད་དང་འཕྲད་བཞིན་པར་གདུང་སེམས་མཉམ་བསྐྱེད་ཡོད་ཅེས་བྱང་ཨ་རི་སྐུ་ཚབ་དོན་གཅོད་དངོས་གྲུབ་ཚེ་རིང་མཆོག་ནས་ཨ་རིའི་གྲོང་ཁྱེར་ནིའུ་ཡོག་ཏུ་ཚོགས་པའི་རྒྱ་ནག་གི་འགྲོ་བ་མིའི་ཐོབ་ཐང་གི་ཁྲིམས་རྩོད་པའི་ཉིན་མོ་ཐེངས་གཉིས་པ་ཞེས་པའི་འདུ་འཛོམས་སྟེང་དུ་གསུངས་ཡོད་འདུག

འགྲོ་བ་མིའི་བཟང་པོའི་རིན་ཐང་བྱམས་པ་དང་བརྩེ་བ། བཟོད་བསྲན། ཆོག་ཤེས་སོགས་གཞི་རྩར་བཟུང་ནས་རྒྱ་གར་གནའ་རབས་སྲོལ་རྒྱུན་ལེགས་བཤད་ནས་གསུང་པའི་ཞི་གནས་དང་ལྷག་མཐོང་ཉམས་ལེན་བརྒྱུད་མིའི་བསམ་བློ་ཞི་བདེ་བག་ཕེབས་ཡོང་ཐབས་ལ་དམིགས་པ་ནས་བདེ་སྐྱིད་སྐྲུན་ཐུབས་ཞེས་པའི་སློབ་ཚན་གསར་བ་གཏན་འབེབས་གནང་ཡོད་འདུག

བོད་རྒྱལ་ཁབ་ག་དུས་ཡིན་རུང་ངའི་སེམས་ནང་དུ་ཡོད། བོད་ནི་ངའི་མི་ཚེ་བརྩི་ཡི་ཡོད། ངས་མ་བྱེད་ན་སུས་བྱེད་གྱི་རེད། ཅེས་ཧྥི་ཧྥ་ཞེས་པའི་འཛམ་གླིང་རྐང་རྩེ་སྤོ་ལོ་ཆེས་མཐའ་མའི་འགྲན་སྡུར་ཁྲོད་བོད་ཀྱི་རྒྱལ་དར་དང་རྒྱུན་རིང་བོད་དོན་སྐོར་ལས་འགུལ་སྤེལ་མཁན་འགྲེལ་བརྗོད་གནང་ཡོད་འདུག

འཇར་མན་ཕྱོགས་ཀྱིས་རྒྱ་ནག་གི་ཁེ་ལས་ཀྱིས་འཇར་མན་ནས་མ་དངུལ་གཏོང་བར་འདྲ་མཉམ་དྲང་གཞག་གི་ཐོབ་ཐང་སྤྲོད་རྒྱུ་དང་། མཐོ་གསར་ལག་རྩལ་ཐོན་རྫས་རྒྱ་ནག་ཕྱིར་གཏོང་བྱེད་ཚད་དང་རྒྱ་ནག་གི་ཁེ་ལས་འཇར་མན་གྱི་ཁྲོམ་རར་འཇུག་ཚད་རྒྱ་བསྐྱེད་རྒྱུ་ནི་ང་ཚོའི་རེ་བ་ཡིན་ཞེས་བཤད་ཡོད་འདུག་ཅེས་རྒྱ་ནག་སྲིད་བློན་ལིས་ཁི་ཆང་གིས་བཤད་ཡོད་འདུག

རྒྱ་ནག་གཞུང་གིས་ཆེད་མངགས་འགོག་རྐྱེན་སྣ་ཚོགས་བཟོ་བཞིན་འདུག་པ་དེར་ང་རང་སེམས་འཚབ་ཧ་ཅང་འདུག དེར་བརྟེན་འབྱུང་འགྱུར་རྒྱ་ནག་གཞུང་གིས་རྒྱལ་སྤྱིའི་འགྲོ་བ་མིའི་ཐོབ་ཐང་རྟོག་ཞིབ་ཚན་པ་ཇི་འདྲ་ཞིག་ཡིན་ནའང་དེར་གུ་ཡངས་དང་གཉིས་མོས་ཀྱི་བསམ་བློའི་ཐོག་ནས་མཐུན་འགྱུར་ཞུ་ཐོག རྒྱ་ནག་ཁྱོན་ཡོངས་ནང་འགྲོ་བ་མིའི་ཐོབ་ཐང་གི་གནས་སྟངས་ཡར་རྒྱས་གཏོང་དགོས་ཞེས་གསུངས་ཡོད་འདུག

More Articles ...

བོད་ཀྱི་ལོ་རྒྱུས་ཡིག་ཆ།