14
Thu, Nov

༢༠༡༩་ལོའི་ཟླ་༩་ཚེས་༢༣་ཉིན། སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བརྒྱད་པའི་ལས་ཉིན་གསུམ་པར་གྲོས་ཚོགས་སུ། ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་དང་། ཆོས་རིག་དྲུང་ཆེ་བསྟན་འཛིན་ལུང་རྟོགས་ལགས་ཁྲིམས་ཞིབ་པ་གཞན་གཅིག་ཏུ་བདམས་གནང་འདུག

༢༠༡༩་ལོའི་ཟླ་༩་ཚེས་༢༣་ཉིན། སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བརྒྱད་པའི་ལས་ཉིན་གསུམ་པར་གྲོས་ཚོགས་སུ། ནང་སྲིད་ལས་ཁུངས་ཀྱི་དྲུང་ཆེ་དཔེ་ཟུར་དབང་འདུས་ཚེ་རིང་ལགས་བོད་མིའི་སྒྲིག་འཛུགས་ཀྱི་དབུས་འོས་བསྡུ་ལས་ཁང་དང་། ལས་བྱེད་འདེམས་བསྐོ་ལྷན་ཁང་གི་ཚོགས་གཙོ་གཅིག་ལྕོགས་སུ་བདམས་ཐོན་བྱུང་བར་བོད་མི་མང་སྤྱི་འཐུས་ཚོགས་གཙོ་པདྨ་འབྱུང་གནས་མཆོག་གིས་གྲོས་ཚོགས་སུ་གསལ་བསྒྲགས་གནང་སོང་།

༢༠༡༩་ལོའི་ཟླ་༩་ཚེས་༡༩་ཉིན་སྤེལ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་མཇལ་འཕྲལ་གནང་སྐབས། འཇར་མན་གྲོས་ཚོགས་འཐུས་མི་ཧྥི་རན་ཧེན་རི་ཆི( Frank Heinrich) ལགས་ཀྱིས་ཐེངས་འདི་རྡ་སར་ཡོང་དགོས་པའི་དགོས་དོན་ནི། བོད་མིའི་ཕྱོགས་ནས་དགོས་འདུན་གང་ཡོད་ཉན་འདོད་ཆེད་བཅར་བ་ནི་ཡིན་ཞེས་ཞུས་འདུག

༢༠༡༩ལོའི་ཟླ་༩་ཚེས་༡༠་ཉིན། བཞུགས་སྒར་རྡ་སའི་ལྷ་རྒྱལ་རིའི་མདུན་ཐང་དུ། དབུས་བོད་ཀྱི་བུད་མེད་ལྷན་ཚོགས་བཙན་བྱོལ་དུ་སླར་གསོ་བྱས་ཏེ། མི་ལོ་ཧྲིལ་བོ་༣༥་འཁོར་བའི་དུས་དྲན་སྲུང་བརྩིའི་མཛད་སྒོ་ཞིག་ཚོགས་སོང་བ་དང་། དེའི་ཐོག་དབུས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་ཡིས་གཞོན་སྐྱེས་ཀྱི་ཤེས་ཡོན་དང་ནུས་སྟོབས་གོང་དུ་སྤེལ་བར་སླར་ཡང་ཁས་ལེན་དམ་བཅའ་ཞུ་རྒྱུ་ཡིན་ཞེས་བརྗོད་སོང་།

༢༠༡༩་ལོའི་ཟླ་༩་ཚེས་༢༠་ཉིན། བཞུགས་སྒར་རྡ་ས་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་ཁང་དུ། སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བརྒྱད་པ་དབུ་འཛུགས་གནང་སོང་། དེའི་སྐབས། ཚོགས་གཙོ་མཆོག་གིས་ང་ཚོའི་སྤྱི་ཚོགས་ཀྱི་ནང་དུ་མཐུན་སྒྲིལ་ཡོང་བར་གྲོས་ཚོགས་ནས་འགོ་འཛུགས་དགོས་ཞེས་གསུངས་སོང་།

༢༠༡༩ལོའི་ཟླ་༩་ཚེས་༡༡་ཉིན། རྡ་ས་གངས་སྐྱིད་ཀྱི་བོད་ཀྱི་འགྲེམས་སྟོན་ཁང་གསར་པའི་ཚོགས་ཁང་ནང་དུ། རྒྱལ་སྤྱིའི་རྣམ་དཔྱོད་མཉམ་འབྲེལ་ས་ཁུལ་ཚོགས་པ་(International Coalition of Sites of Conscience) དང་བོད་ཀྱི་འགྲེམས་སྟོན་ཁང་གཉིས་ཀྱིས་གོ་སྒྲིག་འོག རྒྱལ་ཁབ་༧་ནས་ཕེབས་པའི་ཚོགས་ཞུགས་པ་༡༡་བཅས་ཀྱིས། ཉིན་གསུམ་གྱི་༢༠༡༩ལོའི་ཨེ་ཤི་ཡའི་རྣམ་དཔྱོད་ཀྱི་ལྟེ་གནས་ཁག་གི་མངའ་ཁུལ་ཚོགས་འདུ་(Asian Sites of Conscience Regional Meeting 2019 )དེ་འགོ་འཛུགས་བྱས་སོང་།

༢༠༡༩ལོའི་ཟླ་༩་ཚེས་༧་ཉིན། བཞུགས་སྒར་རྡ་སྟེང་བོད་ཁྱིམ་སློབ་གྲྭའི་ཞི་བདེ་མགྲོན་ཁང་དུ། ཐེངས་དང་པོའི་ན་གཞོན་ནུས་སྟོབས་གོང་འཕེལ་ཟབ་སྦྱོང་ཐོག ནང་སྲིད་དྲུང་ཆེ་དཔེ་ཟུར་དབང་འདུས་ཚེ་རིང་ལགས་ཀྱིས་ཟབ་སྦྱོང་འདི་བརྒྱུད་ནས་ན་གཞོན་ཚོ་ཡག་པོ་ཆགས་ཐུབ་ན་རང་ཉིད་དང་སྤྱི་ཚོགས་ལ་ཕན་ཐོགས་ཆེན་པོ་ཡོད་ཅེས་བརྗོད་སོང་།

More Articles ...

བོད་ཀྱི་ལོ་རྒྱུས་ཡིག་ཆ།