31
Tue, Mar

༢༠༡༩་ལོའི་ཟླ་༡༡་ཚེས་༢༥་ཉིན། བཞུགས་སྒར་རྡ་སའི་ནོར་བུ་གསོལ་མགྲོན་ཁང་གི་ཚོགས་ཁང་དུ། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གོ་སྒྲིག་བྱས་པའི་ཕོ་མོ་དབྱེ་འབྱེད་ཀྱི་འཚེ་བ་འགོག་ཐབས་ཞེས་པའི་མཛད་སྒོའི་ཐོག བཙན་བྱོལ་བོད་པའི་སྤྱི་ཚོགས་ཁྲོད་བྱུང་བའི་བཙན་གཡེམ་སྐོར་ཐེར་འདོན་བྱེད་པའི་བརྙན་ཐུང་མདོར་བསྡུས་ཤིག་བསྟན་སོང་། ཟླ་འདིའི་ཚེས་༢༥་ཉིན་ནས་ཟླ་རྗེས་མའི་ཚེས་༡༠་དབར་དུ་བཙན་གཡེམ་དང་འབྲེལ་བའི་ཐོག་བཅར་འདྲི་དང་རྒྱུས་ལོན་བྱས་པའི་བརྙན་ཐུང་ཁྱོན་གྲངས་༡༦་བསྟན་རྒྱུ་ཡིན་འདུག

༢༠༡༩་ལོའི་ཟླ་༡༠་ཚེས་༢༩་ཉིན། བཞུགས་སྒར་རྡ་སའི་བོད་ཀྱི་ཟློས་གར་ཚོགས་པའི་ནང་དུ། ༸གོང་ས་མཆོག་གིས་བོད་ཀྱི་འཐབ་རྩོད་དེ་བདེན་པར་བརྟེན་ཡོད། རྒྱ་ནག་གི་འཐབ་རྩོད་དེ་གོ་མཚོན་ལ་བརྟེན་ཡོད། དེར་བརྟེན། འཛམ་གླིང་གི་ལོ་རྒྱུས་ཀྱི་ནང་དུ། གོ་མཚོན་འོག་ཏུ་མནན་ནས་ནམ་ཕུགས་ཁུངས་ཆོད་མེད། བདེན་པའི་འཐབ་རྩོད་ག་དུས་ཡིན་ནའང་སེལ་གྱི་རེད། ང་ཚོའི་བདེན་པར་བདེན་པའི་མཐའ་སེལ་ཐུབ་པའི་ནུས་པ་ཏན་ཏན་ཡོད་རེད། ཅེས་གསུངས་སོང་།

༢༠༡༩་ལོའི་ཟླ་༡༠་ཚེས་༡༦་ཉིན་སྤེལ། ཉེ་ཆར་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག ཅན་ཌི་གྷའི་གཙུག་ལག་སློབ་གཉེར་ཁང་དུ་ཕེབས་སྐབས། སེམས་ཀྱི་དཀའ་རྙོག་སེལ་ཐབས་ནི་རྒྱ་གར་གྱི་གནའ་རབས་རིག་གནས་ནང་དུ་ཡོད་པས། དེ་ཡར་རྒྱས་གཏོང་རྒྱུའི་ཐོག་འབད་བརྩོན་བྱེད་དགོས་པའི་བཀའ་སྩལ་འདུག

༢༠༡༩་ལོའི་ཟླ་༡༠་ཚེས་༨་ཚེས་ཉིན། བཞུགས་སྒར་རྡ་སའི་སྨན་རྩིས་ཁང་གི་མཐོ་སློབ་ཚོགས་ཁང་གི་ནང་དུ། ཉིན་གསུམ་གྱི་ལུས་སེམས་སྲོག་གི་བགྲོ་གླེང་ཚོགས་ཆེན་ཐེངས་བཅུ་པ་འགོ་བཙུགས་སོང་། དེའི་སྐབས། སྲིད་སྐྱོང་མཆོག་གིས་སྨན་རྩིས་ཁང་དང་ཨ་ཡུར་ཝེ་དྷ་སོགས་མཉམ་འབྲེལ་བྱས་ནས་འཛམ་གླིང་གི་རྒན་གཞོན་དར་གསུམ་ལ་ཕན་ཐོགས་བྱེད་ཐུབ་དགོས་ཞེས་གསུངས་སོང་།

༢༠༡༩་ལོའི་ཟླ་༡༠་ཚེས་༢༥་ཉིན། ཕྱི་འབྲེལ་ལྷག་པ་ཚེ་རིང་གི་ཚོགས་ཁང་ནང་དུ། བོད་མིའི་གཞོན་སྐྱེས་རྣམས་ལ་ལས་ཀའི་གོ་སྐབས་བསྐྲུན་པའི་རོགས་སྐྱོར་ལས་གཞི་ཁྲོད། འདེམས་ཐོན་བྱུང་བའི་བོད་པའི་ཚོང་ལས་པ་སྐལ་ལྡན་ཆོས་འཕེལ་ལགས་དང་ཚོང་རོགས་ངག་དབང་ཚུལ་ཁྲིམས་ལགས་གཉིས་ལ་ཧིན་སྒོར་བྱེ་བ་གཅིག་གི་བྱ་དགའ་ཐོབ་སོང་། དེའི་ཐོག་བོད་པའི་གསར་གཏོད་ཀྱི་འགན་འཛིན་ཐུབ་བསྟན་བསམ་གྲུབ་ལགས་ཀྱིས་བོད་པས་བོད་པར་རོགས་རམ་བྱེད་པའི་དུས་ལ་སླེབས་ཡོད། ཅེས་བརྗོད་སོང་།

༢༠༡༩་ལོའི་ཟླ་༡༠་ཚེས་༡༥་ཉིན། བཞུགས་སྒར་རྡ་སའི་གངས་སྐྱིད་ཐང་སྟེང་ཁང་རྩེག་གསར་པའི་རྩེ་ཐོག་ཚོགས་ཁང་དུ། ཕྱི་འབྲེལ་དྲུང་ཆེ་ཟུར་པ་དྭགས་པོ་བསོད་ནམས་ནོར་བུ་མཆོག་གིས། བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་པ་ཆེ་བ་བཀའ་བརྒྱུད་དོན་གྲུབ་མཆོག་གི་དྲུང་ནས། ཆེས་མཐོའི་ཁྲིམས་ཞིབ་པ་ཆེ་བའི་ལས་ཁུར་དམ་བཅའ་ཕུལ་སོང་།

༢༠༡༩་ལོའི་ཟླ་༡༠་ཚེས་༧་ཉིན། བཞུགས་སྒར་རྡ་ས་གངས་སྐྱིད་ཚོགས་ཁང་གསར་པའི་ནང་དུ། དཔལ་ལྡན་ཁྲིམས་ཞིབ་པ་ཆེ་བ་བཀའ་བརྒྱུད་དོན་གྲུབ་མཆོག་གི་མདུན་ནས། དབུས་འོས་བསྡུ་ལས་ཁང་གི་སྤྱི་ཁྱབ་འགན་འཛིན་དང་ལས་བྱེད་འདེམས་བསྐོ་ལྷན་ཁང་གི་ཚོགས་གཙོ་གཅིག་ལྕོགས་དཔེ་ཟུར་དབང་འདུས་ཚེ་རིང་མཆོག་གིས་ལས་ཁུར་དམ་བཅའ་ཕུལ་སོང་། དེ་ནས་ཁོང་གིས་བོད་མི་ཡིན་པའི་ལ་རྒྱ་དགོས་པ་ཧ་ཅང་གལ་ཆེན་པོ་རེད་ཅེས་གསུངས་སོང་།

More Articles ...

བོད་ཀྱི་ལོ་རྒྱུས་ཡིག་ཆ།