05
Sun, Jul

༢༠༢༠་ལོའི་ཟླ་༣ པའི་ཚེས་༡༠ ཉིན། བོད་ཀྱི་གཞུང་འབྲེལ་མ་ཡིན་པའི་ཚོགས་པ་ལྔ་སྟེ། བོད་ཀྱི་གཞོན་ནུ་ལྷན་ཚོགས་དང་། བོད་ཀྱི་བུད་མེད་ལྷན་ཚོགས། རྒྱལ་ཡོངས་མང་གཙོ་ཚོགས་པ། བོད་ཀྱི་དགུ་བཅུ་གསུམ་ལས་འགུལ་ཚོགས་པ། བོད་རང་དབང་སློབ་ཕྲུག་ཚོགས་པ་བཅས་མཉམ་འབྲེལ་གྱི་ཐོག་ནས། བཞུགས་སྒར་རྡ་ས་རུ་བོད་མིའི་རང་དབང་སྒེར་ལངས་གསུམ་བཅུ་དུས་དྲན་ཐེངས་དྲུག་ཅུ་རེ་གཅིག་པ་དེ་སྲུང་བརྩི་ཞུས་སོང་།

༢༠༢༠་ལོའི་ཟླ་༣་ཚེས་༣་ཉིན། བཞུགས་སྒར་རྡ་སའི་ནོར་བུ་གསོལ་མགྲོན་ཁང་གི་ཚོགས་ཁང་དུ། མཁས་དབང་ཟམ་གདོང་རིན་པོ་ཆེ་མཆོག་གིས་དབུས་གཙང་ལོ་རྒྱུས་ཆེན་མོ་ཞེས་པའི་ལོ་རྒྱུས་དེབ་ཕྲེང་གསུམ་དབུ་འབྱེད་གནང་བའི་མཛད་སྒོ་ཤིག་ཚོགས་སོང་།

༢༠༢༠་ལོའི་ཟླ་༢་ཚེས་༥ ཉིན། བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས། རྒྱ་ནག་གྲོང་འཁྱེར་ཝུ་ཧན་ནས་འགོ་བཙུགས་ཏེ་ད་ལྟར་འཛམ་གླིང་སྤྱི་དང་། ལྷག་པར་དུ། བོད་ནང་ཁྱབ་གདལ་འགྲོ་བཞིན་ཡོད་པར་བརྟེན། གཞིས་བཞུགས་བོད་མི་ཡོངས་ཀྱིས་ཏོག་དབྱིབས་ནད་དུག་སྔོན་འགོག་དང་ཐུགས་གཟབ་གནང་དགོས་པའི་ལམ་སྟོན་གནང་འདུག

༢༠༢༠་ལོའི་ཟླ་༡་ཚེས་༢༢་སྤེལ། ཉེ་ཆར་ཨ་རིའི་གྲོས་ཚོགས་ཀྱིས་བཙན་བྱོལ་བོད་མིའི་སྒྲིག་འཛུགས་དང་སྤྱི་ཚོགས་སྲ་བརྟན་ཡོང་ཆེད། ཨ་སྒོར་ས་ཡ་དགུ་རོགས་དངུལ་འཕར་མ་གནང་ཡོད་ཅིང་། དེར་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་གིས་ཐུགས་རྗེ་ཆེ་ཞུས་འདུག

༢༠༢༠་ལོའི་ཟླ་༣་ཚེས་༡་ཉིན། རྒྱ་གར་ལྷོ་ཕྱོགས་སེ་ར་ཐེག་ཆེན་གླིང་དུ་སེར་བྱེས་ཤེས་ཡོན་བསྟི་གནས་བཀྲ་ཤིས་ཆོས་གླིང་ཚོགས་ཁང་དུ། བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་༡༤་པ་འགོ་འཛུགས་གནང་ནས། དུས་རབས་ཉེར་གཅིག་པའི་དྲ་རྒྱའི་སྤྱི་ཚོགས་ཀྱི་གཞོན་སྐྱེས་ཚོའི་འོས་འགན། འགྲོ་བ་མིའི་བཟང་སྤྱོད་གོང་འཕེལ་གཏོང་ཐབས། བོད་ཀྱི་ཆོས་དང་རིག་གཞུང་། ཁོར་ཡུག་སྲུང་སྐྱོབ་གནང་ཐབས་སོགས་ཀྱི་ཐོག་ལ་བགྲོ་གླེང་གནང་རྒྱུ་ཡིན་འདུག

༢༠༢༠་ལོའི་ཟླ་༡་ཚེས་༢༦་ཉིན། བཞུགས་སྒར་རྡ་ས་བོད་མིའི་སྒྲིག་འཛུགས་ཀྱི་བཀའ་ཤག་གི་མདུན་ཐང་དུ། སྲིད་ཚབ་ཆོས་རིག་བཀའ་བློན་གཙོས་བཀའ་བློན་རྣམ་པ་དང་། དྲུང་ཆེ་རྣམ་པ། ས་གནས་འགོ་འཛིན་བཅས་ཀྱིས་རྒྱ་གར་མང་གཙོའི་ཉིན་མོ་ཐེངས་༧༡་སྲུང་བརྩི་ཞུས་སོང་།

༢༠༢༠་ལོའི་ཟླ་༡་ཚེས་༡༣་ཉིན། བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་དང་བོད་མི་མང་སྤྱི་འཐུས་ཚོགས་གཙོ་པདྨ་འབྱུང་གནས་མཆོག་གཉིས་ཀྱིས། ཐེ་ཝན་སྲིད་འཛིན་ལྕམ་ཚད་དབྱིང་ཝིང་མཆོག་བསྐྱུར་དུ་སྲིད་འཛིན་དུ་འདེམ་ཐོན་བྱུང་བར་འཚམས་འདྲི་དང་། ཐེ་ཝན་གཞུང་མང་གཉིས་ཀྱིས་བོད་མི་དང་བོད་དོན་ཐོག་ཁ་ཞེ་གཉིས་མེད་ཐོག་རྒྱབ་སྐྱོར་གནང་བར་ཐུགས་རྗེ་ཆེ་ཞུས་འདུག

More Articles ...

བོད་ཀྱི་ལོ་རྒྱུས་ཡིག་ཆ།