14
Thu, Nov

༢༠༡༩ལོའི་ཟླ་༩་ཚེས་༦་ཉིན། བཞུགས་སྒར་རྡ་སའི་ཐེག་ཆེན་གཙུག་ལག་ཁང་དུ། ༸གོང་ས་མཆོག་གིས་ཨེ་ཤེ་ཡའི་ནང་པའི་རྒྱལ་ཁབ་ཁག་གིས་དད་ལྡན་ཆོས་ཞུ་བ་གཙོ་པའི་མི་མང་ལ་སེམས་རྒྱུད་འདུལ་བ་དང་སེམས་ལྷོད་ལྷོད་བྱེད་པ། དེ་བཞིན་ཁོང་ཁྲོ་ལངས་སྐབས་མ་ཎི་བགྲོངས་དང་སེམས་ལྷོད་དུ་འགྲོ་བ་ཡིན་ཞེས་སོགས་གསུངས་ནས་ཉིན་གསུམ་གྱི་གསུང་ཆོས་ལེགས་པར་གྲུབ་སོང་།

༢༠༡༩ལོའི་ཟླ་༩་ཚེས་༤་ཉིན། བཞུགས་སྒར་རྡ་སའི་ཐེག་ཆེན་གཙུག་ལག་ཁང་དུ། ༸གོང་ས་མཆོག་གིས་ཨེ་ཤེ་ཡའི་ནང་པའི་རྒྱལ་ཁབ་ཁག་གིས་དད་ལྡན་པ་ཚོས་ཇི་ལྟར་གསོལ་བ་བཏབས་པ་བཞིན། བདེན་བཞི་མི་རྟག་སོགས་བཅུ་དྲུག་དང་། བྱང་ཕྱོགས་སོ་བདུན། མགོན་པོ་ཀླུ་སྒྲུབ་ཀྱིས་མཛད་པའི་བྱང་ཆུབ་སེམས་འགྲེལ་བཅས་ཀྱི་ཉིན་གསུམ་རིང་གི་གསུང་ཆོས་དབུ་འཛུགས་གནང་སོང་།

༢༠༡༩ལོའི་ཟླ་༨་ཚེས་༣༠་ཉིན། བཞུགས་སྒར་རྡ་སའི་མེག་ཁི་ལོ་གྷན་ཇི་སྤྱི་ཐང་དུ། བོད་ཀྱི་བུད་མེད་ལྷན་ཚོགས་དང་བོད་རང་དབང་སློབ་ཕྲུག་ཚོགས་པ་གཉིས་ཀྱིས་གོ་སྒྲིག་འོག རྒྱལ་སྤྱིའི་གར་སོང་ཆ་མེད་དུ་གྱུར་བའི་སྐྱེ་བོའི་ཉིན་མོ་སྲུང་བརྩི་ཞུས་པ་དང་སྦྲགས། བོད་མི་རྒྱ་གཞུང་གིས་འཛིན་བཟུང་བྱས་ནས་གར་སོང་ཆ་མེད་དུ་ཇི་ལྟར་འགྱུར་བཞིན་ཡོད་པའི་རྣམ་པ་དེ་འཁྲབ་སྟོན་གྱི་ལམ་ནས་བསྟན་སོང་།

༢༠༡༩་ལོའི་ཟླ་༨་ཚེས་༡༩་ཉིན། བོད་མིའི་སྒྲིག་འཛུགས་ཕྱི་དྲིལ་ལྷན་ཁང་གིས་གོ་སྒྲིག་བྱས་པའི་ལྔ་དང་ལྔ་བཅུའི་གཞོན་སྐྱེས་ཚོགས་འདུ་ཐེངས་གཉིས་པ་དེ། ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་ཉེ་འགྲམ་དུ་རྟེན་གཞི་བྱས་པའི་དེ་བི་དར་གསོལ་མགྲོན་ཁང་( Devdar Hotel)་དུ་མཇུག་བསྡུ་བྱས་སོང་། སྲིད་སྐྱོང་མཆོག་གིས་མཇུག་བསྡོམས་གསུང་བཤད་གནང་དོན། བོད་དོན་ཐོག་ལས་ཀ་བྱེད་རྒྱུ་ནི་ང་ཚོའི་འགན་རེད་ལ་བཟང་སྤྱོད་ཀྱང་རེད། ཁྱོད་ཚོས་ད་ལྟར་ནས་འགོ་ཁྲིད་བྱེད་དགོས། ཁྱོད་ཚོ་ནི་བོད་པའི་འགོ་ཁྲིད་རེད། བོད་དོན་ཐོག་ལས་ཀ་བྱེད་དགོས་རེད། བོད་དོན་ཐོག་ལས་དོན་བསྒྲུབས་ནས་གྲོངས་སྐབས་འགྱོད་པ་མེད་པ་ཞིག་བྱེད་དགོས། རང་ཉིད་ཀྱིས་གང་ཐུབ་ཐུབ་བོད་དོན་ཐོག་ལས་ཀ་བྱེད་དགོས། ཞེས་གསུངས་སོང་།

༢༠༡༩ལོའི་ཟླ་༩་ཚེས་༢་ཉིན། བཞུགས་སྒར་རྡ་སའི་གཙུག་ལག་ཁང་དུ། བོད་མིའི་མང་གཙོ་དབུ་བརྙེས་ནས་ལོ་ངོ་༥༩་འཁོར་བའི་ཉིན་མོ་ཐོག་བཀའ་ཤག་དང་སྤྱི་འཐུས་ཀྱིས་གསུང་འཕྲིན་སྒྲོག་སྦྱང་གནང་སྟེ། ༸གོང་ས་མཆོག་ལ་བཀའ་དྲིན་རྗེས་དྲན་ཞུ་བ་དང་། བོད་མི་ཚོས་ནང་ཁུལ་མཐུན་སྒྲིལ་བྱེད་དགོས་པའི་སྐོར་སོགས་གསུངས་སོང་། དེ་ནས་བོད་ཕྲུག་ཁག་གིས་གཞས་སྣ་འཁྲབ་སྟོན་བྱས་ནས་ཉིན་མོ་འདི་སྲུང་བརྩི་གཟབ་རྒྱས་ངང་ཞུས་སོང་།

༢༠༡༩་ལོའི་ཟླ་༨་ཚེས་༢༠་ཉིན། བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱིས་གོ་སྒྲིག་འོག རྡ་ས་མག་ལོར་པདྨ་ཐང་གི་ཉེ་འགྲམ་དུ་ཡོད་པའི་ཁི་ལུབ་གསོལ་མགྲོན་ཁང་(Club Hotel)གི་ཚོགས་ཁང་དུ། བོད་པའི་སློབ་གྲྭ་ཁག་༣༡་ནས་ཡོང་བའི་དགེ་སློབ་༩༠་ཞིག་ལ། མྱོས་རྫས་ངན་གོམས་དང་ལང་ཚོ་དར་བབ་ཀྱི་འཕྲོད་བསྟེན་ཞེས་པའི་ཉིན་བཞིའི་ཟབ་སྦྱོང་གི་དབྱེ་འབྱེད་མཛད་སྒོ་ཞིག་ཚོགས་སོང་།

༢༠༡༩ལོའི་ཟླ་༨་ཚེས་༡༦་ཉིན་སྤེལ། སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ཟླ་འདི་ཚེས་༨་ཉིན། བཞུགས་སྒར་རྡ་སའི་རྒྱལ་བའི་ཕོ་བྲང་ནས་མ་ཌི་མ་ན་ལིར་ཆིབས་སྒྱུར་བསྐྱངས་ཡོད་པ་དང་། དེར་༸གོང་ས་མཆོག་གིས་སེར་སྐྱ་མང་ཚོགས་ཀུན་ལ་སངས་རྒྱས་པའི་ཆོས་ལ་སྐྱ་སེར་ཕོ་མོ་དབྱེ་བ་མེད་པས་སློབ་སྦྱོང་བྱེད་རྒྱུ་དང་། སློབ་སྦྱོང་དང་འབྲེལ་ནས་སངས་རྒྱས་པའི་ཆོས་ཀྱི་གནད་འགག་ཤེས་པ་ཡིན་ན། ཉམས་ལེན་བྱེད་རྒྱུ་ཡོང་གི་རེད་ཅེས་བཀའ་སློབ་གནང་འདུག

More Articles ...

བོད་ཀྱི་ལོ་རྒྱུས་ཡིག་ཆ།