10
Mon, Aug

༢༠༢༠་ལོའི་ཟླ་༨་ཚེས་༥་ཉིན། དབུས་འོས་བསྡུ་ལས་ཁང་གིས་༢༠༢༡་ལོའི་བོད་མིའི་སྒྲིག་འཛུགས་ཀྱི་སྲིད་སྐྱོང་དང་བོད་མི་མང་སྤྱི་འཐུས་ཀྱི་འོས་བསྡུ་ཆེན་མོ་འགོ་འཛུགས་ཆོག་པའི་གཞུང་འབྲེལ་གསལ་བསྒྲགས་སྤེལ་སོང་། དེའི་སྐབས། རང་རེའི་འོས་བསྡུ་ཆེན་མོ་འདི་བཞིན་མ་འོངས་བོད་བསྟན་སྲིད་སྤྱིའི་ལས་དོན་གལ་འགངས་ཤིན་ཏུ་ཆེན་པོ་ཡིན་པས། བྱེས་འཁོད་རང་རིགས་ཡོངས་ནས་རྡོག་རྩ་གཅིག་ཏུ་སྒྲིལ་ཏེ་འོས་བསྡུའི་ནང་ཆ་ཤས་བཞེས་རྒྱུ་གནད་ཀྱི་སྙིང་པོ་ཡིན། ཞེས་གསུངས་སོང་།

༢༠༢༠ལོའི་ཟླ་༨ཚེས་༣ཉིན་གྱི་ཞོགས་པར། མི་ལོ་ཉེར་བདུན་གྱི་རིང་རྒྱ་གཞུང་གི་བཙོན་འོག་ཏུ་སྡུག་སྦྱོང་མནར་གཅོད་མྱོང་མཁན་བོད་ཀྱི་ཆབ་སྲིད་བཙོན་ཟུར་ཨ་མ་ཨ་བདེ་ལགས་འདས་གྲོངས་སུ་ཕྱིན་འདུག དེར་བརྟེན། བཞུགས་སྒར་རྡ་སའི་བོད་མི་ཚོས་མྱ་ངན་གུས་འདུད་ཀྱིས་མར་མེ་ཁྲོམ་སྐོར་གནང་སོང་། དེའི་སྐབས་རིག་འཛིན་ཆོས་སྒྲོན་ལགས་ཀྱིས་རང་ཉིད་ལ་མཚོན་ན་ཨ་མ་ཨ་བདེ་ནི་སེམས་ཤུགས་སྐྱེལ་ཡུལ་ཞིག་ཡིན་ཞེས་བརྗོད་སོང་།

༢༠༢༠་ལོའི་ཟླ་༧་ཚེས་༦་ཉིན། ༸གོང་ས་མཆོག་གི་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བསླབ་གཞི་དེ་དག་ཡུལ་ལུང་སོ་སོའི་གནས་བབ་དང་བསྟུན་ནས་རྒྱ་གར་གཙོས་པའི་རྒྱལ་ཁབ་ ༢༠ ཙམ་གྱི་སློབ་གྲྭ་མང་པོའི་ནང་དངོས་སུ་ལག་བསྟར་བྱེད་འགོ་བཙུགས་ཡོད་པས། འབྱུང་འགྱུར་ལོ་རབས་ནང་༸མགོན་པོ་མཆོག་གི་ཐུགས་རེ་བཞིན་མི་རབས་གསར་པ་རྣམས་མི་བཟང་པོ་དང་འཛམ་གླིང་ཞི་བདེ་ལྡན་པ་ཆགས་རྒྱུ་གདོན་མི་ཟ། ཞེས་སྲིད་སྐྱོང་མཆོག་གིས་གསུངས།

༢༠༢༠་ལོའི་ཟླ་༧་ཚེས་༦་ཉིན། སྐུའི་འཁྲུངས་སྐར་ཉིན། ༸གོང་ས་མཆོག་གིས་ངོས་ཀྱི་སྐྱེས་སྐར་ཉིན་སྤྱན་རས་གཟིགས་དྲན་པའི་ཐོག ༸རྒྱལ་བ་རིན་པོ་ཆེའི་བརྟེན་ས་དང་། དེ་བཞིན་ཚེ་རབས་ནས་ཚེ་རབས་འཕགས་པ་སྤྱན་རས་གཟིགས་དང་འབྲེལ་བ་ཡོད་པ་ཞིག་ཆགས་ཡོད། དེར་བརྟེན་ངོས་ཀྱི་སྐྱེས་སྐར་ཉིན་སྤྱན་རས་གཟིགས་དང་༸རྒྱལ་བ་རིན་པོ་ཆེ་ངོ་བོ་དབྱེར་མེད་དུ་བལྟས་ནའང་རེད། འཕགས་པ་སྤྱན་རས་གཟིགས་གཙོ་བོ་དང་དེའི་མདུན་དུ་ངོས་རང་དགེ་སློང་གི་རྣམ་ཅན་དུ་ཡོད་པར་བསམ་བློ་བཏང་ནས་མ་ཎི་སྟོང་ཕྲག་རེ་བསགས་ན་ཕན་གྱི་རེད། ཅེས་གསུངས།

༢༠༢༠་ལོའི་ཟླ་༧་ཚེས་༡༤་ཉིན། ཤེས་རིག་བཀའ་བློན་མཆོག་གིས་ད་ལོའི་འཛིན་གྲྭ་༡༢་ཀྱི་ཡིག་རྒྱུགས་ཁྲོད་སྲིད་སྐྱོང་སློབ་ཡོན་ཐོབ་མཁན་སློབ་མ་༡༩་དང་། འཛིན་གྲྭ་༡༠་པའི་ཡིག་རྒྱུགས་ཁྲོད་དགའ་ལྡན་ཕོ་བྲང་གི་བྱ་དགའ་ཐོབ་མཁན་སློབ་མ་དགུ་ཡོད་པར་གསལ་བསྒྲགས་སྤེལ་སོང་།

༢༠༢༠་ལོའི་ཟླ་༧་ཚེས་༦་ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༨༥ ལ་ཕེབས་པའི་༸སྐུའི་འཁྲུངས་སྐར་མཛད་སྒོའི་ཉིན་བོད་མི་མང་སྤྱི་འཐུས་ལྷན་ཚོགས་ཀྱི་གསུང་བཤད་ནང་དུ། བོད་མི་རྩམ་གཟན་ཡོངས་ནས་ངེས་པར་དུ་༸རྒྱལ་བའི་ཐུགས་བསྐྱེད་དམ་བཅའ་ཆེན་པོ་བཞིར་སློབ་སྦྱོང་གནང་སྟེ་ཕྱར་བ་གྲུ་འདེགས་ཀྱི་དབུ་འོག་དཔུང་འདེགས་ཞུ་རྒྱུ་དེ་ནི་༸རྒྱལ་བ་དགྱེས་པའི་མཆོད་སྤྲིན་དུ་འགྱུར་བའི་དགེ་བའི་རྩ་བར་སོང་ང་ཚོས་གང་ཐུབ་འབད་བརྩོན་ཞུ་དགོས། ཞེས་འཁོད་འདུག

༢༠༢༠་ལོའི་ཟླ་༦་ཚེས་༢༥་ཉིན། འདི་ལོའི་སྐུའི་འཁྲུངས་སྐར་སྲུང་བརྩིའི་ཐད་ནས་ཧི་མ་ཅལ་མངའ་སྡེའི་ལམ་སྟོན་ལྟར་མཛད་སྒོར་སོགས་ལ་མི་༥༠་ལས་མང་བ་མཉམ་འཛོམས་བྱེད་ཆོག་གི་མེད་ཙམ། བོད་མིའི་སྒྲིག་འཛུགས་ཀྱི་མཛད་གཙོས་རྣམ་པ་དང་དྲུང་ཆེ་རྣམ་པ་བཅས་ཁྱོན་མི་༥༠་འཛོམས་ནས་གཞུང་འབྲེལ་ཐོག་ནས་སྐུའི་འཁྲུངས་སྐར་སྲུང་བརྩི་ཞུ་ཡིན་པར་སྲིད་སྐྱོང་མཆོག་གིས་གསལ་བསྒྲགས་སྤེལ་སོང་།

More Articles ...

བོད་ཀྱི་ལོ་རྒྱུས་ཡིག་ཆ།