11
Wed, Dec

རྒྱ་གཞུང་གིས་ནག་སེལ་གཤེད་བཅོམ་ཞེས་པའི་མིང་ཐོག་ནས་བོད་མི་ཞི་བའི་ངོ་རྒོལ་བྱེད་མཁན་རྣམས་ཐེར་འདོན་བྱས་ན་བྱ་དགའ་སྤྲད་རྒྱུ་ཡིན་པའི་ཁྱབ་བསྒྲགས་བྱས་ཡོད་པར་མ་ཟད། ལྷ་ས་རུ་ས་གནས་མི་འདྲ་བ་ཁག་༣༠་ལ་ཐེར་འདོན་སྒམ་བཙུགས་ཡོད་པ་རེད་འདུག

༢༠༡༨ལོའི་ཟླ་༡༡་ཚེས་༡༡ཉིན། ཀན་ལྷོ་བོད་རིགས་རང་སྐྱོང་ཁུལ་ཅོ་ནེ་རྫོང་བསེ་ཚང་ཡུལ་ཚོའི་ནང་དུ་རྒྱ་ནག་གཞུང་གི་མགོ་ཁྲིད་མང་པོ་ཡོང་སྟེ་ཡུལ་ཚོ་དེའི་ནང་ཡོད་པའི་རྒྱུག་ཆུ་ཁ་བསྒྱུར་རྒྱུའི་གྱིས་གནས་ཚུལ་ཐོན་ཡོད་པ་དང་ཡུལ་མི་ཚོས་ཞི་བའི་ངོ་རྒོལ་བྱེད་བཞིན་པ་རེད་འདུག

༢༠༡༨ལོའི་ཟླ་༡༠ཚེས་༢༢ཉིན། བརྒྱུད་ལམ་ཁག་ནས་གནས་ཚུལ་ཐོན་པ་ལྟར་ན། རྒྱ་གཞུང་གིས་ལོ་རྗེས་མ་ནས་བོད་གངས་རི་ཇོ་མོ་གླང་མའི་ཉེ་མཁྲིས་སུ་ཡོད་པའི་སྒར་ནང་ཡུལ་སྐོར་སྤྲོ་འཆམ་ཡོང་བའི་རླངས་འཁོར་རྣམས་འགོག་རྒྱུ་ཡིན་པ་དང་། དེའི་རྒྱུ་མཚན་གཙོ་བོ་ནི་ས་གནས་དེར་འབགས་བཙོག་ཉུང་དུ་གཏོང་བའི་ཆེད་དུ་ཡིན་སྐོར་བཤད་འདུག

བོད་ནང་ཡར་ཀླུང་གཙང་པོ་རྒྱུག་ཡུལ་ཀོང་པོ་ཉིང་ཁྲི་མངའ་ཁོངས་སྨན་གླིང་རྫོང་གི་གྲོང་གསེབ་ཀྱི་ས་ཁུལ་ཞིག་དུ་རི་ཉིལ་གནོད་འཚེ་བྱུང་སྟེ། ཆུ་བོའི་རྒྱུག་ཡུལ་འགག་སྟེ་རྫིང་ཆུ་ཆགས་བཞིན་ཡོད་པ་དང་། དེའི་ཆུ་ཁ་ཤོར་བའི་ཉེན་ཁ་ཆེ་སྟབས། ཉེ་ཁུལ་མང་ཚོགས་རྣམས་ཉེན་གཡོལ་དུ་གནས་སྤོ་བྱེད་བཞིན་ཡོད་འདུག

འདི་ག་གསར་ཁང་དུ་གནས་ཚུལ་འབྱོར་གསལ་གཞིགས་ན། བོད་ཨ་མདོ་རྔ་པའི་ནང་སླར་ཡང་བོད་མི་གཞོན་སྐྱེས་ཤིག་གིས་རྒྱ་ནག་གཞུང་གིས་བོད་ཐོག་འཛིན་པའི་དྲག་གནོན་ཅན་གྱི་སྲིད་བྱུས་ཁག་ལ་ཞི་བའི་ངོ་རྒོལ་གྱིས་སྐུ་ལུས་མེར་སྲེག་གནང་རྗེས་ཁོང་འདས་གྲོངས་སུ་ཕྱིན་ཡོད་འདུག

༢༠༡༨ལོའི་ཟླ་༡༠ཚེས་༡༦ཉིན། ལྷོ་ཨ་མེ་རི་ཁའི་རྒྱལ་ཁབ་ཨར་ཇན་ཁྲི་ན( Argentina) ལ་དབྱར་ཁའི་ཨོ་ལམ་པི་ཁིའི་རྩེད་མོ་རྩེས་ཡོད་པ་དང་། དེར་ཁྱོན་རྒྱལ་ཁབ་༢༠༦་ཡི་རྩེད་མོ་བ་ཞུགས་ཡོད་འདུག དེ་ནང་ནས་བོད་པའི་བུ་མོ་ཤེས་རབ་འཚོ་ཡིས་བུད་མེད་སྨི་༥༠༠༠བང་རྒྱུགས་འགྲན་བསྡུར་ཁྲོད་དུ་ཨང་དང་པོ་བླངས་ནས་གསེར་གྱི་རྟགས་མ་ཐོབ་ཡོད་ཅིང་། མོ་ནི་བོད་པ་ཞིག་གིས་ཨོ་ལམ་པི་ཁིའི་ནང་གསེར་གྱི་རྟགས་མ་ཐོབ་མཁན་ཐོག་མ་དེ་ཆགས་ཡོད་པ་རེད།

༢༠༡༨ལོའི་ཟླ་༡༠ཚེས་༡༣ཉིན། ཀན་ལྷོ་ཁུལ་ཅོ་ནེ་རྫོང་ཉིན་པ་ཡུལ་མི་ཚོས་ས་གནས་སྲིད་གཞུང་གི་སྒོ་ཁར་ཉལ་ཏེ་ཞི་རྒོལ་བྱས་ཡོད་འདུག་ཅིང་། དེ་ལྟར་ཞི་རྒོལ་བྱེད་དོན་ནི། སྲིད་གཞུང་གིས་ས་གནས་ཡུལ་མི་ཚོར་ལོ་གསུམ་གྱི་གོང་དུ་ཕྱུགས་ཟོག་ཚོང་བའི་གུན་གསབ་མ་སྤྲད་པས་ཡིན་སྐོར་བརྗོད་ཀྱིན་འདུག

More Articles ...

བོད་ཀྱི་ལོ་རྒྱུས་ཡིག་ཆ།