03
Fri, Apr

གལ་ཆེན་གསར་འགྱུར་གཞན།

Grid List

༢༠༢༠་ལོའི་ཟླ་༣་ཚེས་༡༦་ཉིན། བོད་ཁམས་ཉག་ཆུ་རྫོང་ཨོ་ཐོག་ནས་ཡིན་པའི་ཆབ་སྲིད་བཙུན་ཟུར་དགེ་སློང་བཀྲ་ཤིས་ཕུན་ཚོགས་ལགས་གློ་བའི་སྙུང་གཞི་དང་བཙོན་དུ་ཉེས་རྡུང་དྲག་པོ་བཏང་རྐྱེན་བཅས་ཀྱིས་འདས་གྲོངས་སུ་ཕྱིན་འདུག ༡༩༩༣་ལོར་རྒྱ་གཞུང་འགོ་ཁྲིད་ཁག་ཅིག་གིས་ས་གནས་མི་མང་གི་ཤིང་ནགས་བཙན་འཕྲོག་བྱས་པར་ཁོང་གིས་ངོ་རྒོལ་བྱས་ཤིང་། ༢༠༠༢ ལོར་འཛིན་བཟུང་བྱས་ཏེ་ལོ་བདུན་གྱི་བཙོན་འཇུག་ཁྲིམས་ཐག་བཅད།

༢༠༢༠་ལོའི་ཟླ་༢་ཚེས་༡༨་ཉིན་སྤེལ། སྤྱི་ནོར་༸གོང་༸སྐྱབས་མགོན་ཆེན་པོ་མཆོག་ལ་ཉེ་ཆར་བོད་ནང་རྟའུ་ཡུལ་དགོན་སྤྱི་ནས་བརྟག་ཞུ་ཞུས་ཡོད་འདུག ༸གོང་ས་མཆོག་གིས་དེར་དམིགས་བསལ་ངན་དོག་ཆེ་བ་མ་ཤར། འོན་ཀྱང་སྤྱི་མཐུན་ལས་དབང་དང་འབྲེལ་བས་ཡུལ་སྤྱི་ནས་འཕྲོད་བསྟེན་སྔོན་འགོག་གཟབ་ནན་དང་། སྒྲོལ་མ་དང་མ་ཎི་གང་འགྲོ་གསོག སྟོན་པའི་གསུང་གི་སྙིང་པོ་བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བ་གཉིས་ལ་ཐོས་བསམ་སྒོམ་པ་ཐུབ་ན་ཚོགས་བསགས་དང་ལས་སྒྲིབ་སྦྱོང་བར་དེ་བས་གནད་ཆེ་བ་མེད། ཅེས་གསུང་འཕྲིན་སྩལ་འདུག

༢༠༢༠་ལོའི་ཟླ་༢ཚེས་༦ཉིན། རྫ་སྨད་དབོན་པོ་དགོན་གྱི་དགེ་འདུན་པ་ཆོས་མཆོག་ལགས་བཙོན་ཁང་ནས་གློད་གྲོལ་བཏང་བའི་གནས་ཚུལ་ཐོན་འདུག ཁོང་ནི་༢༠༡༧་ལོའི་ཟླ་༡༢་ཟླ་མཇུག་དར་ལག་རྫོང་ཐོག་ནས་འཛིན་བཟུང་བྱས་ཡོད་པ་དང་། སི་ཁྲོན་དཀར་མཛེས་བཙོན་ཁང་(ར་རྔ་བཙོན་ཁང་)ལ་ལོ་གཉིས་ལྷག་བཙོན་འཇུག་བྱས་མཐའ་གློད་གྲོལ་བཏང་འདུག

༢༠༢༠་ལོའི་ཟླ་༣་ཚེས་༣༡་ཉིན། ༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་རྒྱ་གར་གྱི་སྲིད་བློན་མོ་ཌི་མཆོག་ལ་ནད་ཡམས་སྔོན་འགོག་ཐོག་རྒྱབ་སྐྱོར་གྱི་གསུང་འཕྲིན་བསྩལ། དེའི་ནང་ངོས་ཀྱི་རྒྱབ་སྐྱོར་མཚོན་ཆེད་ཏཱ་ལའི་བླ་མའི་དགེ་རྩ་ཚོགས་པ་ནས་རོགས་དངུལ་ཞལ་འདེབས་རྒྱག་རྒྱུ་ཡིན། ཞེས་གསུངས་འདུག

༢༠༢༠་ལོའི་ཟླ་༣་ཚེས་༣༠་ཉིན། བཞུགས་སྒར་རྡ་ས་རྒྱལ་བའི་ཕོ་བྲང་ནས་ ༸གོང་ས་མཆོག་གིས་ཏོག་དབྱིབས་ནད་ཡམས་ལ་གདོང་ལེན་བྱེད་སྟངས་ཐོག ཞུམ་པས་སྡུག་བསྔལ་ལས་མི་གྲོལ་བས་དཀའ་ངལ་ཇི་འདྲ་ཞིག་འཕྲད་ཀྱང་སྙིང་སྟོབས་བསྐྱེད་དེ་མིའི་རྣམ་དཔྱོད་དང༌། དེང་དུས་རིག་འཕྲུལ་ཟུང་འབྲེལ་གྱིས་དཀའ་ངལ་སེལ་ཐབས་བྱེད་དགོས། ཞེས་བཀའ་བསྩལ།

༢༠༢༠་ལོའི་ཟླ་༣་ཚེས་༢༦་ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཧི་མ་ཅལ་མངའ་སྡེའི་བློན་ཆེན་ཤྲི་ཇཻ་རཱམ་ཋཱ་ཀུར་(Shri Jai Ram Thakur) ལགས་སུ་གསུང་འཕྲིན་ཞིག་སྩལ་ཏེ། ཏོག་དབྱིབས་ནད་ཡམས་(Corona-virus)འཛམ་གླིང་ཡོངས་སུ་མཆེད་ནས་ད་ལྟ་མངའ་སྡེ་འདིར་ཡང་སླེབས་ཡོད་པར་ཉིན་རེ་བཞིན་ཧུར་བརྩོན་ཆེན་པོས་ནད་ཡམས་ཚོད་འཛིན་ལ་འབད་བརྩོན་བྱེད་བཞིན་པར་རྒྱབ་སྐྱོར་བྱེད་བཞིན་ཡོད་ཅེས་གསུངས་ཡོད་པ་རེད།

༢༠༢༠་ལོའི་ཟླ་༤་ཚེས་༢་ཉིན་སྤེལ། ཡུ་རོབ་རྒྱལ་ཁབ་མང་པོ་ཞིག་གིས་རྒྱ་ནག་ནས་བཟོས་པའི་ཏོག་དབྱིབས་ནད་དུག་སྔོན་འགོག་གི་ཡོ་ཆས་ཁྲི་ཕྲག་མང་པོ་སྤུས་ཚད་ལེགས་པོ་མེད་པའི་རྒྱུ་མཚན་གྱིས་དང་ལེན་མ་བྱས་པར་བཀག་སྡོམ་བྱས་འདུག

༢༠༢༠་ལོའི་ཟླ་༣་ཚེས་༣༡་ཉིན་སྤེལ། འཛམ་གླིང་གང་སར་ཏོག་དབྱིབས་ནད་དུག་རྐྱེན་གྱིས་མི་རྣམས་རང་ཁྱིམ་དུ་བསྡད། ལས་གྲྭ་དང་ཚོང་གཉེར་ཁང་སོགས་སྒོ་བརྒྱབ་པ་དང་། དེ་བཞིན་འགྲུལ་སྐྱོད་བཀག་སྡོམ་བྱས་པའི་དབང་གིས་གནམ་གཤིས་བཟང་དུ་ཕྱིན་ཡོད་པར་ཚན་རིག་པས་འགྲེལ་བརྗོད་བྱས་འདུག

༢༠༢༠་ལོའི་ཟླ་༣་ཚེས་༢༧་ཉིན་སྤེལ། ཉེ་ཆར་ཨ་རིའི་གྲོས་ཚོགས་གོང་འོག་གཉིས་ཀྱི་འཐུས་མིས་རྒྱ་ནག་གིས་ཏོག་དབྱིབས་ནད་དུག་གདོང་ལེན་བྱེད་སྟངས་ཐོག་ཉེས་འཛུགས་ཀྱི་གྲོས་ཆོད་བཏོན་ཡོད་པ་དང་། དེ་ནི་རྒྱ་གཞུང་གིས་ཏོག་དབྱིབས་ནད་དུག་དང་འབྲེལ་བའི་གནས་ཚུལ་སྦས་གསང་བྱས་ནས་འཛམ་གླིང་མི་མང་གི་ཚེ་སྲོག་ལ་ཉེན་ཁ་བཟོས་པའི་སྐོར་གྱི་གྲོས་ཆོད་ཅིག་རེད།

༢༠༢༠་ལོའི་ཟླ་༤་ཚེས་༢་ཉིན། རྒྱ་གར་ཧི་མ་ཅལ་མངའ་སྡེའི་ཨོ་ཎ་(Una)་རྫོང་དུ་ཏོག་དབྱིབས་ནད་དུག་ཕོག་མཁན་གསར་པ་གསུམ་བྱུང་འདུག ཁོ་ཚོ་ནི་ཟླ་སྔོན་མར་ལྡི་ལིར་ཁ་ཆེ་ཆོས་ཚོགས་ཤིག་ཏུ་ཕྱིན་ནས་ནད་དུག་ཕོག་ཡོད་འདུག

༢༠༢༠་ལོའི་ཟླ་༢༠་ཉིན་སྤེལ། རྒྱ་གར་མངའ་སྡེ་ཧི་མ་ཅལ་སྲིད་གཞུང་གིས་ཏོག་དབྱིབས་ནད་དུག་སྔོན་འགོག་ཆེད། ། ཕྱི་རྒྱལ་བ་དང་རྒྱ་གར་མངའ་སྡེ་གཞན་གྱི་སྤྲོ་འཁྱམ་པ་སུའང་མངའ་སྡེའི་ནང་ཡོང་མི་ཆོག་པའི་གསལ་བསྒྲགས་སྤེལ་འདུག ད་སྔ་རྒྱ་གར་ནང་ཏོག་དབྱིབས་ནད་དུག་ཕོག་མཁན་༢༡༢་བྱུང་འདུག

༢༠༢༠་ལོའི་ཟླ་༢་ཚེས་༡༧་ཉིན་སྤེལ། རྒྱ་ནག་ཏུ་ཏོག་དབྱིབས་ནད་དུག་གི་རྐྱེན་པས་མི་མང་གི་འཚོ་བ་དང་ནད་དུག་ཁྱབ་ཚད་བཅས་ཀྱི་གནས་སྟངས་ཛ་དྲག་ཏུ་འགྱུར་བཞིན་པའི་སྐབས་འདིར། རྒྱ་གཞུང་གིས་དོན་དངོས་སྦས་ཐབས་བྱེད་ཀྱི་ཡོད་ནའང། ཉེ་ཆར་ཝུ་ཧུན་གྱི་བུད་མེད་ཅིག་གིས་ནད་དུག་དེའི་གནས་སྟངས་དང་འབྱུང་རྐྱེན། བོད་དང་། ཐེ་ཝན། ཧོང་ཀོང་བཅས་ཀྱི་རང་བཙན་ལ་རྒྱབ་སྐྱོར་ཡོད། རྒྱ་གཞུང་གི་གདུག་རྩུབ་ལས་ཐར་དགོས། ཞེས་བརྗོད་འདུག

བོད་ཀྱི་ལོ་རྒྱུས་ཡིག་ཆ།
ལོ་རྒྱུས་པང་པོ་རེད།

བཅར་འདྲི།