12
Sun, Jul

གལ་ཆེན་གསར་འགྱུར་གཞན།

Grid List

༢༠༢༠་ལོའི་ཟླ་༧་ཚེས་༨་ཉིན། རྒྱ་གཞུང་ནས་བོད་ནང་གི་དངོས་ཡོད་གནས་ཚུལ་རྣམས་དྲ་རྒྱ་བརྒྱུད་ཕྱི་རྒྱལ་ཁག་ལ་མཁོ་སྤྲོད་བྱེད་མི་ཆོག་པ་དང་། རྒྱལ་སྤྱིའི་དྲ་སྦྲེལ(VPN)བེད་སྤྱོད་བྱས་ནས་ཕྱི་རྒྱལ་གྱི་གནས་ཚུལ་ལྟ་མི་ཆོག་པ་སོགས་ཀྱི་དོན་ཚན་ཉི་ཤུ་ཅན་གྱི་གསལ་བསྒྲགས་ཤིག་སྤེལ་ནས་དྲ་རྒྱ་ཐོག་བཀག་སྡོམ་ཤུགས་ཆེ་རུ་བཏང་འདུག

༢༠༢༠་ལོའི་ཟླ་༥་ཚེས་༥་ཉིན་སྤེལ། ༡༩༩༢་ལོར་བོད་ཀྱི་རྒྱལ་ས་ལྷ་སར་ལག་ཏུ་བོད་ཀྱི་རྒྱལ་དར་ཐོགས་བཞིན་ངག་ནས་བོད་རང་བཙན་ཡིན། བོད་ཀྱི་བདག་པོ་བོད་མི་ཡིན། ༸རྒྱལ་བ་བསྟན་འཛིན་རྒྱ་མཚོ་སྐུ་ཚེ་ཁྲི་ལོར་བརྟན་པར་ཤོག ཅེས་ཞི་བའི་སྐད་འབོད་གནང་མཁན་བཙོན་ཟུར་ཚེ་རིང་བག་གྲོ་ལགས་འདས་གྲོངས་སུ་ཕྱིན་ཡོད་པའི་ཡིད་སྐྱོ་བའི་གནས་ཚུལ་ཐོན་འདུག

༢༠༢༠་ལོའི་ཟླ་༣་ཚེས་༡༦་ཉིན། བོད་ཁམས་ཉག་ཆུ་རྫོང་ཨོ་ཐོག་ནས་ཡིན་པའི་ཆབ་སྲིད་བཙུན་ཟུར་དགེ་སློང་བཀྲ་ཤིས་ཕུན་ཚོགས་ལགས་གློ་བའི་སྙུང་གཞི་དང་བཙོན་དུ་ཉེས་རྡུང་དྲག་པོ་བཏང་རྐྱེན་བཅས་ཀྱིས་འདས་གྲོངས་སུ་ཕྱིན་འདུག ༡༩༩༣་ལོར་རྒྱ་གཞུང་འགོ་ཁྲིད་ཁག་ཅིག་གིས་ས་གནས་མི་མང་གི་ཤིང་ནགས་བཙན་འཕྲོག་བྱས་པར་ཁོང་གིས་ངོ་རྒོལ་བྱས་ཤིང་། ༢༠༠༢ ལོར་འཛིན་བཟུང་བྱས་ཏེ་ལོ་བདུན་གྱི་བཙོན་འཇུག་ཁྲིམས་ཐག་བཅད།

༢༠༢༠་ལོའི་ཟླ་༧་ཚེས་༦་ཉིན། ༸གོང་ས་མཆོག་གི་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བསླབ་གཞི་དེ་དག་ཡུལ་ལུང་སོ་སོའི་གནས་བབ་དང་བསྟུན་ནས་རྒྱ་གར་གཙོས་པའི་རྒྱལ་ཁབ་ ༢༠ ཙམ་གྱི་སློབ་གྲྭ་མང་པོའི་ནང་དངོས་སུ་ལག་བསྟར་བྱེད་འགོ་བཙུགས་ཡོད་པས། འབྱུང་འགྱུར་ལོ་རབས་ནང་༸མགོན་པོ་མཆོག་གི་ཐུགས་རེ་བཞིན་མི་རབས་གསར་པ་རྣམས་མི་བཟང་པོ་དང་འཛམ་གླིང་ཞི་བདེ་ལྡན་པ་ཆགས་རྒྱུ་གདོན་མི་ཟ། ཞེས་སྲིད་སྐྱོང་མཆོག་གིས་གསུངས།

༢༠༢༠་ལོའི་ཟླ་༧་ཚེས་༦་ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༨༥ ལ་ཕེབས་པའི་༸སྐུའི་འཁྲུངས་སྐར་མཛད་སྒོའི་ཉིན་བོད་མི་མང་སྤྱི་འཐུས་ལྷན་ཚོགས་ཀྱི་གསུང་བཤད་ནང་དུ། བོད་མི་རྩམ་གཟན་ཡོངས་ནས་ངེས་པར་དུ་༸རྒྱལ་བའི་ཐུགས་བསྐྱེད་དམ་བཅའ་ཆེན་པོ་བཞིར་སློབ་སྦྱོང་གནང་སྟེ་ཕྱར་བ་གྲུ་འདེགས་ཀྱི་དབུ་འོག་དཔུང་འདེགས་ཞུ་རྒྱུ་དེ་ནི་༸རྒྱལ་བ་དགྱེས་པའི་མཆོད་སྤྲིན་དུ་འགྱུར་བའི་དགེ་བའི་རྩ་བར་སོང་ང་ཚོས་གང་ཐུབ་འབད་བརྩོན་ཞུ་དགོས། ཞེས་འཁོད་འདུག

༢༠༢༠་ལོའི་ཟླ་༧་ཚེས་༦་ཉིན། སྐུའི་འཁྲུངས་སྐར་ཉིན། ༸གོང་ས་མཆོག་གིས་ངོས་ཀྱི་སྐྱེས་སྐར་ཉིན་སྤྱན་རས་གཟིགས་དྲན་པའི་ཐོག ༸རྒྱལ་བ་རིན་པོ་ཆེའི་བརྟེན་ས་དང་། དེ་བཞིན་ཚེ་རབས་ནས་ཚེ་རབས་འཕགས་པ་སྤྱན་རས་གཟིགས་དང་འབྲེལ་བ་ཡོད་པ་ཞིག་ཆགས་ཡོད། དེར་བརྟེན་ངོས་ཀྱི་སྐྱེས་སྐར་ཉིན་སྤྱན་རས་གཟིགས་དང་༸རྒྱལ་བ་རིན་པོ་ཆེ་ངོ་བོ་དབྱེར་མེད་དུ་བལྟས་ནའང་རེད། འཕགས་པ་སྤྱན་རས་གཟིགས་གཙོ་བོ་དང་དེའི་མདུན་དུ་ངོས་རང་དགེ་སློང་གི་རྣམ་ཅན་དུ་ཡོད་པར་བསམ་བློ་བཏང་ནས་མ་ཎི་སྟོང་ཕྲག་རེ་བསགས་ན་ཕན་གྱི་རེད། ཅེས་གསུངས།

༢༠༢༠་ལོའི་ཟླ་༧་ཚེས་༧ཉིན། ཨ་རིའི་ཕྱི་སྲིད་དྲུང་ཆེ་མི་ཁི-པོམ་པེ(Mike Pompeo)མཆོག་གིས་བོད་དུ་འགྲོ་བ་མིའི་ཐོབ་ཐང་ལ་རྡོག་རོལ་གཏོང་མཁན་གྱི་རྒྱ་གཞུང་གི་འགོ་ཁྲིད་ཁག་ཅིག་ཨ་རི་ནང་དུ་ཡོང་བའི་མཐོང་མཆན་བཀག་སྡོམ་བྱ་རྒྱུ་ཡིན་པའི་གསལ་བསྒྲགས་སྤེལ་འདུག

༢༠༢༠་ལོའི་ཟླ་༧་ཚེས་༤་ཉིན། སངས་རྒྱས་བཅོམ་ལྡན་འདས་ཀྱིས་ཆོས་འཁོར་དང་པོ་བསྐོར་བའི་དུས་ཆེན་ཉིན། ༸གོང་ས་མཆོག་གིས་སྡུག་བསྔལ་མེད་པར་བཟོ་ཐབས་ནི་སྡུག་བསྔལ་གྱི་རྒྱུ་མེད་པར་བཟོ་ཐུབ་མིན་ལ་རག་ལས་ཡོད། ཀུན་འབྱུང་ལ་དཔྱད་དུས་མ་རིག་པ་ཐུག་ཡོད། གཞུང་ཆེན་པོའི་ཁག་ཏུ་མ་རིག་པ་སོགས་ཀྱི་སྐོར་ཟབ་ཅིང་རྒྱས་པ་ཡོད། དེར་བརྟེན། གཞུང་འདི་ཚོ་ལྟ་ཐུབ་པ་བྱེད་དགོས་པར་གལ་ཆེན་པོ་རེད། ཅེས་བཀའ་བསྩལ།

༢༠༢༠་ལོའི་ཟླ་༧་ཚེས་༡་ཉིན་སྤེལ། ཉེ་སྔོན་རྒྱ་གཞུང་གིས་ཧོང་ཀོང་ལ་རྒྱལ་ཁབ་བདེ་འཇགས་ཀྱི་ཁྲིམས་གསར་ཞིག་བཏོན་ཡོད་པར། དབྱིན་ཇི་དང་ཧྥི་རན་སི། འཇར་མན། ཉི་ཧོང་སོགས་རྒྱལ་ཁབ་ཉེར་བདུན་གྱིས་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་སུ། ཁྲིམས་གཞི་དེས་ཧོང་ཀོང་གི་རང་དབང་ལ་རྡོག་རོལ་གཏོང་གི་ཡོད་པས་རྒྱ་གཞུང་གིས་ངེས་པར་དུ་དེའི་ཐོག་བསམ་བློ་བསྐྱར་གཏོང་དགོས་པའི་ངོ་རྒོལ་གྱི་རྣམ་པ་བསྟན།

༢༠༢༠་ལོའི་ཟླ་༤་ཚེས་༢་ཉིན། རྒྱ་གར་ཧི་མ་ཅལ་མངའ་སྡེའི་ཨོ་ཎ་(Una)་རྫོང་དུ་ཏོག་དབྱིབས་ནད་དུག་ཕོག་མཁན་གསར་པ་གསུམ་བྱུང་འདུག ཁོ་ཚོ་ནི་ཟླ་སྔོན་མར་ལྡི་ལིར་ཁ་ཆེ་ཆོས་ཚོགས་ཤིག་ཏུ་ཕྱིན་ནས་ནད་དུག་ཕོག་ཡོད་འདུག

༢༠༢༠་ལོའི་ཟླ་༢༠་ཉིན་སྤེལ། རྒྱ་གར་མངའ་སྡེ་ཧི་མ་ཅལ་སྲིད་གཞུང་གིས་ཏོག་དབྱིབས་ནད་དུག་སྔོན་འགོག་ཆེད། ། ཕྱི་རྒྱལ་བ་དང་རྒྱ་གར་མངའ་སྡེ་གཞན་གྱི་སྤྲོ་འཁྱམ་པ་སུའང་མངའ་སྡེའི་ནང་ཡོང་མི་ཆོག་པའི་གསལ་བསྒྲགས་སྤེལ་འདུག ད་སྔ་རྒྱ་གར་ནང་ཏོག་དབྱིབས་ནད་དུག་ཕོག་མཁན་༢༡༢་བྱུང་འདུག

༢༠༢༠་ལོའི་ཟླ་༢་ཚེས་༡༧་ཉིན་སྤེལ། རྒྱ་ནག་ཏུ་ཏོག་དབྱིབས་ནད་དུག་གི་རྐྱེན་པས་མི་མང་གི་འཚོ་བ་དང་ནད་དུག་ཁྱབ་ཚད་བཅས་ཀྱི་གནས་སྟངས་ཛ་དྲག་ཏུ་འགྱུར་བཞིན་པའི་སྐབས་འདིར། རྒྱ་གཞུང་གིས་དོན་དངོས་སྦས་ཐབས་བྱེད་ཀྱི་ཡོད་ནའང། ཉེ་ཆར་ཝུ་ཧུན་གྱི་བུད་མེད་ཅིག་གིས་ནད་དུག་དེའི་གནས་སྟངས་དང་འབྱུང་རྐྱེན། བོད་དང་། ཐེ་ཝན། ཧོང་ཀོང་བཅས་ཀྱི་རང་བཙན་ལ་རྒྱབ་སྐྱོར་ཡོད། རྒྱ་གཞུང་གི་གདུག་རྩུབ་ལས་ཐར་དགོས། ཞེས་བརྗོད་འདུག

བོད་ཀྱི་ལོ་རྒྱུས་ཡིག་ཆ།
ལོ་རྒྱུས་པང་པོ་རེད།

བཅར་འདྲི།