23
Sun, Feb

༢༠༢༠་ལོའི་ཟླ་༡་ཚེས་༡༤་ཉིན། རྒྱ་གར་གནས་མཆོག་རྡོ་རྗེ་གདན་ཉེ་ཁུལ་གྱི་རྒྱ་གར་གྱི་ཚོང་ལས་མཐོ་སློབ་(Indian Institute of Management,Bodh Gaya) ཞེས་པར་ཆིབས་སྒྱུར་བསྐྱངས་ནས་བཀའ་སློབ་གནང་ཡོད་པ་དང་། དེའི་སྐབས། ༸གོང་ས་མཆོག་གིས་དགེ་སློབ་རྣམས་ལ་ཞི་བདེ་ཟེར་བ་སྨོན་ལམ་བརྒྱབ་པ་ཙམ་གྱིས་བསྒྲུབ་ཐབས་མེད། ང་ཚོས་ཞི་བདེ་ཡོང་བར་འབད་བརྩོན་བྱེད་དགོས། བདག་ཉིད་ཆེན་པོ་གན་དྷིས་འཚེ་མེད་ཞི་བའི་ཐབས་ལམ་ལག་བསྟར་ཇི་ལྟར་དགོས་པའི་ལམ་སྟོན་གནང་བ་ལྟར་གནང་དགོས། ཞེས་བཀའ་སྩལ་འདུག

མི་གཡོ་ཞིང་མི་སྨྲ་བའི་སེམས་ཁམས་མེད་ན་རིག་སྟོབས་ཅན་དང་བྱ་གཞག་མཐར་སྐྱེལ་བྱེད་པར་དཀའ་བ་ཡིན། མཁས་པ་ཚོས་དོན་རྐྱེན་ཆེན་པོ་གང་འདྲ་ཞིག་ལ་འཕྲད་ཀྱང་། སྔར་ལས་ལྷག་པའི་ངང་ནས་ཞི་ཞིང་གཡོ་མེད་ཀྱིས་གནས་པ་ཡིན། སེམས་ལྷོད་པོ་ཡོད་ན། ནང་སེམས་ཁམས་ལ་ཞི་བདེ་ཡོད་པ་མ་ཟད་གོ་སྐབས་ཀྱང་དམ་འཛིན་ཡག་པོར་བྱེད་ཐུབ།

སྟོན་ལ་སླེབས་དུས་དབྱར་ཁའི་རླུང་མ་འཚོལ། དགུན་ལ་སླེབས་སྐབས་སྟོན་ཀའི་ཟླ་བ་མ་འཚོལ། མི་ཚེའི་བདེ་སྐྱིད་ཕལ་ཆེ་བ་དུས་ཐུང་ཐུང་ནང་དུ་མེད་པར་འགྱུར་བས། དེ་ལ་ལོངས་སྤྱོད་དང་རོལ་མྱོང་བྱེད་དགོས་པ་གལ་ཆེན་ཡིན་པ་མ་ཟད། ཁྱེད་ཀྱི་མཐའ་འཁོར་དུ་ཡོད་པའི་མི་ཚང་མར་ལྟ་སྟངས་ཡག་པོ་ཞིག་འཛིན་དགོས་པའང་དེ་བས་གལ་ཆེ། དུས་ཚོད་ཡོད་པ་རྣམས་དཀའ་ངལ་ལམ་སེམས་སྡུག་གི་གནས་སུ་བཏང་ན་དོན་མེད་ཡིན།

ངས་ཉེ་སྔོན་དཔེ་ཁང་ཞིག་ནས་མཁན་པོ་བསོད་དར་རྒྱས་ཚང་གི་གསུང་རྩོམ་ཞིག་ཉོས་པ་ཡིན། དོ་དགོང་ཞེ་ལྷོད་ལྷོད་ཀྱིས་ཁོང་གི་གསུང་རེ་རེ་བཞིན་ཀློག་ཚེ། རྒན་མོ་ཞིང་བ་ཞིག་གིས་སྙན་གྲགས་ཆེ་བའི་ཚན་རིག་པ་གསུམ་སྨྲ་བ་མེད་པར་བཏང་བའི་གཏམ་རྒྱུད་ཅིག་དྲངས་འདུག

More Articles ...

Page 1 of 2
བོད་ཀྱི་ལོ་རྒྱུས་ཡིག་ཆ།