22
Fri, Nov

ཆེད་བསྒྲིགས་གསར་འགྱུར།

Grid List

༢༠༡༩་ལོའི་ཟླ་༡༡་ཚེས་༡༩་ཉིན། ཨ་རིའི་གྲོས་ཚོགས་གོང་མའི་འཐུས་མི་རྣམས་ཀྱིས་མང་མོས་ཀྱི་ཐོག་ནས་ཧོང་ཀོང་གི་འགྲོ་བ་མིའི་ཐོབ་ཐང་དང་མང་གཙོའི་ཁྲིམས་འཆར་(Hong Kong Human Rights and Democratic Act) ཞེས་པར་རྒྱབ་སྐྱོར་གནང་ཡོད་འདུག ཁྲིམས་འཆར་དེས་ཧོང་ཀོང་མི་མང་གི་རང་དབང་ལ་སྲུང་སྐྱོབ་དང་དེར་རྡོག་རོལ་གཏོང་མཁན་ལ་ཉེས་ཆད་གཏོང་ཆོག་པའི་ཁྲིམས་འཆར་ཞིག་ཡིན་འདུག

༢༠༡༩་ལོའི་ཟླ་༡༡་ཚེས་༡༨་ཉིན། ཧི་མཱ་ཅལ་མངའ་སྡེའི་སྲིད་སྐྱོང་མཆོག་དང་སྐུ་ཚབ་རྣམ་པ་བཞུགས་སྒར་རྡ་སར་༸གོང་ས་མཆོག་ལ་མཇལ་ཁ་དང་། བོད་མིའི་སྒྲིག་འཛུགས་ཀྱི་བཀའ་ཤག་དང་བོད་མི་མང་སྤྱི་འཐུས་ལྷན་ཚོགས་བཅས་ལ་གཟིགས་སྐོར་ཕེབས་སོང་།

༢༠༡༩་ལོའི་ཟླ་༡༡་ཚེས་༡༧་ཉིན། བཞུགས་སྒར་རྡ་ས་བོད་མིའི་སྒྲིག་འཛུགས་ཀྱི་ལྟེ་གནས་ནས་བྷག་སུག་དབར་དུ། ཕོ་མོ་བརྒྱ་ལྷག་གིས་བོད་ཀྱི་གནམ་གཤིས་ཆེད་དུ་རྒྱང་རྒྱུག་གི་ལས་འགུལ་སྤེལ་ནས། བོད་མཐོ་སྒང་འདི་རྒྱལ་སྤྱིའི་ཁོར་ཡུག་གི་གནད་དོན་ཐད་གལ་གནད་ཆེན་པོ་ཡིན་པ་ངོས་འཛིན་དགོས་པའི་འབོད་སྐུལ་བྱས་སོང་།

༢༠༡༩་ལོའི་ཟླ་༡༡་ཚེས་༡༤་ཉིན་སྤེལ། ཨ་རིའི་སན་ཧྥི་རན་གཙུག་ལག་སློབ་གཉེར་ཁང་དུ། རྒྱལ་སྤྱིའི་བོད་དོན་ལས་འགུལ་ཁང་གིས་གོ་སྒྲིག་འོག བོད་དེ་འཛམ་གླིང་གི་ནང་དུ་གལ་གནད་ག་ཚོད་ཆགས་ཡོད་མེད་དང་། ཨ་རིའི་བོད་དོན་རྒྱབ་སྐྱོར་གྱི་ཁྲིམས་འཆར་སོགས་ཀྱི་ཐོག ཨ་རིའི་གྲོས་ཚོགས་འོག་མའི་ཚོགས་གཙོ་ལྕམ་ནེན་སི་པོ་ལི་སི་མཆོག་དང་། འཁྲབ་སྟོན་པ་སྐད་གྲགས་ཅན་རི་ཆར་གྷར་ལགས། ཨ་མ་རྗེ་བཙུན་པདྨ་ལགས་བཅས་ཀྱིས་གཏམ་བཤད་གནང་འདུག

༢༠༡༩་ལོའི་ཟླ་༡༡་ཚེས་༡༡་ཉིན། ཧོང་ཀོང་ནང་གི་ཉེན་རྟོག་པ་ཞིག་གིས་ངོ་རྒོལ་བ་གཞོན་སྐྱེས་ཤིག་ལ་མེ་མདའ་བརྒྱབ་རྗེས། ཧོང་ཀོང་ནང་གི་ངོ་རྒོལ་གྱི་རྣམ་པ་སྔར་ལས་ཤུགས་ཆེ་རུ་ཕྱིན་ནས་ངོ་རྒོལ་བ་ཚོས་ཁྲོམ་གཞུང་དུ་རྡོ་སྣུམ་འབར་མདེལ་གཡུག་པ་དང་། མེ་བསྲེག་བརྒྱབ་པ། གཞུང་ལམ་ཁག་བཀག་པ་སོགས་ཀྱི་ལས་འགུལ་སྤེལ་རྐྱེན། མཐོ་སློབ་དང་སློབ་གྲྭ་ཁག་སོགས་སྒོ་རྒྱག་དགོས་བྱུང་ཡོད་འདུག

༢༠༡༩་ལོའི་ཟླ་༡༠་ཚེས་༢༥་ཉིན། ཕྱི་འབྲེལ་ལྷག་པ་ཚེ་རིང་གི་ཚོགས་ཁང་ནང་དུ། བོད་མིའི་གཞོན་སྐྱེས་རྣམས་ལ་ལས་ཀའི་གོ་སྐབས་བསྐྲུན་པའི་རོགས་སྐྱོར་ལས་གཞི་ཁྲོད། འདེམས་ཐོན་བྱུང་བའི་བོད་པའི་ཚོང་ལས་པ་སྐལ་ལྡན་ཆོས་འཕེལ་ལགས་དང་ཚོང་རོགས་ངག་དབང་ཚུལ་ཁྲིམས་ལགས་གཉིས་ལ་ཧིན་སྒོར་བྱེ་བ་གཅིག་གི་བྱ་དགའ་ཐོབ་སོང་། དེའི་ཐོག་བོད་པའི་གསར་གཏོད་ཀྱི་འགན་འཛིན་ཐུབ་བསྟན་བསམ་གྲུབ་ལགས་ཀྱིས་བོད་པས་བོད་པར་རོགས་རམ་བྱེད་པའི་དུས་ལ་སླེབས་ཡོད། ཅེས་བརྗོད་སོང་།

དེང་སང་གི་ན་གཞོན་ཚོས་ཁོར་ཡུག་དང་། སྤྱི་ཚོགས། ཆབ་སྲིད་ཀྱི་གནད་དོན་ཐོག་དོ་ཁུར་ཤུགས་ཆེན་བྱེད་ཀྱི་ཡོད། གཤམ་གསལ་གྱི་ན་གཞོན་ལྔ་ཡིས་རྒྱལ་ཁབ་ཁག་གི་གཞུང་དང་མི་མང་ལ་ཤུགས་རྐྱེན་ཆེན་པོ་ཐེབས་ཡོད།

དང་པོ། གྷར་ཊ་ཐུན་བྷེར་ཁི(Greta Thunberg)

ཁོར་ཡུག་ལས་འགུལ་བ་གྷར་ཊ་ཐུན་བྷེར་ཁི་ནི། ལོ་༢༠༠༣་ལོར་སྐྱེས་ཤིང་། ད་ལྟ་རང་ལོ་༡༦་ཡིན་པའི་བུ་མོ་ཞིག་ཡིན། ཁོ་མོས་དབྱིན་ལན་གྱི་ཆབ་སྲིད་པ་ཚོར་ཁོར་ཡུག་དང་འབྲེལ་བའི་ཐོག ཚན་རིག་པར་ཉན་དགོས་པའི་ནན་སྐུལ་བྱས་ཡོད། ལོ་༡༥་སོན་སྐབས། ཁོར་ཡུག་སྲུང་སྐྱོབ་ཀྱི་ལས་འགུལ་བ་ཞིག་ཏུ་ཆགས་འདུག དེ་ཡང་། ༢༠༡༨་ལོར། སྭི་ཌེན་གྲོས་ཚོགས་ཀྱི་མདུན་དུ། གྷར་ཊ་ཐུན་བྷེར་ཁི་ཡིས་སློབ་གྲྭར་མ་སོང་བར་ལས་འགུལ་སྤེལ་ཡོད་ཅིང་། གནམ་གཤིས་འགྱུར་ལྡོག་གི་དཀའ་ངལ་སེལ་བའི་ཐོག་ལ་ལས་དོན་ལག་བསྟར་བྱེད་དགོས་པའི་འབོད་སྐུལ་ཞུས། དེའི་རྗེས། སློབ་ཕྲུག་མང་པོ་ཞིག་ཁོ་མོ་དང་མཉམ་དུ་སླེབས་ནས་གནམ་གཤིས་འགྱུར་ལྡོག་ཐོག་ངོ་རྒོལ་གྱི་ལས་འགུལ་འདྲ་མིན་སྤེལ་ཡོད་པ་མ་ཟད། ལས་འགུལ་དེ་འཛམ་གླིང་ས་ཕྱོགས་གང་སར་ཡོད་པའི་གཞོན་སྐྱེས་ཚོར་སེམས་ཤུགས་བསྐྱེད། དེར་བརྟེན། བདུན་ཕྲག་རེར་འཛམ་གླིང་ས་ཕྱོགས་ཤིག་ལ་ན་གཞོན་ཚོས་གནམ་གཤིས་ཀྱི་འགྱུར་ལྡོག་གི་དཀའ་ངལ་སེལ་ཐབས་ཐོག་ལ་ལས་འགུལ་སྤེལ་བཞིན་ཡོད་འདུག

ལོ་སྔོན་མར། མཉམ་འབྲེལ་རྒྱལ་ཚོགས་ཀྱི་གནས་གཤིས་འགྱུར་ལྡོག་གི་ལྷན་ཚོགས་ཐོག གྷར་ཊ་ཐུན་བྷེར་ཁི་ཡིས་གཏམ་བཤད་འདི་ལྟར་སྤེལ་འདུག ང་ཚོའི་འགོ་ཁྲིད་ཚོས་ཕུགས་བསམ་དང་ལྡན་པའི་སྒོས་ལས་དོན་སྒྲུབ་ཀྱི་མི་འདུག ཁོ་ཚོས་སྔོན་ནས་བྱེད་དགོས་པའི་ལས་འགན་རྣམས་ད་ལྟ་ང་ཚོས་འཁྱེར་དགོས་ཡོད། ཁོར་ཡུག་གི་གནད་དོན་འདི་དག་ནི་མི་རབས་རྙིང་པ་ཚོ་དང་འབྲེལ་བ་ཡོད་པ་རྟོགས་དགོས། ང་ཚོ་ཁོ་ཚོས་བཟོས་པའི་རྙོག་དྲ་དང་འབག་བཙོག་གི་ནང་དུ་སྡོད་དགོས་པ་དང་། ང་ཚོས་དེ་གཙང་མ་བཟོ་དགོས་ཡོད། དེར་བརྟེན། ང་ཚོས་ང་ཚོའི་དཀའ་ངལ་རྣམས་མི་ཚང་མར་ཤེས་སུ་འཇུག་དགོས། ཞེས་བརྗོད་འདུག

ད་དུང་འདི་ལོའི་ཟླ་༩་ཚེས་༢༣་ཉིན། མཉམ་འབྲེལ་རྒྱལ་ཚོགས་ཀྱི་གནམ་གཤིས་འགྱུར་ལྡོག་ལག་བསྟར་ལྷན་ཚོགས་(United Nations Climate Action Summit)་དེ་ནེའུ་ཡོར་དུ་ཚོགས་ཡོད་པ་དང་། དེའི་ཐོག་ཁོ་མོས། ཁྱོད་ཚོས་སྐད་ཆ་སྟོང་པ་ཞིག་གིས་ངའི་རྨི་ལམ་དང་བྱིས་པའི་འཚོ་བ་འཕྲོག་སོང་། གལ་སྲིད། གནམ་གཤིས་འགྱུར་ལྡོག་ཐོག་ལག་བསྟར་མ་བྱེད་ན། མི་རབས་གསར་པ་ཚོས་ཁྱོད་ཚོ་ནམ་ཡང་དགོངས་ཡངས་མི་གཏོང་། ཞེས་བརྗོད་འདུག

གཉིས་པ། མ་ལ་ལ་ཡོ་ས་ཧྥོ་ཛི(Malala Yousafzai)

མ་ལ་ལ་ཡོ་ས་ཧྥོ་ཛི་རང་ལོ་༡༡་ཡིན་སྐབས། ཁོ་མོས་པ་ཀི་སི་ཐན་ནང་དུ་ཏ་ལི་བྷན་(Taliban rule)དབང་འོག་ཏུ་གནས་པའི་ཉིན་རེའི་འཚོ་བ་རྣམས་ཉིན་ཐོར་བྲིས་ནས་དེབ་ཏུ་དཔར། དེར་མི་མང་པོས་དོ་སྣང་ཆེན་པོ་བྱས། དེའི་རྗེས། ཁོ་མོས་མངོན་གསལ་དོད་པོས་བུ་མོ་ཚོར་ཤེས་ཡོན་ཐོབ་ཐང་དགོས་པའི་གཏམ་བཤད་སྤེལ་ཡོད་འདུག

ལོ་གསུམ་གྱི་རྗེས་སུ། མ་ལ་ལའི་ལས་འགུལ་དེར་བརྟེན། མེ་མདའ་འཁྱེར་བའི་མི་ཞིག་གིས་སློབ་གྲྭའི་སྤྱི་འཁོར་ནང་དུ་མ་ལ་ལའི་མགོ་ལ་མེ་མདས་བརྒྱབ་རྗེས་མོའི་མི་ཚེར་འགྱུར་བ་ཆེན་པོ་བྱུང་། མ་ལ་ལ་དམར་གསོད་གཏོང་ཐབས་བྱས་པ་དེས་མོ་རང་གི་མདུན་ལམ་དང་དམིགས་ཡུལ་བཀག་ཐུབ་མེད། མོ་སྔར་ལས་སྐད་གྲགས་ཆེན་པོ་ཆགས་ཏེ། ༢༠༡༤་ལོར་མ་ལ་ལ་སྐད་གྲགས་ཆེ་བའི་དུས་བབ་ཀྱི་དུས་དེབ་ཐོག་ཏུ་སྤེལ་ཡོད་པ་མ་ཟད། ལོ་ན་ཆུང་ཤོས་ཀྱི་ཞི་བདེ་གཟེངས་རྟགས་ཐོབ་མཁན་དུ་གྱུར།

ཁོ་མོས་ཞི་བདེའི་གཟེངས་རྟགས་བཞེས་སྐབས་གཏམ་བཤད་འདི་ལྟར་གནང་འདུག གཟེངས་རྟགས་འདི་ནི་ངའི་ཆེད་དུ་ཁོ་ན་མིན། འདི་ནི་བརྗེད་ཟིན་པའི་བྱིས་པ་ཚོ་དང་། ཤེས་ཡོན་ཐོབ་འདོད་མཁན་ཚོའི་ཆེད། ཞི་བདེ་འདོད་ཅིང་འཇིགས་སྐྲག་འོག་ཏུ་གནས་པའི་བྱིས་པ་ཚོའི་ཆེད། འགྱུར་བ་གཏོང་འདོད་རུང་ཁོ་ཚོའི་འབོད་སྒྲ་མི་ཐོས་པའི་བྱིས་པ་ཚོའི་ཆེད་དུ་ཡིན། ང་འདིར་ཁོ་ཚོའི་ཐོབ་ཐང་ལ་རྒྱབ་སྐྱོར་དང་འབོད་སྒྲ་སྒྲོག་པར་ཡོང་ཡིན། དེ་ནི་སྙིང་རྗེ་བྱེད་པའི་དུས་ཚོད་ཅིག་མ་རེད་ཅེས་བརྗོད་ཡོད་འདུག

གསུམ་པ། ཨེ་མ་གྷོན་ཛ་ལེ(Emma González)།

༢༠༡༨་ལོར། ཨ་རིའི་མངའ་སྡེ་ཧྥོ་ལོ་རི་ཊ་ནང་དུ་ཡོད་པའི་གྲོང་ཁྱེར་པ་ཁི་ལེན་ཌིའི་ནང་གི་མཐོ་སློབ་མར་ཇོ་རུ་སི་ཊན་མ་ཌོ་གྷ་ལ་སུ་ཞེས་པའི་ནང་དུ། མི་ཞིག་གིས་སློབ་ཕྲུག་ཚོར་མེ་མདས་བརྒྱབ་ནས་སློབ་ཕྲུག་༡༧་བསད། ཨེ་མ་གྷོན་ཛ་ལེ་ནི་དོན་རྐྱེན་དེའི་ནང་དུ་ཡོད། ཁོ་མོ་འཇིགས་སྣང་འོག་ཏུ་མི་གནས་པར་ཁོ་མོ་དང་དོན་རྐྱེན་དེའི་ཁྲོད་ནས་སྲོག་ཐར་བའི་སློབ་ཕྲུག་ཚོས་རྒྱལ་ཡོངས་ལ་མེ་མདའི་དྲག་སྤྱོད་ལ་ངོ་རྒོལ་གྱི་ལས་འགུལ་ལ་སྤེལ། ཨེ་མ་གྷོན་ཛ་ལེ་རང་ལོ་༡༨་ཡིན་སྐབས། མོ་རང་དང་སློབ་ཕྲུག་ཚོས་མཉམ་འབྲེལ་ཐོག མ་སི་ཌར་བསྐྱར་དུ་མེ་མདའི་དོན་རྐྱེན་མི་ཡོང་བ་(Never Again MSD)ཞེས་པའི་ཚོགས་པ་ཤིག་བཙུགས་ཡོད། དེ་ནི་མེ་མདའ་ཉོ་ཚོང་མཚམས་འཇོག་དགོས་པའི་ལས་འགུལ་ཁང་ཞིག་ཡིན་འདུག

༢༠༡༨་ལོར། ཨེ་མ་གྷོན་ཛ་ལེ་ཡིས་ཝ་ཤིན་ཏོན་ལ་ང་ཚོའི་མི་ཚེའི་ཆེད་དུ་ལས་འགུལ་ཞེས་པའི་ཐོག མེ་མདའི་དོན་རྐྱེན་ཁྲོད་གྲོངས་པའི་རང་གི་སློབ་གྲོགས་ཚོའི་མིང་བཀླགས་རྗེས་སྐར་མ་བཞི་ལ་མྱ་ངན་ཞུས་ནས། གཏམ་བཤད་སྐད་གྲགས་ཆེན་པོ་ཞིག་གནང་ཡོད།

དེའི་རྗེས། ཨེ་མ་གྷོན་ཛ་ལེ་དང་སློབ་ཕྲུག་ཚོས་མེ་མདའ་ཉོ་འཚོང་མཚམས་འཇོག་དགོས་པའི་ལས་འགུལ་མི་འདྲ་སྤེལ་བར་བརྟེན། ༢༠༡༨་ལོའི་ཟླ་༣་པའི་ནང་དུ། མངའ་སྡེ་ཧྥོ་ལོ་རི་ཊའི་ཁྲིམས་བཟོ་བས་མཐོ་སློབ་མར་ཇོ་རུ་སི་ཊན་མ་ཌོ་གྷ་ལ་བདེ་འཇགས་ཁྲིམས་ཞེས་པ་ཞིག་བཏོན་ཡོད་འདུག ཁྲིམས་དེས་མེ་མདའ་ཉོ་ཆོག་པའི་ལོ་ཚད་ནི་༡༨་ནས་༢༡་ལ་སྤེལ་ཡོད་པ་དང་། མཚོན་ཆ་ཉོ་དགོས་སྐབས་ཉིན་གསུམ་གྱི་རིང་སྒུག་དགོས་པར་བཟོས་ཡོད་འདུག

 བཞི་པ། ཇེ་ཁི་ཨན་ཌར་ཀ(Jack Andraka)

ཨ་རི་ནས་ཡིན་པའི་མཐོ་རིམ་སློབ་མ་ཇེ་ཁི་ཨན་ཌར་ཀ་རང་ལོ་༡༥་ཡིན་སྐབས། གཤེར་རྨེན་གྱི་སྐྲན་ནད་རྩད་གཅོད་པའི་ཐབས་ལམ་གསར་བ་དང་རིན་གོང་བདེ་བ་ཞིག་གསར་གཏོར་བྱས། ན་གཞོན་དེ་༢༠༡༢་ལོར་རྒྱལ་སྤྱིའི་ཚན་རིག་དང་བཟོ་སྐྲུན་ལས་རིགས་ཞེས་པའི་ཚོགས་པས་ཁོའི་གསར་གཏོད་དེར་ཨ་སྒོར་༧༥༠༠༠་སྤྲད། གསར་གཏོད་དེ་ནི་ཁོས་དྲ་ཐོག་ཚན་རིག་གི་ཟིན་བྲིས་བཀླགས་ནས་བསམ་བློ་དེ་རེག་ཡོད་ཚུལ་བརྗོད། གསར་གཏོད་བྱས་པའི་བརྟག་དཔྱད་དེ་མུ་མཐུད་ནས་ཡར་རྒྱས་གཏོང་བཞིན་ཡོད་འདུག

ལྔ་པ། ཨ་མེ་ཀ་ཇོར་ཆུ(Amika George)།

ཨ་མེ་ཀ་ཇོར་ཆུ་ཡིས་ཨ་ཧྥི་རི་ཁའི་ནང་དུ་བུ་མོ་ཚོས་ཟླ་མཚན་གྱི་གཙང་ཤོག་ཉོ་ཐུབ་ཀྱི་མེད་ཙང་། དགེ་རྩ་ཚོགས་པ་ཞིག་གིས་ཟླ་མཚན་གཙང་ཤོག་རིན་མེད་སྤྲོད་ཀྱི་ཡོད་པའི་གནས་ཚུལ་ཞིག་བཀླགས་རྗེས། ཁོ་མོའི་སེམས་སུ་དབྱིན་ལན་ནང་དུ་ཡོད་པའི་བུ་མོ་ཉམ་ཐག་ཚོའི་ཆེད་དུ་ལས་དོན་སྒྲུབ་དགོས་པའི་སེམས་ཐག་བཅད། ཨ་མེ་ཀ་རང་ལོ་༡༧་ཡིན་སྐབས། མོས་ཟླ་མཚན་དཀའ་ངལ་ལས་ཐར་པ་ཞེས་པའི་ཚོགས་པ་ཞིག་བཙུགས། དེ་ནས་དབྱིན་ལན་གྱི་སྲིད་བློན་བཞུགས་གནས་ཀྱི་ཌོ་ནི་སྲང་ལམ་དུ་མི་གྲངས་༢༠༠༠་ཞིག་གིས། གོས་དམར་པོ་གྱོན་ནས་ངོ་རྒོལ་གྱིས་གཞུང་ལ་བུ་མོ་ཚོའི་ཟླ་མཚན་གཙང་ཤོག་གི་དཀའ་ངལ་ཐོག་ལ་ལས་དོན་ལག་བསྟར་བྱེད་དགོས་པའི་དགོས་འདུན་བཏོན། དེར་བརྟེན་ནས། ༢༠༡༩་ལོའི་ཟླ་༣་པའི་ནང་དུ། དབྱིན་ཡུལ་གཞུང་གིས་དབྱིན་ཇའི་སློབ་གྲྭ་དང་མཐོ་སློབ་ཁག་གི་ནང་དུ། གཙང་ཤོག་རིན་མེད་ཐོག་སྤྲོད་རྒྱུ་ཡིན་པར་གསལ་བསྒྲགས་བྱས་ཡོད་འདུག

 

མཁལ་མས་ང་ཚོའི་བདེ་ཐང་གི་ཆེད་དུ་བྱེད་ལས་གལ་ཆེན་མང་པོ་བྱེད་ཀྱི་ཡོད། དེ་ཡང་། མཁལ་མས་ང་ཚོའི་ཁྲག་གཙང་མ་བཟོ་བ་དང་། ཁ་ཟས་ལས་བཅུད་བླངས་ཏེ་ལུས་པོར་གཏོང་བ། ལུས་པོའི་ནང་གི་དུག་རྫས་སེལ་བའི་ཆུ་གཏོང་བ་སོགས་ཀྱི་བྱེད་ལས་གལ་ཆེན་བྱེད་ཀྱི་ཡོད། མཁལ་མས་བྱེད་ལས་ཉམས་ན། ལུས་པོའི་བདེ་ཐང་ལ་གནོད་སྐྱོན་ཆེན་པོ་ཐེབས་ཀྱི་ཡོད། དེར་བརྟེན། མཁལ་མར་སྐྱོན་མི་ཤོར་བའི་ཆེད་དུ། ཉིན་རེའི་འཚོ་བའི་ཁྲོད་གོམས་གཤིས་ངན་པ་བཅུ་ལ་དོགས་ཟོན་བྱེད་དགོས།

༢༠༡༩ལོའི་ཟླ་༨་ཚེས་༣༠་ཉིན་སྤེལ། ད་ལོའི་རྒྱ་ནག་གི་གླུ་སྐད་སྙན་མོ་ཞེས་པའི་གླུ་གཞས་འགྲན་སྡུར་ནང་། བོད་མདོ་དབུས་ཁམས་གསུམ་ནས་ཡོང་བའི་བོད་པའི་བུ་མོ་གསུམ་འཛུལ་ཞུགས་བྱས་ཏེ་འདེམས་ཐོན་བྱུང་ཡོད་པ་དང་། གླུ་གཞས་འགྲན་སྡུར་དེ་མུ་མཐད་ནས་འགྲོ་བཞིན་ཡོད་ཅིང་། ཚང་མས་དོ་སྣང་བྱེད་ས་ཞིག་ཏུ་གྱུར་ཡོད་འདུག

སྤྱིར་ད་ལྟའི་དུས་རབས་ནི་དཔེ་ཀློག་གིས་མི་བུ་སྐྱོང་བའི་དུས་རབས་ཤིག་དང་དཔེ་ཀློག་གི་དགེ་མཚན་མཐོང་བའི་དུས་ཚིགས་ཤིག་ཡིན་པས་རྒྱལ་ཁབ་དང་མི་རིགས་འདྲ་མིན་ཞིག་ཏུ་དཔེ་ཀློག་དང་འབྲེལ་བའི་ལས་འགུལ་སྣ་ཚོགས་སྤེལ་དང་སྤེལ་གྱིན་ཡོད་པ་དང་། ཚོགས་པ་དང་མི་སྒེར་སོ་སོས་ཀྱང་ལོ་རེར་དཔེ་ཀློག་བྱས་པའི་ཟུར་བྲིས་དང་གྲངས་ཐོ། བློ་བསྐྱེད་སོགས་ཀྱང་རྩོམ་ཡིག་སོགས་ཀྱི་ལམ་ནས་འོས་སྦྱོར་བྱེད་ཀྱི་ཡོད་པ་མ་ཚད། འཛམ་གླིང་གི”རྒྱལ་སྤྱིའི་དཔེ་ཀློག་ཉིན་མོ་“ཞེས་པའི་དུས་ཚོད་ཅིག་ཀྱང་སྲུང་བརྩི་ཞུ་ཡི་ཡོད་པས་འདི་ནི་ཅི་འདྲའི་འཚོ་བ་དངོས་ལ་ཕན་པའི་རླབས་ཆེན་གྱི་མཛད་བཟང་ཞིག་རེད་ཨང་།

༡-ཁྱིམ་དུ་གསོ་ཉར་བྱེད་པའི་གསེར་ཉ་དེ་ཆུང་ཆུང་ནས་སོར་གསུམ་ཙམ་མ་གཏོགས་མེད། དེར་ཇི་ལྟར་བདག་སྐྱོང་བྱས་ཀྱང་འཚར་ལོངས་བྱེད་དཀའ། ཡིན་ཡང་། གསོ་ཉར་བྱེད་པའི་གསེར་ཉ་དེ་རྫིང་བུའི་ནང་དུ་གློད་ན། ཡུན་རིང་མ་འགོར་བར་ཟླ་གཉིས་རིང་འཚར་ལོངས་ཡག་པོ་བྱེད་ཀྱི་ཡོད།

ཉེ་ཆར། ཧོང་ཀོང་གི་གློག་བརྙན་འཁྲབ་སྟོན་པ་གྲགས་ཅན་ཀྲིའུ་རོང་ཧྥ་ཡིས་ལོ་ངོ་བཞི་བཅུའི་རིང་དུ་གློག་བརྙན་ལས་རིགས་ཁྲོད་ནས་བསགས་པའི་ཧོང་ཀོང་སྒོར་དུང་ཕྱུར་༥༦(རྒྱ་ནག་གི་མི་དམངས་སྒོར་ཕལཆེར་དུང་ཕྱུར་༤༩)ཡོད་པ་རྣམས་གཞན་ཕན་དགེ་རྩ་ཚོགས་པར་ཞལ་འདེབས་སུ་འབུལ་རྒྱུ་ཡིན་སྐོར་བརྗོད་འདུག དེ་ཡང་། ཧོང་ཀོང་གི་ཇེ་ནེ་སྐར་ཚོགས་(jayne Stars)ཞེས་པའི་གློག་བརྙན་དྲ་ཚིགས་ཁང་ཞིག་གིས་ཀྲིའུ་རོང་ཧྥ་ལ་བཅར་འདྲི་བྱེད་སྐབས། ཁོས་རང་གི་རྒྱུ་ནོར་ཞལ་འདེབས་གནང་འཆར་ཡོད་པའི་སྐོར་ནས་འདི་ལྟར་བརྗོད་དོན། སྒོར་མོ་ནི་ང་རང་གི་མ་རེད། ངས་གནས་སྐབས་རིང་དེ་ལ་བདག་པོ་བྱེད་ཀྱི་ཡོད་པ་ཙམ་ཡིན། ཞེས་བརྗོད་འདུག

མི་གཅིག་ཁོ་རང་གཅིག་པུ་ནགས་ཚལ་སྟུག་པོ་ཞིག་གི་ནང་འཁྱམ་ནས་འགྲོ་བའི་སྐབས་སུ། གློ་བུར་དུ་གྲོད་པ་ལྟོགས་པའི་སྟག་ཞིག་དང་ཐུག་པ་རེད། སྟག་དེས་ལམ་སང་ངར་སྒྲ་དང་ལྷན་དུ་ཁོ་ཡི་ཕྱོགས་སུ་འཐབ་རྒོལ་བྱེད་སྐབས།

ཕྱི་ལོ་ ༢༠༡༨ ཟླ་ ༩ ཚེས་ ༢༣ ཉིན་རྩོམ་པ་པོ་ཁྲོ་གཏུམ་ལགས་ཀྱིས་བརྩམས་པའི་དཔེ་དེབ་<<རྩ་མདུད་བཀྲོལ་བ་>>ཞེས་པའི་སྐད་འཕྲིན་ཐོག་མི་གྲངས་ ༢༠༠ ཙམ་འདུ་འཛོམས་ཀྱིས་དབུ་འབྱེད་བྱས་ཡོད་པ་རེད། དེ་ཡང་རྩོམ་རྩོམ་པ་པོ་ཁོང་གི་དཔེ་དེབ་འདི་ཉིད་དབུ་འབྱེད་དང་འབྲེལ་ནས་དབྱིན་ཡིག་དང་བོད་ཡིག་གཉིས་ཀྱི་ལམ་ནས་སྙན་ངག་འབྲི་བཞིན་པའི་སྙན་ངག་པ་བུ་ཆུང་བསོད་ནམས་ལགས་དང་། བོད་ཀྱི་ལོ་རྒྱུས་ཉམས་ཞིབ་པ་ལྷ་ལུང་རྒྱལ་ལགས། རྫོང་སར་མཐོ་སློབ་ཀྱི་རྩོམ་རིག་དགེ་རྒན་དང་། རྩོམ་པ་པོ་མེ་འོད་ལགས། ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་ནོར་ལྡེ་ཚགས་པར་གྱི་རྩོམ་སྒྲིག་པ་དང་རྩོམ་པ་པོ་འགར་ཚེ་རྒྱལ་ལགས། ལྗང་རླུང་ཚོགས་པའི་འགན་འཛིན་དང་རྩོམ་པ་པོ་བོན་རྒྱ་བསྟན་འཛིན་རབ་རྒྱས་ལགས་བཅས་ཀྱིས་དཔེ་དེབ་དབུ་འབྱེད་དང་འབྲེལ་ནས་གསུངས་བཤད་གནང་ཡོད་པ་དང་། དེ་ལས་གཞན་གྱི་མི་ཧ་ཅང་མང་པོས་སོ་སོའི་བསམ་ཚུལ་དང་རྩོམ་མཁན་ཁོང་ལ་བཀྲ་ཤིས་བདེ་ལེགས་ཞུ་བ་སོགས་ཀྱི་གཏམ་བཤད་མང་དུ་སྤེལ་སོང་།

ཟླ་ ༡༢ པའི་ཚེས་ ༡༠ ཉིན་ནི་༸གོང་ས་མཆོག་ལ་ནོ་སྦེལ་ཞི་བདེའི་གསེར་གྱི་གཟེངས་རྟགས་ཕུལ་བའི་ཤིན་ཏུ་སྐལ་བཟང་གི་དུས་སྟོན་ཁྱད་པ་ཅན་ཞིག་རིད། ཉིན་དེའི་ཞོགས་པ་ནས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་ར་བའི་ནང་དུ་གྲ་རྒྱས་ཕུན་སུམ་ཚོགས་པའི་མཛད་སྒོའི་ཐོག བཙན་བྱོལ་བོད་གཞུང་གི་མང་གཙོ་ཀ་བ་གསུམ་གྱི་མཛད་གཙོ་རྣམ་པས་རང་རང་གི་འོས་བབས་ཀྱི་གསུང་བཤད་རྒྱས་ཤིང་རྒྱས་པ་གནང་སྲོལ་ཡོད།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༣ཚེས་༢༤ཉིན། གླེང་གཞི། ཚང་མས་ཤེས་གསལ་ལྟར་གནའ་ནས་ད་བར་འཛམ་གླིང་འདིར་འགྲོ་བ་མིའི་རིགས་ཀྱི་ཞི་བདེ་བཅོམ་མཁན་བཙན་པོའི་བྱེད་ལས་རྫོགས་མྱོང་མེད་ཅིང༌། སེམས་ཅན་གྱི་བདེ་རྩ་བཅོམ་མཁན་དྲག་པོའི་གཉའ་གནོན་ཡང་སྟོང་མྱོང་མེད།

ཤམ་བྷ་ལའི་ཕོ་ན། ཕྱི་ལོ་༢༠༡༡ཟླ་༢༥ཉིན། སྐུའི་གཅེན་པོ་སྟག་འཚེར་རིན་པོ་ཆེ་མཆོག་གི་སྲས་འཇིགས་མེད་ནོར་བུ་དམ་པ་དེ་ཉིད་ཀྱིས་ཁོང་གི་ཡབ་དམ་པའི་དགོངས་དོན་བཞིན་སླར་ཡང་༼རང་བཙན་དང་རང་སྲིད་རང་སྐྱོང་གི་བདམས་ཁ་༽འོག རང་བཙན་དོན་དུ་གཉེར་ནས་འཐབ་རྩོད་བྱས་ཡོད།

བོད་གངས་ཅན་པའི་མི་རིགས་དང༌། རྒྱལ་ཁབ། རིག་གཞུང་ལ་ཧ་ཅང་ཞེན་པ་དཀར་བས་ཤིན་ཏུ་གཅེས་པའི་རང་ལུས་ཀྱང་མེ་ཡི་ཕུང་པོར་བསྒྱུར་བའི་གངས་ཅན་པ་དག་གི་ཕོད་པ་ནི་གཞལ་བར་དཀའ་བ་ཞིག་སྟེ། ང་ཚོའི་ལུས་ལ་མེ་སྟག་ཆུང་ངུ་བབས་པའི་ཚོར་བས་གསལ་པོ་ཤེས་ཐུབ།

བོད་ཀྱི་ལོ་རྒྱུས་ཡིག་ཆ།

ཆེད་བསྒྲིགས།

གསར་འགྱུར།

སྣ་འཛོམས་ཤེས་བྱ་སྡེཚན།

Grid List

ཉིན་རེར་སྐར་མ་༣༠་ལ་གོམ་བགྲོད་བྱེད་ཐུབ་ན། ཁྱོད་ཀྱི་སྤྱི་ཡོངས་ཀྱི་འཕྲོད་བསྟེན་ལ་ཧ་ཅང་ཕན་ཐོགས་ཆེ། སྐར་མ་༣༠་རིང་གོམ་བགྲོད་བྱེད་མི་ཐུབ་ཀྱང་། ཉིན་རེར་གོམ་བ་གྲོད་ཉུང་ཉུང་ཞིག་བྱེད་ཐུབ་ནའང་འཕྲོད་བསྟེན་ལ་ཕན་ཐོགས་ཡོད་འདུག

༢༠༡༩ལོའི་ཟླ་༨་ཚེས་༡༤་ཉིན་སྤེལ། ཉེ་ཆར་བོད་ཉིང་ཁྲིའི་ས་ཁུལ་དུ་ཡོད་པའི་ཤིང་སྡོང་ཞིག་ལ་འཛམ་གླིང་གི་ཤིང་སྡོང་རྒྱལ་པོའི་མཛེས་ལྗོངས་ཁུལ་དུ་རིང་ཤོས་འཛམ་བུ་གླིང་གི་ཟིན་ཐོ་བཀོད་པའི་དཔང་ཡིག་སྤྲོད་པའི་མཛད་སྒོ་ཞིག་སྤེལ་ཡོད་འདུག

༢༠༡༩་ལོའི་ཟླ་༨་ཚེས་༡༦་ཉིན་སྤེལ། རྒྱལ་སྤྱིའི་བོད་ཀྱི་སློབ་མའི་ལྷན་ཚོགས་ཀྱིས་གོ་སྒྲིག་བྱས་པའི་༢༠༡༩་ལོའི་ན་གཞོན་གཟེངས་རྟགས་དེ་འཆི་མེད་ལྷ་མོ་ལགས་ལ་ཐོབ་ཡོད་པ་དང་། འདི་གའི་གསར་ཁང་ནས་འཆི་མེད་ལྷ་མོ་ལགས་ལ་གཟེངས་རྟགས་ཐོབ་པའི་མྱོང་ཚོར་དང་། མ་འོངས་པའི་ལས་དོན། དམིགས་ཡུལ་སོགས་ཀྱི་སྐོར་ལ་བཅར་འདྲི་ཞུས་ཡོད།

མི་གཡོ་ཞིང་མི་སྨྲ་བའི་སེམས་ཁམས་མེད་ན་རིག་སྟོབས་ཅན་དང་བྱ་གཞག་མཐར་སྐྱེལ་བྱེད་པར་དཀའ་བ་ཡིན། མཁས་པ་ཚོས་དོན་རྐྱེན་ཆེན་པོ་གང་འདྲ་ཞིག་ལ་འཕྲད་ཀྱང་། སྔར་ལས་ལྷག་པའི་ངང་ནས་ཞི་ཞིང་གཡོ་མེད་ཀྱིས་གནས་པ་ཡིན། སེམས་ལྷོད་པོ་ཡོད་ན། ནང་སེམས་ཁམས་ལ་ཞི་བདེ་ཡོད་པ་མ་ཟད་གོ་སྐབས་ཀྱང་དམ་འཛིན་ཡག་པོར་བྱེད་ཐུབ།

བོད་ཀྱི་ལོ་རྒྱུས་ཡིག་ཆ།
ལོ་རྒྱུས་པང་པོ་རེད།

བཅར་འདྲི།

འབྱུང་འགྱུར་དུས་ཆེན་ཁག