20
Tue, Aug

༢༠༡༩ལོའི་ཟླ་༧་ཚེས་༢༡་ཉིན། ཧོང་ཀོང་ནང་དུ་གཟའ་ཉི་མར་ཁྲོམ་སྐོར་བྱེད་མཁན་དང་། མི་མང་། གསར་འགོད་པ་བཅས་ལ་མི་ཤོག་ཁག་ཅིག་གིས་རྒྱུག་པས་གཅར་རྡུང་བྱས་ཡོད་ཅིང་། དེའི་ཁྲོད་མི་༤༥་ལ་རྨས་སྐྱོན་ཕོགས་ནས་སྨན་ཁང་དུ་སྐྱེལ་དགོས་བྱུང་ཡོད་འདུག གཞན་ཡང་ཉེས་རྟོག་པས་ཀྱང་ངོ་རྒོལ་ཚོར་མིག་ཆུ་དུག་རླུངས་དང་འགྱིག་མདེའུ་བརྒྱབས་ཡོད་པའང་གསལ་འདུག

༢༠༡༩ལོའི་ཟླ་༧་ཚེས་༡༧་ཉིན། ཨ་རིའི་ཕོ་བྲང་དཀར་པོའི་ནང་སྤྲུལ་བསྟན་འཛིན་བདེ་ལེགས་རིན་པོ་ཆེ་དམ་པ་དེའི་ཚ་མོ་ཉི་མ་ལྷ་མོ་ལགས་ཨ་རིའི་སྲིད་འཛིན་ཌོ་ནཱལ་ཏྲམ་མཆོག་(Donald Trump)དང་མཇལ་འཕྲད་བྱས་ཡོད་ཅིང་། སྐབས་དེར། ཁོ་མོས་༧གོང་ས་མཆོག་བོད་དུ་ཕྱིར་ཕེབས་ཐུབ་ཐབས་དང་བོད་དོན་ཐོག་ཨ་རིའི་གཞུང་གིས་མུ་མཐུད་ནས་རྒྱབ་སྐྱོར་བྱེད་པའི་རེ་འབོད་ཞུས་འདུག

༢༠༡༩ལོའི་ཟླ་༧་ཚེས་༡༥་ཉིན། རྒྱལ་སྤྱི་བརྒྱུད་ལམ་ཁག་ནས་གནས་ཚུལ་སྤེལ་བར་ལྟར་ན། ལྷོ་ཨེ་ཤེ་ཡའི་རྒྱལ་ཁབ་བལ་ཡུལ་དང་། རྒྱ་གར། བྷན་ལ་བྷེ་ཤེ་སོགས་ལ་ཆར་ཆུ་རྐྱེན་པས་ཆུ་ལོག་རྒྱུགས་ནས། མི་མང་གི་སྡོད་ཁང་མང་པོ་ཞིག་ལ་གཏོར་བཤིག་བཏང་ཡོད་པ་མ་ཟད། དེའི་ཁྲོད་རྒྱ་གར་དང་བལ་ཡུལ་བསྡོམས་པའི་ཁྱོན་མི་༩༠་ཙམ་ཚེ་སྲོག་ཤོར་ཡོད་ཅིང་། མི་ས་ཡ་གཅིག་ཙམ་གནས་སྤོ་བྱས་དགོས་བྱུང་ཡོད་འདུག

༢༠༡༩ལོའི་ཟླ་༧་ཚེས་༡༠་ཉིན་སྤེལ། ཉེ་སྔོན་ཐེ་ཝན་གྱིས་ཨ་རིའི་ལག་ནས་གོ་མཚོན་འབོར་ཆེན་ཞིག་ཉོ་རྒྱུའི་རེ་འདུན་བཏོན་ཡོད་པ་ལྟར། ཟླ་འདིའི་ཚེས་༨་ཉིན་ཨ་རིའི་སྲིད་གཞུང་གིས་ཐེ་ཝན་ལ་ཨ་སྒོར་ཐེར་འབུམ་གཉིས་ལྷག་གི་རིན་གོང་ལྡན་པའི་གོ་མཚོན་བཙོང་བའི་ཁས་ལེན་བྱས་ཡོད་འདུག དེ་མ་ཐག་རྒྱ་གཞུང་གིས་ཨ་རིའི་ཐག་གཅོད་དེ་ཕྱིར་འཐེན་བྱེད་དགོས་པའི་ཉེན་བརྡའང་བཏང་ཡོད་འདུག

༢༠༡༩ལོའི་ཟླ་༧་ཚེས་༡༦་ཉིན། ཡུ་རོབ་སྤྱི་མཐུན་ཚོགས་པའི་འཛིན་སྐྱོང་ལྷན་ཁང་གི་ཚོགས་གཙོ་གསར་པ་ཝ་སུ་ལ་ཝེ་ཌེར་ལེ་ཡེན་ལགས་བདམས་ཡོད་པ་དང་། ཁོ་མོ་ནི་ལྷན་ཁང་དེའི་ཚོགས་གཙོ་བུད་མེད་ཐོག་མ་དེ་ཆགས་ནས་ལོ་རྒྱུས་གསར་པ་ཞིག་བཞག་ཡོད་འདུག ཁོ་མོས་མ་འོངས་པར་མཐུན་སྒྲིལ་དང་སྟོབས་ཤུགས་ཅན་གྱི་ཡུ་རོབ་ཅིག་བསྐྲུན་རྒྱུ་དང་། གནམ་གཤིས་འགྱུར་ལྡོག ཕོ་མོ་འདྲ་མཉམ་སོགས་ཀྱི་ཐོག་ལས་ཀ་བྱ་རྒྱུ་ཡིན་པར་བརྗོད་འདུག

༢༠༡༩ལོའི་༧་ཚེས་༡༡་ཉིན་སྤེལ། ཉེ་ཆར་རྒྱལ་སྤྱི་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་གི་ཚོགས་འདུ་འཚོགས་བཞིན་ཡོད་པ་དང་། རྒྱབ་ཁབ་༢༠་ལྷག་གིས་རྒྱ་ནག་ནང་ཡུ་གུར་གཙོས་མི་རིགས་གཞན་རྣམས་ལ་འགྲོ་བ་མིའི་ཐོབ་ཐང་མེད་པར་སྐྱོན་བརྗོད་བྱས་ཡོད་པ་མ་ཟད། རྒྱ་གཞུང་གིས་ཡུ་གུར་ས་ཡ་གཉིས་ལྷག་བཀག་ཉར་བྱས་ཡོད་པ་རྣམས་མྱུར་དུ་གློད་གྲོལ་གཏོང་དགོས་པའི་སྙན་ཞུ་ཞིག་རྒྱལ་ཚོགས་འགྲོ་བ་མིའི་ཐོབ་ཐང་གི་ཆེས་མཐོ་འགན་འཛིན་ལའང་ཕུལ་འདུག

༢༠༡༩ལོའི་ཟླ་༧་ཚེས་༨་ཉིན། རྒྱལ་སྤྱི་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ཚོགས་འདུ་འཚོགས་སྐབས། ཧོང་ཀོང་གི་སྐད་གྲགས་ཅན་གྱི་གཞས་མ་དང་ལས་འགུལ་པ་ཌེ་ནི་སེ་ཧོ་ཡིས་རྒྱ་གཞུང་གིས་ཧོང་ཀོང་གི་མང་གཙོའི་ལམ་ལུགས་ལ་རྡོག་རོལ་ཤུགས་ཆེན་གཏོང་བཞིན་ཡོད་པ་དང་། རྒྱ་ནག་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ནས་ཕྱིར་འབུད་གཏོང་དགོས་པའི་རེ་འདུན་བཏོན་འདུག

More Articles ...

གསལ་བསྒྲགས་ཀྱི་ས་མིག