24
Mon, Jun
21 New Articles

༢༠༡༨ལོའི་ཟླ་ ༡༢ ཚེས་ ༢༥ ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་གྱི་དུས་འཁོར་དབང་ཆེན་གྱི་གསུང་ཆོས་ར་བ་ནས་རྒྱལ་སྲས་ཐོགས་མེད་བཟང་པོས་མཛད་པའི་ལག་ལེན་སོ་བདུན་མའི་བཀའ་ཁྲིད་ལེགས་པར་གྲུབ་རྗེས་དགེ་བསྙེན་གྱི་སྡོམ་པ་དང་། བྱང་ཆུབ་སེམས་དཔའི་སྡོམ་པ་འབོགས་ཆོག དེ་བཞིན་མཁན་ཆེན་ཀུན་དགའ་དབང་ཕྱུག་གིས་མཆན་འགྲེལ་བཏབ་པའི་ཚད་མ་རྣམ་འགྲེལ་གྱི་བཀའ་ཁྲིད་འཕྲོ་སྐྱོང་མཛད་ཡོད་པ་རེད།

༢༠༡༨ལོའི་ཟླ་༡༢ཚེས་༢༥ཉིན་སྤེལ། ཉི་ཧོང་ནང་ཕྱི་ལོ་༡༨༩༩ནས་བཟུང་མི་གྲངས་བརྩི་བཤེར་བྱས་པར་གཞིར་བཟུང་ན། ༢༠༡༨ལོ་ནི་བྱིས་པའི་སྐྱེས་གྲངས་ཉུང་ཤོས་དེ་ཆགས་ཡོད་འདུག

༢༠༡༨ལོའི་ཟླ༡༢ཚེས་༡༩ཉིན། ཨ་རིའི་སྲིད་འཛིན་ཌོ་ནོལ་ཊམ་གྱིས་ཨ་རིའི་མི་སེར་བོད་ནང་ཕར་འགྲོ་ཚུར་འོང་འདྲ་མཉམ་གྱི་ཐོབ་ཐང་དགོས་པའི་ཁྲིམས་འཆར་ཨང་H.R.1872 པ་ལ་ས་ཡིག་བཀོད་དེ་དངོས་སུ་ཨ་རིའི་ཁྲིམས་སུ་གཏན་འབེབས་གནང་ཡོད་འདུག་ལ། ཕྱི་སྲིད་ལྷན་ཁང་གིས་ལག་ལེན་བསྟར་རྒྱུ་རེད་འདུག

རྒྱ་ནག་དམར་ཤོག་ཚོགས་པའི་འགོ་ཁྲིད་མཁྲེགས་འཛིན་པ་ཚོས་འབད་བརྩོན་ཇི་ཙམ་བྱས་ཀྱང་བོད་ཀྱི་ཆོས་དང་རིག་གཞུང༌། སྐད་ཡིག་རྩ་མེད་ནམ་ཡང་བཟོ་ཐུབ་མེད། དེང་སྐབས་རྒྱ་རིགས་ནང་པ་ཚོས་བོད་བརྒྱུད་ནང་བསྟན་ལ་དད་གུས་བྱེད་ཤུགས་ཆེ་རུ་འགྲོ་བཞིན་པར་བརྟེན་གནས་སྟངས་འགྱུར་བ་འགྲོ་རྒྱུ་ཡིན་པ་ཐག་ཆོད་པ་རེད། གཅིག་སྡུད་དབང་འཛིན་རིང་ལུགས་ལ་མདུན་ལམ་མེད། ཅེས་བཀའ་སློབ་སྩལ་འདུག

༢༠༡༨ལོའི་ཟླ་༡༢ཚེས་༢༡ཉིན།རྒྱལ་སྤྱིའི་རྒྱུད་ལམ་ཁག་དུ་གནས་ཚུལ་སྤེལ་བ་ལྟར་ན།ཨ་རིའི་དམག་དོན་དང་ཚོང་འབྲེལ་ལ་འབྲེལ་བ་ཡོད་པའི་གནས་ཚུལ་དག་དྲ་འབུས་རྐུན་མ་བརྒྱབ་ཡོད་པ་དང་། དེ་ནི་རྒྱ་གཞུང་དང་ཐད་ཀར་འབྲེལ་བ་ཡོད་པར་ཨ་རི་གཞུང་གིས་སྐྱོན་བརྗོད་བྱས་ཡོད་འདུག

༢༠༡༨ལོའི་ཟླ་༡༢ཚེས་༡༩ཉིན། ཨ་རིའི་མངའ་སྡེ་ཎེ་ཝ་ད(Nevada) ་ནི་ཁྲིམས་བཟོ་བ་བུད་མེད་མང་ཤོས་ཀྱི་མངའ་སྡེ་ཐོག་མ་དེ་ཆགས་ཡོད་པ་དང་། ༢༠༡༩ལོའི་ནང་མངའ་སྡེ་དེའི་ཁྲིམས་བཟོ་ལས་ཁུངས་དུ་བུད་མེད་ཁྲིམས་བཟོ་བ་༥༠:༨%་ཆགས་ཀྱི་ཡོད་པ་རེད། དེ་ནི་ལོ་རྒྱུས་རང་བཞིན་ལྡན་པ་ཞིག་ཆགས་ཡོད་འདུག

༢༠༡༨ལོའི་ཟླ་༡༡ཚེས་༣༠ཉིན་སྤེལ། སྟོབས་ཆེན་རྒྱལ་ཁབ་ཉི་ཤུའི་འགོ་ཁྲིད་རྣམས་ཨ་ཅིན་ཊི་ནའི་རྒྱལ་སར་འཛོམས་ཏེ། ཟླ་འདིའི་ཚེས་༣༠ནས་ཉིན་གཉིས་ཀྱི་རིང་ལ་འཛམ་གླིང་གི་དཔལ་འབྱོར་དང་། ཚོང་ལས་མ་རྐང་། གྲངས་ཀའི་དཔལ་འབྱོར། རྨང་གཞིའི་འཛུགས་བསྐྲུན། གནམ་གཤིས་འགྱུར་ལྡོག་བཅས་དང་འབྲེལ་བའི་འཛམ་བུ་གླིང་གི་གནད་དོན་གལ་ཆེན་དག་གི་སྐོར་ལ་བགྲོ་གླེང་བྱ་རྒྱུ་རེད་འདུག

More Articles ...

གསལ་བསྒྲགས་ཀྱི་ས་མིག