23
Wed, Jan
35 New Articles

༢༠༡༨ལོའི་ཟླ་༡༡་ཚེས་༡༦ཉིན་སྤེལ། ཤར་ཨེ་ཤེ་ཡའི་ཚོགས་ཆེན་ཐེངས་༡༣་(13th East Asia Summits) པ་དེ་རྒྱལ་ཁབ་སི་གྷ་པོ་རུ་ཚོགས་པ་ཡོད་པ་དང་། ཚོགས་བཅར་བ་ནི་རྒྱལ་ཁབ་༡༨་ནས་ཕེབས་པའི་སྲིད་འཛིན་དང་སྲིད་ཚབ་བཅས་ཡིན་འདུག ཚོགས་འདུ་དེ་ནི་གཙོ་བོ་དཔའ་འབྱོར་ཡར་རྒྱས་གཏོང་ཐབས་དང་། ཡུན་གནས་ཐུབ་པའི་ཡར་རྒྱས། འཇིགས་སྐུལ་རིགས་ལུགས་པར་རྒོལ་ལན། དྲ་ལམ་བདེ་འཇགས་སོགས་ཀྱི་ཐོག་བགྲོ་གླེང་གནང་ནས་ཨེ་ཤེ་ཡའི་རྒྱལ་ཁབ་དེ་དག་ནང་བདེ་འཇགས་དང་ཞི་བདེ། འབྲེལ་ལམ་བཟང་པོ། ཡར་རྒྱས་གོང་སྤེལ་ཡོང་བའི་ཆེད་དུ་དམིགས་པའི་ལོ་འཁོར་ཚོགས་འདུ་ཞིག་ཡིན་འདུག

༢༠༡༨ལོའི་ ཟླ་ ༡༡ ཚེས་ ༡༣ ཉིན། སྲིད་སྐྱོང་མཆོག་གིས་ཨ་རིའི་གནད་ཡོད་མི་སྣ་ཁག་ལ་ཐུག་འཕྲད་བྱས་ཏེ། བོད་ནང་ཕར་འགྲོ་ཚུར་འོང་གི་གོ་སྐབས་འདྲ་མཉམ་གྱི་ཁྲིམས་འཆར་དེ་ཨ་རིའི་གྲོས་ཚོགས་གོང་མ་ནས་རྒྱབ་སྐྱོར་གནང་དགོས་པའི་འབོད་སྐུལ་དང་། བོད་དོན་དང་བོད་མི་ཚོར་མུ་མཐུད་རྒྱབ་སྐྱོར་ཤུགས་ཆེ་གནང་དགོས་པའི་སྐོར་གསུང་ཡོད་པ་དང་། སྐབས་དེར་ཁོང་རྣམ་པས་ཀྱང་མུ་མཐུད་བོད་ནང་གི་འགྲོ་བ་མིའི་ཐོབ་ཐང་དང་རང་དབང་གོང་མཐོར་གཏོང་ཆེད་རྒྱབ་སྐྱོར་གནང་རྒྱུ་ཡིན་པའི་ཁས་ལེན་གནང་འདུག

༢༠༡༨ལོའི་ཟླ་༡༡ཚེས་༡༣ཉིན། ཉེ་སྔོན་བོད་ཀྱི་མཛངས་མ་བསྟན་འཛིན་མཁས་ཆོས་ལགས་ཨེ་ཤེ་ཡའི་མཛངས་མ་འགྲན་སྡུར་ཁྲོད་དུ་ཞུགས་ནས་ལྟ་མཁན་གྱི་འདམ་གའི་མཛངས་མ་དང་སྤྱི་ཚོགས་དྲ་རྒྱའི་མཛངས་མ་གྱི་བྱ་དགའ་ཐོབ་འདུག ཐེངས་འདིའི་མཛངས་མ་འགྲན་སྡུར་ནང་དུ་ཨེ་ཤེ་ཡ་དང་ཡོ་རབ་རྒྱལ་ཁབ་ཁག་ནས་ཁྱོན་བུ་མོ་༢༥་འཛུལ་ཞུགས་བྱས་ཡོད་འདུག

༸གོང་ས་སྐྱབས་མགོན་ཆེན་པོ་མཆོག་གིས། དེང་རབས་རྒྱ་གར་གྱིས་སྲོལ་རྒྱུན་གྱི་སེམས་དང་ཀླད་པའི་ཤེས་ཡོན་ཐོག་ངེས་པར་དུ་དོ་སྣང་སྤྲོད་དགོས་པ་དང་། རྒྱ་གར་གྱི་དེང་གི་ཤེས་ཡོན་ནི་དབྱིན་ཇིའི་ཤན་ཞུགས་ཐེབས་ཡོད་པ་ཞིག་ཡིན་ཡང་། ང་ཚོས་རྒྱ་གར་ནང་གཅིག་པོར་དེང་དུས་ཤེས་ཡོན་དང་མཉམ་དུ་ཞི་བདེ་དང་ལྡན་པའི་སེམས་བསྐྲུན་པར་བྱེད་པའི་ཐབས་ལམ་ཞིག་མཐོང་གི་འདུག ཅེས་གུ་རུ་ཎ་ཎའི་འཁྲུངས་སྐར་སྲུང་བརྩིའི་མཛད་སྒོ་ཐོག་ཏུ་བཀའ་སློབ་ལམ་སྟོན་གནང་འདུག

ངོས་ཀྱི་དམིགས་ཡུལ་ནི་རྡུལ་ཕྲན་མཚོན་ཆ་མེད་པའི་འཛམ་གླིང་ཞིག་ཆགས་རྒྱུ་ཁོ་ན་མིན་པར། དམག་ཤུགས་ཕྱིར་བསྡུ་བྱེད་པ་དེ་ཡང་ཡིན། དམིགས་ཡུལ་དེ་འགྲུབ་བར་མི་རྣམས་ཀྱི་སེམས་དང་བསམ་བློའི་ནང་གི་གོ་མཚོན་མེད་པ་བཟོ་ཐུབ་དུས་གཞི་ནས་དམིགས་ཡུལ་དེ་གྲུབ་པ་ཞིག་ཡིན། ཞེས་༸གོང་ས་མཆོག་གིས་བཀའ་སློབ་གནང་འདུག

༢༠༡༨ལོའི་ ཟླ་ ༡༡ ཚེས་ ༡༡ ཉིན། འཇར་མན་ནིའི་གྲོང་ཁྱེར་ཧྥི་རེ་སྦུར་ནང་གི་ཀེ་ལ་ཤི་བོད་ཁང་དུ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་གིས། བོད་དོན་ཆེད་རྒྱབ་སྐྱོར་བྱེད་པ་ནི་འཚེ་བ་མེད་པ་དང་། གྲོས་མོལ། འགྲོ་བ་མིའི་ཐོབ་ཐང་། མང་གཙོ་དང་རང་དབང་བཅས་ལ་རྒྱབ་སྐྱོར་བྱེད་ཀྱི་ཡོད་པ་མཚོན། རྒྱ་ནག་གཞུང་གིས་ལོ་ངོ་དྲུག་ཅུའི་རིང་བོད་ནང་དབང་སྒྱུར་བྱས་ཏེ་ཆབ་སྲིད་ཐོག་དམ་བསྒྲགས་དང་། བོད་ཀྱི་ཁོར་ཡུག་དང་རིག་གཞུང་གཏོར་བཤིག་བཏང་དང་གཏོང་མུས་རེད། ཅེས་འཇར་མན་མང་ཚོགས་ལ་བོད་དོན་དང་འབྲེལ་བའི་གསུང་བཤད་གནང་འདུག

༢༠༡༨ལོའི་ཕྱི་ཟླ་ ༡༡ ཚེས་ ༦ ཉིན། མཉམ་སྦྲེལ་རྒྱལ་ཚོགས་སུ་རྒྱལ་ཚོགས་ཀྱི་དུས་བཀག་བསྐྱར་ཞིབ་ཐེངས་༣༡ པ་དེ་འཚོགས་ཀྱི་ཡོད་པའི་སྐབས་དང་བསྟུན། ཡུ་གུར་བ་སྟོང་ཚོ་བརྒལ་བ་ཞིག་གིས་མཉམ་སྦྲེལ་རྒྱལ་ཚོགས་ཀྱི་མདུན་དུ་རྒྱ་གཞུང་གིས་ཡུ་གུར་ནང་དུ་འགྲོ་བ་མིའི་ཐོབ་ཐང་ལ་རྡོལ་རོལ་གཏོང་གི་ཡོད་པའི་ཐད་ལ་གཞི་རྒྱ་ཆེ་བའི་ངོ་རྒོལ་བྱས་འདུག སྐབས་དེར། བོད་པ་དང་། ལྷོ་སོག་པོ། དེ་བཞིན་ཐེ་ཝན་དང་། ཝིཡེཏ་ནམ་མི་རིགས་བཅས་ཀྱང་འདུ་འཛོམས་ཀྱིས་རྒྱ་གཞུང་ལ་ངོ་རྒོལ་ལས་འགུལ་སྤེལ་འདུག

More Articles ...

གསལ་བསྒྲགས་ཀྱི་ས་མིག