བླ་སྨན་ཡེ་ཤེས་དོན་ལྡན་མཆོག་ལ་གཟེངས་རྟགས་ཤིག་ཐོབ་པ།

དེ་ཡང་དགུང་གྲངས་ ༩༣ ལ་སོན་པའི་བླ་སྨན་ཡེ་ཤེས་དོན་ལྡན་མཆོག་གིས་རྒྱ་གར་སྤྱི་ཚོགས་སུ་ཆེ་མཐོང་ཆེ་ཤོས་ཀྱི་པདྨ་ཤྲི་རིའི་གཟེངས་རྟགས་ཐོབ་པར་ཐུགས་ཚོར་ག་རེ་ཡོང་གི་ཡོད་པར་གསར་འགོད་པར་བརྗོད་དོན། "དེ་རིང་ཞོགས་པར་པདྨ་ཤྲི་རིའི་གཟེངས་རྟགས་ཐོབ་ཡོད་པར་ལན་ཕུལ་སོང་བ་དང་སྨན་པ་བྱས་ཏེ་མི་མང་ལ་ཕན་ཐོགས་བྱུང་པའི་འབྲས་བུ་ཞིག་ཡིན་པས་ན་སེམས་པ་དགའ་བོ་འདུག "ཅེས་གསུངས་བྱུང་།

སྨན་པ་ཡེ་ཤེས་དོན་མཆོག་ནི། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཕྱི་ལོ་ ༡༩༦༡ ཟླ་ ༣ ཚེས་ ༢༣ ཉིན་བཙན་བྱོལ་དུ་བཞུགས་སྒར་ངྷ་རམ་ས་ལར་བོད་གཞུང་སྨན་རྩིས་ཁང་ཐོག་མར་གསར་འཛུགས་མཛད་སྐབས་འགན་ཁུར་བཞེས་མཁན་གཙོ་གྲས་ཤིག་ཀྱང་ཡིན་ཞིང་། ཕྱི་ལོ་ ༡༩༦༠ ནས་ཕྱི་ལོ་ ༡༩༨༠ བར་༧གོང་ས་༧སྐྱབས་མགོན་ཆེན་པོ་མཆོག་གི་༸སྐུའི་བླ་སྨན་པའི་ཞབས་ཞུ་བསྒྲུབས་ཡོད་འདུགདང

དེ་ཡང་། ཁོང་ལ་ཐོབ་པའི་གཟེངས་རྟགས་འདི་ནི། བོད་མིའི་ཁྲོད་ཐེངས་གཉིས་པ་ཆགས་འདུག ཐེངས་དང་པོ་དེ་ཝར་ཎ་བོད་ཀྱི་གཙུག་ལག་སློབ་ཁང་གི་རིགས་བདག་དགེ་བཤེས་ངག་དབང་བསམ་གཏན་མཆོག་ལ་ཐོབ་འདུག་པ་བཅས།།