24
Mon, Jun
21 New Articles

༢༠༡༩ལོའི་ཟླ་༢་ཚེས་༢༢་ཉིན། འཛམ་གླིང་རྒྱལ་སྤྱིའི་དགེ་ལྡན་ལྷན་ཚོགས་ཀྱིས་གསར་འགོད་གསལ་བསྒྲགས་ཞིག་སྤེལ་ཏེ། ཡབ་རྗེ་ཁམས་གསུལ་ཆོས་ཀྱི་རྒྱལ་པོ་ཤར་རྒྱལ་བ་རྗེ་བཙུན་ཙོང་ཁ་པ་ཆེན་པོ་མཆོག་གཞན་དོན་དུ་སྐུ་གཤེགས་ཏེ། དེང་བོད་རབ་གནས་ས་ཕག་ལོ་སྟེ། ཕྱི་ལོ་༢༠༡༩་ལོར་ལོ་ངོ་༦༠༠་ཧྲིལ་པོ་འཁོར་བའི་སྐབས་འདིར། ཡབ་རྗེ་རྒྱལ་བ་གཉིས་བ་ཁོང་ལ་བཀའ་དྲིན་རྗེས་དྲན་དང་། སླད་མར་ཡང་ཁོང་གི་རླབས་ཆེན་ཐུགས་དགོངས་ཟབ་མོ་ཡོངས་སུ་རྫོགས་ཕྱིར་དང་། ཁོང་ལ་རང་ཅག་ཀུན་གྱིས་སྒྲུབ་པའི་མཆོད་སྤྲིན་ཕུལ་བྱུང་རྒྱ་ཆེན་འབུལ་སླད་དུ། ཕྱི་ལོ་༢༠༡༩་ལོ་སྟེ། བོད་རབ་གནས་ས་མོ་ཕག་གི་ལོ་ཧྲིལ་པོ་ ༼རྒྱལ་སྤྱིའི་རྗེ་ཙོང་ཁ་པའི་ལོ༽་ ཞེས་སྲུང་བརྩི་ཞུ་རྒྱུར་ཡིན་པར་གསུངས་སོང་།

༢༠༡༩ལོའི་ཟླ་ ༢ ཚེས་ ༢༢ ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་སློབ་དཔོན་ལེགས་ལྡན་འབྱེད་ཀྱིས་མཛད་པའི་དབུ་མའི་སྙིང་པོའི་གསུང་ཆོས་མཇུག་ལེགས་པར་གྲུབ་སོང་།

༢༠༡༩ལོའི་ཟླ་༢ པའི་ཚེས་ ༡༩ སྟེ་ལོ་སར་ཚེས་བཅོ་ལྔ། ཆོ་འཕྲུལ་སྨོན་ལམ་ཆེན་པོའི་སྐབས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་སྐྱེས་རབས་དང་རྟེན་འབྲེལ་བསྟོད་པ། བློ་སྦྱོང་ཚིགས་བརྒྱད་མ་བཅས་ཀྱི་གསུང་ཆོས་བཀའ་དྲིན་སྩལ་ཡོད་པ་དང་། དེ་ཡང་ཆོས་ཞུ་བ་བླ་མ་དང་དགེ་འདུན་པ་དེ་བཞིན་འཛམ་གླིང་རྒྱལ་ཁབ་མི་འདྲ་བ་མང་པོ་ནས་ཕེབས་པའི་ཆོས་ཞུ་བ་ཁྲི་ཕྲག་ཁ་ཤས་འཛོམས་ཡོད་འདུག

༢༠༡༩ལོའི་ཟླ་༢ཚེས་༡༡ཉིན། བཞུགས་སྒར་རྡ་སའི་རྒྱལ་བའི་ཕོ་བྲང་དུ་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་རྩོམ་པ་པོ་གྲགས་ཅན་ཌེ་པྭ་ཆོ་པྭ་ར(Deepak Chopra) ལགས་ཀྱིས་སྣེ་ཁྲིད་པའི་མི་སྣ་ཁག་ཅིག་དང་མཇལ་འཕྲད་གནང་ཡོད་པ་དང་།

༢༠༡༩ལོའི་ ཟླ་ ༢ ཚེས་ ༢༠ ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་སློབ་དཔོན་ལེགས་ལྡན་འབྱེད་ཀྱིས་མཛད་པའི་དབུ་མའི་སྙིང་པོའི་གསུང་ཆོས་ཉིན་དང་པོ་དབུ་འཛུགས་གནང་སོང་བ་དང་། ཆོས་ཞུ་བ་བླ་མ་དང་དགེ་འདུན་པ་དེ་བཞིན་འཛམ་གླིང་རྒྱལ་ཁབ་མི་འདྲ་བ་མང་པོ་ནས་ཕེབས་པའི་ཆོས་ཞུ་བ་ཁྲི་ཕྲག་ཁ་ཤས་འཛོམས་ཡོད་འདུག

༢༠༡༩ལོའི་ཟླ་༢ ཚེས་ ༡༨ ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་༸རྒྱལ་བའི་ཕོ་བྲང་དུ་ལས་རིགས་འདྲ་མིན་ནས་ཡིན་པའི་བུད་མེད་ན་གཞོན་རུ་ཁག་( Young FICCI Ladies Organisation) གི་བུད་མེད་གྲངས་ ༧༥ མཇལ་འཕྲད་གནང་ཡོད་པ་དང་། སྐབས་དེར་ཁོང་གིས་ད་ཆ་དུས་རབས་ ༢༡ འདིའི་ནང་ང་ཚོས་བྱམས་བརྩེའི་ཉམས་ལེན་གོང་འཕེལ་གཏོང་ཕྱོགས་ཐད་དམིགས་བསལ་འབད་བརྩོན་བྱེད་དགོས། ལྷག་པར་ཤེས་ཡོན་གྱི་ལམ་ནས་བྱམས་བརྩེ་གོང་འཕེལ་གཏོང་ཕྱོགས་ཐད་བུད་མེད་ཚོས་འགན་ཆེ་ཙམ་འཁྱེར་དགོས། བུད་མེད་ཚོས་འགན་མང་ཙམ་འཁྱེར་དགོས་པ་ལས་ནང་ལ་འཛུལ་ནས་ཕྲུ་གུར་བལྟ་སྐྱོང་བྱས་ནས་སྡོད་རྒྱུ་མེད་ཅེས་བཀའ་སྩལ་འདུག

༸གོང་ས་མཆོག་གིས་ཕྱི་རྒྱལ་དགེ་སློབ་ཁག་ཅིག་ལ་བཀའ་སློབ་སྩལ་དོན། དུས་རྟག་ཏུ་ཞེ་སྡང་དང་། ང་རྒྱལ། དེ་བཞིན་འཇིགས་སྣང་འོག་གནས་པ་ཡིན་ན་ལུས་པོའི་ནང་ནད་སྔོན་འགོག་བྱེད་མཁན་ལུས་ཟུངས་མ་ལག་ immune systems ཉམས་རྒུད་དུ་ཕྱིན་ནས་ལུས་པོ་རང་བཞིན་གྱིས་ཉམས་རྒུད་འགྲོ་བ་དང་། ནད་ན་ཚ་ཕོག་སླ་པོ་ཆགས་ཀྱི་ཡོད་པ་ཤོད་ཀྱི་འདུག དེར་བརྟེན་ང་ཚོས་གཟུགས་པོའི་འཕྲོད་བསྟེན་ལ་བདག་གཅེས་བྱེད་ཀྱི་ཡོད་པ་ལྟར་ནང་སེམས་ཀྱི་འཕྲོད་བསྟེན་ལའང་བདག་གཅེས་བྱེད་དགོས་ཞེས་གསུངས།

More Articles ...

གསལ་བསྒྲགས་ཀྱི་ས་མིག