20
Tue, Aug

༢༠༡༩ལོའི་ཟླ་ ༣ ཚེས་ ༡༨ ཉིན། བཞུགས་སྒར་རྡ་ས་བཀའ་ཤག་མཇལ་འཕྲད་ཁང་དུ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་དང་བཀའ་དྲུང་རྫོང་ཁ་སྟོབས་རྒྱལ་ཚེ་རིང་ལགས་རྣམ་གཉིས་ནས་གསར་འགོད་ལྷན་ཚོགས་ཤིག་བསྐོང་ཚོགས་གནང་སོང་དང་། སྤྱི་ནོར་༸གོང་ས་༸སྐྱབས་མགོན་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་ལ་འདི་ལོ་དགུང་ཀེག་དངོས་གཞིའི་ཚུལ་བསྟན་སྐུ་གེགས་ཀྱི་མཚན་མ་ཅི་མཆིས་རྨེག་མེད་དུ་ཞི་ནས་སྐུ་ཚེ་༸རྒྱལ་བ་ཚེ་མཐའ་ཡས་པའི་ངོ་བོར་བརྟན་པ་དང་། ཐུགས་ཀྱི་བཞེད་དོན་མཐའ་དག་གེགས་མེད་ལྷུན་གྱིས་འགྲུབ་པའི་ཆེད་དུ།

༢༠༡༩་ལོའི་ཟླ་ ༣ ཚེས་ ༡༥ ཉིན། བཞུགས་སྒར་རྡ་སར་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་དང་བོད་མི་མང་སྤྱི་འཐུས་ཚོགས་གཙོ་པདྨ་འབྱུང་གནས་རྣམ་གཉིས་ནས་ཕྱི་ནང་གི་གསར་འགོད་པ་ ༦༠ ལྷག་ལ་དམིགས་བསལ་ཚོགས་ཆེན་ལྔ་དང་ལྔ་བཅུ་དང་། ༸རྒྱལ་བ་སྐུ་ཕྲེང་རིམ་འབྱོན་དང་བོད་མི་མང་དབར་གྱི་འབྲེལ་བ་ཞེས་པའི་ཚོགས་འདུ་བསྡུ་བསྐོང་གནང་རྒྱུའི་སྐོར་གསར་འགོད་གསལ་བསྒྲགས་གནང་སོང་།

༢༠༡༩ལོའི་ཟླ་༣་ཚེས་༡༢ཉིན།བོད་ཀྱི་རྒྱལ་ས་ལྷ་སར་ཆོལ་གསུམ་བུད་མེད་སྒེར་ལངས་བྱས་ཏེ་ལོ་ངོ་༦༠འཁོར་བའི་དུས་དྲན་སྲུང་བརྩི་གནང་སླད། བུད་མེད་ལྷན་ཚོགས་ཀྱི་གོ་སྒྲིག་འོག རྡ་ས་གཙུག་ལག་ཁང་གི་དཔའ་བོའི་རྡོ་རིང་གི་མདུན་ནས་ཉིན་མོ་འདི་དང་འབྲེལ་བའི་མཛད་སྒོ་ཞིག་ཚོགས་ཤིང་། དེའི་སྐུ་མགྲོན་གཙོ་བོ་ནི་སྤྱི་འཐུས་སྒྲོལ་མ་ཚེ་རིང་དང་དམིགས་བསལ་སྐུ་མགྲོན་བུད་མེད་ལྷན་ཚོགས་ཀྱི་སློབ་སྟོན་ལྷ་ལྕམ་རིན་ཆེན་མཁའ་འགྲོ་མཆོག དེ་བཞིན་རྡ་སའི་གྲོང་སྡེའི་སྤྱི་ཁྱབ་ཟུར་པ་ལྕམ་སྐུ་ར་ཅི་ནི་ཝས(Rajni Vyas)བཅས་ཡིན་འདུག

༢༠༡༩ལོའི་ཟླ་༣ཚེས་༡༠ཉིན། བོད་ཀྱི་གཞོན་ནུ་ལྷན་ཚོགས་ཀྱིས་གོ་སྒྲིག་འོག རྒྱ་དམར་གྱིས་བོད་ས་ཟིན་པ་དང་བོད་མིས་རང་དབང་སྒེར་ལངས་བྱས་ཏེ་ལོ་ངོ་དྲུག་བཅུ་འཁོར་བའི་དུས་དྲན་སྲུང་བརྩི་བྱེད་ཆེད། རྒྱ་གར་རྒྱལ་ས་ལྡི་ལིའི་རམ་ལི་ལ་ཐང་ཆེན(Ramlila ground)་ནས་ཇན་པ་ཐི(Janpath)བར་ཞི་བའི་གོམ་བགྲོད་གནང་ཞིང་།

༢༠༡༩ལོའི་ཟླ་ ༣ ཚེས་ ༡༢ ཉིན། བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་གོ་སྒྲིག་འོག རྡ་ས་གངས་སྐྱིད་ཚོགས་ཁང་གསར་པའི་ནང་དུ་བུད་མེད་ཀྱི་ནུས་སྟོབས་གོང་སྤེལ་དང་འབྲེལ་བའི་ཚོགས་འདུ་ཞིག་བསྐངས་ཤིང་། སྐབས་དེར། བུད་མེད་ཀྱི་ནུས་སྟོབས་དང་འབྲེལ་བའི་ཚོགས་འདུ་དེ་ཇི་ལྟར་འགོ་འཛུགས་གནང་ཡོད་མེད་སྐོར་དང་། ཕོ་མོ་འདྲ་མཉམ་གྱི་སྐོར། བུད་མེད་ཀྱི་བྱམས་བརྩེ་དང་ནུས་པའི་སྐོར། དེ་བཞིན་བོད་ཀྱི་བུད་མེད་ཀྱི་ཉིན་མོ་སོགས་ཀྱི་སྐོར་ནས་གཏམ་བཤད་ཟབ་མོ་གནང་སོང་།

ཕྱི་ལོ་༢༠༡༩ ཟླ་ ༣ པའི་ཚེས་༩ཉིན། འཕགས་ཡུལ་སེར་བྱེས་མཁས་སྙན་གྲྭ་ཚང་གི་མཁན་བླ་འདུས་མང་ཡོངས་ཀྱིས་ལྷག་པའི་ལྷ་མཆོག་དཔལ་རྟ་མགྲིན་ཡང་གསང་གི་བསྙེན་པ་ཡར་འཚོགས་གནང་སོང་།

༢༠༡༩ ཟླ་ ༣ ཚེས་ ༡༠ཉིན། བཞུགས་སྒར་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་རྒྱ་དམར་གྱིས་བོད་ལ་བཙན་འཛུལ་བྱས་པར་ངོ་རྒོལ་བྱེད་ཆེད་མི་མང་སྒེར་ལངས་བྱས་ཏེ་ལོ་༦༠་འཁོར་བའི་དུས་དྲན་དང་། རྒྱལ་གཅེས་དཔའ་བོ་དཔའ་མོའི་ཉིན་མོ་གཞུང་འབྲེལ་གྱི་མཛད་སྒོ་གཟབ་རྒྱས་ཚོགས་སོང་།

More Articles ...

གསལ་བསྒྲགས་ཀྱི་ས་མིག