23
Wed, Jan
35 New Articles

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐོག་མའི་དགོངས་གཞི་ལྟར་བཙན་བྱོལ་བོད་མིའི་སྒྲིག་འཛུགས་སྲ་བརྟན་དང་། བོད་ཀྱི་སྐད་ཡིག རིག་གཞུང་སོགས་མི་ཉམས་རྒྱུན་འཛིན། འཚེ་མེད་ཞི་བའི་ལྟ་གྲུབ་གཞིར་བཞག་གིས་མང་གཙོའི་ཁེ་དབང་ལོངས་སྤྱད་དེ། བོད་དོན་བདེན་མཐའ་གསལ་ཐབས་དགོས་རྒྱུ་ནི་བོད་མི་ཡོངས་ཀྱི་འཕྲལ་ཕུགས་ཀྱི་དམིགས་ཡུལ་གལ་ཆེ་ཞིག་ཆགས་ཡོད་ན། དེའི་ཆ་རྐྱེན་ལྟ་བུ་མེད་དུ་མི་རུང་བ་ནི་ཆོལ་གསུམ་བོད་མི་ཡོངས་རྫོགས་མཐུན་སྒྲིལ་དམ་ཚིག་འོ་ཆུ་གཅིག་འདྲེས་གནང་དགོས་རྒྱུ་གལ་ཆེའི་ནང་གི་དོན་ཆེན་ལྟ་བུ་གྱུར་བས། བོད་མི་ནང་ཁུལ་འགལ་ཟླ་རིགས་མི་བྱེད་རྒྱུའི་དམ་བཅའ་བརྟན་བཟུང་ཐོག་མགོན་པོ་གང་གི་བཀའ་དྲིན་དང་ཐུགས་རེ་སྙིང་དབུས་སུ་བཅངས་ཏེ། བོད་བསྟན་སྲིད་མི་རིགས་ཀྱི་ཕུགས་འདུན་མངོན་འགྱུར་ཡོང་ཆེད་བོད་མི་རྣམས་སེམས་ཤུགས་ནམ་ཡང་མི་ཆགས་པར་ངལ་བ་ཁྱད་བསད་ཀྱིས་གཞིས་བྱེས་མཉམ་འཛོམས་ཡོང་རྒྱུ་སོགས་ལ་ཚང་མས་ཞུ་སྒོ་ཅི་མཆིས་སྒོ་ཀུན་ནས་ལྷོད་གཡེང་མེད་པར་འབད་འབུངས་གནང་རོགས་ཞེས་རེ་སྐུལ་ཤུགས་ཆེ་ཞུ་རྒྱུ་ཡིན། ཞེས་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་གསུངས་སོང་།

འཛམ་གླིང་ཞི་བདེ་ཞེས་མི་ཚང་མས་བཤད་ཀྱི་ཡོད་པ་རེད། ཞི་བདེ་ཟེར་དུས་ནང་གི་ཞི་བདེ་ཞིག་དགོས་རེད་མ་གཏོགས་སེམས་ནང་འདོད་ཆགས་དང་ཞེ་སྡང་། ང་རྒྱལ་དེ་རྣམས་ཤུགས་ཆེ་ཡོད་བཞིན་དུ་ཞི་བདེ་ཡོང་ཟེར་བ་ཁག་པོ་རེད་ཅེས་བཀའ་བསྩལ།

༢༠༡༨ལོའི་ཟླ་༨ཚེས་༢༧ཉིན། བོད་མི་སྒྲིག་འཛུགས་ཕྱི་དྲིལ་ལས་ཁུངས་ཀྱིས་གོ་སྒྲིག་འོག་ཉིན་གསུམ་རིང་དབུ་མའི་ལམ་གྱི་ཟབ་སྦྱོང་ཞིག་དབུས་སྣེ་ལས་འབྲེལ་མཐུད་ཁང་དུ་དེ་རིང་སྲིད་སྐྱོང་མཆོག་གིས་དབུ་འབྱེད་གནང་སོང་བ་དང་། ཟབ་སྦྱོང་འདིར་རྒྱ་གར་མངའ་སྡེ་བདུན་ནང་ཡོད་པའི་བོད་པའི་ཚོགས་པ་ལྔ་ཡི་སྐུ་ཚབ་༢༤་ཕེབས་ཡོད་པ་དང་། ཚོགས་པ་འདི་དག་ནི་བོད་ཀྱི་བུད་མེད་ལྷན་ཚོགས་དང་། རྒྱལ་སྤྱི་དབུ་མའི་ལམ་མི་མང་ལས་འགུལ་ཚོགས་པ། ཆིག་སྒྲིལ་ཚོགས་པ། མདོ་སྟོད། མངའ་རིས་ཚོགས་པ་བཅས་རེད་འདུག

སྲིད་སྐྱོང་མཆོག་གིས་རྒྱུན་དུ་མཁས་པའི་ཚོགས་འདུ་སྐབས་བཙན་བྱོལ་ནས་བོད་པ་མང་ཙམ་འགྲོ་དགོས་པ་དང་ཚོགས་འདུ་དེ་འདྲ་ནང་འཛུལ་ཞུགས་བྱེད་དགོས་པར་ཧ་ཅང་གལ་ཆེན་པོ་རེད་ཅེས་གསུངས་སོང་།

༢༠༡༨ལོའི་ཟླ་༨ཚེས་༣༠ཉིན། བཞུགས་སྒར་རྡ་རམ་སར་བོད་དགུ་བཅུ་གསུམ་ལས་འགུལ་ཚོགས་པའི་ངོས་ནས་རྒྱལ་སྤྱིའི་གར་སོང་ཆ་མེད་དུ་གྱུར་བའི་སྐྱེ་བོའི་ཉིན་མོར་སྲུང་བརྩི་དང་རྒྱ་གཞུང་ལ་པཎ་ཆེན་དགེ་འདུན་ཆོས་ཀྱི་ཉི་མ་མཆོག་གཙོ་གར་སོང་ཆ་མེད་དུ་གྱུར་བའི་བོད་མི་རྣམས་རྒྱལ་སྤྱིའི་ཐོག་བརྡ་ལེན་ཁ་གསལ་བྱེད་དགོས་པའི་འབོད་སྐུལ་ཞུ་སོང་།

ལོ་རྒྱུས་ཀྱི་གནས་བབ་དེའི་ཐོག་ནས་ལྟ་སྐབས་རྒྱ་གར་འཕགས་ཡུལ་འདི་ནི་ཕྱི་དངོས་པོ་དཔལ་འབྱོར་ལོངས་སྤྱོད་ཁོ་ན་དོན་གཉེར་གཙོ་འདོན་བྱེད་མཁན་ཞིག་མིན། ངོས་ཀྱིས་བསམ་པར་དེང་རབས་ཅན་གྱི་རྒྱ་གར་ཡུལ་འདིས་རང་གི་ཕ་མེས་ནས་དར་བའི་གནའ་རབས་ལེགས་བཤད་ལ་དོ་སྣང་མ་བྱས་པ་དང་། ནང་གཤིས་རྒྱུད་དང་འབྲེལ་བའི་ཡིད་བློར་ཞི་བདེ་ཇི་ལྟར་སྐྲུན་དགོས་པ་མ་ཤེས་སྟབས་གཞོན་སྐྱེས་དེ་དག་གིས་གཙོ་བོ་དབང་ཤེས་ལ་བརྟེན་པའི་ཚོར་བ་བདེ་བ་ཁོ་ན་དོན་དུ་གཉེར་ཆེད་བཟི་སྨན་སོགས་མྱོས་རྫས་ལ་བརྟེན་བཞིན་ཡོད། ཆང་རག་དང་མྱོས་རྫས་དེ་དག་ལུས་པོའི་འཕྲོད་བསྟེན་ལའང་ཧ་ཅང་གནོད་བཞིན་ཡོད་ཅེས་བཀའ་སྩལ།

༢༠༡༨ལོའི་ ཟླ་༨ཚེས་༢༠ཉིན། ༧གོང་ས་༧སྐྱབས་མགོན་ཆེན་པོ་མཆོག་གིས་བཞུགས་སྒར་རྒྱལ་བའི་ཕོ་བྲང་དུ་ལྔ་དང་ལྔ་བཅུའི་གཞོན་སྐྱེས་ཚོགས་འདུ། འབྱུང་འགྱུར་བོད་ཀྱི་མདུན་ལམ་ཞེས་པའི་ལྷན་ཚོགས་ཐོག་རྒྱལ་ཁབ་༡༥ནས་ཕེབས་པའི་ཚོགས་བཅར་བ་རྣམས་ལ་དམིགས་བསལ་མཇལ་ཁ་གནང་སྐབས་སུ་༧གོང་ས་མཆོག་གིས་ང་ཚོ་དུས་རབས་ཉེར་གཅིག་པའི་ནང་པ་བྱེད་དགོས་ཞེས་བཀའ་སྕལ་ཡོད་འདུག

More Articles ...

གསལ་བསྒྲགས་ཀྱི་ས་མིག