20
Sat, Jul

༢༠༡༩ལོའི་ཟླ་ ༣ ཚེས་ ༢༣ ཉིན། བཞུགས་སྒར་རྡ་སར་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་འཕྲོད་བསྟེན་ལས་ཁུངས་ནས་འདོན་སྤེལ་གནང་བའི་ཊི་བི(TB)་ནད་གཞི་སྔོན་འགོག་དང་འབྲེལ་བའི་འགུལ་བརྙན་ཞིག་དབུ་འབྱེད་གནང་རྗེས། བཙན་བྱོལ་བོད་མིའི་སློབ་གྲྭ་ཁག་གི་ནང་གློ་ནད་ཊི་བི་རྩ་གཏོར་གཏོང་རྒྱུའི་ལས་འགུལ་ཞིག་འགོ་འཛུགས་གནང་ཡོད། སློབ་གྲྭ་ཁག་གི་ནང་གློ་ནད་མེད་པ་བཟོ་ཐུབ་པ་ཡིན་ན། རང་བཞིན་གྱི་མེད་པ་ཆགས་ཐུབ་ངེས་རེད་བསམ་པའི་དམིགས་ཡུལ་རེད་ཅེས་གསུང་འདུག

༢༠༡༩ ཟླ་ ༣ ཚེས་༢༢ ཉིན། དེ་ཡང་བཙན་བྱོལ་བོད་མིའི་བཅའ་ཁྲིམས་དོན་ཚན་ ༢༢ པའི་དགོངས་དོན་ལྟར། སྲིད་སྐྱོང་གིས་བཏོན་པའི་འོས་གཞི་རྫོང་ཁ་སྟོབས་རྒྱལ་ཚེ་རིང་བཀའ་བློན་དུ་འདེམས་ཐོན་བྱུང་ཞིང་། དེ་ཡང་ངོ་ཡོད་སྤྱི་འཐུས་གྲངས་ ༤༢ ནས་གསང་བའི་འོས་བསྡུ་གནང་སྟེ། རྒྱབ་སྐྱོར་གནང་མཁན་འོས་གྲངས་ ༢༡ དང་། དགག་བྱ་གནང་མཁན་འོས་གྲངས་ ༡༨ སྟོང་པ་ ༢ དང་རྩིས་མེད་ ༡ བཅས་བྱུང་སྟེ། མཐར་སྤྱི་མོས་ཀྱིས་བཀའ་བློན་དུ་འདེམས་ཐོན་བྱུང་འདུག

༢༠༡༩ལོའི་ཟླ་༣་ཚེས་༢༡ཉིན། བཞུགས་སྒར་རྡ་སར་༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་ནེའུ་ཛི་ལན་ཊི(New Zealand)་ཡི་སྲིད་བློན་ཇ་སེན་ཌ་ཨར་ཌན་(Jacinda Ardern) མཆོག་ལ་ཉེ་ཆར་རྒྱལ་ཁབ་དེའི་ནང་དྲག་སྤྱོད་པ་ཞིག་གིས་མེ་མདའ་བརྒྱབས་ནས་མི་མང་པོ་ཤིས་རྨས་བྱུང་ཡོད་པའི་གནས་ཚུལ་ཐོན་པར་ཐུགས་ཕམ་པ་བྱུང་ཡོད་སྐོར་དང། འདས་གྲོངས་སུ་ཕྱིན་པའི་མི་རྣམས་ལ་བསྔོ་སྨོན་གསོལ་འདེབས་དང་། མི་དེ་ཚོའི་ནང་མི་དང་གྲོགས་པོ། དེ་བཞིན་རྒྱལ་ཁབ་དེའི་མི་མང་ལ་སྲིད་བློན་བརྒྱུད་ནས་ཐུགས་གསོའི་གསུང་འཕྲིན་གནང་འདུག

༢༠༡༩ལོའི་ཟླ་ ༣ ཚེས་ ༡༨ ཉིན། བཞུགས་སྒར་རྡ་ས་བཀའ་ཤག་མཇལ་འཕྲད་ཁང་དུ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་དང་བཀའ་དྲུང་རྫོང་ཁ་སྟོབས་རྒྱལ་ཚེ་རིང་ལགས་རྣམ་གཉིས་ནས་གསར་འགོད་ལྷན་ཚོགས་ཤིག་བསྐོང་ཚོགས་གནང་སོང་དང་། སྤྱི་ནོར་༸གོང་ས་༸སྐྱབས་མགོན་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་ལ་འདི་ལོ་དགུང་ཀེག་དངོས་གཞིའི་ཚུལ་བསྟན་སྐུ་གེགས་ཀྱི་མཚན་མ་ཅི་མཆིས་རྨེག་མེད་དུ་ཞི་ནས་སྐུ་ཚེ་༸རྒྱལ་བ་ཚེ་མཐའ་ཡས་པའི་ངོ་བོར་བརྟན་པ་དང་། ཐུགས་ཀྱི་བཞེད་དོན་མཐའ་དག་གེགས་མེད་ལྷུན་གྱིས་འགྲུབ་པའི་ཆེད་དུ།

༢༠༡༩ལོའི་ཟླ་༣་ཚེས་༢༢ཉིན། བོད་ཀྱི་འགྲེམས་སྟོན་ཁང་གིས་གོ་སྒྲིག་འོག་འཛམ་གླིང་ཆུའི་ཉིན་མོ་སྲུང་བརྩི་བྱས་སོང་བ་དང་། དེའི་དམིགས་ཡུལ་ནི་བོད་ཀྱི་རྒྱུགས་ཆུ་དེ་འཛམ་གླིང་གི་རྒྱལ་ཁབ་མང་པོ་ཞིག་ག་ཚོད་གལ་ཆེན་པོ་ཡིན་པ་ཕྱི་རྒྱལ་དང་རྒྱ་གར་བ་མི་སྣ་སོགས་ལ་གོ་རྟོགས་སྤེལ་བའི་ཆེད་དུ་ཡིན་འདུག

༢༠༡༩ལོའི་ཟླ་༣་ཚེས་༡༩ཉིན། བཞུགས་སྒར་རྡ་ས་གངས་སྐྱིད་གྲོས་ཚཽགས་ཚོགས་ཁང་དུ་སྐབས་༡༦་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་ཐེངས་བདུན་པ་དབུ་འཛུགས་གནང་སོང་བ་དང་། ཚོགས་ཆེན་འདི་ནི་ཉིན་༡༠་རིང་འཚོགས་རྒྱུ་ཡིན་ཞིང་། འདི་ནི་སྔོན་རྩིས་གྲོས་ཚོགས་ཡིན་འདུག གྲོས་གཞི་གཙོ་ནི་མྱ་ངན་རྗེས་དྲན་གྱི་གྲོས་ཆོད་གྲོས་འཆར་ཁག་ཅིག་དང་གདུང་སེམས་མཉམ་བསྐྱེད་ཀྱི་གྲོས་ཆོད་གྲོས་འཆར། དེ་བཞིན་དཔལ་ལྡན་དཔལ་འབྱོར་བཀའ་བློན་མཆོག་གིས་སྔོན་རྩིས་ཀྱི་གསུང་བཤད། ཚོད་དཔག་འཆར་རྩིས་ཚོགས་ཆུང་གིས་ཐུགས་ཞིབ་གནང་བའི་སྙན་ཐོ། ཁྲིམས་བཟོ་ལས་རིམ་ཁག མང་གཙོ་རྩིས་ཁྲའི་ཚོགས་ཆུང་གི་སྐབས་དགུ་པའི་སྙན་ཐོ་བཅས་ཡིན་འདུག

༢༠༡༩་ལོའི་ཟླ་ ༣ ཚེས་ ༡༥ ཉིན། བཞུགས་སྒར་རྡ་སར་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་དང་བོད་མི་མང་སྤྱི་འཐུས་ཚོགས་གཙོ་པདྨ་འབྱུང་གནས་རྣམ་གཉིས་ནས་ཕྱི་ནང་གི་གསར་འགོད་པ་ ༦༠ ལྷག་ལ་དམིགས་བསལ་ཚོགས་ཆེན་ལྔ་དང་ལྔ་བཅུ་དང་། ༸རྒྱལ་བ་སྐུ་ཕྲེང་རིམ་འབྱོན་དང་བོད་མི་མང་དབར་གྱི་འབྲེལ་བ་ཞེས་པའི་ཚོགས་འདུ་བསྡུ་བསྐོང་གནང་རྒྱུའི་སྐོར་གསར་འགོད་གསལ་བསྒྲགས་གནང་སོང་།

More Articles ...

གསལ་བསྒྲགས་ཀྱི་ས་མིག