24
Mon, Jun
21 New Articles

༢༠༡༩ཟླ་༣ཚེས་༡༩་ནས་ཚེས་༢༩བར་སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བདུན་པ་གངས་ཅན་སྐྱིད་གཤོངས་ཀྱི་གྲོས་ཚོགས་ཁང་དུ་ཚོགས་ཡོད་པ་ལྟར། ཉིན་བཅུའི་རིང་ལ་ལས་ཁུངས་ཁག་གི་སྔོན་རྩིས་ཀྱི་སྐོར་དང་། མྱ་ངན་རྗེས་དྲན་གྱི་གྲོས་ཆོད་གྲོས་འཆར། གདུང་སེམས་མཉམ་སྐྱེད་ཀྱི་གྲོས་ཆོད་གྲོས་འཆར་བཅས་གཏན་འབེབས་གནང་སོང་བ་དང་། ཚོད་དཔག་འཆར་རྩིས་ཚོགས་ཆུང་གི་སྙན་ཐོ་དང་། ཁྲིམས་བཟོའི་ལས་རིམ། རྩིས་ཁྲ་སོགས་ཀྱི་སྐོར་ནས་བགྲོ་གླེང་དང་། ལན་འདེབས་སོགས་གནང་སྟེ། དེ་རིང་ཉིན་མཐའ་མ། ཚེས་༢༩་ཉིན། ཐེངས་འདིའི་གྲོས་ཚོགས་བདེ་ལེགས་ངང་མཇུག་གྲུབ་སོང་།

༢༠༡༩ལོའི་ཟླ་༣་པའི་ཚེས་༢༩་ཉིན། རྡ་སའི་སྨན་རྩིས་མཐོ་སློབ་ཚོགས་ཁང་དུ་ལྷ་ས་སྨན་རྩིས་ཁང་དབུ་བརྙེས་ནས་ལོ་༡༠༣་འཁོར་གྱི་ཡོད་པ་དང་། བྱེས་སུ་སྨན་རྩིས་ཁང་བསྐྱར་འཛུགས་གནང་ནས་ལོ་༤༨་འཁོར་བའི་དུས་དྲན་སྲུང་བརྩི་ཞུས་སོང་། མཛད་སྒོའི་ཐོག་སྐུ་མགྲོན་གཙོ་བོ་དཔལ་ལྡན་འཕྲོད་བསྟེན་བཀའ་བློན་མཆོག་དང་དམིགས་བསལ་སྐུ་མགྲོན་གཙོ་བོ་གྷོ་དྷ་ཤན་གྷུ་ཏ(Dr. Gurdarshan Gupta)དང་།སྨན་རྩིས་ཁང་གི་འགན་འཛིན་དང་སྨན་པ་དང་སློབ་ཕྲུག་ལས་བྱེད་སོགས་འཛོམས་གནང་འདུག

༢༠༡༩ཟླ་༣ ཚེས་༢༧ཉིན། དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་གྲོས་ཚོགས་ཚོགས་དུས་བདུན་པའི་ལས་ཉིན་བརྒྱད་པའི་ལས་རིམ་གཉིས་པར་ལྔ་དང་ལྔ་བཅུའི་འཆར་སྣང་སྐོར་བཀའ་ཤག་གི་གསལ་བཤད་གནང་དོན། བཀའ་ཤག་གི་ལྔ་དང་ལྔ་བཅུའི་འཐབ་བྱུས་སྐོར་གོ་རྟོགས་ཆེ་རུ་དང་གསལ་རུ་གཏང་དགོས་པའི་ཚོར་སྣང་བྱུང་སོང་། ལྔ་དང་ལྔ་བཅུའི་འཆར་སྣང་འདི་ཇི་ལྟར་བྱུང་བ་རེད་དམ་ཞེ་ན། དེ་སྔ་གནང་བ་གང་ཡོད། མ་འོངས་པར་གནང་རྒྱུ་གནང་ཡོད་པ་དེ་དག་གཞི་ལ་བཞག་པའི་ཐོག་ནས་རྒྱབ་ལྗོངས་ལོ་རྒྱུས་ཞུས་ན་བསམ་སོང་།

༢༠༡༩ ཟླ་ ༣ ཚེས་༢༢ ཉིན། དེ་ཡང་བཙན་བྱོལ་བོད་མིའི་བཅའ་ཁྲིམས་དོན་ཚན་ ༢༢ པའི་དགོངས་དོན་ལྟར། སྲིད་སྐྱོང་གིས་བཏོན་པའི་འོས་གཞི་རྫོང་ཁ་སྟོབས་རྒྱལ་ཚེ་རིང་བཀའ་བློན་དུ་འདེམས་ཐོན་བྱུང་ཞིང་། དེ་ཡང་ངོ་ཡོད་སྤྱི་འཐུས་གྲངས་ ༤༢ ནས་གསང་བའི་འོས་བསྡུ་གནང་སྟེ། རྒྱབ་སྐྱོར་གནང་མཁན་འོས་གྲངས་ ༢༡ དང་། དགག་བྱ་གནང་མཁན་འོས་གྲངས་ ༡༨ སྟོང་པ་ ༢ དང་རྩིས་མེད་ ༡ བཅས་བྱུང་སྟེ། མཐར་སྤྱི་མོས་ཀྱིས་བཀའ་བློན་དུ་འདེམས་ཐོན་བྱུང་འདུག

སྡུག་བསྔལ་ནི་འཁོར་བའི་ཆོས་ཉིད་རེད། སྡུག་བསྔལ་དེ་དག་ལ་གདོང་ལེན་བྱེད་སྐབས་བསམ་བློ་ཞི་བདེ་བག་ཕེབས་ཡོད་ན་ཕན་ཐོགས་ཧ་ཅང་ཡོད། དེ་འདྲ་ཡོང་བའི་ཐབས་ལམ་གཅིག་ནི་སེམས་བསྐྱེད་ཀྱི་བློ་དེ་རེད། གཞན་དོན་ལ་སེམས་ཁུར་བྱ་རྒྱུ་དང་གཞན་གྱི་བཀའ་དྲིན་དྲན་དགོས་པ་དེ་རེད། གཞན་ཡང་རང་ཉིད་དང་འདྲ་བར་མི་ཚེ་བདེ་སྐྱིད་ལྡན་པ་ཞིག་འདོད་པ་མཚུངས་པ་རེད། དེར་གཞི་བཅོལ་ནས་བྱམས་བརྩེའི་བློ་སྐྱེ་ཐབས་བྱེད་ཀྱི་ཡོད། འདི་ནི་ངོས་ཀྱི་ཉིན་རེའི་བྱེད་སྒོ་ཞིག་ཡིན་ཞེས་༸གོང་ས་མཆོག་གིས་བཀའ་སྩལ་འདུག

༢༠༡༩ལོའི་ཟླ་ ༣ ཚེས་ ༢༣ ཉིན། བཞུགས་སྒར་རྡ་སར་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་འཕྲོད་བསྟེན་ལས་ཁུངས་ནས་འདོན་སྤེལ་གནང་བའི་ཊི་བི(TB)་ནད་གཞི་སྔོན་འགོག་དང་འབྲེལ་བའི་འགུལ་བརྙན་ཞིག་དབུ་འབྱེད་གནང་རྗེས། བཙན་བྱོལ་བོད་མིའི་སློབ་གྲྭ་ཁག་གི་ནང་གློ་ནད་ཊི་བི་རྩ་གཏོར་གཏོང་རྒྱུའི་ལས་འགུལ་ཞིག་འགོ་འཛུགས་གནང་ཡོད། སློབ་གྲྭ་ཁག་གི་ནང་གློ་ནད་མེད་པ་བཟོ་ཐུབ་པ་ཡིན་ན། རང་བཞིན་གྱི་མེད་པ་ཆགས་ཐུབ་ངེས་རེད་བསམ་པའི་དམིགས་ཡུལ་རེད་ཅེས་གསུང་འདུག

༢༠༡༩ལོའི་ཟླ་༣་ཚེས་༢༢ཉིན། བོད་ཀྱི་འགྲེམས་སྟོན་ཁང་གིས་གོ་སྒྲིག་འོག་འཛམ་གླིང་ཆུའི་ཉིན་མོ་སྲུང་བརྩི་བྱས་སོང་བ་དང་། དེའི་དམིགས་ཡུལ་ནི་བོད་ཀྱི་རྒྱུགས་ཆུ་དེ་འཛམ་གླིང་གི་རྒྱལ་ཁབ་མང་པོ་ཞིག་ག་ཚོད་གལ་ཆེན་པོ་ཡིན་པ་ཕྱི་རྒྱལ་དང་རྒྱ་གར་བ་མི་སྣ་སོགས་ལ་གོ་རྟོགས་སྤེལ་བའི་ཆེད་དུ་ཡིན་འདུག

More Articles ...

གསལ་བསྒྲགས་ཀྱི་ས་མིག