23
Wed, Jan
35 New Articles

༢༠༡༨ལོའི ཟླ་ ༡༡ ཚེས་ ༡༩ ཉིན། དཔལ་གསང་ཆེན་སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པ་༸སྐྱབས་རྗེ་ཀཿཐོག་དགེ་རྩེ་རིན་པོ་ཆེ་འགྱུར་མེད་བསྟན་པ་རྒྱལ་མཚན་མཆོག་དགོངས་པ་ཆོས་དབྱིངས་སུ་ཐིམ་པའི་ཡིད་སྐྱོའི་གནས་ཚུལ་བྱུང་འདུག་ཅིང་། བོད་མིའི་སྒྲིག་འཛུགས་ཀྱི་འགོ་ལས་ཡོངས་ནས། ཚེས་ ༢༢ ཉིན་གུང་ཆུ་ཚོད་ ༡༢ ཐོག་དམ་པ་ཁོང་སྐུ་གཤེགས་པར་མྱ་ངན་གུས་འདུད་དང་སྨོན་ལམ་མཆོད་འབུལ་གནང་འདུག

༢༠༡༨ལོའི་ཟླ༡༡་ཚེས་༡༦ཉིན། ༸སྤྱིའི་ནོར་༸གོང་ས་ཆེན་པོ་མཆོག་གི་སྐུ་ཚབ་བཀའ་ཟུར་རྒྱ་རི་རིན་པོ་ཆེ་མཆོག་གི་སྐུ་གདུང་མིན་སྨིན་སྒྲོལ་གླིང་དགོན་དུ་གདན་འདྲེན་ཞུས་ཡོད་པ་དང་། སྐུ་གདུང་ཞུགས་འབུལ་སྐབས་བོད་མིའི་སྒྲིག་འཛུགས་ཀྱི་ངོས་ནས་བདེ་སྲུང་བཀའ་བློན་འཕགས་པ་ཚེ་རིང་མཆོག་དང་སྤྱི་འཐུས་ཚོགས་གཞོན་ཨཱཙཱརྱ་ཡེ་ཤེས་ཕུན་ཚོགས་མཆོག་གཞན་སྤྱི་འཐུས་རྣམ་པ་ཁག་གཅིག།

༢༠༡༨ལོའི་ཟླ་༡༡ཚེས་༩ཉིན། དབུས་བོད་མིའི་སྒྲིག་འཛུགས་ཀྱིས་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་བོད་ཨ་མདོ་རྔ་པའི་ནང་སླར་ཡང་བོད་མི་གཞོན་སྐྱེས་རྡོ་པོ་ལགས་ཀྱིས་རྒྱ་ནག་གཞུང་ལ་བོད་ཐོག་འཛིན་པའི་དྲག་གནོན་ཅན་གྱི་སྲིད་བྱུས་ཁག་ལ་ཞི་བའི་ངོ་རྒོལ་བྱས་ནས་སྐུ་ལུས་མེར་སྲེག་གནང་རྗེས་ཁོང་འདས་གྲོངས་སུ་ཕྱིན་པའི་གནས་ཚུལ་བྱུང་རྗེས་མཆོད་འབུལ་སྨོན་ལམ་གནང་སོང་།

༢༠༡༨ལོའི་ཟླ་༡༠ཚེས་༢༩ཉིན། བོད་མིའི་སྒྲིག་འཛུགས་ཀྱི་བཀའ་ཟུར་རྒྱ་རི་བློ་གྲོས་རྒྱལ་མཚན་མཆོག་འབྲས་སྐྲན་གྱི་སྙུང་གཞིའི་འོག ཨ་རིའི་ཁ་ལི་ཧྥོར་ནེ་ཡ་མངའ་སྡེའི་སན་ཧྥ་རན་སེ་སི་ཁོ་གྲོང་ཁྱེར་ནང་སྐུ་གྲོངས་པའི་ཡིད་སྐྱོའི་གནས་ཚུལ་བྱུང་འདུག

༢༠༡༨ལོའི་ཟླ་༡༡་ཚེས་༩ཉིན། སྤྱིའི་ནོར་ ༸གོང་ས་༸སྐྱབས་མགོན་ཆེན་པོ་མཆོག་བཞུགས་སྒར་རྡ་ས་ནས་རྒྱ་གར་རྒྱལ་ས་ལྡི་ལི་དང་ཉི་ཧོང་དུ་མཛད་འཕྲིན་ཁག་གཅིག་བསྐྱང་ཆེད་ཆིབས་སྒྱུར་བསྐྱང་གནང་མཛད་བ་དང་། ཟླ་འདིའི་༡༤་ནས་༢༢་བར་ཉི་ཧོང་ནང་ཕེབས་འཆར་དང་༸ཁོང་གི་གསུང་ཆོས་རྣམས་དྲ་རྒྱ་བརྒྱུད་ནས་ཐད་གཏོང་བྱ་རྒྱུ་ཡིན་འདུག

༢༠༡༨ལོའི་ཟླ་༡༠ཚེས༣༡ཉིན། རྒྱ་གར་རྒྱལ་ས་ལྡི་ལིར་རྒྱ་གར་སྤྱི་ཚོགས་གཏིང་ཟབ་བདེ་དོན་གྱི་ཚོགས་པ་ཞེས་པས་མཛད་རྗེས་ཅན་གྱི་བུད་མེད་རྣམས་ལ་བྱ་དགའ་གནང་བའི་མཛད་སྒོ་ཞིག་ཚོགས་ཡོད་པ་དང་། དེའི་ཐོག་ལ་བོད་རིགས་བུ་མོ་བསྟན་འཛིན་པདྨ་ལགས་ལ་མཛད་རྗེས་ཅན་གྱི་བུད་མེད་བྱ་དགའ་གནང་ནས་བོད་རིགས་བཙན་བྱོལ་བ་ཞིག་གིས་རྒྱ་གར་སྤོབས་པ་ལྡན་པ་ཞིག་བཟོས་ཡོད་པ་སོགས་ལ་བསྔགས་བརྗོད་དང་གདེང་འཇོག་ཆེན་པོ་བྱས་འདུག

རྒྱ་རིགས་ཀྱི་ལོ་རྒྱུས་མཁས་པ་སྐུ་ཞབས་ཏིང་ཡེ་ཧྥོ་ལགས་ཀྱིས་དབུ་མའི་ལམ་གྱི་སྲིད་བྱུས་ནི་རྒྱལ་སྤྱིའི་འགྱུར་འགྲོས་དང་བསྡུར་ནས་བལྟས་ཚེ་ཧ་ཅང་གནད་འགག་རང་བཞིན་གྱི་སྲིད་བྱུས་ཤིག་དང་། རྒྱལ་སྤྱིའི་ངོས་ནས་རྒྱབ་སྐྱོར་གནང་འོས་པའི་དོན་སྙིང་ལྡན་པའི་སྲིད་བྱུས་ཤིག་ཆགས་ཡོད་སྟབས། བོད་མི་ཚོས་མུ་མཐུད་ནས་དབུ་མའི་ལམ་གྱི་ཐོག་ནས་འཐབ་རྩོད་གནང་རྒྱུ་དེ་གལ་ཆེན་ཡིན་པའི་སྐོར་གསུང་འདུག

More Articles ...

གསལ་བསྒྲགས་ཀྱི་ས་མིག