24
Sun, Mar
37 New Articles

༢༠༡༩ལོའི་ཟླ་༣ ཚེས་༨ ཀྱིས་ཉིན། བོད་མིའི་སྒྲིག་འཛུགས་ཀྱི་ཕྱི་དྲིལ་འགྲེམས་སྟོན་ཚན་པའི་གོ་སྒྲིག་འོག་རྡ་ས་ཐེག་ཆེན་ཆོས་གླིང་གཙུག་ལག་ཁང་གི་ཉེ་འགྲམ་དུ་ཡོད་པའི་བོད་ཀྱི་འགྲེམས་སྟོན་ཁང་དུ་བོད་མིའི་ངོ་རྒོལ་གྱི་ལོ་ངོ་༦༠ ཐམ་པ་བཞེས་པའི་པར་རིས་འགྲེམས་སྟོན་གྱི་དབུ་འབྱེད་མཛད་སྒོ་ཞིག་ཚོགས་སོང་།

༢༠༡༩ལོའི་ཟླ་༣་ཚེས་༨ཉིན། བཞུགས་སྒར་རྡ་ས་མེག་ལོར་སྤྱི་ཐང་དུ་བོད་ཀྱི་བུད་མེད་ལྷན་ཚོགས་ཀྱིས་གསུམ་བརྒྱད་རྒྱལ་སྤྱིའི་བུད་མེད་ཉིན་མོ་སྲུང་བརྩི་ཞུས་ནས་བོད་ཕྱི་ནང་གཉིས་ཀྱི་བུད་མེད་ཤེས་ཡོན་དང་ཆབ་སྲིད། ཆོས་ལུགས། སྤྱི་ཚོགས་ཞབས་ཞུ་བ། སྒྱུ་རྩལ་དང་རྩོམ་རིག་བཅས་ཀྱི་ཐོག་འབུར་དུ་ཐོན་པའི་བུད་མེད་བཅོ་ལྔའི་ལོ་རྒྱུས་དང་བྱས་རྗེས་འགྲེམས་སྤེལ་གནང་སོང་།

༢༠༡༩ལོའི་ཟླ་༣་ཚེས་༤ཉིན། བཞུགས་སྒར་རྡ་ས་༸རྒྱལ་བའི་ཕོ་བྲང་དུ་༸གོང་ས་སྐྱབས་མགོན་ཆེན་པོ་མཆོག་གིས་ཐེ་ལན་ནས་ཕེབས་པའི་གནད་ཡོད་མི་སྣ་ལྔ་བཅུ་ཙམ་ལ་མཇལ་ཁ་གནང་སྟེ། ནང་པ་ཚོས་མཐུན་སྒྲིལ་བྱས་ནས་ལཛམ་གླིང་ཞི་བདེ་གོང་འཕེལ་གཏོང་དགོས་ཞེས་གསུངས་འདུག

༢༠༡༩ལོའི་ཟླ་༣་ཚེས་༡ཉིན། བཞུགས་སྒར་རྡ་ས་སྨན་རྩིས་ཁང་གི་ཚོགས་ཁང་དུ་སྨན་རྩིས་ཁང་གི་མཐོ་སློབ་གསར་རྒྱག་ལ་རྒྱ་གར་གཞུང་གིས་མ་དངུལ་འབུམ་དགུ བརྒྱ་་གནང་ཡོད་པ་དང་། སྨན་རྩིས་ཁང་གི་སྨན་པ་ཞིང་གཤེགས་དམ་པ་ལྷ་རྗེ་བསྟན་འཛིན་བྱང་ཆུབ་ལགས་ཀྱིས་ནུབ་ཕྱོགས་སུ་ཁྲིམས་མཐུན་གྱི་སྨན་ཁང་ཞིག་བརྒྱབས་ཡོད་པ་དེ་སྨན་རྩིས་ཁང་ལ་ཕུལ་བའི་སྐོར། དེ་བཞིན་སྔ་ལོའི་ཨ་རིའི་ཚན་རིག་དང་འཁོར་ཡུག་གི་དུས་དེབ་ཐོག་བོད་སྨན་ནང་དངུལ་ཆུ་བེད་སྤྱོད་གནང་བ་དེས་བོད་ཀྱི་འཁོར་ཡུག་ལ་ཉེན་ཚབས་ཡོད་པའི་གྲུབ་དོན་ཞེས་འདོན་སྤེལ་གནང་བ་དེར་བསྐྱར་ཞིབ་བྱས་ཡོད་པའི་གསར་འགོད་གསལ་བསྒྲགས་གནང་སོང་།

༢༠༡༩ལོའི་ཟླ་༣ཚེས་༨ ཉིན།  རྡ་ས་ཐེག་ཆེན་གཙུག་ལག་ཁང་དུ་བོད་མིའི་སྒྲིག་འཛུགས་ཀྱི་ཆོས་རིག་ལས་ཁུངས་ནས་གོ་སྒྲིག་འོག་བོད་ནང་རྒྱ་དམར་འོག་གདུག་རྩུབ་མྱངས་དང་མྱོང་བཞིན་པའི་བོད་རིགས་སྤུན་ཟླ་ཚོར་གདུང་སེམས་མཉམ་བསྐྱེད་ཆེད་དུ་མཆོད་འབུལ་སྨོན་ལམ་ཞིག་འཚོགས་སོང་།

ཕྱི་ལོ་༢༠༡༩ཟླ་༢ཚེས་༢༨ཉིན། ༸སྤྱི་ནོར་༸གོང་ས་༸རྒྱལ་བ་རིན་པོ་ཆེ་མཆོག་གིས་རྡ་ས་བཞུགས་སྒར་ནས་སོག་པོའི་ཆོས་ཞུ་བ་རྣམས་ལ་གསུང་ཆོས་དབུགས་འཛུགས་གནང་འདུག་ཅིང་། སྐབས་དེར། ༸མགོན་པོ་གང་ཉིད་ཀྱིས་སྤྱིར་ལོ་རྒྱུས་ཀྱི་ཐོག་ནས་བོད་དང་སོག་པའི་བར་གྱི་འབྲེལ་བ་དང་། སྒོས་སུ་༸རྒྱལ་བ་སྐུ་ཕྲེང་དང་སོག་པའི་བར་གྱི་ཐུན་མོང་མ་ཡིན་པའི་འབྲེལ་བའི་སྐོར། ད་དུང་སོག་པོར་བསྟན་པ་དར་ཚུལ་སོགས་ཀྱི་སྐོར་ནས་བཀའ་སློབ་ཟབ་མོ་གནང་འདུག

༢༠༡༩ལོའི་ཟླ༢་ཚེས་༢༨་ཉིན། བཞུགས་སྒར་རྡ་ས་གངས་སྐྱིད་བོད་ཀྱི་དཔེ་མཛོད་ཚོགས་ཁང་དུ་སྨོན་ལམ་ཚིག་མཛོད་ཆེན་མོའི་ཆོས་ལུགས་དང་འབྲེལ་བའི་ཐ་སྙད་རྩོམ་སྒྲིག་བྱེད་ཕྱོགས་ཐད་ཀྱི་ཆོས་བརྒྱུད་གྲུབ་མཐའ་ཁག་གི་རྩོམ་སྒྲིག་མི་སྣའི་ཚོགས་འདུ་ཐེངས་བདུན་པ་དེ་ཚོགས་སོང་།

More Articles ...

གསལ་བསྒྲགས་ཀྱི་ས་མིག