20
Wed, Feb
18 New Articles

༢༠༡༩ལོའི་ཟླ་༢ པའི་ཚེས་ ༡༩ སྟེ་ལོ་སར་ཚེས་བཅོ་ལྔ། ཆོ་འཕྲུལ་སྨོན་ལམ་ཆེན་པོའི་སྐབས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་སྐྱེས་རབས་དང་རྟེན་འབྲེལ་བསྟོད་པ། བློ་སྦྱོང་ཚིགས་བརྒྱད་མ་བཅས་ཀྱི་གསུང་ཆོས་བཀའ་དྲིན་སྩལ་ཡོད་པ་དང་། དེ་ཡང་ཆོས་ཞུ་བ་བླ་མ་དང་དགེ་འདུན་པ་དེ་བཞིན་འཛམ་གླིང་རྒྱལ་ཁབ་མི་འདྲ་བ་མང་པོ་ནས་ཕེབས་པའི་ཆོས་ཞུ་བ་ཁྲི་ཕྲག་ཁ་ཤས་འཛོམས་ཡོད་འདུག

༢༠༡༩ལོའི་ཟླ་༢ ཚེས་ ༡༨ ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་༸རྒྱལ་བའི་ཕོ་བྲང་དུ་ལས་རིགས་འདྲ་མིན་ནས་ཡིན་པའི་བུད་མེད་ན་གཞོན་རུ་ཁག་( Young FICCI Ladies Organisation) གི་བུད་མེད་གྲངས་ ༧༥ མཇལ་འཕྲད་གནང་ཡོད་པ་དང་། སྐབས་དེར་ཁོང་གིས་ད་ཆ་དུས་རབས་ ༢༡ འདིའི་ནང་ང་ཚོས་བྱམས་བརྩེའི་ཉམས་ལེན་གོང་འཕེལ་གཏོང་ཕྱོགས་ཐད་དམིགས་བསལ་འབད་བརྩོན་བྱེད་དགོས། ལྷག་པར་ཤེས་ཡོན་གྱི་ལམ་ནས་བྱམས་བརྩེ་གོང་འཕེལ་གཏོང་ཕྱོགས་ཐད་བུད་མེད་ཚོས་འགན་ཆེ་ཙམ་འཁྱེར་དགོས། བུད་མེད་ཚོས་འགན་མང་ཙམ་འཁྱེར་དགོས་པ་ལས་ནང་ལ་འཛུལ་ནས་ཕྲུ་གུར་བལྟ་སྐྱོང་བྱས་ནས་སྡོད་རྒྱུ་མེད་ཅེས་བཀའ་སྩལ་འདུག

༸གོང་ས་མཆོག་གིས་ཕྱི་རྒྱལ་དགེ་སློབ་ཁག་ཅིག་ལ་བཀའ་སློབ་སྩལ་དོན། དུས་རྟག་ཏུ་ཞེ་སྡང་དང་། ང་རྒྱལ། དེ་བཞིན་འཇིགས་སྣང་འོག་གནས་པ་ཡིན་ན་ལུས་པོའི་ནང་ནད་སྔོན་འགོག་བྱེད་མཁན་ལུས་ཟུངས་མ་ལག་ immune systems ཉམས་རྒུད་དུ་ཕྱིན་ནས་ལུས་པོ་རང་བཞིན་གྱིས་ཉམས་རྒུད་འགྲོ་བ་དང་། ནད་ན་ཚ་ཕོག་སླ་པོ་ཆགས་ཀྱི་ཡོད་པ་ཤོད་ཀྱི་འདུག དེར་བརྟེན་ང་ཚོས་གཟུགས་པོའི་འཕྲོད་བསྟེན་ལ་བདག་གཅེས་བྱེད་ཀྱི་ཡོད་པ་ལྟར་ནང་སེམས་ཀྱི་འཕྲོད་བསྟེན་ལའང་བདག་གཅེས་བྱེད་དགོས་ཞེས་གསུངས།

༢༠༡༩ལོའི་ཟླ་༡ཚེས་༢༢ཉིན། བོད་ཀྱི་སྲིད་བྱུས་ཉམས་ཞིབ་ཁང་གིས་གོ་སྒྲིག་འོག་རྒྱ་གར་གཞོན་སྐྱེས་བོད་དོན་ཉམས་ཞིབ་པའི་ལྷན་ཚོགས་ཐེངས་དང་པོ་དེ་ས་རྭ་མཐོ་སློབ་དུ་དབུ་འཛུགས་གནང་སོང་བ་དང་། ལྷན་ཚོགས་ཀྱི་དགོས་དམིགས་གཙོ་བོ་ནི་རྒྱ་གར་གྱི་གཞོན་སྐྱེས་ཁྲོད་དུ་བོད་ཀྱི་གནད་དོན་ངོ་མ་གསལ་བཤད་གནང་རྒྱུ་དང་། བོད་པ་དང་རྒྱ་གར་བ་ཉམས་ཞིབ་པའི་བར་དགོངས་ཚུལ་བརྗེ་རེས་ཐུབ་རྒྱུ། དེ་བཞིན་རྒྱ་གཞུང་ནས་ཆབ་སྲིད་ཀྱི་དགོས་དམིགས་ཐོག་ནས་བོད་ཀྱི་གནད་དོན་ལ་འཁྱོག་བཤད་བྱེད་བཞིན་པའི་དུས་སྐབས་འདིར། བོད་པའི་ངོས་ནས་རྒྱ་གར་གྱི་ན་གཞོན་ཉམས་ཞིབ་པ་བརྒྱུད་ནས་རྒྱལ་སྤྱིའི་ཐོག་བོད་ནང་གི་དངོས་ཡོད་གནས་སྟངས་ཁྱབ་སྤེལ་རྒྱ་གང་ཆེ་གནང་རྒྱུ་ཡིན་པ་རེད།

༢༠༡༩ལོའི་ཟླ་༢ཚེས་༡༡ཉིན། བཞུགས་སྒར་རྡ་སའི་རྒྱལ་བའི་ཕོ་བྲང་དུ་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་རྩོམ་པ་པོ་གྲགས་ཅན་ཌེ་པྭ་ཆོ་པྭ་ར(Deepak Chopra) ལགས་ཀྱིས་སྣེ་ཁྲིད་པའི་མི་སྣ་ཁག་ཅིག་དང་མཇལ་འཕྲད་གནང་ཡོད་པ་དང་།

༢༠༡༩ལོའི་ཟླ༡ཚེས་༢༥ཉིན། ལྡི་ལི་བསམ་ཡུལ་གླིང་དུ་ཡོད་པའི་བོད་ཀྱི་བསྟན་བླངས་ཆུ་བཞི་སྒང་དྲུག་དབུས་སྤྱི་ཁྱབ་རྒྱུན་ལས་ཁང་གི་ཤེས་ཡོན་སྡེ་ཚན་གྱིས་གོ་སྒྲིག་འོག་མདོ་ཁམས་ཆུ་བཞི་སྒང་དྲུག་དང་འབྲེལ་བའི་ལོ་ངོ་༦༠་རིང་གི་བྱུང་རབས་གླེང་བ་ཞེས་པའི་བརྗོད་གཞི་ཐོག་མཁས་དབང་གདན་འདྲེན་ཞུ་ནས་མཐོ་རིམ་སློབ་མ་གཙོ་པའི་མི་མང་ལ་གསུང་བཤད་དང་བགྲོ་གླེང་གནང་སོང་།

༢༠༡༩ལོའི་ཟླ་༡ཚེས་༡༨ཉིན་སྤེལ། ཨ་རི་ནིའུ་ཡོག་གྲོང་འཁྱེར་དུ་གནས་སྡོད་བྱེད་པའི་མི་ཉག་ཕ་བསྟན་འཛིན་དབང་རྒྱལ་ལགས་ཉེ་ཆར་དཔལ་ལྡན་སྲིད་སྐྱོང་མཆོག་ཨ་རིར་ཕྱོགས་ཕེབས་མཇལ་བཅར་སྐབས། ཁོང་ནས་༸གོང་ས་མཆོག་གིས་རྒྱུན་དུ་རྒས་གཅོང་ཉམ་ཐག་རིགས་ལ་རོགས་ཕན་བྱེད་དགོས་ཞེས་བཀའ་སློབ་ཕེབས་དགོངས་བཞིན། དབུས་བོད་མིའི་སྒྲིག་འཛུགས་ཀྱི་འཕྲོད་བསྟེན་ཁྱབ་ཁོངས་བོད་རིགས་ཉམ་ཐག་རྒས་གཅོང་རིགས་ལ་སྨན་བཅོས་མཐུན་འགྱུར་ཆེད་ཨ་རི་སྐུ་ཚབ་དོན་ཁང་བརྒྱུད་ཨ་སྒོར་ ༩༠,༠༠༠།༠༠ ༼དགུ་ཁྲི་ཐམ་པ་༽ ཞལ་འདེབས་འབུལ་རྒྱུ་གནང་བ་ལྟར་ད་ཆ་དངུལ་འབོར་ཆ་ཚང་གནང་འབྱོར་བྱུང་ཡོད་འདུག

More Articles ...

གསལ་བསྒྲགས་ཀྱི་ས་མིག