20
Tue, Aug

བོད་ཀྱི་སྐད་ཡིག་གི་ཐོབ་ཐང་རྩོད་ལེན་པ་བཀྲ་ཤིས་དབང་ཕྱུག་ལགས་ཀྱི་ཁྲིམས་རྩོད་པས་དྲ་ལམ་བརྒྱུད་གནས་ཚུལ་སྤེལ་བ་ལྟར་ན། ཉེ་སྔོན་བཀྲ་ཤིས་དབང་ཕྱུག་ལགས་ཀྱིས་ཁོང་ལ་མི་ལོ་ལྔའི་དུས་བཀག་ཁྲིམས་ཐག་བཅད་པར་ངོས་ལེན་མེད་པའི་ཐོག་ནས་གོང་གཏུགས་བྱས་ཡོད་པ་དེར་མཚོ་སྔོན་ཞིང་ཆེན་མཐོ་རིམ་མི་དམངས་ཁྲིམས་ཁང་གིས་ཟླ་འདིའི་ཚེས་༡༣ཉིན་ཁས་ལེན་བྱེད་མེད་པ་གསལ་འདུག

༢༠༡༨ལོའི་ཟླ་༨ཚེས་༡༦ཉིན། བོད་ནས་གནས་ཚུལ་འབྱོར་བ་ལྟར་ན། རྒྱལ་ཁབ་ཁ་བྲལ་ལ་ངན་སྐུལ་བྱས་པའི་བསྙོན་འཛུགས་འོག་ཏུ་དུས་བཙོན་ཉེས་ཆད་བཅད་པའི་བོད་ཀྱི་ཆབ་སྲིད་བཙོན་པ་ནམ་མཁའ་བྱམས་གློད་གྲོལ་བཏང་ཡང་། རྒྱ་གཞུང་གིས་སྤྱི་ཚོགས་བརྒྱུད་ལམ་ཁག་ལ་སྟངས་འཛིན་ཤུགས་ཆེར་བཏང་བའི་རྐྱེན་གྱིས་ཞིབ་ཕྲའི་གནས་ཚུལ་ཤེས་རྟོགས་ཐུབ་མེད།

 ༢༠༡༨ལོའི་ཟླ༨ཚེས་༣ཉིན། བོད་ནགས་ཤོད་འབྲི་རུ་རྫོང་ནས་ཡིན་པའི་གླུ་བ་གྲགས་ཅན་མགོན་པོ་བསྟན་འཛིན་ལགས་བཙོན་འཇུག་དུས་བཀག་ལོ་གསུམ་དང་ཕྱེད་ཀ་རྫོགས་ནས་ཟླ་འདིའི་ཚེས་༡ཉིན་གློད་བཀྲོལ་བཏང་ཡོད་པའི་གནས་ཚུལ་ཐོན་ཡོད་པ་དང་རྒྱ་ནག་ཉེན་རྟོག་པས་ཁོང་ལ་ཕེབས་བསུ་ཡོང་མཁན་མི་མང་རྣམས་བཀག་འགོད་བྱེད་ཡོད་པ་རེད་འདུག

འདི་ག་རྒྱལ་སྤྱིའི་བོད་ཀྱི་ཆ་འཕྲིན་གསར་ཁང་དུ་འབྱོར་བའི་གནས་ཚུལ་ལྟར་ན། ཀིརྟིའི་གདན་ས་གོང་འོག་གི་ཕར་ཕྱིན་དབྱར་ཆོས་ཆེན་མོ་ཐེངས་དྲུག་པ་དེ་བཞིན་ཕྱི་ལོ་༢༠༡༨ཟླ་༦ཚེས་༢༩ཉིན་རྔ་པ་ཀིརྟི་དགོན་དུ་འགོ་འཛུགས་ཀྱིས་ཟླ་འདིའི་ཚེས་༢༠ཡོངས་སུ་གྲུབ་ཡོད་འདུག

༢༠༡༨ལོའི་ཟླ༨ཚེས་༧ཉིན་སྤེལ། ནག་ཆུའི་ཚོང་པ་བསྟན་འཛིན་ཆོས་འཕེལ་ལགས་འདི་ལོ་ཟླ༣པའི་ནང་རྒྱ་ནག་ཁྲིའུ་ཏུའོ་ནས་ལྷ་སར་ལོག་པའི་ལམ་བར་དུ་ལྷོ་ཁ་༼གོང་དཀར་གནམ་ཐང་༽ནས་རྒྱ་གཞུང་གིས་གློ་བུར་དུ་འཇུ་བཟུང་བྱས་ཡོད་པ་དང་དེའི་རྗེས་ནང་མི་དང་གཉེན་འབྲེལ་རྣམས་ཀྱིས་བཙོན་ཁང་གང་དུ་བཅུག་ཡོད་མེད་སོགས་ཤེས་རྟོགས་བྱུང་མི་འདུག

བོད་ཀྱི་རྒྱལ་ས་ལྷ་སའི་ཉེ་འཁོར་སྟོད་ལུང་བདེ་ཆེན་དུ་ཉེ་ཆར་"ནག་ཚོགས་གཙང་སེལ་དང་ཁྲིམས་འགལ་ལ་རྡུང་རྡེག ཟང་ཟིང་བཅོས་སྒྲིག་ཟེར་བའི་ལས་དོན་སྤེལ་ཡོད་པ་དང༌། "ཆོས་ལུགས་བེད་སྤྱོད་"ནས་རྒྱ་གཞུང་གི་ཁ་གཏད་དུ་ལངས་པའི་"ནག་ཚོགས་སྟོབས་ཤུགས་"སོགས་ཁ་འཁྱེར་ནས་ཡུལ་མི་རྣམས་བཀའ་རྒྱ་དྲག་པོའི་འོག་གནས་ཡོད་པའི་གནས་ཚུལ་ཐོན་འདུག

༢༠༡༨ལོའི་ཟླ་༧ནས་བོད་མདོ་སྨད་མཚོ་སྔོན་མཚོ་ཤར་ཁུལ་བ་ཡན་ནམ་དཔའ་ལུང་དུ་བོད་མི་ཚོའི་མངོན་འདོད་གཏན་ནས་མ་བསྟུན་པར་རྒྱུག་ཆུ་ཁ་བསྒྱུར་གྱི་ལས་གཞི་ཞིག་རྒྱ་གཞུང་གིས་བཙན་གྱིས་སྤེལ་བཞིན་པ་ཡོད་པའི་གནས་ཚུལ་ཐོན་ཡོད་འདུག

More Articles ...

གསལ་བསྒྲགས་ཀྱི་ས་མིག