20
Sat, Jul

༢༠༡༨ལོའི་ཟླ་༡༢་ཚེས་༢༤ཉིན་སྤེལ། ཉེ་ཆར་བོད་ནས་གནས་ཚུལ་འབྱོར་བ་ལྟར་ན། བོད་མདོ་སྨད་མགོ་ལོག་ནང་གི་གོང་མ་ཡུལ་ཚོའི་སྟོང་དཔོན་བསོད་རྡོར་ལགས་གྱོད་གཞི་ཞིག་གིས་ཆེད་དུ་འགྲིག་འཇགས་བྱས་དུ་སོང་ཡང་ཕ་རོལ་བས་གྲོས་འཆམ་བྱུང་བའི་ཚབ་དུ་ཁོང་ལ་གྲི་ལན་དྲུག་རྒྱབ་ཡོད་རུང་ཕྱིར་ལན་སློག་མི་འདུག གཞན་ཡང་རྒྱ་མི་ཁ་ལོ་བ་ཞིག་གིས་བོད་པའི་བུ་མོ་གླ་འཁོར་བརྡབ་ནས་བསད་ཡོད་རུང་ནང་མིས་སྒོར་གཅིག་ཀྱང་ལེན་མེད་པ་རེད།

༢༠༡༨ལོའི་ཟླ་༡༢ཚེས་༡༤ཉིན་བོད་ནས་གནས་ཚུལ་འབྱོར་གསལ་ལྟར་ན། ཨ་མདོ་རྔ་པ་ཀིརྟིའི་དགོན་གྱི་གྲྭ་གཞོན་སངས་རྒྱས་རྒྱ་མཚོ་ལགས་ཀྱིས་ཟླ་༡༢་ཚེས་༡༠ཉིན་རྔ་པའི་རྫོང་མཁར་གྱི་གཞུང་ལམ་དུ། བོད་ལ་རང་དབང་དགོས་པའི་སྐད་འབོད་གནང་བཞིན་གོམ་བགྲོད་བྱས་པར། དེ་མ་ཐག་རྒྱ་གཞུང་གི་ཉེན་རྟོག་མི་སྣ་སོགས་ཀྱིས་མི་མང་གི་མཐོང་སར་གཅར་རྡུང་གཏོང་བཞིན་བཙན་ཁྲིད་བྱས་ཡོད་ཀྱང་། ད་བར་གང་དུ་བཀག་ཉར་བྱས་ཡོད་མེད་སོགས་གནས་སྟངས་ཅི་ཡིན་གསལ་བོར་ཤེས་རྟོགས་ཐུབ་མེད།

༢༠༡༨ལོའི་ཟླ༡༢ཚེས་༨ཉིན། བོད་མདོ་སྨད་རྔ་པ་ནས་ཡིན་པའི་གཞོན་སྐྱེས་འབྲུག་ཁོ་ཞེས་པ་ཞིག་གིས་རྒྱ་གཞུང་གི་དྲག་གནོད་སྲིད་ཇུ་ལ་ངོ་རྒོལ་ཆེད་སྐུ་ལུས་མེར་བསྲེག་གནང་ཡོད་འདུག ད་ཆར་ཁོང་གིས་གནས་སྟངས་དང་ཤི་གསོན་སོགས་གང་ཡང་ཤེས་རྟོགས་བྱུང་མི་འདུག

༢༠༡༨ལོའི་ཟླ་༡༡་ཚེས་༡༡ཉིན། ཀན་ལྷོ་བོད་རིགས་རང་སྐྱོང་ཁུལ་ཅོ་ནེ་རྫོང་བསེ་ཚང་ཡུལ་ཚོའི་ནང་དུ་རྒྱ་ནག་གཞུང་གི་མགོ་ཁྲིད་མང་པོ་ཡོང་སྟེ་ཡུལ་ཚོ་དེའི་ནང་ཡོད་པའི་རྒྱུག་ཆུ་ཁ་བསྒྱུར་རྒྱུའི་གྱིས་གནས་ཚུལ་ཐོན་ཡོད་པ་དང་ཡུལ་མི་ཚོས་ཞི་བའི་ངོ་རྒོལ་བྱེད་བཞིན་པ་རེད་འདུག

བོད་ནང་ནས་མིང་བཤད་འདོད་མེད་པ་ཞིག་གིས་གནས་ཚུལ་མཁོ་སྤྲོད་བྱས་པ་ལྟར་ན། བོད་མདོ་སྨད་རྔ་བ་ནས་རང་ལོ་༡༦ཙམ་་ཡིན་པའི་མིང་ལ་དགེ་འདུན་རྒྱ་མཚོ་དང་ཆོས་ཀྱི་རྒྱ་མཚོ་ཞུ་བ་མི་གཉིས་ཀྱིས་བོད་བསྟན་པ་ཆབ་སྲིད་ཀྱི་ཆེད་དུ་འདི་ཟླའི་ཚེས་༩ཉིན་བོད་ལ་རང་དབང་དགོས་ཞེས་སྐད་འབོད་ཁྲོད་རང་ལུས་མེ་བསྲེག་བཏང་འདུག ཅེས་རྒྱ་གར་ལྷོ་ཕྱོགས་སྨིན་གྲོལ་གླིང་དུ་བཞུགས་པའི་ཆོས་འགྲུབ་རིན་པོ་ལགས་ནས་འདི་ག་གསར་ཁང་ལ་འགྲེལ་བརྗོད་གནང་སོང༌།

རྒྱ་གཞུང་གིས་ནག་སེལ་གཤེད་བཅོམ་ཞེས་པའི་མིང་ཐོག་ནས་བོད་མི་ཞི་བའི་ངོ་རྒོལ་བྱེད་མཁན་རྣམས་ཐེར་འདོན་བྱས་ན་བྱ་དགའ་སྤྲད་རྒྱུ་ཡིན་པའི་ཁྱབ་བསྒྲགས་བྱས་ཡོད་པར་མ་ཟད། ལྷ་ས་རུ་ས་གནས་མི་འདྲ་བ་ཁག་༣༠་ལ་ཐེར་འདོན་སྒམ་བཙུགས་ཡོད་པ་རེད་འདུག

འདི་ག་གསར་ཁང་དུ་གནས་ཚུལ་འབྱོར་གསལ་གཞིགས་ན། བོད་ཨ་མདོ་རྔ་པའི་ནང་སླར་ཡང་བོད་མི་གཞོན་སྐྱེས་ཤིག་གིས་རྒྱ་ནག་གཞུང་གིས་བོད་ཐོག་འཛིན་པའི་དྲག་གནོན་ཅན་གྱི་སྲིད་བྱུས་ཁག་ལ་ཞི་བའི་ངོ་རྒོལ་གྱིས་སྐུ་ལུས་མེར་སྲེག་གནང་རྗེས་ཁོང་འདས་གྲོངས་སུ་ཕྱིན་ཡོད་འདུག

More Articles ...

གསལ་བསྒྲགས་ཀྱི་ས་མིག