23
Wed, Jan
33 New Articles

གལ་ཆེན་གསར་འགྱུར་གཞན།

Grid List

ཉེ་དུས་བོད་མོད་སྨད་མགོ་ལོག་གཅིག་སྒྲིལ་རྫོང་ལྕམ་མདའ་དགོན་པའི་ཁྲི་པ་ཟུར་པ་བསམ་གཏན་འོད་ཟེར་ལགས་ཀྱིས་རྒྱ་ནག་གཞུང་དང་ལྷན་དུ་བོད་རྒྱ་ཞི་མོལ་ཆེད་དབུས་བོད་མིའི་སྒྲིག་འཛུགས་ཀྱི་སྐུ་ཚབ་མངགས་གཏོང་ཡོང་བ་དང་བོད་མི་མང་སྤྱི་འཐུས་ལྷན་ཚོགས་སུ་ཇོ་ནང་ཆོས་བརྒྱུད་ཀྱི་སྤྱི་འཐུས་འདེམས་བསྐོ་ཡོང་བར་རྒྱབ་སྐྱོར་གནང་རོགས་ཞེས་འབོད་སྐུལ་ཞུས་འདུག

༢༠༡༨ལོ་ཟླ་༡༢ཚེས་༢༨ཉིན། ཀུན་གཟིགས་༸པན་ཆེན་སྐུ་ཕྲེང་བཅུ་པ་མཆོག་དགོངས་པ་ཆོས་དབྱིངས་སུ་འཐིམས་ནས་ལོ་ངོ་༣༠འཁོར་བའི་རྗེས་དྲན་ཉིན་མོར་བོད་གཞིས་བྱེས་གཉིས་ཀྱི་བོད་མི་རྣམས་ཀྱིས་རང་གི་སྐད་འཕྲིན་དང་ཚོགས་པ། དེ་བཞིན་ངོ་དེབ་བཅས་སུ་༸པན་ཆེན་སྐུ་ཕྲེང་བཅུ་པ་མཆོག་གི་གསུང་འཕྲིན་འགྲེམས་སྤེལ་དང་རྗེས་དྲན་སྙན་ཚིག་བྲིས་ནས་སྤེལ་བ་སོགས་ཀྱིས་རྗེས་དྲན་ཉིན་མོ་སྲུང་བརྩི་ཞུ་བཞིན་འདུག

༢༠༡༨ལོའི་ཟླ་༡༢ཚེས་༢༤ཉིན། བོད་དབུས་ཁུལ་གཞིས་རྩེའི་བཞད་མཐོང་སྨོན་གྲོང་འཁྱེར་ལ་ཚད་རིམ་༥.༨་ཅན་གྱི་ས་ཡོམ་བརྒྱབ་ཡོད་རུང་། སྟབས་ལེགས་པ་ཞིག་ལ་མིའི་སྲོག་ཤོར་བའི་གནས་ཚུལ་ཐོན་མི་འདུག འོན་ཀྱང་། མི་༢༡༠༠ཞིག་གནས་སྤོ་བྱེད་དགོས་བྱུང་པའི་གནས་ཚུལ་བརྒྱུད་ལམ་ཁག་ནས་སྤེལ་བཞིན་འདུག

༢༠༡༩ལོའི་ཟླ་༡ཚེས་༡༨ཉིན་སྤེལ། ཨ་རི་ནིའུ་ཡོག་གྲོང་འཁྱེར་དུ་གནས་སྡོད་བྱེད་པའི་མི་ཉག་ཕ་བསྟན་འཛིན་དབང་རྒྱལ་ལགས་ཉེ་ཆར་དཔལ་ལྡན་སྲིད་སྐྱོང་མཆོག་ཨ་རིར་ཕྱོགས་ཕེབས་མཇལ་བཅར་སྐབས། ཁོང་ནས་༸གོང་ས་མཆོག་གིས་རྒྱུན་དུ་རྒས་གཅོང་ཉམ་ཐག་རིགས་ལ་རོགས་ཕན་བྱེད་དགོས་ཞེས་བཀའ་སློབ་ཕེབས་དགོངས་བཞིན། དབུས་བོད་མིའི་སྒྲིག་འཛུགས་ཀྱི་འཕྲོད་བསྟེན་ཁྱབ་ཁོངས་བོད་རིགས་ཉམ་ཐག་རྒས་གཅོང་རིགས་ལ་སྨན་བཅོས་མཐུན་འགྱུར་ཆེད་ཨ་རི་སྐུ་ཚབ་དོན་ཁང་བརྒྱུད་ཨ་སྒོར་ ༩༠,༠༠༠།༠༠ ༼དགུ་ཁྲི་ཐམ་པ་༽ ཞལ་འདེབས་འབུལ་རྒྱུ་གནང་བ་ལྟར་ད་ཆ་དངུལ་འབོར་ཆ་ཚང་གནང་འབྱོར་བྱུང་ཡོད་འདུག

༢༠༡༩ལོའི་ཟླ་༡ཚེས་༡༦ཉིན། ལུ་ཛམ་བྷོ་(Luxembourg)རྒྱལ་ཁབ་ནི་འཛམ་གླིང་ནང་མི་མང་ལ་འགྲུལ་སྐྱོད་རིན་མེད་སྤྲོད་མཁན་གྱི་རྒྱལ་ཁབ་ཐོག་མ་དེ་ཆགས་ཡོད་འདུག སླར་ཡང་གསར་ཏུ་འོས་འདེམས་བྱས་པའི་སྲིད་བློན་ས་ཝིེར་བྷེ་ཁྲིལ(Xavier Bettle)་དང་ཟླ་སྒྲིལ་གྱི་སྲིད་གཞུང་གིས་གསལ་བསྒྲགས་བྱས་པའི་ནང་དུ། ཁོང་ཚོས་ལོ་འདིའི་དབྱར་ཁ་ནས་སྣུམ་འཁོར་སོགས་འགྲུལ་སྐྱོད་བྱེད་པའི་སྐབས་སྤྲོད་པའི་གླ་ཆར་རོགས་རམ་བྱ་རྒྱུ་ཡིན་པ་དང་། དེའི་དམིགས་ཡུལ་ནི་རྒྱལ་ཁབ་དེའི་བཟོས་པའི་སྦགས་བཙོག་ཁ་སྒྱུར་གཏོང་བ་དང་། འཛམ་གླིང་ནང་མིག་དཔེ་གསར་བ་ཞིག་བསྟན་ནས་གུ་དོག་གི་འགྲིམ་འགྲུལ་ཉུང་དུ་གཏོང་བའི་རེ་བ་ཡིན་པར་བརྗོད་འདུག

རྒྱ་ནག་གིས་ཕྱོགས་ཞེན་གྱི་གནས་ཚུལ་དང་གནས་ཚུལ་རྫུན་མ་བཤད་བསྡད་ཀྱི་ཡོད་རེད། བོད་ཀྱི་དངོས་ཡོད་གནས་ཚུལ་དེ་རྒྱལ་སྤྱིའི་སྡིངས་ཆའི་ཐོག་ཏུ་བཞག་ཐུབ་པ་བྱེད་རྒྱུ་གལ་ཆེན་པོ་རེད། གནས་ཚུལ་དེ་དག་བཞག་ཐུབ་པར་བརྟེན་ནས་བོད་དོན་ཐོག་གླེང་སློང་བྱས་པ་རེད། དེར་བརྟེན། བོད་དོན་རྒྱལ་སྤྱིའི་ཐོག་གླེང་སློག་བྱེད་རྒྱུ་གལ་ཆེན་པོ་རེད་ཅེས་དྭགས་པོ་བསོད་ནམ་ནོར་བུ་ལགས་ཀྱི་གསུངས་སོང་།

༢༠༡༩ལོའི་ཟླ་༡ཚེས་༢༡ཉིན། རྒྱ་ནག་གཞུང་གིས་སྤེལ་བའི་གསལ་བསྒྲགས་ཤིག་གི་ནང་དུ། ༢༠༡༨ལོའི་ནང་དུ་རྒྱ་ནག་གི་དཔལ་འབྱོར་ཡར་རྒྱས་ཀྱི་ཚད་ནི་བརྒྱ་ཆའི༦.༦་ཡིན་འདུག་པ་དང་། དེ་ནི་༡༩༩༠ལོ་ནས་བཟུང་དཔལ་འབྱོར་ཡར་རྒྱས་ཀྱི་ཚད་དམའ་ཤོས་དེ་སླེབས་ཡོད་འདུག

༢༠༡༩ལོའི་ཟླ༡་ཚེས་༡༧ཉིན། ཐེ་ཝན་གྱིས་རྒྱ་ནག་གི་ཉེན་བརྡ་དང་འཇིགས་སྐུལ་ལ་མགོ་མི་སྒུར་བ་དང་རྒྱལ་སྤྱིའི་ཚོགས་པ་ཁག་གིས་རྒྱབ་སྐྱོར་བྱེད་པའི་རེ་འབོད་ཞུ་བཞིན་འདུག གཞན་ཡང་རྒྱ་ནག་སྲིད་འཛིན་གྱིས་ཐེ་ཝན་ལ་དམག་རྒྱག་སྲིད་པའི་འཇིགས་སྐུལ་བྱས་རྗེས། ཐེ་ཝན་གྱིས་གཟའ་ལྷག་པ་ཉིན་ཐེ་ཝན་ཤར་ཕྱོགས་ཀྱི་མཚོ་ཁ་ཞིག་ཏུ་དམག་ཆས་དངོས་སུ་བེད་སྤྱོད་བཏང་ནས་དམག་སྦྱོང་བྱེད་བཞིན་ཡོད་པའི་གནས་ཚུལ་ཐོན་འདུག

༢༠༡༩ལོའི་ཟླ་༡ཚེས༡༥ཉིན། རྒྱ་ནག་གཞུང་གིས་རྒྱལ་ཁབ་སུས་ཐེ་ཝན་དེ་རྒྱ་ནག་ནས་ཁ་བྲལ་གཏོང་ཐབས་བྱས་པ་ཡིན་ན། ཐེ་ཝན་ལ་སྲུང་སྐྱོབ་དང་། རྒྱ་ནག་གི་བདག་དབང་དང་གཅིག་སྒྲིལ་བཅས་ལ་སྲུང་སྐྱོབ་བྱེད་ཆེད། རྒྱ་དམག་གིས་རྒོལ་ལན་སློག་ངེས་པ་དང་དམག་འཐབ་ཅི་ཡང་བེད་སྤྱོད་བྱེད་སྲིད་པའི་ཉེན་བརྡ་བཏང་ཡོད་འདུག

༢༠༡༨ལོའི་ཟླ་༡༢ཚེས་༢༧ཉིན། རྒྱ་གར་སྲིད་བློན་མོ་ཏེ་མཆོག་བྷེ་ཇི་པེ་སྲིད་གཞུང་ཧི་མ་ཅལ་མངའ་སྡེའི་ནང་སྲིད་དབང་བཟུང་ནས་ལོ་ངོ་གཅིག་འཁོར་བའི་དུས་དྲན་མཛད་སྒོ་སྲུང་བརྩི་བྱེད་པའི་ཆེད་དུ་རྡ་རམ་ས་ལར་ཕེབས་ཡོད་འདུག ཡིན་ནའང་།བྷེ་ཇི་པེ་ཡི་ཁ་གཏད་ཚོགས་པ་ཀོང་གྷི་རེ་སུ་ཡིས་དུས་དྲན་མཛད་སྒོ་དེ་ནི་འཇོན་མེད་ཀྱི་ཉིན་མོ་ཞེས་སྲུང་བརྩི་བྱས་ནས། བྷེ་ཇི་པེ་སྲིད་གཞུང་གིས་ཧི་མ་ཅལ་ནང་ཉམས་རྒུད་དང་ཕན་ཐོགས་བྱུང་མེད་པའི་ཡིག་ཆ་ཁག་ཅིག་སྤེལ་ཡོད་འདུག

༢༠༡༨ལོའི་ཟླ་༡༡ཚེས་༢༠ཉིན། ཨ་རི་ལ་སྐྱབས་བཅོལ་དུ་སོང་ཡོད་པའི་རྒྱ་ནག་གི་ཕྱུག་བདག་ཀོ་ཝུན་ཀོའུ་(郭文贵)ཡིས་ནེའུ་ཡོག་ནས་གསར་འགོད་གསར་བསྒྲགས་ཤིག་སྤེལ་ཞིང་། དེའི་ཐོག་ཏུ་ཨ་རིའི་ཕོ་བྲང་དཀར་པོའི་སྲིད་འཛིན་སློབ་སྟོན་པ་བྷན་ནོན་ཡང་གདན་འདྲེན་ཞུས་འདུག་ཅིང་། བྷན་ནོན་གྱིས་སྐབས་དེར། རྒྱ་ནག་ནང་དུ་མི་མང་སྟོང་ཕྲག་མང་པོ་ཤི་རྐྱེན་ཐེབས་ཀྱི་ཡོད་ཀྱང་། དེ་དག་ཚང་མ་ལྕེབས་པ་དང་། ཡང་ན་ཁྲིམས་ཆད་ཡིན་པར་བཤད་ཀྱིན་འདུག དེར་བརྟེན། མི་དེ་འདྲ་མང་པོ་ཞིག་གི་ཤི་རྐྱེན་གྱི་དོན་དངོས་རང་བཞིན་དེ་འཛམ་གླིང་ཡོངས་ལ་ཤེས་སུ་འཇུག་དགོས་ཀྱི་འདུག ཅེས་བརྗོད་འདུག

རྒྱ་ནག་གི་ཚན་རིག་པས་༢༠༢༠ལོའི་ནང་དུ་ནམ་མཁའ་ལ་མིས་བཟོས་ཟླ་བ་ཞིག་གཏོང་འཆར་ཡོད་པའི་སྐོར་ལ་གསར་འགྱུར་ཐོན་ཡོད་པ་དང་། དེ་ཡང་ཉེ་ཆར་རྒྱ་ནག་གི་ཚན་རིག་པས་བརྗོད་གསལ་ལྟར་ན། རྒྱ་ནག་སི་ཁྲོན་ཁྲིན་ཏུའི་ནམ་མཁའ་ལ་མཚན་མོར་འོད་ལྷང་ལྷང་ཤར་བའི་མིས་བཟོས་ཟླ་བ་ཞིག་༢༠༢༠་ལོ་ལ་གཏོང་ཐུབ་པའི་འཆར་གཞི་ཡོད་སྐོར་བཀོད་འདུག

གླ་ཡོད་གསལ་བསྒྲགས་ཀྱི་མ་དཔེ།
གླ་ཡོད་གསལ་བསྒྲགས།

བཅར་འདྲི།