20
Sat, Jul

གལ་ཆེན་གསར་འགྱུར་གཞན།

Grid List

༢༠༡༩ལོའི་ཟླ་༧་ཚེས་༣་ཉིན། འཛམ་གླིང་སྤྱི་ཡོངས་ནས་གནས་གཤིས་ཀྱི་ཚ་དྲོད་འཕེལ་བཞིན་ཡོད་ཅིང་། ཁྱད་པར་དུ་མཐོ་སྒང་གི་བོད་ལའང་ཚ་དྲོད་འཕེལ་བའི་རྣམ་པ་ཤུགས་ཆེན་འབྱུང་གི་ཡོད། དེ་ཡང་བོད་མཐོ་སྒང་དུ་ཆགས་པའི་འཁྱགས་རོམ་བཞུར་བཞིན་ཡོད་པར་ཚན་རིག་པས་བརྟག་དཔྱད་བྱས་ནས་ར་སྤྲོད་བྱས་ཡོད་འདུག

༢༠༡༩ལོའི་ཟླ་༦་ཚེས་༢༧་ཉིན་སྤེལ། ནག་ཆུ་ནས་ཡིན་པའི་ཆབ་སྲིད་བཙོན་ཟུར་ངག་དབང་རྒྱལ་མཚན་ལགས་ལོ་གསུམ་གྱི་བཙོན་འཇུག་དུས་ཡུན་རྫོགས་ནས་། འདི་ལོའི་ཟླ་༣་པའི་ཚེས་༧་ཉིན་ལ་བཙོན་ནས་གློད་གྲོལ་བཏང་ཡོད་འདུག་པ་དང་། ཁོང་གི་གཟུགས་གཞིའི་གནས་སྟངས་སོགས་ཀྱི་སྐོར་གང་ཡང་ཤེས་རྟོགས་བྱུང་མི་འདུག

༢༠༡༩ལོའི་ཟླ་༦་ཚེས་༢༠་ཉིན་སྤེལ། རྒྱ་གཞུང་གིས་བོད་ནང་དུ་ས་ག་ཟླ་བའི་དུས་དང་བསྟུན་ནས་ནག་སེལ་གཤེད་འཇོམས་ཟེར་བའི་ལས་འགུལ་ཞིག་སྤེལ་བཞིན་ཡོད་པ་དང་། རྒྱལ་ས་ལྷ་ས་གཙོ་བོར་གྱུར་པའི་བོད་ཀྱི་ས་ཁུལ་ཁག་གི་ནང་དམ་དྲག་ཤུགས་ཆེན་བྱས་ཡོད་པར་མ་ཟད། སྐད་འཕྲིན་སོགས་སྤྱི་ཚོགས་དྲྭ་རྒྱ་ལའང་སྔར་ལས་ལྷག་པས་དམ་དྲག་གིས་ལྟ་སྲུང་ནན་པོར་བྱེད་བཞིན་ཡོད་འདུག

༢༠༡༩ལོའི་ཟླ་༧་ཚེས་༡༩་ཉིན་སྤེལ། ༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཡུ་རོབ་སྤྱི་མཐུན་ཚོགས་པའི་འཛིན་སྐྱོང་ལྷན་ཁང་གི་ཚོགས་གཙོ་གསར་པ་ཝ་སུ་ལ་ཝེ་ཌེར་ལེ་ཡེན་ལགས་ལ་འཚམས་འཕྲིན་ཅིག་སྐུར་གནང་མཛད་ཡོད་ཅིང་། དེའི་ནང་སྐུ་ཉིད་ནི་ཡུ་རོབ་སྤྱི་མཐུན་ལྷན་ཚོགས་ཀྱི་བུད་མེད་ཚོགས་གཙོ་ཆེས་ཐོག་མ་ཡིན་སྟབས། ངོས་ཀྱིས་དམིགས་བསལ་འཚམས་འདྲི་ཞུ་རྒྱུ་དང་། ལྷག་པར་འཛམ་གླིང་དབུ་ཁྲིད་ཁྲོད་བུད་མེད་མང་ཙམ་ཕེབས་ཐུབ་ཚེ། འཛམ་གླིང་ཞི་བདེ་ལྡན་པ་ཞིག་དང་བསམ་ཤེས་སྔར་ལས་ཆེ་བ་ཞིག་ཡོང་རྒྱུ་ཡིན་པར་ངོས་ལ་ཡིད་ཆེས་བརྟན་པོ་ཡོད། ཅེས་འཁོད་འདུག

༢༠༡༩ལོའི་ཟླ་༧་ཚེས་༡༢་ཉིན། རྒྱལ་གཅེས་དཔའ་བོ་སྤྲུལ་སྐུ་བསྟན་འཛིན་བདེ་ལེགས་ཐུབ་བསྟན་ཆོས་ཀྱི་ཉི་མ་རིན་པོ་ཆེ་མཆོག་རྒྱ་གཞུང་གིས་ཉེས་མེད་བཙོན་འཇུག་འོག་སྐུ་བཀྲོངས་ནས་ལོ་ངོ་ཧྲིལ་བོ་བཞི་འཁོར་བའི་ཉིན་མོ་དང་བསྟུན། རིན་པོ་ཆེའི་ཞབས་ཞུ་ཚོགས་པས་ཉིན་འདིར་ཁོང་ལ་ཐུགས་དགོངས་ཅི་མངའ་ལྟར། བོད་མིའི་རྒས་གསོ་ཁང་དང་། སློབ་ཕྲུག དེ་བཞིན་དབང་པོ་སྐྱོན་ཅན་བཅས་ལ་ཕན་པའི་ལས་དོན་སྒྲུབ་བཞིན་ཡོད་འདུག

༢༠༡༩ལོའི་ཟླ་༧་ཚེས་༡༡་ཉིན། རྒྱ་གར་ལྷོ་ཕྱོགས་སུ་ཆགས་པའི་གདན་ས་གསུམ་གྱི་ཡ་གྱལ་འབྲས་སྤུངས་སྒོ་མང་ཝ་ཤུལ་མི་ཚན་དུ། སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་ཞབས་ཞུ་ཚོགས་པས་གོ་སྒྲིག་འོག འབྲས་སྤུངས་བློ་གསལ་གླིང་དང་། དགའ་ལྡན་བྱང་རྩེ་ནས་རིན་པོ་ཆེའི་སློབ་མ་ཡིན་པ་དགེ་བཤེས། གྲྭ་བཙུན། སློབ་ཕྲུག་བཅས་ནས་རིན་པོ་ཆེ་མཆོག་རྒྱ་གཞུང་གིས་སྐུ་བཀྲོངས་ནས་མི་ལོ་ཧྲིལ་བོ་བཞི་འཁོར་བའི་དུས་དྲན་འདས་མཆོད་ཚོགས་འདུག

༢༠༡༩ལོའི་ཟླ་༧་ཚེས་༡༧་ཉིན། ཨ་རིའི་ཕོ་བྲང་དཀར་པོའི་ནང་བོད་པའི་སྐུ་ཚབ་ལི་ཐང་མཆོག་སྤྲུལ་བསྟན་འཛིན་བདེ་ལེགས་རིན་པོ་ཆེ་དམ་པ་དེའི་ཚ་མོ་ཉི་མ་ལྷ་མོ་ལགས་ཨ་རིའི་སྲིད་འཛིན་ཌོ་ནཱལ་ཏྲམ་མཆོག་(Donald Trump)དང་མཇལ་འཕྲད་བྱས་ཡོད་ཅིང་། སྐབས་དེར། ཁོ་མོས་༧གོང་ས་མཆོག་བོད་དུ་ཕྱིར་ཕེབས་ཐུབ་ཐབས་དང་བོད་དོན་ཐོག་ཨ་རིའི་གཞུང་གིས་མུ་མཐུད་ནས་རྒྱབ་སྐྱོར་བྱེད་པར་ཚོར་བ་ཆེན་པོས་རེ་འབོད་ཞུས་འདུག

༢༠༡༩ལོའི་ཟླ་༧་ཚེས་༡༦་ཉིན། ཡུ་རོབ་སྤྱི་མཐུན་ཚོགས་པའི་འཛིན་སྐྱོང་ལྷན་ཁང་གི་ཚོགས་གཙོ་གསར་པ་ཝ་སུ་ལ་ཝེ་ཌེར་ལེ་ཡེན་ལགས་བདམས་ཡོད་པ་དང་། ཁོ་མོ་ནི་ལྷན་ཁང་དེའི་ཚོགས་གཙོ་བུད་མེད་ཐོག་མ་དེ་ཆགས་ནས་ལོ་རྒྱུས་གསར་པ་ཞིག་བཞག་ཡོད་འདུག ཁོ་མོས་མ་འོངས་པར་མཐུན་སྒྲིལ་དང་སྟོབས་ཤུགས་ཅན་གྱི་ཡུ་རོབ་ཅིག་བསྐྲུན་རྒྱུ་དང་། གནམ་གཤིས་འགྱུར་ལྡོག ཕོ་མོ་འདྲ་མཉམ་སོགས་ཀྱི་ཐོག་ལས་ཀ་བྱ་རྒྱུ་ཡིན་པར་བརྗོད་འདུག

༢༠༡༩ལོའི་ཟླ་༧་ཚེས་༡༥་ཉིན། རྒྱལ་སྤྱི་བརྒྱུད་ལམ་ཁག་ནས་གནས་ཚུལ་སྤེལ་བར་ལྟར་ན། ལྷོ་ཨེ་ཤེ་ཡའི་རྒྱལ་ཁབ་བལ་ཡུལ་དང་། རྒྱ་གར། བྷན་ལ་བྷེ་ཤེ་སོགས་ལ་ཆར་ཆུ་རྐྱེན་པས་ཆུ་ལོག་རྒྱུགས་ནས། མི་མང་གི་སྡོད་ཁང་མང་པོ་ཞིག་ལ་གཏོར་བཤིག་བཏང་ཡོད་པ་མ་ཟད། དེའི་ཁྲོད་རྒྱ་གར་དང་བལ་ཡུལ་བསྡོམས་པའི་ཁྱོན་མི་༩༠་ཙམ་ཚེ་སྲོག་ཤོར་ཡོད་ཅིང་། མི་ས་ཡ་གཅིག་ཙམ་གནས་སྤོ་བྱས་དགོས་བྱུང་ཡོད་འདུག

༢༠༡༩ལོའི་ཟླ་༥པའི་ཚེས་༡༥ཉིན་སྤེལ། དེ་རིང་རྒྱལ་སྤྱིའི་གསར་ལམ་དུ་གནས་ཚུལ་སྤེལ་བ་ལྟར་ན། རྒྱ་ནག་ཧོ་པེ་ཞིང་ཆེན་ནས་ན་ནིང་སྤྱི་ཟླ་བཅུ་གཉིས་ནས་བཟུང་སྟེ་ཡ་མཚར་བའི་ནད་དུག་ཅིག་གི་རྐྱེན་པས། ཕག་པ་མང་པོ་ཞིག་ཤི་མགོ་བརྩམས་ཡོད་ཅིང་། ད་ལྟའི་བར་དུ་ཕག་གསོ་ཁང་གཅིག་ནས་ཕག་པ་ཁྲི་གཉིས་ཤི་ཡོད་འདུག ཕག་ནད་ཀྱི་ནད་དུག་དེ་ནི་ཕག་ཤ་ནས་ཀྱང་ཟླ་ཤས་སུ་གནས་ཐུབ་ཀྱི་ཡོད་ཅིང་། དེར་བརྟེན་ནས་ནད་ཡམས་དེ་སྔར་ལས་ཀྱང་ལས་སླ་བོར་འགོས་ཁྱབ་ཏུ་འགྲོ་བཞིན་ཡོད་འདུག རྒྱ་ནག་ནི་ཕག་ཤ་ཟ་མཁན་མང་ཤོས་ཀྱི་རྒྱལ་ཁབ་ཅིག་ཡིན་པ་དང་། ཕག་ནད་དེའི་དབང་གིས་རྒྱ་ནག་གི་ཕག་གསོ་ཁང་མང་པོ་ཞིག་སྒོ་རྒྱག་དགོས་ཁེལ་གྱི་ཡོད་སྟབས། དཔལ་འབྱོར་གྱི་ཐད་ནས་ཀྱང་གྱོང་གུད་ཐེབས་ཀྱི་ཡོད་འདུག

༢༠༡༩ལོའི་ཟླ་༢ཚེས་༡༡ཉིན་སྤེལ། རྒྱ་གར་གཞུང་གིས་རྒྱ་གར་མངའ་སྡེ་ཇསྨུ་ཀ་ཤྨིར་ནང་གི་ལ་དྭགས་ལ་ཞིང་ཆེན་གྱི་ཚད་སྩལ་ཡོད་པ་དང་། ལ་དྭགས་གཞུང་མང་གཉིས་ནས་རྒྱ་གར་ད་ལྟའི་སྲིད་དབང་འཛིན་བཞིན་པའི་ཨེན་ཌི་ཨེ(NDA)གཞུང་ལ་ཐུགས་རྗེ་ཆེ་ཞུས་ཡོད་པ་དང། ལ་དྭགས་ལ་ཞིང་ཆེན་གྱི་ཚད་སྩལ་གནང་བ་དེས་ལ་དྭགས་གཞུང་མང་ལ་ཆབ་སྲིད་དང་ཡར་རྒྱས་གཏོང་ཕྱོགས་སོགས་ལ་ཕན་ཐོགས་ཡོད་སྐོར་བཀོད་འདུག

༢༠༡༨ལོའི་ཟླ་༡༢ཚེས་༢༧ཉིན། རྒྱ་གར་སྲིད་བློན་མོ་ཏེ་མཆོག་བྷེ་ཇི་པེ་སྲིད་གཞུང་ཧི་མ་ཅལ་མངའ་སྡེའི་ནང་སྲིད་དབང་བཟུང་ནས་ལོ་ངོ་གཅིག་འཁོར་བའི་དུས་དྲན་མཛད་སྒོ་སྲུང་བརྩི་བྱེད་པའི་ཆེད་དུ་རྡ་རམ་ས་ལར་ཕེབས་ཡོད་འདུག ཡིན་ནའང་།བྷེ་ཇི་པེ་ཡི་ཁ་གཏད་ཚོགས་པ་ཀོང་གྷི་རེ་སུ་ཡིས་དུས་དྲན་མཛད་སྒོ་དེ་ནི་འཇོན་མེད་ཀྱི་ཉིན་མོ་ཞེས་སྲུང་བརྩི་བྱས་ནས། བྷེ་ཇི་པེ་སྲིད་གཞུང་གིས་ཧི་མ་ཅལ་ནང་ཉམས་རྒུད་དང་ཕན་ཐོགས་བྱུང་མེད་པའི་ཡིག་ཆ་ཁག་ཅིག་སྤེལ་ཡོད་འདུག

གླ་ཡོད་གསལ་བསྒྲགས་ཀྱི་མ་དཔེ།
གླ་ཡོད་གསལ་བསྒྲགས།

བཅར་འདྲི།