འཕྲོད་བསྟེན་སྡེ་ཚན་གྱིས་བཏོན་པའི་ཞིབ་འཇུག་འབྲས་བུའི་སྙན་ཐོ་ནང་དུ། ཉིན་རེར་སྣུམ་སྲེག་བྱ་ཤའི་རིགས་ཟོས་ན་བརྒྱ་ཆ་༡༣ལྷག་སྲོག་ལ་ཉེན་ཁ་ཆེ་བ་ཡོད་པར་བཀོད་འདུག

སྤྱིར་འགྲོ་བ་མིའི་རིགས་སུ་གྱུར་བ་གང་དང་གང་ཡིན་རུང་ཚང་མ་ཟས་སྐོལ་གཡོས་སྤྱོར་ལ་བརྟེན་ནས་འཚོ་གནས་བྱེད་དགོས་ལ།མིའི་འགྲོ་བ་དེ་ལོ་རྒྱུས་ཀྱི་ཆུ་རྒྱུན་རིང་མོའི་ཁྲོད་རིམ་གྱིས་འཕེལ་རྒྱས་སོང་བ་དང་། བསྟུན་ནས་བཟའ་བཅའི་རྣམ་པ་ལའང་འགྱུར་ལྡོག་མང་པོ་བྱུང་ཡོད།

སྔ་དེང་བོད་ཀྱི་ཐོན་ཁུངས་ཚལ་རིགས་དང་བོད་ཟས་སྦྱོར་སྡེབ་ཐད་ཁ་གསལ་ཡིག་ཆ་དང་། དཔེ་དེབ། འགྲེལ་བཤད། པར་རིས་སོགས་གང་ཡང་མེད་རྐྱེན་དེང་དུས་བོད་རིགས་གཞོན་ནུ་མི་ཉུང་བ་ཞིག་དང་མི་རིགས་གཞན་གྱི་བློ་མཐུན་མང་པོ་ཞིག་གིས་བོད་ཟས་ཞེས་པ་དེར་ལོ་རྒྱུས་རང་བཞིན་མི་ལྡན་པ་ཡོད།